食放題預咗蟹好細隻，果然唔夠4兩，但啲膏還好。有4個煮法，只有清蒸夠熱。入咗單嘅都有嚟齊，單純討論蟹，算滿意。任食片皮鴨質素正常。套餐包嘅蟹粉瀑布好稀，成碗夾埋1/5隻蟹都未必有… 好搵笨。有1/3小食放buffet枱自己拎，枱面冇嘅，就要入點心紙叫。成晚入咗3張點心紙咁大把，但點心總共6樣只係咗嚟1樣，其餘5樣都要問職員先拎出嚟，但熱食冇樣嘢係熱。環境麻麻，廁所又舊又污糟。埋單連加一每人$572，真心唔值。…查看更多
以上食評乃用戶個人意見 , 並不代表OpenRice之觀點。
1
用餐日期
2025-10-23
用餐途徑
堂食
人均消費
$572 (晚餐)
講返食物本身，熱狗包同腸仔不嬲都係好食，薯餅夠脆但偏細塊。牛油粟米好夠熱，有成3/4個紙杯，份量充足，沒有好多倒汗水，冇焗到好淋，但唯一缺點是冇乜牛油味。凍汽水就咁放紙袋，紙袋都整濕晒，穿洞了。食過其他分店冇咁多問題架，係長沙灣呢間真係比較差。
