babu2121的個人專頁

至上年12月去完台灣 就無再食過台式麻辣火鍋個心一直心思思 好想食翻台灣麻辣既味道啲大牌子勁full booking 睇食評又一般所以一直無食到最近朋友大力推薦呢一間約左6個朋友去食 因為同朋友慶祝生日 所以問左佢有無房間安排 竟然有！即刻BOOK去到我地就大嗌特嗌 實在太耐無食台式火鍋個湯底一到 個侍應哥哥即刻叫我地快啲飲啲湯 一個花膠雞湯 另一個麻辣鴨血湯 兩個都係可以當湯飲 因為佢地每日都係新鮮煲真心 超好飲 尤其係個花膠雞湯 我地全部狂飲飲到無哂個湯底 （之後佢地再添就係普通湯底嚕～）個麻辣鴨血湯都好飲 藥材味勁濃郁 佢啲鴨血係勁q勁香！超推介！可惜無得任添加 不過聽侍應哥哥講佢地啲鴨血係搭過飛機 台灣空運過黎 每日售罄即止 (我地之後想encall都無哂嗚嗚)所以建議大家要多叫兩份之後黎左兩個萬聖節麻神回歸夜套餐有海鮮 有手切牛肉豬肉 手工面 菜籃全部都大大份 勁新鮮 特別係個海鮮拼盤： 鮑魚，帶子，青口，大蜆 全部都大大隻 超新鮮我地之後再追加左 手切牛肩脊 食神瀨尿醬爆牛丸 新鮮牛胸爽 台式冰巢豆腐 萵筍 響玲6個女仔真係嗌左好多呢間真係食材好 湯底濃 會一直好想食加上呢到啲服務好好 佢地會一直幫你加湯同收走食完即碟 呢間有心台式火鍋店 絕對值得我推薦比大家！…查看更多

論性價比 lunch omakase一定最高omakase晚市係午餐既3倍雖然平時都唔太捨得350蚊食lunch 適逢生日大日子 容許自己享受一下高級午餐志 一直都有book mark住入面裝潢好舒服 司傅都好nice好好人Book左bar枱 叫左13件350蚊set (第13件可以自選) 先來一個頭盤蒸蛋 好滑好食之後壽司就由廚司發辦一件件上枱因為第13件自選 所以一路盤算住第13件食邊件好 每一件都好新鮮 好好食 最後我encall左劍魚腩 好香口 男朋友就encall左口魚手卷 (其實都係on my list) 食完第十三件仲想繼續食不過飲埋會湯 食埋個甜品 就開始有啲飽意 係香港食過2次lunch omakase 志 我係覺得推薦！…查看更多

呢間店隱身係旺角通菜街 油麻地站同旺角站過嚟都應該差唔多行6-8分鐘左右未到7點上到去 已經有3/4枱客比起香港常見的韓國餐廳modern的裝修店內的燈光佈置更有種韓國小店的感覺同朋友2個都係芝士魔人 原本點左138既壽司 芝士卷蛋同芝士雞仼食 不過店員話宜家可以加20任食炸雞同飲品買一送一當然就要埋啦🤣1.前菜有人可揀2款 每一份小菜量唔大味道好好 特別泡菜唔會太辣太酸2.芝士雞雞件唔係炸或者烤 應該係炒過既芝士佈滿成個鐵板 上面有啲炒過雞既醬汁店員有提醒撈下先 雞汁混合芝士相當惹味芝士拉絲力極強 3.芝士紫菜蛋卷上枱賣相普通 但食落有滿滿芝士中間的紫菜令蛋卷口感更豐富4.炸雞有5隻味 個人鍾意甜辣、醬油、薑蔥甜辣係最夠味 辣有後勁 最適合重口味既人醬油係烤雞 咸咸甜甜 又無咁熱氣薑蔥就最清新 蔥絲帶爽甜 解膩5.韓式壽司比較普通 朋友少食韓式壽司 就話好鍾意材料都算充足 有牛肉不過食多會太飽…查看更多

放工同班姊妹想食個精緻啲既火鍋，就有人推介胡爐。果然，胡爐一個又打得卡又好食之選！一入去店員哥哥超好人，細心介紹我地揀鍋底，佢話青麻辣鍋特別啲，辣啲同香啲，當然信佢試下啦。一上鍋底，好足料喎，除左好多香料睇得出佢係真係淆出香辣味之餘，仲有豬紅豬皮同支竹做料，好夾好吸味！一黎就當然叫個牛先啦，手切肥牛食得多，所以就叫左個a5和牛，冇諗過和牛打邊爐都咁正，入口即融！廣島蠔，有半隻手掌咁大，好鮮，一啲都唔腥又creamy！魚皮，好似即炸咁，勁脆一啲都唔油膩，就咁食仲正！冇係火鍋店食過咁正既魚皮，誠意推薦！我諗我同姊妹們下次都一定再會幫襯胡爐，高檔既食材係完全值得去試。…查看更多

友人們係附近上班唔熟長沙灣有咩好食經朋友介紹fifty fifty 又望過下openrice既圖 決定一戰！友人遲左收工 所以先到既我點左杯flat white 始終係餐廳 對咖啡本身無太大寄望點知黎左杯畫左unicorn既flat white好驚喜又好開心 因為太靚了從未見過咁有心機畫花既咖啡真係要讚一讚！之後我同友人們一行三人點左個海鮮二人套餐個套餐包兩碗餐湯，一個海鮮拼盤，兩個自選既main dish，兩個甜包同兩杯野飲 咁多野食先$398海鮮拼盤有生蠔，有凍蝦，有龍蝦，有螺個賣相真係好吸引！呢個價錢真係好抵main dish 1 - 墨汁意粉係友人話要叫既 本身以為係墨魚汁會食到成口黑哂 原來唔係！係墨汁整既意粉再蒜炒真係好好食個意粉有墨汁香味蒜炒得好香唔會太濕身我地三個都一致好評main dish 2 - 肉眼扒 (7成熟)好香好有牛味好juicy既扒愛肉既人兄一定要試試！甜品- 朱古力芝士蛋糕好好好好好好食！無諗過蛋糕都唔馬虎！好香芝士同朱古力味食落又唔會太濟只能說呢餐太好食了由咖啡到甜品我地都好滿意！值得為佢寫一篇好評介紹比大家愛吃之人…查看更多

約左好友係銅鑼灣食飯無idea去邊食 記得百樂中心有好多樓上餐廳決定去到隨機選擇:)去到百樂中心樓下大排長龍因為lift唔多 係等既同時就係上openrice睇下有咩好食今日同友人同有種想食西餐既感覺留意到zappy cafe and bar啲食物相好鬼吸引決定一戰上到去唔洗等位即刻入座！店舖唔算大 所以位同位之間空間唔算大不過人唔多 所以都算闊落！menu選擇都好多 價錢適中！上網見到好多人都叫蟹肉野菌意大利飯友人就叫左燒魚蟹肉野菌意大利飯率先上枱香噴噴既野菌味。。我同友人都忍不住即刻動手熱辣辣既飯 濃郁既野菌香味 仲有唔少蟹肉好值得推薦大家叫賣相仲要好靚 (相機都食得好高興hehe)燒魚隨後上枱有一樣野我好欣賞呢間餐廳佢啲食物全部都熱辣辣上枱 令進食者覺得好幸福個魚好滑 燒(煎？)得好香又係一道好菜！不過如果大胃既人士 呢個魚份量未必夠你可能要再叫多少少野另外我留意到隔離枱好多都有叫牛小排個樣吸精到呢。。。離遠叫到都覺得佢一定好好食 不過兩個女仔再嗌又食唔曬唯有下次再約過朋友黎食今次！幸運的選擇…查看更多

相約媽媽係佢公司附近食午餐媽媽推薦我黎圃鍋話佢lunch set去抵食 又好味！一去到餐廳 個裝修好靚佢個格調好中國色彩 地方不大 但成個環境好舒適第一印象好好！台上面有個電子爐佢晚市係做火鍋既而Lunch就有中式小菜同日本套餐揀價錢就60幾至130幾不等我比佢啲刺身套餐吸引左所以叫左個馬糞海膽丼($118)個丼一到見到閃閃發光既海膽佢個海膽分量都幾多仲有其他刺身都非常新鮮 又厚見到即刻胃口大開佢個餐仲配前菜：海帶湯 ，薯仔沙津，螺肉同咸酸菜-全部都好高質素 尤其個海帶湯 夠熱 夠味 仲有好多紫菜 絕對唔hea另外想贊下佢個飯 好好食食過太多日本餐廳個丼一係太硬 一係好無味 呢個飯有味得黎 質感好好食！我媽我叫左日本刺身盛定食($108)有好多款肥美魚生:三文魚，吞拿魚，大生蝦，魷魚，同一款不知名既魚加一細碗日本飯 份量岩哂我細食既媽媽呢度既環境好好 唔會太嘈又坐得舒服午餐個價錢又相宜唔怪得我媽咪帶我黎呢度食！下次再約我媽媽食呢間先順帶想講下係食飯過程中 我有專登係openrice睇我呢間餐廳既晚市邊爐好似好高質咁一定要黎試下先得…查看更多

大半年前已經聽過係西貢既let's jam不過太遠一直無機會去試 近來先知原來佐敦開左一間即刻約朋友去食午餐2點去到 仲係午餐時段~本來想食佢個tea 不過佢個午餐menu太吸引我地倆個又好餓 所以忍不住叫左lunch set 不過說實話 午餐menu一啲都唔貴$58-$98啲野食仲要超級吸引我叫左慢煮西班牙黑毛豬扒拼薯角($98)朋友就叫左黑松露野菌意大利飯($68)黑松露野菌意大利飯份量適中～一放落黎勁香黑松露味！我地即刻將一大啖飯放入口果然無令我地失望 好香好香既黑松露味仲要食落去 完全無膩好好食！我朋友停唔到口！絕對推薦大家食慢煮西班牙黑毛豬扒拼薯角雖然話慢煮 不過唔洗等好耐好大份既黑毛豬扒！佢個熱辣辣既肉配上士多啤梨果醬Yummy!!!!!!仲有個薯角 好好食！勁香 唔係一般啲薯角我同朋友都食得好開心！由於太好味 食完仲好想繼續食所以再加左兩個甜品跟餐加左精選蛋黃糕-千層蛋糕(+$12)好平又好食仲叫左個我好喜歡既鬆餅總括黎講 let's jam既午餐好不錯 價錢又抵！我同朋友都好滿足順帶一提 佢逢一三五 二四個lunch menu都唔同又機會試埋佢另一個menu啲食物先！:)…查看更多

凍冰冰。暖笠笠粥底火鍋係男朋友屋企附近新開左呢間餐廳佢個粥底火鍋套餐好吸引到我$198免加一 有7款海鮮（有蟹，蝦，貴妃邦，細蜆，大蜆，龍躉片，鮑魚，！）仲可以揀5款配料 (勁多野揀！) 之前我都同朋友食過粥底火鍋 超級中意！呢排天氣咁凍 即刻同男朋友試下佢人唔算多 而且好多位 一去到即刻有位！首先黎左兩碟小食~酸菜薯仔絲，同酸辣豆我覺得薯仔絲好好味！勁開胃🤤之後再黎海鮮嚕！蟹，蝦，貴妃邦，細蜆，大蜆，龍躉片，鮑魚！我地依照枱上面張紙既時間煮~ 所有海鮮都好唔錯～尤其係蟹！有膏！！啲肉好鮮甜同實肉 身為愛蟹之人既我食到lam lam脷 食完海鮮開左個胃 就開始食自選既5款配料 我地揀左肥牛，豬腩肉，響鈴，豆腐同墨魚丸！ 豬腩肉必叫 真係好好食 因為湯底一啲都唔膩 令到豬腩肉好好入口響鈴又係粥底必叫之選 吸哂啲海鮮湯底 清清甜甜 每一啖都好滿足墨魚丸係個度啲姐姐介紹我地嗌架 話好彈牙好好食！食落～又真係幾彈wor正由於個湯底太鮮甜 我地又肚餓 我地仲追加左雞肉(半份$26) ，魚皮餃(半份$18) ，冬瓜片（半份$15）半份半份咁加一啲都唔肉痛，仲可以食多啲唔同種類既野 好爽打完邊爐啲姐姐會加粥膽，南瓜，芋頭同玉米入口煲～新鮮熱騰騰海鮮粥出爐！好好好好食真係好鮮甜，好好食！我食左3大碗！今餐好滿足 係男朋友屋企附近發掘到正野要再黎食先得！肥十磅不是夢…查看更多

柴灣餐廳不多環境舒服既更加廖廖可數近來見到地鐵附近開左間裝潢別緻既越南餐廳 即刻同屋企人試下！去到有好多人等緊位不過餐廳算大 人流都去得好快等左15分鐘到就有位了！餐廳入面尚算舒服唔係一般茶餐廳既裝潢佢既食物款式都幾多唔係剩係越南菜 但因為咁有啲茶餐廳味道我地叫左一個海南雞飯，一個紅酒儈牛尾，同一個炸蝦餅海南雞飯（佢餐牌上個名唔係叫海南雞架~不過忘記了)麻麻地 個飯太冧了 lum pat pat咁 而啲雞又唔算非常好食 所以一般般 有啲失望紅酒儈牛尾有啲驚喜 因為佢係鍋上 熱辣辣架 佢個紅酒汁好香 配上白飯好好食 個牛尾都幾冧好入味當然 佢係茶餐廳質素既好食 算係唔錯！炸蝦餅最遲上枱既食物 都好新鮮 熱辣辣脆卜卜的！ 我個人幾中意呢個炸蝦餅整體黎講 係柴灣入面算係特別啲既餐廳身為柴灣人 無咩好揀 唔要求得咁多…查看更多

早一年 已經留意到慢煮工房一直擾嚷我男朋友同我一齊食終於有機會食啦餐廳好別緻 有好多霓虹裝飾一去到我已經好興奮 同啲燈係到影相之後被安排入坐 啲位都好鬆動餐具仲要好靚 尤其把刀 細細把 勁得意我同男朋友叫左2個main course同1個小食仲叫左杯手工啤酒首先黎左南瓜湯 （跟main course既)好香南瓜味 熱辣辣我地兩個都好鍾意係好肚餓既情況下 我地勁快就清哂成碗湯之後就到慢煮肉眼扒 ($189)由於慢煮關係 所以店員都無專登問我地幾成熟 一黎到就係我同男朋友最喜歡既7成熟急不及待就食一舊 真係好好食 呢個肉眼扒唔會太肥 但又有少少肥肉juicyyyyyyyyyyyyyyyyy之後就黎左個大蝦意粉($98)又係熱辣辣～有兩隻大蝦好有姿態係碟意粉上面 大蝦好有驚喜！食落去有啲煎香左既味道 蝦肉好實正又香意粉都唔錯 個汁好香意粉有嚼口！最後黎左小食— Nacho （我男朋友至愛）Nacho上面舖滿芝士 蕃茄粒 墨西哥辣椒加上兩碟醬: 牛油果醬同酸忌廉Best combination! 另外想講下手工啤我地叫左本日推薦既比利時手工啤我個人好中意 淡淡既麥味入落去絕對唔濟 配上好食既西餐慢主工業 果然無令我失望…查看更多

今次已經係我黎金不煥既第六次金不煥一直係我心目中係:貴但環境正既泰國餐廳所以每次有啲特別日子 我都會提議食金不煥(我個人都好鍾意食泰國菜下)今次媽媽生日 當然要帶佢黎下啲舒服既地方食晚飯 以前金不煥好難book(早2年) 不過而家竟然即日book到。。金不煥既風光不再我地叫左好多野小食1. 泰式豬頸肉每次必叫 佢個份量超大 可以當主食 肉質肥瘦適中 一啲都唔會乾 配上佢個酸辣汁 無得彈2. 泰式生蝦又係每次必叫 爽口既大生蝦 加一片蒜 一粒辣椒 係滿足既味道 每次食一隻都覺得好唔夠3.泰式魷魚 媽媽最愛 又係大大隻 燒得好香口4. 炸蝦餅 新鮮炸好熱辣辣蝦餅 每一啖充滿蝦味 非常好食5.蛋+蠔（忘記了全名）鐵板上既 每粒蠔都脹卜卜 好鮮甜6.泰式炒金邊粉好食不過稍為細碟7. 芒果糯米飯 (小)細既份量都唔細 仲好好食熱熱既糯米飯配上凍芒果 配上我地自配既朱古力牌haha! 變左生日蛋糕最後每人$200到 其實媽媽生日呢個價錢都算唔貴 而且啲食物質素好高 環境舒服 值！我肯定會黎第七次哈哈如果有membership高好…查看更多

星期日去左朋友屋企打牌叫左印尼沙嗲屋既外賣做晚飯以前中學時期已經成日食一直都好欣賞佢啲串燒同薯！仔！餅！我地今次叫左一推必食串燒，我最喜愛既薯仔餅，馬拉棧炒通菜，印尼炒粉同沙嗲豬頸肉飯正到爆先講串燒：即燒串燒 平時我行過都會買黎當零食 配上沙嗲醬好好食再黎馬拉棧炒通菜，印尼炒粉同沙嗲豬頸肉飯：熱辣辣 好濃味 岩哂我呢啲口味重既人特別鍾意佢個炒粉最後要隆重介紹：薯仔餅！！！！！真係勁爆好食 每一粒入面勁薯仔 好香口 逢星期六，日先有得買架！！！一定要食最重要係 食完咁多野 都係每人$36蚊好抵食呀…查看更多

第一次食陳記燒鵝餐廳環境同茶餐廳一樣 唔算特別舒適幸好係夜晚無人排 所以唔需要好似茶餐廳咁趕住走我地叫左一隻燒鵝 幾大隻下味道幾好 幾香 肥瘦都適中不過我稍微覺得有肥既位置都幾肥下總括都幾好食 價錢合宜！我地仲叫左黃金蝦 同炒芥蘭黃金蝦超香 外殼痴滿蛋黃每隻蝦個size都算大 正！見左幾支啤酒 每人$120到價錢可接受 食物質素都幾好 係坐得麻麻…查看更多

同友人食完晚飯 好想搵個地方傾下計係利東街見到呢間舖頭放左勁多賣相勁靚既蛋糕 即刻心心眼本身以為無得坐 諗住離開 下次先黎買點知我咁岩枱頭見到佢有二樓！ 即刻坐底！個環境超舒服 全個店都係tiffany blue有好舒適既sofa位 好靚 啲餐具都好精緻 我地勁興奮即刻叫左兩個蛋糕同熱飲 等住影相haha!我地叫左一個提子撻同柚子撻 一杯green tea latte同cappuccino兩個撻賣相非常吸引 味道酸酸甜甜 個餅底又夠脆！佢係計lady m後我非常欣賞既餅～不過價錢同lady m一樣貴 真係間唔中食下算 好肉赤…查看更多