Pomiy Chow的個人專頁

一直以來每次到澳門要食葡國菜都很少會幫襯有名氣的餐廳，因為每次聽朋友說都是中伏居多，但每次到澳門食左呢間有名餐廳，完全顛覆左我既諗法。最驚艷到我的是非洲雞、葡國蜆及乳豬！非洲雞-口味偏甜帶辣，雞肉不柴，愈食愈想食，d味用黎撈飯、點薯條一流！必食推介之一！葡國乳豬連飯-皮薄脆，味道適中，之前食過幾間葡國乳豬，呢間個味最好！底下d焗飯都好好味！葡國炒蜆-惹味少少辣！蜆對我來說是很難會打動到我，因為由細到大都食到厭了，但呢碟蜆個味正之餘，d蜆夠新鮮冇沙，好耐冇食過好味既炒蜆喇！對比牛扒比較建議大家叫燒豬柳！雖然睇相有d乾，但係食落一d都唔乾！朋友話俾牛扒好食！其他食物都可接受。我地一行人6:30食飯，食左一小時要趕船番香港，7:30門口已聚滿人！建議大家要book位！…查看更多

平時都係去開樓上cafe多，有朋友介紹我黎銀之冰室，咁岩星期六日黎旺角就食個下午茶☕首先一入到去已經顛覆左我對冰室既形象，以懷舊同貓貓為主題，環境十分有風格同整潔單單係裝潢已經值得黎打卡，好少見冰室裝修得咁靚環境唔會太嘈，靜靜地係到嘆個下午茶其實好舒服我自己就叫左招牌下午茶——蝦多士🦐🦐🦐，見到好多人介紹，就即管試下佢另外叫左杯紅豆冰，窗邊呢個位打卡真係一流，出面就係公園，foodie必揀位置👍🏻👍🏻食後感：幾特別，多士外脆內軟，唔會太實第一次食蝦+多士，比想像中夾，基本上一口一個，份量岩岩好，最適合我呢d小胃女子☺️價錢都唔貴，$56，出面大把cafe過百蚊都無佢咁好食，大部分都係賣環境，賣啅頭但無諗過一間冰室仔，環境同cafe有得fight，啲嘢食仲要好好食👍🏻👍🏻十分推介另外冰室對面仲有間文具銀行，裡面好多懷舊文具做展覽聽店員講佢地會將d文具捐比有需要既人，或者義賣比想要既人，得到收益會全數捐出可惜疫情關係無得入去睇😢😢就咁出面睇都覺得好有feel見到第二檯食緊個香蕉窩夫都好正，下次打算都fd一齊黎試，吹下水過個下午😋…查看更多

位於灣仔跟銅鑼灣中間的一間小店，門面不是太起眼，但店內裝修乾淨舒服。一進店內就會見到泰式炸咸肉掛在食物架上，真係勁吸引！不過呢次都係得兩個人，點唔到太多野食，但已經決定下次再來！今日點了3樣野，泰菜黎講真係令我喜出望外！首先介紹泰式無骨海南雞拼炸雞飯，炸海南雞在香港很少見，食過九龍城幾間泰菜，都找不到炸的海南雞，一次過食兩款不同的雞，真係好滿足！炸雞不會太乾，但略嫌炸皮比較厚身，炸或原味海南雞雞味十足！好食！再點了泰式金邊粉，它是屬於比較濕身，夠酸也夠辣！蝦新鮮彈牙！只是覺得份量比較少，有d唔夠喉！但要小心，如果撈埋邊邊的辣椒粉會好辣嫁！要特別介紹就係呢樣胡椒豬雜湯！之前係泰國一個當地家庭飲過，果次飲完之後，番黎香港好想再飲，但都搵唔到，咁岩見到呢間小店有，而且只需35蚊，就點了一個！豬雜新鮮沒有蘇味沒有臭味！湯底更是重胡椒，勁足料！最中意湯中的粉腸，夠冧吸滿湯汁，真係想再食多兩舊！就係因呢個豬雜湯，令我十分驚喜！小店的水準十分之高！令我想再試食埋佢其他野！下次再去灣仔一定會再來幫襯！…查看更多

放工後一家人只想快速醫肚，在第一城有好多餐廳，今日好想食小籠包，所以就揀左呢到食飯。一行4人叫了一個三餸set，包括兩個小食、一個湯、三個主菜、一個炒飯/麵，同埋一款甜品。個set只需$395蚊，價錢麵算ok可以接受。小食我地叫左蒜泥白肉同生煎包。蒜泥白肉唔夠蒜亦不夠咸同酸，略為失色！要再另加醋先好咪少少。肉也不夠薄，有d厚身。反而生煎包非常有驚喜！包身軟熟，唔會硬，調味適中，又唔會太咸。雖然只煎左底面，但我覺得剛好，起碼唔會成個包都係油！粟米魚肚羹，少粟米，過咸，麻麻地。椒鹽排骨，呢個反而唔夠咸！不過不失啦！回鍋肉，有屋企自制既感覺，好似少左d野，但又講唔出少左d咩甜酸炸魚，反而呢個值得一讚！魚塊炸得香脆！吸左汁亦唔會變得林晒，仲可以keep到個脆度！可以一試呢個餸！老上海炒飯，比較油！同咸！食完狂飲水！木桶即製豆腐花，本身已有甜味，可以不用再落黃糖，口感順滑！我地另加左客小籠包，size都算大粒，亦多湯汁，但就冇一咬落去會嘩既感覺，不過不失。街坊醫肚黎講都可以接受，但調味一時太重手，一時輕手就需要改善！…查看更多

今日約了去朋友家，朋友先約了在這午膳後，再去佢屋企。小店位置明顯是做街坊生意，因為唔太就腳。本身見到老虎岩呢個名，以為係仙跡岩既朋友，原來係食牛既小店。先點了一個牛饕米線，包括有牛丸、牛雜同牛雜，可以叫到全牛麵，牛腩炆得淋同入味，牛丸彈牙juicy！我點了牛雜河，牛雜非常好吃！充滿了滷水汁既味道！我加了黑柏葉，也有驚喜！牛雜既入味程度係我食過咁多間，呢間係最好食的鋪頭之一！河粉可值得一讚，老虎岩所用的河粉俾一般粉麵店粗，也比較煙靭，唔係間間鋪頭都會入呢隻粉！食粉麵一定配炸魚皮！見到相就已經好想叫，因為好少店會入有骨既魚皮！口感俾一般魚皮硬，但比較濃味！36蚊一份超值一試！總括黎講呢間小店真係喜出望外！完全有驚喜！食物十分有質素！…查看更多

2人晚餐，九龍城任選一間試食。九龍城是泰菜集中地，對香港人來說好似間間都係一樣，唔知食邊間好，我都有同樣疑惑，所以未食過的都會試一試。今晚揀左金麥泰，因為不用等位，即刻有位坐！坐低有兩本meun，一本係食物meun，一本有相既套餐相簿。套餐相簿真係好方便，例明晒價錢同食物，一睇相就知幾錢同有咩食！我地揀左一個$245既套餐，有4樣野食。第一樣係冬蔭功，大蝦大隻夠新鮮，仲有蝦膏，湯唔太辣，但夠酸又不太咸，好快兩個人就飲晒lu！第二樣係串燒，雞及牛各3串，牛肉偏咸，有少少牛味，雞肉燒得幾嫰，調味剛好。串燒正常冇咩驚喜。第三係蝦醬炒飯，比較細碟，但味道不錯，炒飯夠乾身，整體來說都幾好食！第四樣係木瓜沙律，沙律竟然係最遲上，份量都比較小！不過夠辣！價錢來說是比較便宜，但份量比較少，上菜速度好慢，見到餐廳都唔夠人手，耐何食物質素都ok可以接受。…查看更多

朋友新居入伙，一行人係呢到食完飯就上朋友家玩了，我地10個人，book了6點位。我們6點到來，門口已經有人等開門，6點半食店已經坐滿人了。由於未齊人，我地先點了小食醫下肚，先點韭菜鵝紅，鵝紅唔係每一個地方都有得食，呢到既鵝紅，有煙韌既口感，不過略嫌唔係好夠鹹。再來是滷水三寶，我哋叫咗墨魚、鵝腸同埋豬大腸。墨魚刀工好好，切得好薄好靚，唔會好似咬車呔，有鮮味。鵝腸唔腥，冇沙，好味！豬大腸入味，夠林，唔臭！呢3樣野真係好出色！我地多人，叫了一大鍋方魚肉碎粥，好味足料，大大煲夠晒食！普寧炸豆腐，口感似炸鮮奶，好滑，好輕，真係可以一個人食晒成碟！係必食推介！我想講係最遠呢碟餸，叫做薄殻！用九層塔炒，好香好好味，雖然好細隻，但十分鮮甜，用黎撈粥好正！仲要唔係成日有！有的話一定要叫！中間我地仲叫左蠔仔洛、椒鹽炸蠔、兩面黃同埋沙爹牛肉介蘭，每樣都好好食！又大份！每次朋友聚會，都會叫甜品黎做一個完美既終結，我地今次洲左反沙芋，芋頭大件夠林夠棉，外脆內軟！80蚊8舊！心機腐佢！十分值得一食！整體來說，呢間街坊小店性價比高，大碟又唔貴，一班frd可以食到好多唔同既餸！值得一來！係長沙灣站行去都好方便！…查看更多

大角咀近太子靜中帶旺的小社區，近年多年小少小店進註，喜歡小店的原因是有人情味，有個人特色，有風格。這間小店新開，店內裝修幾舒服，便決定一試。夏天太熱了，一坐低就忍不住叫左野飲先！檸檬茶沙冰比較少見，58蚊勁大杯！完全係可以一路傾計一唔飲都足夠，不太甜，岩晒喜歡少甜的我！另外，朋友叫左二世祖特濃凍朱古力，48蚊，十分濃郁！香滑！口感勁rich！勁足朱古力，又飲唔到粉一粒粒既感覺！明太子櫻花蝦配青瓜絲扁意粉，重芝士重櫻花蝦重明太子，重口味，但配上青瓜絲，令整個感覺中和番，清爽晒，有d似蟹子沙律既感覺，138蚊，十分推薦！辣肉腸芝士pizza，118蚊，見到相都見到d辣肉腸差唔多係密鋪平面，勁足料，配埋芝士，又係重口味三級旋風薯條，108蚊，配上3種重口味醬，包括藍芝士、蟹子同埋黑松醬，呢種薯條好少食到，好厚實，3種醬都好好食！個人黎講中意蟹子，因為未試過呢種配搭！二世祖特色雞翼，麻辣同蜜糖芥末，蜜糖芥末正常，但麻辣就好驚喜，朋友話有d老乾媽既味道，而家好辣，仲有d似譚仔麻辣湯既感覺整體黎講，呢間小店野食質料真係十足，屬重口味，最後飲番啖檸檬茶沙冰，可以掃走膩既感覺，又開始再食過。不過兩個人叫得太多野食，薯條食淨左一半…查看更多

7月14日星期日晚，好姊妹食番我們食慰勞婚，因為要就小朋友，所以揀番沙田區的食店！M3本身已食過河畔果間，今次再試埋大圍呢間！大圍呢間地方比較闊落，可以放到bb車，同埋有high chair提供。頭盤叫左一打生蠔，168蚊半打。法國產，新鮮，鮮甜，一d苦味都冇，唔太咸，加檸檬汁就已經足夠。柚子海鮮沙律，90-100蚊，菜同海鮮都好新鮮，味道清爽。墨西哥辣雞翼，雞翼有d似芝麻雞翼，但佢辣辣地，再配埋墨西哥蕃茄醬，好味！龍蝦汁意粉配龍蝦尾，龍蝦汁味燶，意粉偏硬，但份量十足，抵食好味！黑松露意大利飯配香煎鵝肝，味道香濃好味，鵝肝油流落飯中更香！柏馬臣火腿pizza，薄脆好味，火腿配蜜桃，甜甜地又咸咸地，配埋芝士prefect match！呢種pizza，屬於勁薄果種，食完都唔會覺得漏。肉眼扒，5成熟，不過不失，有牛味又唔靭，質素唔錯！今餐多謝姊妹萬歲！價錢合理又唔會太破費，同埋食物環境質素十分高cp！區內高質之選！…查看更多

最近無時無刻都想食辣野，但係由於自己腸胃唔好，所以有好多顧慮，首先是愈近自己屋企愈好，住左係紅磡差不多兩年，最近才的起心肝嘗試呢間餐廳(因為男朋友對食物有一定執著)。所以打俾紅磡的朋友，一齊即慶去吃晚餐。由於男友之前是廚師，所以選擇主食材都是他負責，他點了吳郭魚+招牌小辣。配料則由我選擇，我選了黃金組合、牛肉、黑毛豬、油麥菜及響鈴，再點了一個麻辣豬耳。當看到整盤魚時，心想一定會很辣，但是看比較辣，這個辣度是我們應付得來，而且又不會搶了魚的鮮味。魚是煎過再放辣湯，所以最好把魚先吃完再加湯來火鍋會比較好，因為不斷加熱，魚肉會變得比較老。配料的芽菜吸滿湯汁，很入味!吃辣一定要加芽菜及響鈴還有豆皮!…查看更多