chanpuipuiyiu的個人專頁

近排出咗新menu, lunch set好吸引，疫情下仲做得咁出色，仲要價錢合理，真係好少有。我同男朋友選擇咗食牛扒同雞扒，是日餐湯好特別，沙律汁酸酸地好開胃😚紐西蘭穀飼西冷配薯菜 $128 👍超好食塊扒出面脆，入面好多汁，好香😋講真，出面扒房食起碼要$200up一個set，呢到$150有找，仲要好高質，真係好抵食！薯條配芥茉醬，第一次食，好特別，又幾好食👻蜜燒黑椒雞扒配白飯 $78 👍👍 100分本身以為普通雞扒，但外皮煎得好脆，雞肉好嫩滑，切開再點蜜糖食真係無得頂🤩芝士蛋糕 $？（忘記價錢）👍98分密度好高，好香好濃芝士味😇Flat White and iced chocolate 👍👍出色總結：高質、出色、抵食，下次一定會再光顧🤩…查看更多

無意間搵到間新開嘅西餐，見到menu幾吸引，價錢又合理，所以就試吓。1. 鵝肝好大塊，好香，仲有塊脆嘅麵包，食密一啲都唔膩2. 煎魚啲魚鱗都煎埋，好香好脆，個汁可以再濃味啲，但都好好食:)3. 豬鞍好大份，肉好嫩，一啲都唔「鞋」4. 大蝦意大利飯比較濃味，仲有啲酸酸地，好開胃，如果蝦份量可以多啲就好:)當日臨近中秋，仲送咗迷你cranberry月餅，味道好特別總體而言，係觀塘少有好食又抵食嘅餐廳，裝修又靚又有特色，值得再嚟！…查看更多

本來上次黎過一次，覺得好好食，今次再幫襯，極度失望！一入去被安排坐門口位置，但因為門口太熱，想轉去入面位置坐，而當時無咩客人，侍應轉咗我哋入去卡位坐。一坐低，有個呀姐態度極差咁講「呢個位都好熱架喎！」呢下已經印象唔好了！點了芒果沙冰，一啲甜味都無！泰式生蝦，隻蝦size得手指頭咁大！又無炸蝦頭！肉質超差！講真，去超市買啲生蝦仲好食過佢！仲要收$88！同個侍應反映，話上次明明唔係咁，佢竟然話批貨係咁⋯⋯即係默認咗自己餐廳係咁衰？冬蔭公湯，極度失望！好酸，蕃茄湯咁，完全唔唔係冬蔭公味，跟本就係開粉沖出黎！另外仲叫了炒菜同炒飯，好耐都未到，但因為已經極度失望，結果取消埋單走，寧願出去其他餐廳食。總括而言，極度失望，侍應態度差，唔夠$500唔俾碌卡，仲要見到廚房侍應直接係沙冰blender直接不啲野食落口食，極度懷疑衛生情況！以後不會再幫襯！超級強差人意！…查看更多