hoikaaaaaa的個人專頁

我同朋友到達丼丼屋取票，因我地有5個人，咁我地就拎左5人票。取票後我地跟住條隊由後面排上去，到我地係第一個既時候都我地見到有1張4人枱，另一張2人枱既人準備離開，職員話，我地係跟「時間」安排客人入座既，但係佢之後係安排俾我地後面既人坐先，而唔係俾我地入去，重點係，排我後面既人係遲過我地拎票，仲要職員態度真係好差！唔會再有下次！…查看更多

係app度見到呢間海南雞飯，見未食過就試下叫呢間，送餐速度係好快既，20分鐘就到左。但係一打開就見到得4小件海南雞係飯上面😰⋯⋯⋯⋯⋯好彩叫左個雙拼飯，如果唔係就只有4小件雞加白飯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯第一：最離譜係啲雞超級「鞋」😩第二：我叫左雙拼係豬頸肉啲豬頸肉又凍又「鞋」又冇味又咬唔開，超級難食。第三：個湯完全係胡椒粉加水，佢係寫雞湯架😰第四：個飯算係最正常，有溫度🤦🏻‍♀️…查看更多

平時都有幫襯開覺得不錯，但今日我地去到諗住入去食，職員見到我同朋友企係門口扮睇唔到！要行入去再叫多2次門口收銀處個職員先至幫我地安排坐位！入到去叫野食個陣我朋友叫企係隔離既2位職員落單又被無視，要我大叫：「麻煩你我想叫野食」之後先黑面咁行過嚟！…查看更多

見呢間餐廳新開所以試下，一入到去就叫我地撘枱，我地話唔想撘枱仲好似係我地唔岩咁，好多客人都因為見到有吉枱但被逼搭枱即走，1點半成個餐廳都未坐滿就係咁同客人講依加繁忙時段所以要撘枱，如果真係坐滿曬人又想食撘枱有咩所謂，真係一間十分奇怪的餐廳，唯一可讚下既就係午餐幾平，都算大份。…查看更多

路過見到抹茶雪糕諗住入去食下，等左超過半個鐘之後見到職員派俾客人既飛係亂派的，仲要死口唔認！（我已向其他客人查證）我拎住50號飛，遲過我泥既人竟然拎住48號49號飛…查看更多