smlml's Profile

商場內的小店，一路知道佢嘅存在，聽聞雪糕好特別，見天氣熱，啱晒。佢嘅雪糕係自己做嘅gelato，味道時不時會轉。今次見到有大樹菠蘿、開心果、蠔菇、朱古力…. ，幾款都想試，但又唔敢食咁多，結果都只係選左開心果嚟試。佢有啲set係gelato + espresso，未試過咁食就試下。開心果gelato好滑，奶味明顯，開心果味吾係好濃（可能我期望比較高）。店內的哥哥仔建議先試食淨雪糕，然後再加espresso落去。Espresso 酸味比較重，唔係好苦，可能諗住要加落雪糕，所以係室溫嘅。Gelato + espresso呢個組合幾好，中和左雪糕嘅甜和espresso嘅酸苦。另外加左個榛子咖啡蛋糕，pound cake style, 蛋糕內有粒粒榛子，口感吾錯。不過，個名有「咖啡」，食落就吾多覺咖啡味。服務態度幾好，感覺舒服。counter落單，哥仔會送過嚟，又會主動問要唔要杯水。價錢嚟講，pound cake $22，開心果gelato 單球$64。Lunch有酸種麵包$48，三文治$68。飲品一杯$40上下。整體價錢唔平，但味道吾錯而且有特色，有心有態度。小店支持本地耕作，店嘅中間有放咗啲果蔬俾人買。位置係商場入面，座位位置比較open，但商場人流吾多，所以又吾會好嘈。三兩知己係度hea下，都唔錯。…Read More

裝修完，嚟過兩次，但體驗都唔多好，似乎唔啱我第一次係裝修完無耐，可能人手吾夠或未熟，午飯時間等左好耐都未有得食，趕住返工，最後取消張單。第二次係最近，上菜速度正常，杯檸檬茶有檸檬味。叫左個黑松露意粉，無味又太油，勉強食咗一半就放棄左。其實裝修完的餐廳環境ok嘅，但嘢食吾啱我就無計。在場聽到有啲似乎係熟客，經常嚟，所以可能係睇彩數，我就係唔好彩果個囉。有樣嘢奇怪，佢好多張枱都放咗「留座」嘅牌，唔知點解🤔…Read More

舊年話嚟講到今年先行動。平日的晚飯時間，都吾少人，雖然未至於full house，但樓下與1樓都吾多吉枱。睇餐牌，有tasting menu，5百幾一位起，感覺有啲貴，選擇a la carte。2個人，唔敢叫得多，但又想試signature dish，好矛盾。最後叫咗tuna tartare、lobster rice & house salad。叫左嘅嘢未嚟前，waiter送來面包，兩個人就兩塊包，味道吾錯。配套啲牛油應特別，多左啲香料，但我唔知係乜。Drink有好多選擇，waiter好主動問要唔要水，distilled or sparkling，幾好唔洗extra charge嘅。salad & tartarte先嚟。*House SaladMenu無詳細講有乜，估佢係普通caeser salad，結果差不多，但多啲ham。整體味道豐富，但啲ham比較咸。*Tuna Tartare見係熱門菜式，所以叫嘅。不過，唔知點解熱門。感覺無乜特別。睇之前食評，有時係tartare放好在包上咁present，有啲係包放一邊，自己整。唔明點解有不同，我哋係後者，有啲麻煩。而且，得2-3塊包，都吾夠配晒啲tartare。*Lobster睇食評，呢個應該係signature dish。Menu寫明要時間等，我哋就乖乖等。點知等等下隔離枱遲過我哋嚟，竟然上左個lobster rice。雖然再過無耐，我哋個飯都到，但咁樣上菜嘅次序，好奇怪。個飯嘅樣幾好，原隻龍蝦在鍋中，啲飯顏色亦好靚。不過，侍應上個飯時漏咗上餐具（匙、夾之類），要特登問，個飯仲有吾少湯，有啲食潮州粥嘅感覺，味道係充滿龍蝦味，但肉好多去咗個飯度，見唔到。Overall, 味道ok，環境吾錯，服務ok，但個價偏貴左啲…Read More

星期五的下午，公司要清假，偷得浮生行街shopping。行到支攰，諗起未試過呢間cafe嘅tea，於是去試吓。下午4點左右嘅時間，得兩枱坐左人。Tea Menu有吾少選擇，咸甜都有，連pasta都有。自己唔想食咁飽，叫左雜莓撻+cappuccino。咖啡正常，好似唔多夠熱，唔知係唔係因為等左一陣先飲，比冷氣吹凍左呢雜莓撻都唔錯，本嚟驚佢好甜，但啲莓酸酸甜甜甜，平衡左，唔會覺得甜到「留」。無乜人，所以唔趕人，飲完食完我都仲坐左陣。五十幾蚊chill一chill，都吾錯。…Read More

Brick Lane是一間英式餐廳，一直想試，剛好去逛圍方，終於有機會試下。餐廳佈置有少少英式酒吧嘅感覺。我哋兩個人坐喺埋邊，有時難啲搵侍應，收碟亦較慢，缺人手呢個似乎係香港食肆嘅共通困難😓。餐廳有Dinner set，唔多啱心水，所以選擇自己點。要左炸魚薯條、蟹肉牛油果沙律、啤酒罐燒雞，最後再加上甜品混亂伊頓。蟹肉牛油果沙律🥑🥗一般餐廳嘅沙律係酸酸地，但呢度嘅蟹肉牛油果沙律係咸嘅，好特別。份量吾算好多，兩個人食剛好。炸魚薯條🐟🍟英國出名嘅菜式，炸魚外表脆香，裡面魚幾滑，薯條粗身，輕輕炸，口感剛好，唔會太硬。啤酒罐燒雞🍗攞出嚟時表皮未燒，碟上放啤酒罐，上面放整隻雞，在枱上點火燒。隻雞吾大。著晒火咁燒，燒完就攞返入廚房切，再攞返出嚟口口。味道相對淡，唔知同我吾食皮有冇聯係。甜品🍧混亂伊頓睇openrice，諗住喺個蛋包球，裡面有雪糕。覺得特別，所以就叫，點知嚟到係一個玻璃杯裝住，一層層咁，同之前嘅相完全吾同。整體來說，味道吾錯，環境舒服。…Read More

無行北角匯一排，今日係度搵嘢食，發現開咗間新店「犀牛犀牛」🦏，menu有茶飲、捲餅同小食。平時食其他店嘅捲餅都係固定配料，呢間竟然可以自選，👍🏻啱晒我呢啲好多野吾食嘅麻煩友🤗。選左肉鬆、🐟鮪魚吃玉米、🥬生菜，配蛋餅，再加杯黑珍珠烏龍奶茶🧋。店內有一排位，另外旁邊商場內畫起左個空間，有枱櫈。週六中午，唔多人，隨便坐。坐低一陣嘢就ok，杯嘢叫左微甜，但飲落都仲幾甜😮‍💨。唔知係唔係啲黑糖珍珠有影響。珍珠Q彈，味道吾錯，但杯茶嘅茶味就唔多覺。執杯塊膠紙有啲難整穿，大力整幾次先成功😅蛋餅皮比較薄，同想像中有啲出入，但都ok嘅，女仔食吾怕太飽。我個組合嘅味道ok，肉鬆味為主，鮪魚本身有沙律醬，落單時店員都有提醒可以吾洗再加醬料，費時味道吾夾。個紙套有虛線，方便食，幾好。整體來講，我覺得ok，但男士當正餐就可能唔夠飽😆…Read More

大xx放題食咗好多次，搵新意，又要港島區，搵到呢間。放題限時兩小時，但人未齊都可以先入座，等人齊先俾QR code開始點菜開始計時，好人道。點菜系統有少少伏，佢要人再確認先至真係落單，但呢步好易誤會，跟住無確認就無落到單。食物選擇正常，刺身、壽司🍣、炸物、燒物、天婦羅、鍋物、甜品，樣樣齊，只係無手卷。放題包飲品，有四洲的飲品，汽水，又清酒🍶和梅酒。唔計以為落咗單原來未落嘅，啲嘢食嚟得都幾快。大部分落單無耐就送嚟。質素大致上都ok吾錯，唯獨係拉麵🍜就麻麻，天婦羅🍤的外層略為過硬。星期日晚飯金鐘吾算多人，但剛好鄰枱好大班人，有啲嘈，如果唔係餐廳環境都ok，唔係好迫。整體嚟講，我哋係滿意嘅，大家都覺得可以再嚟。…Read More

一直鍾意mcdull，之前知道有這間甜品店後一直都想嚟試吓（主要想探下mcdull & mcmug)。今日終於嚟探佢哋。。。間店門口有兩隻大公仔，店內周圍都有mcdull和mcmug公仔做裝飾。裝牌是傳統的甜品糖水，豆腐花、西米露、芝麻糊，腰果露、合桃糊、芋圓、湯圓，各式各樣都有。試左芝麻湯圓配芋圓，味道吾錯。芋圓中有芋頭味，竟然仲有芋頭粒。此店仲要係社企，依家又有啲學生係度實習。收入扣除開支會捐出去，咁有意義要支持下。…Read More

行K11 Mesa, 之前聽聞此店，特登搵，想試吓開心果味嘅tirumisu。位置係food court 附近的路中心。個tirumisu用個方形膠盒裝住，的的色色。我行埋一邊坐低食。tirumisu幾好味，軟滑，但開心果味就吾明顯。Single分量portion吾大，食完都唔怕太肥，不過$78份感覺有啲貴。試過一次就算，唔會返轉頭。…Read More

一直未上過朗豪坊13樓，朋友建議上去，見到有semi buffet, 2百幾3百幾包湯、前菜、主菜、甜品和餐飲，好似幾抵。環境舒服，吾太迫。先叫主菜，兩個人叫左兩份，自己要蜆汁鱈魚🐟，朋友要左千層闊麵。叫完主菜去攞頭盤，有沙律🥗、海鮮、火腿、凍豆腐，海鮮有蜆、青口和蝦，全部ok正正常常。餐湯係南瓜湯，湯嘅濃淡適中，味道吾錯，但差在吾夠熱，我哋向侍應反應，佢話原來無開到保溫個湯煲，後來話開返，我哋再試，熱湯就吾錯，但飲咗兩碗湯就令個胃滿左啲😮‍💨。到主菜，令人失望😞。朋友個千層麵吾夠味，我個鱈魚，賣相ok，但入口就吾得。本應該又嫩又滑，但完全唔係，鞋口吾滑，到底係煮耐左定吾新鮮，我就唔知啦。配菜蜆汁薯蓉反而正常，蜆汁仲有原隻蜆仔，但啲魚吾得，個胃又俾湯撐住，成碟只係食左少少就放棄左。唔食主菜，食甜品，牛奶布甸好滑，其他甜品都係正常大路質素，睇落ok亦食得入口。成餐食左三個幾鐘，同朋友傾計係好舒服。如果食物就吾太要求都可以，朋友以前食過牛扒無問題，今次唔知係我哋黑仔定咩，可能牛扒就穩陣，始終係Mr Steak集團。…Read More

一個紅日下午，同fd去tea。估唔到一啲都吾多人，入面嘅戶外部份直情無人，我哋坐咗幾個鐘，好似包場咁。兩個人叫左魷魚做starter，一個rib同一個chicken sandwich，飽到食唔晒。個rib味道同美式餐廳一樣，食落好滯，兩個人食吾晒一份。旁邊的薯條和coleslaw超多。佢啲coleslaw比較特別，全用紫椰菜，但都幾好味。薯條就鹹左少少。Chicken sandwich旁的薯條，我哋要左sweet potato chip，食起嚟少少甜味，一啲都吾覺得油，我覺得好食過普通薯條。侍應好nice，一路自動幫我哋加水。我哋坐喺戶外部份嘅中間位置，好舒服，好啱用fd傾計飲嘢。不過果張枱的高度食嘢就低左少少。…Read More

星期六搵地方食晏，諗起有間新開的cafe，於是去試吓。以為新開無乜人，12點幾去到，原來坐滿晒。行入去望到無位，企係門外，吾知點好。Cafe職員得兩三個，全部都忙緊，都無人理我地。一心想試，又有啲時間，於是自己係外面等。等左接近30分鐘，終於有位，可以入去坐。好好彩我哋入房坐，有沙發有公仔，自成一角。餐牌有甜品、飲品、lunch set。要行出去cashier落單。一行四人，試左三款lunch set。豬軟骨夠晒軟，係骨都軟埋果隻。唐揚雞有6大件，炸得脆，肉有味又唔鞋。蟹肉烏冬係凍嘅，蟹肉吾多，烏冬彈牙（只得這款有影相😅）。價錢一般，但份量對得住個價錢，同行個個都話夠飽。…Read More

之前試過星期五晚上9點幾嚟，無位。今次星期三8點多，見到好多位，於是入去試吓。睇post見到人介紹開心果露，第二度無，咁當然要試。坐低用QR code落單，可以免費加豆腐花，咁又加埋。好快有得食。要求少甜，真係少甜，但可以本身開心果都係淡味，食開芝麻糊嘅我就覺得好似怪怪地，味道一般。豆腐花就好滑。埋單$48，糖水嚟講稍貴。如果下次再嚟，應該都係食返芝麻糊或腰果糊。…Read More

想食好耐，依家分店多左，分散左人流，終於食到。接近12點攞飛，未到1點有位，星期六算係咁。坐低點完野，好快有得食。佢嘅價錢話平唔算最平，但當然又唔係貴，算係值返個價。一個人食左$160。Menu選擇都幾多，但我一個人食，試吾到咁多。壽司、剌身、甜品，都試過，總算一嘗心願。味道ok嘅，正正常常，刺身和甜品都夠凍。…Read More

住開炮台山，但一路吾知有這間cafe。想搵light lunch找到佢，點知行晒條京華道都見唔到，以為執左，但睇到openrice中狀態係營業中，再睇其他人的post先至從人哋嘅相中認出個位置，咁至搵到。佢隱藏於商業大廈的地下，旁邊仲有柱阻住，唔行近都睇唔到。係路邊佢有個黑板牌指示，但唔顯眼。間店以樹獺做主題，所以周圍都有啲樹獺公仔。店舖細細，位吾多，不過因為吾係對街，望住啲樹，感覺舒服。餐牌上有飯團、定食、烏冬、三文治…以小cafe嚟講都數多選擇。餐牌無圖，我又無事先上網了解，所以係咁問店員呢樣係點果樣係點，佢都幾好，一路解釋，又搵圖比我睇。最後我要左蝦餅日式三文治配抹茶燕麥奶天氣。賣樣同味道都唔錯。可能店細，佢有個牌寫住繁忙時間限時90分鐘，我果日係星期六上午11點幾，連埋我都有三四枱客，可以想像繁忙時間可都多人。如果唔多人時，這環境其實好啱hea下chill下。…Read More