小 丁的個人專頁

今日有早餐聚餐,要預早安排40人既份量o 係openrice search 左幾間未食過既粥店,比較價錢同takeaway service下揀左呢間,估唔到有驚喜!我估送takeaway 既係老闆,其實我地只係order左好簡單既野,包括白粥,齋腸同油器,但係真係做得很好o 我地有個長輩同我講, "自己屋企煮唔到呢d粥",而其實每碗只係HK$5. 另外齋腸係新鮮一早拉,份量夠同好味.order甘清淡既野,冇諗過都做得咁好,價錢超值,服務亦好,特此寫此食評多謝此店老闆! : )…查看更多

早幾日放假睇完食評後已經想去試,但訂位爆滿.今日早左放工,walk-in有bar檯.前幾日先食完橋底辣蟹,心思思想試'泰霸道", 估唔到男友極贊成,便叫了這味得獎菜試試.order完後,他們很快換左長檯俾我地,碟蟹一到,果然很大碟.呢碟蟹很適合懶人或貪乾淨既人,因為全部蟹肉己起出,旁邊有米通等撈咖喱汁食.怕肥的我,真有d豁出去,因汁邊見到油,而d肉是完全混入汁中.不過這菜值得一試,比我上次在曼谷建興食類似煮法更好味.平時多去某大集團於時代廣場分店食泰菜,睇水牌,呢間款式都幾有新意.雖然今次仲試左"騎呢泰式抄面",即以茄子,青瓜,菜抄公仔面有d無啖好食(因面比較小),但見其他檯order的款式很吸引,會再黎試其他野…查看更多

上週末約６點,慕名過海特別黎試食拉麵. 我都幾鍾意食拉麵,早前去日本,差唔多日日都有食.入門口見到日本人師傅同日文報紙,心底帶點期望.立即想起在IFC對外個名差唔多既拉麵店,回想那兒sell日本入口用料,很想食返個種風味.同男朋友叫了2人餐,分別試了招牌牛油拉麵及蟹鉗拉麵.一食,是失望的,回想是帶有'簡'味及'溜'的感覺.麵的份量很夠,但湯底及麵真頗遜色,吃到一半,係下意識咁去完成.稍安慰的是,蟹鉗size比想像正常,價錢亦合理.但我倆將此店'納'入band list除IFC那間外,我比較推介Sogo地底拉麵店,間中就會去一次…查看更多

前日係母親既生日,佢向來鐘意食中菜,全家十人來到太上食晚飯慶祝。阿媽慣左日日煲湯,原本唸住嗌例湯試下,見到泰翅每細煲只係70蚊到,就叫左幾個試下。每個煲都夠2人份量,翅既比例亦比想像多好多,加埋叫左無骨泰式鳳爪及薑醋,酸酸地既前菜好開胃。見門口貼左d瀨尿蝦等海鮮相,便叫了幾款試下。瀨尿蝦值得推介,我地有d鐘意野味,有d鐘意清淡,老闆推介分開椒鹽及油鹽水粉絲咁煮,果然各有風味。個人鐘意食蟹,於是叫左寵仔糯米蟹, d蟹有羔,而且蟹既香味蒸完後滲入d糯米飯度,都幾入味而且飽肚。我媽咪鐘意食魚,碟清蒸石班亦蒸得剛好而且新鮮。另外亦叫左幾碟小菜,其中糖醋豬軟骨很值得一提。喜出望外既係,可能我地帶左蛋糕黎切,很細心的我地有免費壽飽食,而且壽飽份量不太大,熱熱的,再送埋糖水,呢餐生日飯真係好滿足。下次可以試下大閘蟹。…查看更多