chongjacky的個人專頁

年紀相約既人約食飯，揀左個好地方。雖然地方唔大，但設計用心，霓虹燈，仲有枱枱凳凳，同埋其他配置都喺懷舊港式風味。晚上一班人熱熱鬧鬧，播埋舊歌，氣氛十足。而家仲有限時$1枝啤酒，10枝起計，勁抵飲。港式打邊爐有咩食，相信唔使我多介紹，海鮮、豬牛羊同埋丸餃做膽，仲有椒鹽乜乜都可以食到。咁熱鬧嘅環境，店員招呼都好殷勤，主動加湯，又會收走碗碟。咯咯雞花膠湯金黃色嘅花膠雞湯真材實料，雞同花膠一大碟比你。雞本身已經有8成熟，口感鮮嫩，加埋花膠落湯度，成個湯底原汁原味，真係先飲為敬。牛魔王拼盤 本地手切肥牛、安格斯牛頸脊、牛脷托、封門柳、牛肉粒、黑安格斯牛板腱，用冰坐住成盤上，夠晒豪華。各款牛肉既質素平均地高，相信牛魔王都冇投訴。紫菜炸響鈴如果平時打邊爐要食響鈴真係要試試，響鈴大大個，裏面卷住紫菜，即叫即炸，輕輕一灼，紫菜香味，尤其突出，享受豐富層次。蘇格蘭蟶子 南非鮑魚 鮑魚同蟶子同樣爽口，來貨新鮮。西班牙黑毛豬 肥瘦相間，令瘦肉甘香而不硬，令人回味。招牌芫茜餃一咬開係飽滿既芫茜餡，芫茜香味直撲入鼻，絕對適合芫茜關注組人士。Q彈鮮蝦丸併Q彈墨魚丸 Q彈冇呃人，加埋蟹籽賣相更吸引。冰豆腐吸湯之選。椒鹽雞軟骨大排檔版本既椒鹽雞軟骨，港式風味，香口惹味，餸酒一流。…查看更多

雖然自己並唔大食，但每次聽到任食牛扒薯片都會心郁郁。今晚終於可以挑戰。逢星期一至四都有任食牛扒同薯條供應。餐廳有齊室內同戶外位置，仲要寵物友善，活動包場仲有9折。澳洲特級安格斯牛扒8安士平時出去食一塊扒，可能都要呢個價，而家任你食到夠。而且牛扒唔會因為任食而比頹嘢你，如果揀五成熟，中間呈粉紅色，口感香嫩，有醬汁，出品並唔hea，第二round都冇變質。講真，食到兩round其實都賺番。薯條如果你本身鐘意食薯條，呢度係實現你嘅薯條自由，每次都係熱辣辣一桶比你，再配埋茄汁，記得問職員拎黑椒加埋仲好食。除咗又唔食牛扒薯條，可以加配沙律，湯同甜品。Caesar salad沙律都幾大碟，有煙肉乾，脆麵包，咬口豐富。Daily Soup追加餐湯只有一款，雜菜湯都比足料。Mount Fuji如果食牛扒想叫杯嘢飲，呢杯打咭夠晒吸引。富士山造型再加花既點綴，令人愛不釋手。Daily dessert朱古力慕絲蛋糕賣相吸引，濃香朱古力味。…查看更多

朋友話想食點心，又想食潮菜，最緊要有得打咭。要有齊三樣嘢，呢度得。啟德分店都幾旺場，中午時間坐滿人。留底高，裝修靚，環境闊落，用餐感覺非常好。點心賣點樣靚，款款都想揀，嚟到又唔捨得食。除此之外，亦有多款潮州菜供應。手打黃皮檸檬茶多肉荔枝鴨屎香烏龍未食點心，先飲手打檸檬茶，估唔到連佢都咁有造型。迷你紫砂茶壺，出晒煙，贏晒。金魚戲水（湯蝦餃）金魚造型，在水中央，魚樂無窮。紫蓉八爪魚八爪魚仔，可愛至上，大隻飽肚。雪茄春卷（水煮魚）雪茄像真，水煮口味，春卷勁脆。天鵝酥（汕頭滷水鵝肉）精緻造型，外層酥脆，鵝肉惹味，層次豐富。鳳梨雀仔雀仔雀籠，經典造型，甜中帶酸。粉紅佳人（龍蝦肉餃）粉紅通透，飽滿蝦肉，Q彈鮮味。潮汕滷水炸乳鴿炸出水準，皮脆香口，肉嫩多汁。潮汕煎蠔烙煎得金黃，外皮香酥，風味十足。酸菜龍蠆一般酸菜魚價，卻用上龍蠆肉，魚肉口感厚實，加上大量配菜，酸味辣味也到位。百花紫菜酥（蝦膠、墨魚膠、粟米粒）混合蝦膠、墨魚膠同粟米粒，酥脆又彈牙，口感十足。…查看更多

呢個優惠真係為海膽粉絲而設。北海道原板海膽配鱘龍魚子醬令人無法抗拒嘅優惠，只要提前兩日訂枱，就可以用驚喜價$100享用北海道原板海膽配鱘龍魚子醬，仲要唔係一枱一客，而係人頭計。呢個期間限定真係抵到爛，而且整到靚靚仔仔比你。除咗海膽，當然亦有好多不同的日式料理。山渣蓉伴香煎鵝肝吐司鵝肝入口即化，沒多餘油脂，山渣蓉錦上添花。鰹魚半敲燒配洋蔥汁鰹魚厚實，魚香味出眾，以洋蔥汁提鮮。慢煮鴨胸伴醬油脆脆慢煮鴨胸肉質淋滑，以醬油脆脆加洋蔥刺激味蕾。特濃蟹膏甲羅焗飯將甲羅燒塞滿飯同蟹膏，濃香蟹膏同飯結合，比起平時食嘅甲羅燒更出色。芝麻脆香雞翼 雞翼又脆又帶芝麻香，雞肉軟嫩。博多明太子掛稻庭烏冬洞庭烏冬煙靭彈牙，豐富口感，而且掛滿明太子醬。自家製醬燒墨魚腸墨魚腸口感近似台腸，口感結實，醬燒微甜。自家製免治雞肉蓋輕井澤煙燻芝土免治牛舌棒雞頸肉串雞膝軟骨串黑豚腩肉大蔥串日本冬菇京都絹豆腐秋葵講吸睛，一定要揀紅蛋黃嘅自家製免治雞肉蓋同埋輕井澤煙燻芝土免治牛舌棒，前者有澎湃肉感，後者口感爽脆，大家一樣有豐富蛋香。其他串燒款式多，亦都好高質，重點係油膩感覺並不強烈。…查看更多

又到大閘蟹季節。除咗放題大閘蟹，”蠔”食大閘蟹又如何？“炭燒大閘蟹蟹粉雞湯金勾翅全宴”，見到個名咁長就知道有多款菜式比你，同時享受高質大閘蟹同蠔。火焰玫瑰大閘蟹蟹粉蟹肉雞湯金勾翅勾翅真材實料，翅針長又厚，充滿口感。然後加入大閘蟹蟹粉蟹肉，將蟹嘅精華融入每一口翅，再有火焰帶來視覺享受，奢華美味同時享有。清蒸大閘蟹（5兩）炭燒大閘蟹（5兩）除咗傳統清蒸大閘蟹，同時會有炭燒大閘蟹。從未食過炭燒大閘蟹，蟹膏多左一份炭燒香變得更吸引。煙燻花雕熟醉大閘蟹海蝦海鮮拼盤醉大閘蟹絕對不輸蒸大閘蟹，蟹膏一樣多，凍食一樣滋味，海鮮拼盤仲有生蠔同海蝦。蟹粉明太子醬炭燒珍寶蠔珍寶蠔好巨型，炭燒再加入蟹粉明太子醬，同平時赤裸裸嘅珍寶蠔對比，別有一番風味。鹿兒島A5黑毛和牛 80g+雜菜盛盒涮涮鍋鹿兒島A5黑毛和牛肉質與油花比例均衡，口感細緻，令人回味無窮。日本牡蠣牡蠣肥美，口感彈嫩，鮮味濃郁，重點一蚊一隻跳樓價，任叫無上限！炭燒串燒拼盤（廚師發板）雖然呢餐主角唔係串燒，但佢地串燒用炭火燒，香味四溢，一樣有水準。呢個套餐另一賣點係清酒啤酒汽水薑茶兩小時任飲，仲要清酒自動升級”三粒米”，飲飽食醉。…查看更多

創興呢個地方真係好神奇，由細到大佢都係一個搵食既地方。而家嘅創興有多家放題嘅餐廳，其中呢間主打火鍋放題。要突出自己，佢哋有好多唔同優惠 : 身份證有”8”就會有折扣，憑全港消費票尾每枱-$20，生日優惠6人入座一人免費，聽落都幾著數。直接比鴛鴦湯底，不另收費，唯一係每位加$30升級醉雞煲。本身佢哋主打台式麻辣鍋，麻辣味幾刺激，另一邊花雕醉雞煲，好香花雕酒味，一大碟雞又多肉。直接揀B餐已經有晒極尚無骨牛小排，手切肥牛、一口牛頂級牛梅花、特選安格斯黑牛、精選牛五花、黑豚五花肉、黑毛豬梅花、頂級小肥羊肉、白鱔片、海生蝦、脆肉鯇魚骨腩、是日海鮮、雞子、紐西蘭青口，同埋脆肉鯇魚片，淨係食晒呢度都夠做。自助區都有好多唔同嘅丸類菜類。酒水方面，任飲1664都幾吸引，亦有其他啤酒汽水。想食甜品，有專人即製甜品，格仔餅，棉花糖，焦糖燉蛋都有得食。…查看更多

呢間人氣豆乳店，今次帶嚟多款泰式口味新品。除咗食物，連帶裝修都有泰式元素。麻糬泰奶豆乳茶結合泰國紅茶與濃香豆乳，帶茶香而不帶苦澀，上面有焦糖脆餅，又有鹹香的芝士奶蓋，中間仲有麻糬，層次非常豐富。泰乳芋圓豆花豆花加入泰奶，茶香奶滑，加埋鹹味芝士奶蓋，帶來味蕾享受。Lotus餅同芋圓，前者脆口，後者口感煙靭，食完好有飽肚感。打拋豬木棉豆腐木棉豆腐口感綿密，打拋豬肉碎有獨特的泰式香辣味，兩者同時入口令本身高質嘅木棉豆腐昇華。酸辣豬頸肉粢飯粢飯加入泰式酸辣汁，估唔到咁有驚喜。酸辣豬頸肉香氣撲鼻，加埋其他配料，咬落充滿層次，比到你粢飯嘅新體驗。…查看更多

今年7月嘅大阪之旅已經對無限嘅雞白湯拉麵有深刻印象。番到香港就收到香港首間分店開業嘅消息，當然再回味一下。同好多過江龍拉麵一樣，餐廳座位不多，要避過排隊，可能六點前大家未收工先可以直入。特製和牛牛骨白湯拉麵佢哋最出名嘅牛骨湯，真係日本店嘅原味道，質感奶白濃稠卻不膩，啖啖牛骨精華。拉麵彈牙又掛汁，碗邊嘅薄切牛營造出豐富豪華嘅感覺。牛骨麻辣叉燒拉麵喜歡麻辣拉麵就不容錯過，一樣用上牛骨湯，加上辣椒和香料，赤紅的麻辣湯，辛麻刺激，加上拉麵掛汁，連帶舊叉燒都係麻辣至上。特製和牛丼飯日本食拉麵常常有拉麵配丼飯 combo，呢度一樣有。啖啖嫩口和牛，撈埋蛋汁更討好，性價比唔錯。想飲嘢佢哋有日本直送橙味梳打同提子梳打。…查看更多

圓方搵食都唔係間間高價，呢間食點心中菜，環境闊落，又夠光猛，令人感到飲茶一啲都唔老土。除咗點心，粥粉麵飯都可以食到。花膠撈麵望到咁大塊花膠都知咩料，加埋厚實冬菇，骨膠原同濃香醬汁伸延至撈麵，啖啖撈麵都令人回味。鳳爪排骨蒸飯傳統蒸飯點少得鳳爪排骨飯，放滿排骨鳳爪，排骨蒸得滑軟，鳳爪不肥膩又入味，加埋豉油，香噴噴。懷舊鮮蝦餃蝦餃皮薄身，通透，隱約見到飽滿嘅蝦肉。蒜蓉蝦春卷春卷皮脆，蝦肉爽口，配埋喼汁更好味。夏日百香青瓜蘆薈爽夏日百香酸甜解膩，青瓜蘆薈爽清爽又開胃。…查看更多

年尾不少節日，慶祝都要花不少心思。想有環境又有招呼，呢個星空餐廳應該幫到手。星空元素又有打咭位，有燈光，由餐廳佈置，到座位設計都花足心思，所以環境真係攞晒分。無論同老best慶祝生日，定情侶約會都非常合適。餐廳星空主題，室內環境難免較暗，佢哋都深明大家要打咭，所以準備埋打燈方便大家，而且店員招呼好，樂意幫大家影合照。基本入嚟都喺食套餐，已經有齊前菜主菜意粉甜品。送四隻生蠔，仲要係海膽生蠔同黑魚子醬生蠔。Apollo Staro難得入到嚟，即刻叫兩杯打咭飲品。星空環境最襯月球上的人，有太空人伴住呢杯熱情果主題嘅mocktail ; 或者藍色夢幻波波 cocktail 都好適合打咭。星空傳情晚餐香煎鵝肝配雜莓醬沒有過份嘅油膩，口感討好。一口同時享受入口即化既鵝肝，仲有香脆多士。炭燒和牛牛脷配青蔥醬和牛牛脷厚切，口感實在，炭燒和青蔥醬配合下更有風味。芝士蕃茄牛面頰手工寬麵寬麵有夠寬闊，口感煙韌，且掛汁能力十足，牛面頰軟腍，整體都有水準。意式燒乳豬配焦糖蘋果芥末籽蓉乳豬脆皮，肉嫩帶汁，以焦糖蘋果芥末籽蓉作平衡。炭燒M7澳洲和牛肉眼扒伴法式手工薯蓉和牛肉眼扒五成熟岩岩好，邊位有炭燒香，中間粉色肉嫩，手工薯蓉口感綿密。星座蛋糕（雜莓朱古力慕絲蛋糕）雖然係加錢甜品，但真係值回票價。火焰效果，煙燻效果，蛋糕蠟燭，有晒畫面，必定拍照留念。相機食完人再食，一樣有驚喜，香濃朱古力味同樣令人難忘。開心果巴斯克芝士蛋糕巴斯克芝士蛋糕口感軟滑，旁邊脆脆中間有開心果碎，食落有驚喜。…查看更多

等咗好耐天氣終於開始轉涼，即刻有晒打邊爐嘅衝動。今晚銅鑼灣打邊爐，鵝頸橋附近位置方便，裝修也不馬虎。湯底有不少選擇，尤其卜卜蜆鍋都有幾款。黑蒜卜卜蜆濃湯先被香濃嘅黑蒜香吸引，再來營造煙霧效果，令卜卜蜆鍋更令人期待。蜆全部大大隻，又新鮮，最重要係份量勁多，真係食極都有。其他嘅配料都吸晒黑蒜味，黑蒜愛好者應該冇投訴。手切本地牛頸脊賣相夠吸引，而且並非得個樣。厚薄感覺恰到好處，入口爽嫩，有質素。黃金雙拼鹹蛋黃炒響鈴，鹹蛋黃炒炸魚皮兩者鹹蛋黃嘅感覺都好實在，響鈴層次豐富，炸魚皮炸得脆口，非常邪惡。手打芝心牛肉丸牛肉丸口感爽彈，咬開即時芝味爆發。蟹黃豚肉餃餃子結實飽滿，啖啖豚肉，香濃蟹黃味。水魷水魷鮮味十足，落鍋後要盡快享用。足料竹蔗茅根食火鍋，難免會熱氣，飲竹蔗茅根清爽好夾。…查看更多

新加坡過江龍豆乳品牌，越開越多分店，調景嶺店一出閘就見到，不設堂食，只做外賣。最出名石磨豆乳飲品，除此之外，仲有其他吐司、甜品。新推有香芒系列、山藥百合系列同紫米露系列。香芒小宇宙(小丸子)芒果果肉充滿鮮香，小丸子口感煙靭，仲有粒粒西米露，融合三種口感。紫米豆腐花紫米同豆腐花既組合，清爽不膩，豆花香滑，健康又好味。奇異果豆乳雪葩並非慣常食到既奇異果酸香，豆乳雪葩加持下，口感幼滑，味道清新。新加坡咖央吐司咖央醬好澎湃，一咬吐司就會爆醬，充滿滋味。微甜濃豆乳石磨豆乳自帶香味，微甜已夠做，太多反而失真，難怪成為餐廳名物。…查看更多

食酸菜魚當然揀老店，呢間25年老店位於北角，感覺傳統，並非走新派路線。中午時間，除咗餐牌上既各式川菜，亦有客飯小菜套餐，而且價錢平易近人，所以都有不少客人幫襯。藤椒酸菜魚 (桂花魚) 魚同湯都同樣高質。湯底既高質在於每日新鮮熬製，而非預製醬料或湯包，配合川味經典藤椒風味，清香麻爽。而魚則用上桂花魚，肉質細嫩爽滑。生煎手工鍋貼即叫即煎，熱辣辣，飽滿又多汁。乾煸四季豆四季豆表面微焦、乾扁熟軟，肉碎加上微辣，豐富的口感又帶有獨特既鹹香味道。雞絲粉皮粉皮呈卷狀，在雞絲同青瓜配合下，口感滿滿，麻醬令人吃得開胃。…查看更多

中午食飯，時間緊絀，都係快快食完繼續做野。想食台灣野就揀左呢間，先付款，後上菜，不過上菜速度幾快。滷肉飯、紅燒牛肉麵、台式飲品，基本要有嘅都可以食到。桃夢雪影芝士奶蓋夠厚，底係白桃烏龍，對比感覺唔錯，仲有寒天既咬口。雲岩流金堅果雲頂好吸引，厚奶口感順滑，底係蜜香紅茶，仲有煙靭珍珠，非常貼合”雲岩流金”。鹽酥雞排滷肉飯午市呢口價可以同時食到鹽酥雞排同滷肉飯，都幾唔錯。鹽酥雞排幾大塊，無骨，剪開更易食。滷肉飯有豐富滷肉，肥瘦比例適中，仲可以追加小食，自己就加埋滷水蛋。紅燒腱心牛肉麵牛肉麵好大碗，湯夠味又唔辣，牛肉爽口。椒鹽花枝丸炸粉不厚，口感香脆，花枝丸夠彈牙。桂花雞翼切合餐廳主題，雞翼會配上桂花醬，口味清新又唔膩。…查看更多

呢個”殿”人氣持續，想食好耐，總要入去一次睇吓有幾正。玩法相信唔駛多介紹，都係任食兩個鐘，想最大自由度就比多少少自選兩小時。私心推介要食既實在太多，波士頓龍蝦同魚子醬，係日式放題除咗佢應該冇邊個比得到。刺身就金槍魚腩最搶鏡，仲有酒店自助餐質素既波士頓龍蝦，其他仲有海赤蝦、甜蝦、三文魚，北海道鮮帶子等等多款刺身，成架刺身船食得開心，冇凍冰冰雪味。海鮮料理主打避風塘炒蟹、蒜蓉粉絲蒸蟶子王同埋油鹽焗大頭蝦都係好嘢。海膽拖羅鱈魚乾手卷同海膽軍艦真係必食之選，前者口感豐富，後者可以實現日本海膽自由。鵝肝多士、乳鴿、仲有鮑魚花膠，想翻本都要食吓。自己作為榴槤控，好多人大推既燒榴槤一定走唔甩，出品確係幾高質。其實，出面自助區既供應都係多不勝數，酒類方面仲有清酒、梅酒，保證飲飽食醉。自己最開心係雪糕款夠多，Mövenpick、Häagen-Dazs同Milk Top全部都試晒，勁滿足。…查看更多