James920227的個人專頁

很喜歡大伙兒到大角咀區尋美食，昨晚給我們發現一個大驚喜，新開業的糖師父Honey Tong :) 第一次幫襯，這店環境雅緻又帶點時尚，服務員又非常貼心地介紹他們的美食.......我們都續一叫了幾道甜品包括：菠蘿包酥皮豆腐花、五星級芒果拿破倫拌雪榚、冰火鮮椰皇蛋白荷包蛋、還有.....火星人白雪公主(益力多雪糕配楊枝甘露加小丸子)&滑lulu芒果腸粉 來share一起品嘗。推介甜品：冰火鮮椰皇蛋白荷包蛋： 其實係新鮮椰皇燉蛋白加芒果布甸，好精緻的賣相，香香甜甜既椰皇再配上芒果布甸，很滑很清甜，啖啖都好有口感，但不忍心食完最後一啖，得番個椰殼哈哈 :) 食飽飽結論是一個字""正""，點正法：他們每一款甜品都看得出是用心製造，單看賣相已經有90分，再慢慢品嘗就更加會愛上這間甜品店，很有自己的特色，令客人一試難忘，是星級甜品店。你們要繼續努力加油，keep住食物水準啊！！！我一定會再來幫襯，品嘗其他美食。 更值得一提，我們結帳時，又再有驚喜出現，原來店內有很多promotion優惠，咁啱我們其中一人有大專生學生證，埋單時竟然有9折優惠，好抵呀 直情係超值。…查看更多

啱啱行完街勁累就去食個甜品先!解解渴......叫咗芒果豆腐花同西瓜涼粉,重有一杯木瓜奶，芒果好甜好新鮮, 唔錯, 同豆腐花一起好夾。西瓜好夠沙好清甜,同涼粉一起是解喝之選。杯木瓜奶最正，好似成杯木瓜蓉咁，勁多料service唔錯，個waiter帶我地坐果張檯勁涼快。…查看更多

星期4放假去八喜飲茶，因為覺得佢既點心比較有特式，必食推介牛柏葉，帶有小小咖哩味道，牛柏葉又唔會UN喎平時d茶樓會比較un架，咬唔到！！另外係coffee糕la，好香濃既coffee味好好味，一層一層，滑lulu，我每次都會叫既甜品。…查看更多

咪以為它是普通茶餐廰，依間餐廳有好多招牌菜，所以約左成班朋友上去食晚飯，預先打電話搵謝生訂左隻秘製豉油雞同胡椒豬肚雞湯同蝦多士。另外再order小菜陳皮骨同琵琶豆腐。一睇到d湯渣就知煲湯勁足料，飲落好香胡椒味同勁多豬肚，十分推介，但記得要預訂啊。到食蝦多士la, 香脆又新鮮的大蝦, 口口都是鮮蝦味道之後就到陳皮骨，睇落炸到好黑咁，但食落口又香又夠陳皮味一d都唔覺肥膩，另外就係鼓油雞，原來係新鮮雞黎架，食落又真係同出面d雞唔同，佢地既雞好入味，肉質好嫩，真系齒頰留香。重點推介, 煲湯好大煲，10幾人都一定夠飲。…查看更多

由於今晚大家都想食火鍋，所以上openrice見到有好評推介，就決定一試，我們一行10人，有老人家和小孩，好彩等位只需半小時。肥牛既顏色分明且嫩滑新鮮, 脂肪分佈正常不覺肥, 薄片得嘩了一聲, 只要落鍋數10秒已經熟透。貢丸爽口彈牙,  還有栗米很甜很新鮮, 湯底是豬骨湯底, 火喉用料十足, 似住家老火湯豐富極了.…查看更多