Wilma Shum的個人專頁

見新店開張,便去試吓,接近200元一位,但d食物好普通,飲品選擇又少,有少少熟食嘅都算好味,但款式唔多,坐得又迫,等位仲要係室外無冷氣,去廁所仲遠,要兜一大個圈上商場一楼,以咁嘅價錢,坐幾個站地鐵出旺角食大把好過佢嘅選擇,何必去佢度食？…查看更多

地點在佐敦地鐵站側,楼梯上去繞過管理處到閣樓,環境幽靜優雅衛生,食具及杯全部即棄,有猫店長陪伴進餐,食物質數高,味道好,漢堡包有多款選擇,另有飯及意粉,沙律小食可選,價錢合理,設最低消費每人$50…查看更多

完全無抱期望去試食,點知極大驚喜,滷水三拼阿媽細佬食到舐舐脷,老人家嫌鵝腸韌,改了大墨魚,超好食,勁推介蠔仔粥足料,最好加了方魚塊吊味,大大碗好滿足午餐較少人,晚餐最好訂位…查看更多

發現這間餐廳是因為去八月花飲茶要等位，帶住老人家，所以就求其入一間唔使等的。媽媽初初很抗拒吃西餐，但吃完卻讚不绝口，尤其是佢嘅蘑菇湯更是佢嘅至愛，配上外脆內軟的餐包及灑上钣素的牛油，簡單又好好味。由於我是素食者，餐廳特別為我將主菜改成磨菇雙花意大利飯，真係懂得變通及貼心。主菜份量亦唔细，熱餐茶更是選擇多多，而凍茶亦非常大杯，一定飲唔晒總体而言，这間餐廳價格唔平，但食物質數高，服務亦貼心，是今客人覺得物有所值的。…查看更多

素年當年在深水埗一開店已經幫襯，今次發現它在黃埔站也開了，鄰近地鐵站更容易去到，而且舖面較多座位，所以也坐得比較舒服。食物飲料選擇也較多，不過大部分為煎炸食品，味道都非常好，吃了鹽酥雞及金邊粉，飲品推介芫茜青檸梳打，有特色又好飲。…查看更多

本人係一位素食者，素食自助餐吃過無數間，好多食物都係大路貨，唔係沙律，pizza，壽司，炸物，一d熱盆再加飯麵搞埋一堆，重量不重質在open rice知道油麻地新開咗呢間素食，無太大期望只見就腳就去试吓，去到見舖面唔大又要搭檯，心裹打定咗輸数，反正來咗就姑且一试吧!點知一試難忘，菜式唔算多，但款款都好好味而且有特色，凍盆有東北大拉皮，凍蕃茄唔係加麻醬，而係加入黑蜜糖，又有麻辣木耳菇絲，麻醬手拍青瓜，隔離嘅炸物更加不得了，又香又酥，有茶樹菇，金菇，南瓜，蕃薯天婦羅，秘訣在炸嘅油係用山茶花油，怪不得令我食到唔停口再看熱盤，竟然有好難吃到和買到嘅花生芽，而其他看似普通嘅菜式例如番茄炒蛋，原來內裹加咗千島醬汁，三色蒸蛋滑到不能形容，加埋黑松露，味道好到拎十分，干燒伊麵都有黑松露，红燒豆腐又好滑淨，至於咕嚕類，有時係合桃，又有時係山药或菠蘿，看你的彩數啦! 北京炸醬麵一定要食番兩個，個醬係北京專程訂㗎至於生果，選擇不多，只有西瓜菠蘿或火龍果，老细喺係油麻地果欄訂㗎，西瓜係8424，起晒沙又甜過糖水，菠蘿係新鮮砌，都好鬼甜，甜品推介焦糖燉蛋，老细親身整嘅，其他選擇有雪燕燉奶，桂圓桃膠或者百合桃膠，不過味道就較一般。最后建議飲多幾碗湯好過飲其他飲品，非常足料好味，有牛蒡，姬松茸同牛肝菌㷛嘅! …查看更多

偶然發現這間位於深水埗能仁書院后面醫局街上的四川素食店，店內面積不大，但坐得也挻舒適。點了辣子雞，用鼎上有特色，另外吃了香辣薯饼，四川擔擔麵，另外青菜點了豆苗，老闆推介加些腩肉片。全部味道好好，而且辣度可選小辣，對於只可吃BB辣的我來說也可以完全接受到。店內還免茶免加一及敬送健康湯。值得留意是餸菜份量是巨型size,連送的湯也是，所以預咗是要打包的…查看更多

朋友介紹這餐廳，因為佐敦已經很多素食食肆，所以不會抱太大期望，不過吃完覺得好好食，忍唔住一星期又再去食過。門口有齋鹵味及點心外賣，仲有迷你bb芋頭魚賣。堂食送中湯，糖水及糕點，试過口水雞，泰式海鲜炒河，芥菜黑胡椒湯水餃，微辣程度連唔吃辣的我也可接受，全部好好食，值得一试。環境算清靜及坐得舒適，同朋友吹水食飯好適合。…查看更多