TseShingChun的個人專頁

幾個月前比過好評 再食竟然差左咁多 感到極度失望個仔兩歲生日 一家黎食飯 早幾日預訂左片皮鴨 和壽包黎到坐低 叫左東星斑同龍蝦伊面個餐片皮鴨黎到 個鴨係凍既 唔係暖咁簡單 係凍🥶🥶同侍應反映 佢話「如果擺微波爐叮會無咁脆，就敷衍了事」重點係條東星斑 勁腥 勁腥 勁腥！！！ 重點要講3次 個仔生日揀個靚小小既餐 主菜東星斑 竟然係勁腥 食到我屋企人都黑黑地壽包重要係鞋口 其他小菜 薯仔牛柳粒 鮑魚雞煲生炒骨 keep 到水準既 幾好食 送飯都ok但比最貴既勁腥東星班同冰凍片皮鴨出黎既效果 令大家興致下降其中一位侍應態度幾好 有禮貌 要讚最後重要收多左我錢 打去問叫我下次落去拎番 心諗 無下次😭😭極度失望…查看更多

平日lunch 同上司3人前來午餐坐低左一陣 飲左兩啖水 服務員叫我地轉枱話梳化坐得舒服啲 原來是伏 梳化位有d頂腳 不過可以接受的食物方面我地叫左奶王包 蝦餃 春風得意腸 蝦多士同梅菜扣肉 xo 醬腸粉豬頸肉籠仔飯 全部都幾好食Xo 醬腸粉食落唔會太油膩 有啲櫻花蝦做點綴 更加有層次 再落埋辣椒漿 惹味十足我自己最鐘意呢個蝦多士 脆口 咬落去好煙靭 點埋沙律醬真係一絕梅菜扣肉 賣相一流 仲有個熱蠟燭熱住 十分有心思 食落有驚喜 唔會太肥 肉質厚度適中 梅菜味道都好好 下次會再黎 其他食曬 無影到相😂😂…查看更多

今日同家人到大尾篤行下 經過見幾多好評試下午餐1. **泰式炒金邊粉** 這道菜色香味俱全，金邊粉炒得恰到好處，口感滑順，配上新鮮的蔬菜和香料，真是令人垂涎欲滴。2. **椰香咖喱牛腩飯** 牛腩煮得軟嫩入味，椰香濃郁的咖喱醬汁更是提升了整體的風味。搭配香米飯，一口下去，讓人感受到濃厚的泰國風情。3. **香辣肉碎飯** 這道菜的香辣味十足，肉碎炒得香噴噴，配上米飯簡直是絕配。喜歡重口味的朋友一定會愛上這道菜。4. **冬陰功金邊粉** 味道酸辣適中，湯底鮮美，金邊粉吸收了湯汁的精華，讓每一口都充滿驚喜。### 服務體驗餐廳的職員服務態度非常好，熱情周到，讓整個用餐過程更加愉快。無論是點菜還是用餐過程中，他們都非常關心顧客的需求。### 總結這次的泰國菜午餐體驗讓我非常滿意，各道菜品都充滿了泰國的獨特風味，特別是炒金邊粉和咖喱牛腩飯，絕對值得一試。如果你也喜歡泰國菜，不妨來這裡品嚐一下！…查看更多

兩大一細嚟到呢間係朗豪坊嘅日本餐廳進餐 見到門口有個牌寫住下午茶八折 加上睇咗餐牌一陣發覺啲圖都幾靚就入咗去 入到去，坐咗成5分鐘 都未有人比茶我哋 我主動叫侍應 問請問有冇茶杯？ 佢先攞過嚟 咁我見枱面有魚生飯自選紙 我叫咗五款魚生嘅魚生飯 太太叫咗六款壽司再加一個烏冬 等咗大概5分鐘已經上枱 首先魚生飯份量好少 除咗三文魚我覺得係OK正常水準之外，其他都係非常唔掂有個叫吞拿魚面珠墩 食落口非常之腥 連鎖壽司店都好食過佢多多聲 火炙三文魚仲要係切到超薄 仲要係溶溶爛爛咁樣 吞拿魚蓉食落口都係唔好食 質感奇怪 重點係啲壽司飯 勁酸，勁酸勁酸 真係要講三次 飯醋嘅比例非常之失敗太太嘅六款壽司，佢都話食落d飯都好酸，烏冬都係淡而冇味到埋單嘅時候 先發現原來 壽司烏冬餐同自選魚生飯係下午茶冇八折 嗰一項係-$0 簡直係非常之失望 唔會再有下次嚟食！！！！158+198再加1 $392 食咁既質素真係寧願買地鐵站外帶壽司番屋企食 …查看更多

其實今次已經係我第二次嚟食呢一間酒樓 適逢家人生日 我喺今朝book咗位 夜晚7:30去食 留咗冬瓜盅同埋片皮鴨7:30到 侍應10分有禮貌 服務超級周到 我哋叫咗$498套餐 個湯幾好飲 足料夠味道 冬瓜盅食落好清新 都係足料 一斤龍躉 蒸出嚟唔會過熟 啱啱好 最好食係佢個薯仔牛柳粒 同埋黑豚肉咕嚕肉 我覺得佢環境好舒適 啲位又唔會好迫 $168片皮鴨 食落有驚喜 可以話係我食過top three 利申 無論香港定深圳定北京嘅片皮鴨我都有食過 所以呢間酒樓會比五星好評 性價比高 下次會再嚟…查看更多

同家人放假 揸車經過附近 就入黎食 有驚喜入到黎店員見我地有幼兒同行，比左幼兒餐具同碗我地 店員細心 坐左陣我地叫左 黑椒汁雜扒飯 栗米焗飯 咖哩豬扒意 等左10分鐘左右就上菜 雜扒飯個汁幾好食 個飯份量雖然小左d 但口感極佳 豬扒唔會鞋 口感好 同個汁好夾 雞扒 煎到小小濃 食落有咬口 家人都覺得 咖哩汁好食 店員都好友善 同我個仔玩 我覺得好親切 估唔到冰室有驚喜 凍檸水 糖水 檸檬比例都穩陣 羅宋湯都好飲 一個餐有 野飲 餐湯 多士仔 65 蚊 真係性價比高 下次會再黎…查看更多

今日黎到灣仔呢邊工作 一個人行過入左去食 叫左大雜面加底 加腩汁 辣汁 2分鐘就上了 我食左兩注面 之後發現有碗面有烏蠅 叫左店員黎 佢都即刻叫廚房整過碗比我 服務算係幾好 豬紅 咬落無咩味 魚蛋都無咩味 湯底 係得個辣字 無咩特色 豬腸算係最ok 有口感 配個汁幾好食 蘿蔔 唔係超甜蘿蔔 唔太甜 花菇就幾好食 甜甜地 ok的 面就普普通通 加埋底$60 性價比唔高 下次都唔會再食 想食好食車仔面可睇我其他食評，會搵到一間適合你，本人食評中肯，全部真金白銀比錢食！！…查看更多

食過好多間米線 呢間好好食真心 個雲南酸辣加3蚊都好值呀😍😍😍 我叫左過橋米線 等左大約7-8分鐘就到了 黎到之後 先試湯底 湯底飲落好惹味 好正 全部配料郁好好食 好食過大型連鎖店正好多…查看更多

今日同屋企人經過河畔花園 嚟咗食呢個越南仔 我叫咗蕃茄湯底 豬頸肉豬扒 同埋有啲炸豬肉檬粉湯底幾清甜飲咗兩啖覺得幾易入口 炸豬肉 鬆肉粉有啲多 令到口感有啲麻麻哋 豬扒同豬頸肉 都OK 扎肉都穩定發揮 可惜檬粉有啲散 比較難夾 同埋凍檸水唔夠糖水冇咩味 服務態度好好 卡位都算好坐 屋企人叫咗火車頭湯河 同埋 薑黃雞飯 火車頭湯河個湯底我都有試 味道都OK 雞飯個雞都幾滑 不過好老實講性價比唔算太高 中午價錢略貴 下次有機會經過都會再食 有興趣好睇我其他食評推介…查看更多

中午時段同同事兩人前來 享用午餐 見到$60蕃茄牛肉麵 即刻試吓 大概12點左右嚟到 已經差唔多坐滿人 咁啱有兩個位 等咗大概五至6分鐘就到了 賣相幾好，而且傳出陣陣香味，每次食湯麵，最緊要都係試湯底先， 湯底真係有驚喜 酸度同甜度適中 牛腩食落唔會太韌 軟硬度適中 仲有啲小配菜都好入味 我認為呢一個算係高性價比嘅一個牛肉麵 中午時段仲要免+1 下次會再嚟食 亦都會推薦俾身邊親朋戚友 之前都有食過佢嘅，其他菜式例如蛋餅 同樣出色 希望幫到大家…查看更多

話說今日同同事二人到灣仔工作 食飯時間行過呢間 米線舖 見冇乜人唔使等 同同事兩個人入咗去 入到去已經聞到一陣酸酸叔叔嘅味道 我叫咗一個 大理過橋米線見佢咩都有，所以試吓 見到兩個廚房師傅口罩都冇帶喺度淥面 已經覺得有啲唔係太衛生 其中一個師傅仲捽完個鼻喺度整面 嗰刻真係想棄單走佬 點知話咁快碗米線 出咗嚟 賣相啲顏色已經麻麻 食落口 明明係叫酸辣 但係佢一啲酸味都冇 啲炸醬，反而係有啲似嘔吐物嘅味道 食完之後 成口都係嗰浸味 重點仲要$65 全部餸都好似係隔夜 擺咗勁耐質素 韭菜餃有雪藏味 個湯仲要係唔熱 食完真係冇下次 打呢篇食評嘅時候都有啲想反胃嘅感覺 極度難食…查看更多

其實我食左幾次先打呢篇食評 一如既往咁穩定呢茶餐廳 我最鐘意食佢既 瑞士雞髀蔥油撈面 色水靚 面質剛剛好夠煙韌 唔會太腍 滑蛋都炒得好滑 佢沖既野飲都好穩定 唔會好水 雞髀肉質軟 唔會太硬 同個蔥油夾到飛起 西多士都勁正 夠厚 好食 紅豆冰都好穩陣 超多豆 椰汁同糖水比例啱啱好，唯一缺點就係好多時lunch時間都勁多人 要排隊等大概10至15分鐘先入到 不過入到去都好快上枱 超級推薦呢間餐廳 環境尚算OK乾淨企理 會推薦比朋友 自己都會多啲嚟食…查看更多

今日和同事3人 前來吃中午飯 我叫了酸菜豬扒餃子米線 而且叫了冬瓜茶 等了一陣先來了冬瓜茶 一眼看到一隻曱甴 叫店員幾次 開頭都扮聽唔到 要我大聲講杯野有曱甴先急着沖埋黎拎走杯野飲 態度惡劣 重點係拎走完比我發現用番同一個杯沖番冬瓜茶 完全沒有歉意 以後唔會再食 米線味道不過不失 豬扒有d 韌 湯底無咩味 全靠用大量酸菜 加酸同咸 樓面只得一個女士 唔知係忙得濟定點 態度差 所以真係唔會再食 環境衛生惡劣 其實見到曱甴後我和同事們都食欲盡失 所以真係唔會再幫襯…查看更多

最近搬咗嚟炮台山工作 都要發掘下身邊有啲咩食？ 同事介紹咗我食呢一間位於地庫嘅餐廳。 開頭都冇咩期望。 點知有驚喜 其實已經食過幾次 之前食過巨髀肉燥飯 蔥油雞扒飯 黑椒牛扒飯 全部都幾穩定 今次我就叫咗呢個芝士豬扒公仔麵 係撈嘅 比完錢之後拎住個牌擺喺張枱度 就會有人送餐 我12:00落去食仲有得平$6 印象中好似$45已經有個餐 仲要有汽水飲 佢嘅芝士豬扒公仔麵 豬扒煎蛋幾香 唔會係好乾柴柴 公仔麵，撈芝士都幾夾 隻蛋食落去都唔係嗰啲煎燶晒嗰啲蛋 所以呢個價錢有呢一個質素 已經係交足功課 平平哋食一餐，呢度可以話係超級推薦 近期好似因為佢個廚師放緊大假 我同事話佢呢度嘅卡邦尼意粉超級好食 希望廚師返嚟之後有機會試吓…查看更多

最近轉工轉咗去炮台山返工 每日朝早經過都見到大排長龍 無論早餐定lunch時間都係要排隊 每次目測都大概要排20分鐘或者以上 今日叫埋另外兩個同事一同排隊進餐 真係等咗20分鐘 門口落單之後先可以入座 餐廳位置比較迫 幾乎貼住對面隻腳 我叫咗頭等餐 即係沙嗲牛肉公仔麵 香腸 煎蛋 等等 等咗大概5分鐘就上枱 食落好普通 同出邊普通茶餐廳差唔多 唔明點解要大排長龍？ 沙嗲牛麵湯底比較清淡 可能我個人偏好比較濃嘅沙嗲牛肉湯底 豬扒都煎得比較乾身唔太Juicy 隻蛋煎出嚟個底有少少苦，有少少燶可能太多人叫所以品質控制不佳，所以整體我覺得一般 如果唔使排隊可能會再食 要排20分鐘就可以揀吓一間 …查看更多