天變地變吃不變的個人專頁

最近朋友見我好鐘意食滷水鵝，推介咗呢間位於新蒲崗嘅滷水鵝專門店。今日特登坐個幾鐘車過嚟朝聖！原來呢間店有得堂食，環境都闊落，冷氣勁猛🌬️🌬️，而且職員都好熱情招呼。見到佢餐牌度有6款套餐，睇啲相都幾吸引。滷水鵝肉飯$58 套餐送是日例湯，味道都幾鮮甜，仲有埋湯渣。+$10油菜+$8汽水🥤外賣包裝都幾貼心，飯同埋肉會分開裝。肉質方面，滷得好入味，充滿鵝肉嘅香味，而鵝皮口感都好滑。招牌鵝三寶飯$108滿滿嘅一大盤！有鵝腸、鵝肝同鵝肉！鵝肝真係勁香！鵝腸入口軟腍。旁邊仲有啲鹹酸菜，鹹中帶酸，幾開胃🤤。…查看更多

九龍人今日入屯門探朋友，未會合時先醫醫肚，原來三聖邨都有冬菇亭，仲有好多食肆，呢到好多人嚟食海鮮，午市就有好多特價麵飯，仲有湯麵餐廳環境都乾淨，而且坐得好舒服，侍應都好有禮貌服務要讚，睇完一輪餐牌揀咗牛腩湯河當我見到碟腩河就知一定好食，啲牛腩燜到入哂味，好清香帶濃濃牛味，腩位好嫩好腍身，連牛筋都好腍又有夠黏口，河粉吸滿濃厚腩汁，加埋辣椒醬食一流-另一樣要讚係最近都開始熱，呢到冷氣夠又剛好，食得好舒適，估唔到海鮮餐館都有咁正牛腩河食…查看更多

而家真係食放題先夠滿足，一個價錢任飲任食 200幾蚊食到飽飽，仲要呢個火鍋放題好多款嘢食又高質，蔬菜吧勁多款新鮮菜菇菌類及丸類，熟食區都好多款小食今次點咗SRF美國極黑和牛餐，有數款牛肉、豬肉、羊肉，連牛舌都有埋，海鮮方面有大蜆、鮮蝦、扇貝等，仲有好多款火鍋料及熟食㗎，出面自助區飲品都有勁多款，其本汽水菜茶飲都有，最癲係有多款啤酒任飲，酒鬼真係啱哂新湯底係花膠雞鍋，仲有紅蘿蔔、龍眼等碗料，湯底好清甜幾滋潤，打完邊爐唔會好燥SRF美國極黑和牛都好嫩滑油花適中，牛舌夠爽口，另外牛板鍵牛味好出，封門柳就濃香家人鍾意食雞子，都好大粒，牛柏葉及魷魚好爽口海鮮類有爽口大蝦及鮮甜大蜆、魚片有點爽脆好食等，扇貝都唔錯飲品我就飲咗數款啤酒，連日本2隻牌子都有，正啊，最後一定要食甜品，多款雪糕雪條及多款現成甜點…查看更多

平時都會四圍去食牛雜粉面，呢間本身係打冷老字號嚟，近年喺旺角開埋潮式牛雜粉面店，仲開到凌晨時間，喺附近飲完酒都有熱嘢食超正崩沙腩~剩食崩沙腩份量都多，而且望落好吸引，其實崩沙喺牛嘅横隔膜位連住一點肉，所以食落有軟軟膠質口感外，仲有爽脆帶點嫩腍雲吞河都好大碗，雲吞餡料豐富，蝦與豬肉比較平均，河粉唔會一夾就爛，整體好味炸魚皮好香好薄脆，唔放湯都好食，另外鍾意食炸嘢就要叩呢款我要哂都好正，有多款炸丸雲吞㗎…查看更多

今日放假同朋友去旺角行街，路過見到呢間新開鰻魚飯專門店就去試下，餐廳環境都好闊落，裝修都係木系為主我叫咗呢款係白燒鰻魚飯，原來係即叫即燒，見到師父係用炭火去生燒個set會有前菜醃蘿蔔及泡菜，仲有一碗麵豉湯，個飯仲用和式盒仔裝住一打開蓋都好香，份量都唔少㗎，而白燒鰻魚主要用海鹽作調味，食落好有驚喜，夠新鮮之餘仲好爽口彈牙，口感好好又夠味，飯用咗珍珠米軟硬適中，如果重口味人士可再加檯面嘅鹹甜鰻魚汁，朋友個仙台牛舌都好食…查看更多

我自己就好鍾意放假遠離一下市區，去離島行下就最好不過，長洲係我最喜歡，因為夏天除咗可入嚟游水度假外，仲可食下好多正嘢我自己就好鍾意一班朋友聚下食串燒飲啤酒，呢間喺長洲都好出名好味又抵食，先整幾串食下，串串粟米好鮮甜帶惹味鐵漢少女心其實係肥美豚肉包住香甜士多啤梨，黎姿原來係豚肉包住另一款水果荔枝豬茜都係我鍾意嘅一款，豚肉燒到外層微焦，但肉汁仲保留到，裡面包住多汁香菜芫茜蒜燒原條茄子係朋友每次食串燒都要點，茄子燒到好淋身又入哂蒜及調味料，惹味得嚟送啤酒就最好炙燒雞皮真係超香口，咬落去好脆身又充滿雞油香呢個脆脆平安包係必試㗎，有流沙奶黃及芝麻味揀，我就鍾情邪惡又甘香嘅流沙奶黃，包面仲好脆身，裡面有流沙效果台灣直送雞腿卷燒到好香口，啖啖肉好滿足食咗咁多肉，整串鮮甜帶微酸咪咪菠蘿就啱哂，勁多水果汁好清新…查看更多

平時放假最鍾意周圍搵野食，特別係中環區真係好多質素高嘅餐廳，今次嚟咗呢間喺Soho嘅法式餐廳！餐廳雖然唔算好大，但裝修得好舒適。我地首先點咗兩款Canelloni，外型有啲似中式嘅春卷，賣相幾精緻，食落係啖啖松葉蟹肉，個口感都幾好！第二款 招牌生蠔 都幾有特式，蠔肉上鋪上紅紅綠綠嘅青瓜粒同西瓜沙冰，為鮮甜嘅生蠔帶出另一陣清新味道！餐包方面都做得唔錯，口感幾好。我地點咗白酒襯埋生蠔食，隻蠔食落更加鮮甜！最愛呢一個菜式：魚子醬鰻魚甜甜圈，donut面頭放上煙燻左嘅鰻魚，同埋唔少魚子醬，成個配搭都好creative 。咬開donut 中間係胡蘿蔔醬，個味都幾match ，my favourite!最後叫咗個Squid ，擺盤好靚！材料用左新鮮螢光魷魚同埋燒魷魚，加左啲水牛芝士成件事更加正，味道酸酸甜甜好開胃！整體體驗都好好，下次再黎試下其他野先！…查看更多

早幾日去演藝學院睇舞台劇，順道食埋呢間喺其他分店都食咗幾次嘅台灣牛肉麵，灣仔分店仲有埋多款台式茶飲兩杯飲分別係百香果QQ及草莓歐雷，前者好百香果清新香甜帶微酸，而茶底都夠香，夏天似特別舒服涼快，而另一款草莓就好夠士多啤梨味，入面仲有果肉㗎先來一款小食係慢煮無骨口水雞，經慢煮過嘅無骨雞特別夠滑夠嫩，而且口水醬汁調特香辣惹味，好鍾意呢款台式小食嚟到緊係要食牛肉麵啦，麻辣蒜味腱心半筋半肉牛肉麵，本身湯底香濃帶辣，仲有陣陣蒜香，而半筋半肉特別好食，麵質都夠爽口彈牙另一款犇牛四寶麵，啱哂貪心鍾意食牛肉嘅人，入面有哂牛筋、牛腱、牛肚同埋五花肉，每款肉口感不同，特別鍾意食牛腱嫩腍帶肉香，仲有爽口一啲嘅牛肚…查看更多

食辣真係好上癮，呢間喺尖沙咀新開嘅川菜館，環境好大又舒適，下午嚟見到落地大玻璃又開揚有日光好正估唔到川菜都有臭豆腐食，呢隻豆腐仲係黑色方形，外層有咬口入面豆腐好滑，面頭仲有辣椒及蒜蓉，食落好惹味有點臭臭啲香酸辣湯好足料，有筍絲、豆腐、香菇、肉絲、蛋花、蔥花、芝麻等等我，入口順滑唔會好結身，調味剛好仲滲出香辣味道鍾意食魚就要點呢款招牌剁椒大魚頭，做法會鴛鴦辣椒，青紅辣椒各一半，青辣椒偏鹹香，紅辣椒就香辣惹味，魚頭好新鮮肉質滑嫩…查看更多

觀塘平時真係人多車多，一到午餐時間好多地方都爆滿，咁多年嚟餐廳都向樓上伸延，而且質素越嚟越好，呢間新開樓上西餐前身都係餐廳嚟，而且仲有cocktail飲，今次跟同事們嚟食個午餐先，餐牌有法式牛柳、香煎比目魚、芝士焗肉醬意粉等10款選擇～我就點咗個紅酒雜菜燴牛尾（配飯）$98，仲會包埋餐湯、餐包及熱飲，餐飽都夠軟熟南瓜湯實在煲到太濃郁了，飲落香甜夠順滑呢個牛尾飯真係好食，首先份量真係多一定夠飽肚，牛尾燜到嫩腍得嚟帶一啲咬口，肉味濃又夠香噴噴，而且個紅酒汁用紅蘿蔔，洋蔥及香料等等煮到好香濃，撈飯食真係一流，旁邊仲有蔬菜伴碟，整體好味得嚟價錢又唔貴，會再返嚟試下個晚餐牛扒先～餐飲要咗凍咖啡，正常口味都不錯…查看更多

繼續放假繼續食食食，今日去食家鄉食燒肉放題，呢一間主打所有食材由全日本直送，其中宮崎A5桜花牛仲係自家農場養殖店內餐廳環境都好舒適，位與位之間都好鬆動，我哋今日揀左個 $998 A5櫻花牛放題，呢個放題夠豐富，主要用咗日本冠軍宮崎牛，A5櫻花牛仲係呢到香港獨家先食到㗎期待咗好耐嘅A5 櫻花牛牛出場了，真係好澎湃啊，有成10款不同部位，款款啲油花都好靚，侍應好有耐性介紹牛部份同教埋我地點燒，眼中只有牛牛牛，先燒鮮紅和牛內後腿肉、外後腿肉開始，再慢慢燒粉嫩牛脂油花嘅五花腩、牛肋肉、肩口肉，食係牛味香濃油香豐富，到燒肉眼扒真係不得了，入口即溶牛脂勁香當中肉眼同埋壽喜燒會由侍應幫手，佢哋燒和牛經驗拿捏得好啲，侍應見我地呢個頭盤食到7788，就過黎操刀燒肉眼扒，有專人燒真係不得了，望落去霜降超粉嫩油脂豐富，食落肉質綿密入口即溶，唔知以為自己係日本食緊燒肉，勁好食另外個蟹味噌甲羅燒，蟹膏鹹香鮮味配香脆米通食一流，建議香脆米通加多2塊，另一重點推介係內臟，香港冇乜餐廳會有日本直送內藏到港，呢度連和牛內臟都有，我本人就超鍾意食內臟，牛肝牛肺牛肚，燒完後甘香美味除咗和牛外，雞肉豚肉都有，當中雞肉好嫩滑，肉質不錯；熟食方面好正，店員介紹和牛拉麵，湯底係用和牛骨煲出黎湯底，又清勁有牛味，激讚，必點！海鮮方面，我自己就鍾意香草牛油廣島蠔，超級美味再加埋芝士年糕，本身已經好重芝士味，食入口軟糯入面流心芝士香濃，大愛！最後點埋甜品，布甸同柚子葩同抹茶雪糕，綠茶又好好食喎，柚子葩好fresh，不經意地食晒…查看更多

光榮冰室基本上都唔洗特別介紹，出名平靚正抵食又大件，尖沙咀店每次午餐及晚餐時間都會好多人食，仲有好多外賣，所以我都早啲去免排隊，坦白講有段時係差咗啲啲，可能太多單有影響到，但好快又保持水準，我每次嚟都會叫蔥油雞扒飯，佢塊雞扒真係好厚身又大塊，仲煎炸到外雞皮位金黃色又香口，而塊雞扒肉質仲好嫩滑多汁，食落啖啖肉好正，蔥油整到好香送飯真係一流，會不自覺清到成碟，不過食完真係好夠飽，價錢都好合理，如果女士可2個分享一個餐添啊…查看更多

哇～呢間車仔麵真係一試就難忘，我真係好鍾意食車仔麵㗎，呢間主打嘅餸係潮州滷水系列，如果鍾意食內臟你一定會超鍾意，首先佢個湯底都幾濃幾鮮，仲可揀麻辣，滷水汁等等，如果鍾意重口味佢有個咩汁可加落去，而辣度都好夠，重點我會叫豬粉腸、牛肺，大腸等，真係滷到好入味，腍到又適中，佢啲內臟洗得好乾淨，一啲怪味都無，如果鍾意食蘿蔔都要叫，因為次次食都唔會有渣，仲要好入味吸哂湯好鮮甜，另外仲可要求多蔥花多芫荽，令到成碗車仔都好香…查看更多

我本身都好鍾意食麵，尤其係車仔麵，因為可以試到好多唔同種類嘅餸菜，太子呢間車仔麵，長期都需要會排隊，特別係午餐時間，人龍都很長，不過好在負責出餐嘅都有幾位店員，所以都算快就到我排完落單，呢到嘅餸都超級多款揀，我特別鍾意豬腸因為滷得夠入味，而且仲好肥美，食落偏腍帶爽，同埋洗得幾乾淨，唔會有陣陣怪味，而牛筋都燜到好腍好入口，筋位有一點點肉，宜家冬天菜仲有我鍾意嘅西洋菜，好新鮮唔會有渣，豬皮都係必叫，好入味好爽腍…查看更多

話說早排去某活動經開九龍灣，當然要支持一下大渣哥，當日唔算多人，仲有好多空位，被安排入坐後坐咗4人位，咁好啦幾個袋放咗喺隔離張椅子到，點知有2位宮客人被安排到我隔離，變相我要攞起個袋攬住食，當日隨身物品太多食得唔係幾舒服，唔明個經理點安排，仲同我哋講唔可以放嘢喺到，因為要比客人坐，如果係爆場多人無所謂，但明明周圍都有位，我真係諗極都唔明不過食物係有質素嘅，要中讚個乾炒牛河，份量好大碟之餘仲好食，河粉炒到油香濕潤但有微微乾身，食落好煙韌有啲彈牙，上色都夠均勻，而牛肉都好嫩腍，整體好美味…查看更多