Leung993的個人專頁

同幾個朋友元朗打邊爐，試咗 Spicy Drunken 嘅蒸氣火鍋。上枱嘅海鮮拼盤好新鮮，有蝦、蜆、花甲、蟶子、魚片，即蒸即食睇住個鍋蒸幾開心。 蝦肉甜、冇腥味，花甲冇沙，食完啲精華流晒落粥底，熬成一鍋超鮮嘅海鮮粥，熱辣辣就咁食粥底鮮甜而不假，真係一流既享受。 仲加咗牛肉片、娃娃菜、冬粉等配料，唔貴又好味。環境乾淨，冷氣夠，服務員主動加水拎碟。適合夜晚聚餐，熱鬧又唔侷促🦐🍲🥢重點大熱天時打邊爐都唔怕熱 ^^ …查看更多

一個 weekend 約咗朋友食 brunch，去咗 Sky726。喺旺角樓上，環境靜中帶靚，有啲小清新感覺。叫咗 all day breakfast 同 smoked salmon eggs benedict，擺盤靚、賣相吸引📸。 三文魚厚切，唔腥；水波蛋切開流心，加埋 muffin 同 sauce 好夾；All day breakfast 份量足，有炒蛋、香腸、焗豆，正常發揮。 叫咗 latte 同 mocha，拉花唔錯，奶味香滑。可以慢慢坐住傾計，無催單無催走。影相、hea、食 brunch，一次過搞掂。🧡🍳…查看更多

放假帶屋企人嚟 MOKO 嘅 Outback 食晚餐，環境闊落，唔迫好適合一家大細。叫咗牛排、芝士焗薯皮、洋蔥圈同招牌麵包。
牛排 medium 做得剛剛好，肉質 juicy；芝士薯皮熱辣辣，啱啱出爐咁樣，唔太鹹；炸洋蔥圈脆口唔油。麵包加牛油簡直係必食，長輩都話滿意。
職員服務得好，主動加水收碟，笑容又親切。加上係旺角上蓋，食完仲可以順便行街。性價比唔錯，適合家庭 dinner outing。🥔🍖🧅…查看更多

約咗朋友去食Coco壹番屋，之前食過覺得唔錯，想睇下質素係咪依然保持水準，加上朋友又想食咖喱又唔係太食得辣。🍛✨今次點咗炸豬排咖喱飯同海鮮咖喱飯，豬排仍然炸得香脆，外層金黃，內裡仲係保持嫩滑，豬肉唔會太乾，但份量感覺偏少。咖喱醬係Coco一貫嘅濃郁風格，略帶甜味，辣度可以自己揀，幾貼心。至於海鮮咖喱飯，配料有蝦🦐、魷魚同青口，味道唔錯，但海鮮嘅新鮮感稍稍欠奉，食落無太大驚喜。另加咗一個炸薯餅，外層炸得香脆，內裡軟糯，幾適合配咖喱一齊食。飲品方面揀咗杯凍綠茶，清新解膩，但口感偏淡，冇特別突出。無食咁耐估唔到佢都穩定無變，味道唔會失準，但如果之前食過，今次再試就可能覺得欠缺新意。價錢合理，但以份量嚟講性價比一般。如果你鐘意日式咖喱，其實都係一個值得一試嘅餐廳，但如果期望有新鮮感或者創意菜色，可能要考慮其他選擇，因為咁多年佢既餐單都係無變過。🍛😊…查看更多