寶琪的個人專頁

中海日升近年執吓又一間執吓又一間，一樓變咗死場咁，偏偏喺角落頭位開咗間毫不起眼嘅小舖仔。見到menu選擇不多，但有心儀嘅南瓜雞粥，就即刻買來試試。負責人應該係兩公婆（有啲年紀嘅），標榜唔落味精同自家製，呢點真係好吸引到喺觀塘食開味精外賣嘅我，應該會不斷幫襯～食物：南瓜雞粥$15，夠綿好食，一碗份量適合細胃口女士，大食量嘅人要加份炒麵先夠加$10要桑寄生蓮子茶一大支，真係自家煲，甜度適中算是觀塘的hidden gem吧！…查看更多

睇「香港人的飲食購物天地fb」網友介紹，有一間高質素黃店！用咗0分鐘排隊，懇請香港人大大力懲罰佢地啦，唔洗排隊，有無搞錯呀！說好的懲罰呢？點解貢茶/koi大排長龍？太邪惡啦，點解可以咁好飲架，肥死都抵！叫咗杯芒果芝芝，非常有驚喜，奶蓋香滑，少少咸香，居然勁重奶味aftertaste, 唔係誇張，我敢話全個旺角最好飲！一定係！芒果沙冰居然無落過一粒冰呀大佬，咁用咩做架？芒果汁雪冰再打碎囉，你地真係要試下，無可能感受唔到佢地真材實料既誠意！總結，如果喜茶要等半個鐘先有得飲，呢間皇茶我願意企3個鐘黎等！認真！…查看更多

老闆話今時今日有得發聲就好發聲啦——我地食第一輪，坐咗9成滿，老闆好識做，即刻播《香港國歌》，再播《肥媽有話兒》，全體食客都會跟住唱！再齊心叫口號，飯前不忘一齊為香港吶喊！講下食物蠔仔奶奶雞配菜及冬粉超入味，細隻蠔肉蠔味新鮮突出雞件份量正常，但比較鞋口豚王生菜包自己剪細件，配上韓醬，生蒜片，薑蓉，泡菜，辣椒絲一齊食，超正！士多啤梨米酒兩人一瓶剛好，影入口！不錯祝繼續晚晚爆場，香港人繼續大大力懲罰黃店！…查看更多