hotarudomoto的個人專頁

今日同朋友約去左大圍既E FOR EGG度食晚餐金沙軟殼蟹三文魚籽海鮮沙律盒子吐司唔止有賣相，味道唔錯添架，吐司邊身夠脆，裡面既滑蛋沙律中有八爪魚粒，不過，因為連其他食材一齊食，所以三文魚籽係食唔出口感來，分開食先有蒲燒鰻魚茶漬丼入面有粒粒脆脆，飯素（紫菜碎），🍄粒，有粒wasabi係碗邊度可以加落飯度食加埋茶漬落去個飯度，唔錯～小食拼盤 （韓式炸雞粒 ＆ 芝士年糕）芝士年糕，無錯就係你諗嗰隻🤣韓式炸雞粒，成舊係用韓式辣醬包住粒雞粒既（我覺得同泰式魚餅咁既做法）兩樣味道係正常既，不過不失開心果咖啡無開心果味但咖啡味又唔錯咁囉開心果特調（鮮奶+豆腐）勁重開心果味，加埋豆腐口感，唔錯，可以encore既飲品（不過，有一刻諗，死喇係咪啲奶變味，所以有一pat pat野係入面🤣🤣🤣）栗子小星窩夫栗子唔錯，生cream，窩夫微脆，仲有個雲呢拿味雪米糍添…查看更多

限時75分鐘（無記錯的話）由於係沙田新城市用the point apps可以攞定飛，所以唔使點等位，當然，無呢個apps既，都可以即場攞飛既～平時食開薑豬既，今日轉下試月見豬跟餐（配麵豉湯+沙律），麵豉湯夠味，裡面仲有海帶同豆腐，豆腐約粒得黎夠滑既，蛋汁撈飯唔錯，月見豬有少少”鞋”。。。豚肉饅魚飯呢個既豬”鞋”過月見豬，饅魚朋友覺得腥，我就接受到，不過我就飛走魚皮囉…下次食都係食薑豬最穩陣。。。…查看更多

葡萄柚綠茶有驚喜，茶味出，粒粒果肉（外面飲開多數好似檸檬茶咁一片片，你要食果肉除非你開蓋喇），啖啖既果肉，唔酸唔苦，唔錯。荔枝烏龍茶（椰果）茶味出，可能因為佢跟配椰果，mix埋後我覺得偏甜，雖然都係好飲既，不過，我偏向葡萄柚綠茶多啲。下次想試泰式奶茶，唔知係咪真係泰式呢～（期待）…查看更多

諗住試新菜式，又得知可以請店家係甜品上寫祝福語，當然試下制造驚喜俾友人喇。由於友人正日係星期五，但生日月85折因星期五而不能用（殘念），亦有諗住用優惠價試下牛牛，亦因同樣既原因而。。。（殘念）當晚叫左:泡沫牛肝菌湯，連埋泡沫咁飲，陣牛肝菌味好濃郁個慢煮牛（海鹽味）跟薯仔另加錢跟埋菜，牛好易切開，不過鹽味唔多，所以食多幾件已覺膩，薯仔係無敵既，菜就略厭過油。。。由於係2~3人份量，所以，差唔多ko左自己。甜品由第二個胃食，好食!朱力球，自己倒啲橙汁落去，外層朱力夠薄身，入面既朱力脆脆，連平時唔食既友人都食得津津有味就知朱力唔簡單喇，入面既雪糕亦冇戲場架。服務態度唔錯，但到埋單時。。。我第一次係食肆度聽人講你食左幾錢（汗），諗住係秘密黎，成件事變左冇驚喜，冇神秘感囉。。。…查看更多