kay chan life的個人專頁

今次試咗佢哋嘅招牌和牛，估唔到仲有現場炙烤，視覺畫面滿分~🤍申子海膽和牛燒 ＄378這道海膽和牛燒係必點！和牛現場燒到五分熟，油脂香氣加上微焦的香味，一入口好驚喜。燒好的和牛放在白飯上，現場加入生雞蛋，慢慢捲起，再逐面繼續炙烤，再加上海膽和魚子，一啖食落去，和牛和蛋黃的味道好濃厚😍🤍吉列三重芝士千層豚肉 ＄238好邪惡嘅吉列三重芝士豚肉，一夾落去，芝士好似瀑布咁湧出黎，仲要瘋狂拉絲，外皮炸得超酥脆，兩三個人食啱啱。🤍申子身卷$248申子身卷🍣燥飯上面放上吞拿魚蓉，魚蓉上面有海膽同三文魚子，入面捲住仲有脆脆，味道好融合…查看更多

前排去完西班牙，心思思好掛住就諗住試吓喺香港食，試左西班牙檸檬啤酒🍺，酒精濃度唔高，入口好清香。我晚餐時段係$58一杯，Happy Hour 時段$38 1杯‬ 更加抵，建議大家喺呢個時間嚟吞拿魚沙律：吞拿魚好厚肉，好肥美蒜片蝦：呢道簡直係西班牙名菜，佢呢度都做得好，啲蝦係新鮮彈牙，蒜油香味好出，佢仲配埋超級香脆嘅蒜蓉包，夾埋一齊食西班牙海鮮燉飯：呢個超級足料，上面嘅海鮮鋪得好滿，燉飯有咬口，啲汁唔知係咪錯覺，好似食到龍蝦味西班牙脆乳豬：我超鍾意呢個，啲皮烤得好脆，入面又好Juicy，本身擔心會唔會好乾柴，但完全唔會，旁邊仲有焦糖鳳梨，非常解膩😋…查看更多

呢個皇者大閘蟹一人餐，真係好抵食，每位四百幾蚊就包左江蘇嘅2隻蟹公（約5兩）同1隻母蟹（約3兩），仲有勁多小菜，最後食到超飽，呢個份量係好驚喜😍鮮拆蟹粉小籠包：入面食到好多蟹肉，夠曬足料大閘蟹：兩皇一后，即係每人有3隻~每隻都蟹膏滿滿，幾鮮甜套餐去面仲有花膠雞絲羹，黑松露炒蝦球，煙鴨胸併青瓜，鮮茄菌皇浸時蔬，薑茶湯丸（薑茶唔會太甜，食完好暖胃)要特別提呢個鮮鳳梨黑豚肉：我平時對咕嚕肉要求好高，呢一款佢哋整得味道酸甜，夠開胃，最緊要嘅係外皮係酥脆唔會整到冧晒仲試左蟹粉蒜蓉包，蒜蓉包超級脆，加上濃郁豐富嘅蟹膏，好惹味…查看更多

今次嚟到元朗呢間已經聽咗好耐嘅爆辣冷麵🍜 其實我本身唔係好食得辣，所以專門叫咗姐姐幫我俾最少最少嘅辣度😅呢度係外賣形式，好似以前細個讀中學喺學校附近食小食嘅感覺~ ✨爆多蟹籽冷麵超多蟹籽，食嘅時候充滿咬破一粒粒蟹籽嘅口感~✨蟹籽沙律我最鍾意嘅應該係呢個，有咗沙律青瓜絲嘅中和，清清涼涼咁樣對我嚟講冇咁辣，少許嘅螺肉亦令整體口感同味道 更惹味✨爆炒烏冬呢個係我就算唔食得辣都好推薦嘅，因為佢真係辣得好好食，我最後一邊飲牛奶一邊都要食😅✨有賽磅蟹杯麵呢款比較香，有淡淡嘅油香味開頭唔係好有辣味，但係後勁好強✨透明袋裝撈麵呢個袋裝撈麵，簡直係中學時代嘅懷舊小食，情懷滿分❣️✨爆辣炒飯我自己好鍾意食炒飯嘅，所以呢個我當然都係好鍾意🙌🏻推薦大家試試喔~✨雞軟骨雞軟骨炸得好香口，唯一就係有少少太鹹，唔小心重手咗🤣所以我係配埋蟹籽沙律一齊食就啱啱好…查看更多

今次嚟到半島酒店地庫「釧Kushiro」嘅廚師發辦Omakase ~ 晚餐時分入座，比我嘅感覺係裝潢幽靜有格調，職員非常有禮專業，訓練有素，每一道菜食材都記得好清楚，會仔細咁樣介紹俾客人，成個過程都堪稱係視覺、味蕾以及知識上嘅深度享受 ✨❣️瀧 TAKI$2280｛おつまみ3品・一品料理3品・鮨8貫・お吸物・デザート｝・おつまみ3品✨鰻魚苗 配 蘿蔔漬前菜已經好有特色，呢道鰻魚苗用一個好精緻嘅杯仔裝住，師傅介紹鰻魚苗係春天先有 ，屬於季節特色。配上自家製蘿蔔漬一齊食，就好似食烏冬咁樣口感絲滑，酸甜開胃，打開味蕾。✨一品料理之後上咗一道又係造型好精緻嘅一品料理，用一個透明有蓋水晶容器裝住上碟，配貝殼匙羹仔 ，未食已經充滿期待😍呢度菜係蝦配上魚子醬，中間有柚子醋，番茄jelly ，再以龍蝦膏做底，一啖過食晒咁多層次，好似成個海洋嘅鮮味都係嘴入面 ，令人齒頰留香。✨北海道北極貝之後送上一道北極貝，擺盤唔使講都係滿分，呢度菜嘅靈魂就喺佢嘅醬汁入面，以牛油麵豉煮到五成熟，唔會太生之餘，又保留到北極貝嘅新鮮口感與風味，上面放上九條蔥以及紅椒絲作為點綴，增添香氣同埋色彩 。✨壽司🍣之後係四款手握壽司，師傅手勢好專業，有功底。🐟針魚：春天先有既魚，係我第一次食，呢款白身魚味道清甜，作為開場再好不過🐟池魚: 味道比起第一款魚濃番少少，循序漸進🐟赤貝: 大大隻，好足料🐟鰤魚：我一向都好鍾意鰤魚，呢個都絕對冇令我失望✨帆立貝➕牡丹蝦昆布積 之後再送上呢道一品料理，帆立貝一開二，新鮮厚肉，食落好鮮甜，旁邊配上牡丹蝦，兩種唔同嘅鮮味配埋一齊相得益彰，旁邊放上少少柚子鹽吊味✨鮟鱇魚肝配西瓜積食完咁多海鮮，送上一份口感棉滑的鮟鱇魚肝，我平時麻麻哋鮟鱇魚肝，比較怕腥，但呢個就一啲都唔腥，口感好似鵝肝咁順滑 。上面嘅西瓜漬都係本店特色，第一次嘗試既，爽脆清甜，好好咁樣中和左鮟鱇魚肝既濃味✨淮山漬除咗主要食材之外，呢度嘅配菜都令人眼前一亮，呢度嘅師傅係香港比較少有嘅專心做蔬菜漬既師傅，每隔幾日就會親自製作，呢一份淮山漬係我試過最好味嘅，忍唔住要多一碟😅❣️热食：✨香煎鲷鱼上面的醬汁由鯛魚骨熬製濃湯，再加入薑蓉以及秘製醬汁製成，水菜筍紫蘇花作為伴碟 ，香口惹味✨壽司🍣之後再送上一系列壽司🐟金目鯛：但係睇相都知道超新鮮🐟中拖羅：肥瘦適中，有口感🐟大拖羅：我最愛嘅大拖羅，油脂飽滿，脂香四溢🐟海膽手卷：第一次見到海膽手卷係滿滿兩層海膽，師傅一啲都唔吝嗇，一啖咬落去好滿足✨玉子個玉子做到好似啫喱咁樣，冰冰涼涼又Q彈✨野鴿清湯加入唔同嘅家禽，甘筍洋蔥菇菌 ，營養鮮味，最後用蛋白吊清，令成個湯顯得好清爽❣️甜品呢個嘅甜品令我超級驚喜，首先已經係種類繁多，樣樣都擺盤好有心思，上到嚟已經眼花撩亂，最難得嘅係佢完全唔係得個樣，食落每一個甜品都好好味好有特色~ ✨芝麻朱古力一定係其中一樣印象超深刻嘅甜品，食落口，除咗有黑朱古力嘅美味，再加入咗濃郁嘅黑芝麻香。簡直好似食緊芝麻糊咁。✨豆奶泡芙都係佢哋嘅招牌，唔會太甜，豆奶香氣好出出✨仲有豐富嘅甜品盒子 ，每一樣都可圈可點 ，按照淡味道濃味嘅順序去食，為今次嘅晚餐畫上完滿嘅句號。…查看更多

餐廳裝潢採用和風木調，以月亮為主題，燈全部都係月亮主題，環境開揚清幽，打卡一流~❣️試咗三款前菜✨味醂魚乾🐟雞皮餃子🥟唐揚白海老🦐味醂魚乾一向都係我嘅心頭好，比起其他地方，我鍾意呢度嘅味醂魚乾比較軟腍唔乾柴。而雞皮餃子我係第一次食，一試就愛上咗。雖然感覺好邪惡，但係用雞皮包住多汁餡料，一啖咬落去爆汁充滿雞油香，真係好好味🤤❣️海鮮天婦羅雜錦海鮮天婦羅包含有海蝦，唔同嘅海鮮，時令野菜～海蝦當然唔使講，好軟滑，最驚喜嘅係鰻魚天婦羅。薄薄一層鰻魚，用嚟做天婦羅原來咁有風味，竟然有種鰹魚乾嘅香氣。❣️主菜我揀咗照燒雞扒湯烏冬雞扒火候適中，最緊要係個烏冬超級滑，好似食啫喱咁一下就入口，好爽快滿足😌❣️今日嘅重點係串燒🍢白鱔好爽口，牛舌心好彈牙，西班牙豬油脂豐富，食落好唔錯👍❣️最後個甜品我幾推介～係雪糕加牛角包窩夫窩夫脆脆地，配上士多啤梨雪糕，酸酸甜甜又解膩，為今晚嘅晚餐畫上完美嘅句號。🍶清酒迷有福！呢度係有清酒放題㗎！選擇好豐富，無論係鍾意辛口定甘口既你都會搵到鍾意嘅~ 今晚我就飲得好滿足啦~…查看更多

未入門口，已經俾佢嘅裝潢吸引，吸睛嘅藍色配上開陽嘅座位設計，色彩搭配具有美學，冷暖色調碰撞得來亦非常和諧。💰Brunch Menu 只需$298好抵食，用料份量都好有誠意！套餐包括兩款前菜，一款主菜，一款甜品以及飲品。(Starter前菜)🥗Gem Lettuce Salad 生菜好新鮮，爽脆清甜，配上紅椒粉以及果仁，都好開胃。🐟Tuna Tartare吞拿魚碎咸香嫩滑，配牛油果蓉，帶香脆的撻皮，好味🦐Gambas al Ajillo +$60King prawn 大大隻！我特別鍾意橄欖油入面鮮香既蒜片，成個風味變得好惹味。🥓Ham Croquettes (3pc)炸得表皮香脆，入面好creamy， 簡直是外脆內軟，饀料滲出火腿的咸香(Main主菜)Alaska Halibut青口、魚柳、青豆配龍蝦汁，魚柳好嫩滑！龍蝦汁美味，帶出咗魚柳嘅鮮味。Truffled Angus Beef Cheek +$50口感嫩滑，醬汁唔會過鹹，上面仲有大大塊嘅黑松露增添香氣 。(Dessert甜品)Coconut and Fresh Berries (V)賣相十分可愛好像一個雪糕杯，上面是清甜的椰子味忌廉，下面是滿滿的雜莓，很清新Basque Style Cheesecake +$20巴斯克 cheesecake 芝士味好香濃，入口即溶，雜莓果醬，剛好平衡了芝士的膩感👍飲品：Espresso martini 🍸 可能我本身對Cocktail 要求比較高，呢杯對我嚟講有少少太甜，咖啡味唔夠。STRAWBERRY BASIL SMASH呢杯冇酒精飲品就做得唔錯，幾清甜 ，適合解膩✨餐廳設有 pet-friendly戶外座位…查看更多

新年嚟到蘭桂坊，試吓呢間好有格調嘅酒吧，具有美國風情✨雞尾酒好有特色，今次試咗兩款雞尾酒 🍹好意頭嘅The way of the Dragon 猛龍過江 🐲一入口已經覺得好特別，介紹吓對喉嚨好好，裏面竟然有念慈菴川貝枇杷露嘅味道😌第二杯係The Green Hornet 青蜂俠採用茶以及熱帶水果調製，清爽醇香另外仲試咗兩款小食：Crab Rangoon: 呢款其實係炸餃子，炸得好香脆，入面嘅餡料好creamy, 有啲似西班牙菜既口味，推薦General Tso's Chicken 有啲似唔辣的韓式雞。份量好足，件件雞塊都好大舊，滿溢惹味醬汁，別有風味。我覺得佢哋嘅燈光做得特別好好，枱面嘅燈都好有心思，折射出好靚嘅光線，非常有feel ~ …查看更多

由細到大都係呢間粉麵店陪伴我長大，呢度嘅牛腩軟腍入味，份量都好足，店員同食客之間會傾偈，有家嘅味道。最鍾意食佢哋嘅河粉，崩沙腩配河粉，簡直係一絕！配埋一齊好好味😋…查看更多

朋友帶我嚟試吓呢間嘅串燒，入到嚟好有日式居酒屋嘅感覺，同埋都真係幾多人，睇嚟平時生意都好好試咗幾款串燒，個牛舌超正，肉質彈牙，調味都好適中免治雞肉棒點日本生雞蛋，好似瞬間去咗日本咁印象最深刻係個菠蘿，我本身自己好鍾意食燒菠蘿，呢度個菠蘿又甜又多汁！仲有蟹籽沙律，好清新解膩…查看更多

聽中環返工嘅朋友講咗好耐，話係日日食都唔厭好高質！我就跟住佢去試吓，一試真係難忘！沙嗲牛肉公仔麵：沙嗲牛肉好香好濃郁，真材實料，個醬汁係好濃，啲牛肉又唔會乾柴，正嫩蛋多士炒蛋用咗牛油，炒得超級滑，個多士有做烘底，配埋一齊食超正仲有個港式奶茶都不得了，佢哋一粒冰都唔落，係用冰鎮，飲起身冇稀釋過超級濃郁❣️…查看更多

從來未試過可以一邊烤肉一邊火鍋嘅泰國餐廳，今次嚟到覺得有新意之餘，味道仲好正宗😋氣氛仲超級好添！✨蝦片好大兜，配埋醬料超正✨小火山x曼谷柏拉差燒烤套餐可以燒烤之餘，仲可以選兩款湯底做火鍋🤤一次過滿足三個願望，超級適合有選擇困難症嘅我❣️今次我揀咗香茅椰汁雞湯以及冬陰功湯，兩種口味都各有特色~套餐入面有柏拉差醃泰國無激素豬肉，手切鮮豬潤，柏拉差醃牛柳，原隻鮮魷魚🦑味道鮮甜，肉質都好嫩滑🥰✨小火山三味刺身一口杯盛合好開胃，賣相都好有心思~加上蒜片嘅辛辣香氣，作為冷盤一流✨海鮮拼盤好足料，鮑魚都大大隻✨蝶豆花芒果糯米飯造型好吸睛啊，芒果好甜🥭🍹佢地既特調雞尾酒同埋泰式奶茶都係好睇又好飲🎶🎸🎤想講𝐋𝐢𝐯𝐞 𝐁𝐚𝐧𝐝真系好高質！一邊食嘢一邊聽歌好享受，客人仲可以寫紙仔點歌添~…查看更多

中環兩間姊妹酒吧🍸𝐓𝐞𝐥𝐥 𝐂𝐚𝐦𝐞𝐥𝐥𝐢𝐚 同🍹𝐁𝐚𝐫𝐜𝐨𝐝𝐞酒吧咖啡入酒為特色的酒吧，味道濃郁，令我之後都不斷回味，每一杯酒的配方都經過精心設計，好有特色！環境都好清幽，好多都係一再回頭的熟客，bar tender 幽默風趣，同客人有講有笑，氣氛都是絕佳！好適合同三五知己放工之後過嚟放鬆一下❣️💫TEAPRESSO MARTINI有朱古力味，好好味仲有𝐁𝐚𝐫𝐜𝐨𝐝𝐞入面嘅甜品都令人好有驚喜，炸物好香脆，送酒一流！Tiramisu入面竟然有酒心，超好味！價格$120-$130/ Cocktail絕對對得起這個價錢✨兩間姊妹店只係相隔3分鐘腳程，行過對面就係，去推薦鍾意飲酒嘅，大家一次過去晒兩間，氣氛都好唔同㗎❣️…查看更多

今次同友人到訪中環兩間姊妹酒吧🍸𝐓𝐞𝐥𝐥 𝐂𝐚𝐦𝐞𝐥𝐥𝐢𝐚酒吧，真的不愧是亞洲前50名的酒吧！第一次嘗試以茶及咖啡入酒為特色的酒吧，味道清新有餘韻，令我之後都不斷回味，每一杯酒的配方都經過精心設計，好有特色！味道同普通cocktail相比，少咗一份酒精的濃烈，卻多了一些回甘，尤其是焙茶做Base的Cocktail🍸將茶嘅香氣與酒精完美融合，令人印象深刻。夜晚時分來到，都座無虛席，好多都係一再回頭的熟客，bar tender 幽默風趣，同客人有講有笑，氣氛都是絕佳！好適合同三五知己放工之後過嚟放鬆一下❣️💫TALL PINEGREEN TEA Basecold brew sencha tea. shiso, pine, tonic. etc💫TEA TIMEWHITE TEA Basewhite tea, oatmeal, honey, fresh raspberry. leomon,etc💫TEA’S KNEES價格$120-$130/ Cocktail絕對對得起這個價錢✨…查看更多

iSquare 有唔少餐廳，今次發現咗呢度有一間新開既潮州菜，喺我平時比較少接觸的菜式，佢哋嘅特色係融合咗創新與傳統的新派潮州菜，有創意又有心思，相信無論係喜歡傳統菜式或者係新潮既年輕人都會覺得值得一試。🤍餐廳新裝修，裝潢風格整體偏向用銀灰色作為主調的現代奢華風，餐具擺盤都好精緻，價錢偏中上。講咗咁多，最緊要係味道非常好，並唔係只有噱頭的餐廳~係我食過之後會想帶埋屋企人一齊再過嚟嘅餐廳👍🏻✨前菜 五小福🧡椒麻糖心帶子🧡酒香醉鮑魚🧡話梅涼瓜🧡串茄核桃沙律🧡潮式炸粿肉呢個咁豐富嘅前菜一擺上枱已經買上滿分，帶子帶有椒麻嘅獨特香氣；鮑魚帶有好香嘅花雕酒味但係又濃淡適中，唔太會有苦澀味；話梅涼瓜令我覺得好意外，我本身唔太鍾意食涼瓜既苦味，但係加入咗話梅嘅清甜之後好好地中和左苦味，平時唔慣食涼瓜嘅朋友都可以一試；蕃茄仔中間加入咗核桃蓉，口感好豐富；最後一款係炸物，好香脆。✨蠔仔泡飯份量頗大，非常足料，一上枱已經見到滿滿的蠔仔，湯頭都好鮮美，米飯粒粒分明唔會煮得太軟爛，好評。✨潮式炸蠔餅中意香口野既我超級中意呢一款！潮州菜來說我最喜歡就係蠔餅，呢個可以話係我今次最喜歡的菜式，同出面其他蠔餅相比，他們的香脆程度係意外驚喜，完全唔會有濕濕嘅感覺，擺入口好似食緊薯片咁脆又充滿鹹香。✨獅頭鵝件鵝件味道豐富濃郁，有濃厚嘅鵝肉風味，肉質嫩滑。下面仲鋪咗一層豆腐，解膩之餘豆腐吸收咗鵝肉嘅風味，令人齒頰留。✨胡椒豬肚湯下面有個小火爐熱住，好睇得來又保持溫度，慢慢飲都唔怕會凍咗。大大粒白胡椒，香氣突出，唔會梗喉，冬天飲好暖胃❄️✨綠豆清心丸最後有點少得糖水，呢個綠豆清心丸採用綠豆粉製作，配上綠豆蓉，冰涼清甜。…查看更多