河水彎又彎的個人專頁

樂斯餐廳（潮州粉麵專家）係一間屹立喺聯和墟好耐嘅一間粉麵店。我一入到去哎咗碗牛腩麵，點知佢係我呢世人食過最難食嘅一碗麵。牛腩啲肥膏就成吋厚，肉質就鞋到嘔，食幾多就要 lur 走幾多。而每一條麵都充斥著濃厚嘅梘水味，食兩啖發現根本唔可以再食落去。我好肯定粉麵呢啲咁 standardized 嘅嘢實係碗碗都係咁上下，冇得特登為咗邊個而煮得特別好食，所以根本唔存在生唔生客嘅問題，而係碗碗都係咁難食。臨走俾錢嗰陣仲發現張枱下低有隻曱甴行過。仲好意思叫自己做潮州粉麵專家？九記都好食過佢啦！…查看更多

大蕃薯一直係聯和墟入面我最想食嘅餐廳，佢開咗咁耐，我今次難得有機會入去食晚餐，點知成個 experience 根本係令人反感。我一入到去搵個位坐低，嗰個好肥又後生嘅侍應就扔一壘 menu 俾我，我心諗我做過啲咩得罪咗你？跟住我叫佢寫嘢嗰陣佢用一個好唔耐煩嘅語氣問我要乜嘢，其實要你講得好聲好氣少少係咪咁難為你？跟住佢無論係嗰個裝住麵包嘅籃，嗰碗羅宋湯、嗰杯蕃薯好立克、定係嗰兜茄醬甘薯牛柳粒焗飯佢都係咁扔過嚟，我心諗你餵狗都唔係咁餵啦！完全唔覺得佢對人有任何尊重。杯嘢飲係 ok 好飲，但係嗰兜飯根本唔係即焗，只不過得返少少少少餘溫，似係一早焗好咗等上菜。講到呢到你自己諗吓嗰兜嘢仲好食得去邊。都未計佢啲茄膏一食落去就知係化學嘢，完全食唔到嗰種自然嘅感覺。跟住埋單仲好意思收我加一（成 $124），我心諗你憑咩收加一，收之前可唔可以反思吓自己做過乜嘢係值得嗰加一嘅服務費。直係唔好怪咁多人每逢週末都衝曬上去，就係唔想對住呢咁嘅服務態度嘛！…查看更多

諗住難得嚟海港城就食呢間過江龍，不過事緣嗰陣有啲飽而且由好似冇梳乎厘，於是係咁以哎咗一款期間限定嘅芒果柚子芭菲。佢望落好靚好吸引，點知一食就出晒事。我食第一啖就 feel 到個雪糕根本就係麥當勞軟雪糕嚟。我心諗你收我 $138 就俾啲咁嘅嘢我食？M 記軟雪糕都算，食到下面嗰層嘅「芒果」醬就中曬伏，我一開頭仲以為嗰啲係原粒芒果，點知一放入口我係要即刻 lur 走曬嗰啲根本唔係芒果味嘅醬，都唔知係咩嚟。我心諗整呢款芭菲嘅人係咪唔知乜嘢係芒果？佢話柚子，其實即係得最低嗰層嘅啫喱先有少少柚子味。總之成個芭菲我係見唔到任何新鮮、真實、完整嘅水果喺入面，然後仲好意思賣 $138。一句講晒：唔建議你食，但係建議俾你朋友食。我仲哎咗 $58 嘅白桃烏龍茶，冇咩桃味，但係唔算難飲，因為嗰款茶包又唔係佢自己整㗎嘛！埋單加埋一收我 $216 ，睇到呢度嘅你自己諗吓值唔值呢個價啦！…查看更多

一直心思思想去呼吸星球食，前幾日終於去。喺度哎咗好多嘢食，唔係冇梅子蕃茄同梨酒雪糕埋單成千蚊都似。我先講配菜甜品啦，高湯玉子係好食嘅，雖然望落有少少鞋，不過食落啱啱好，因為我唔鍾意啲咁生嘅玉子燒。莓果雪糕窩夫有驚喜，擺盤好用心，自製雪糕好食，窩夫入面有薄薄一層果醬，只係窩夫凍咗少少。不過到咗主食嘅火炙三角，除咗瀨尿蕃茄仔既清甜又清新之外，和牛得嗰四五塊，本身啲部位唔靚有一大塊肥膏油脂都算，我等餐等咁耐，佢煮足咁耐都仲要煮唔熟，食到最後嗰兩夠我真係要諗一諗擺唔擺落個口。後尾我見前面枱有人入嚟想喺度返暑期工做樓面，我心諗依家係個廚房煮極都煮唔熟嗰塊牛，你請多幾個樓面都冇用㗎喎，你不如俾我衝入去廚房煮返熟塊肥牛啦。最後我見冇梨酒雪糕就叫咗蜜瓜拌半熟和牛，啲和牛冇之前咁生，不過離我心目中都仲爭少少，蜜瓜 ok 好甜。加一後埋單 800 左右，總言之呢度乜嘢都好食，唯獨和牛唔係咁好食，和牛嘅話都係去日本食算啦，還掂依家啲 yen 咁平係咪？…查看更多

佢只係一間好普通嘅日式餐廳，裝修 ok，不過賣嘅嘢就好普通，係普通到 menu 入面每一樣嘢其實間間日本嘢都有，連刺身飯類小食都係，唔怪得得嗰幾枱客。佢只係賣黃，不過依家 2023 年邊有人仲理呢啲嘢？我諗如果佢唔係黃店就真係睬佢都有尾。我喺度同屋企人食飯哎咗刺身拼盤 ($238) 同原條鰻魚飯 ($118)，鰻魚飯不過不失嘅，有埋隻煎蛋。不過刺身拼盤就令人失望，唔新鮮、食到雪味都算，而且份量都唔係好多，呢個價錢直程食到放題。我下次點都唔會再嚟。…查看更多

首先講吓塊鹿兒島厚切豬扒（$348）啦，豬扒非常之好食，肉汁飽滿肉質嫩滑，炸粉啱啱好，望落好多，不過一咬落去先發覺原來炸粉只係薄薄一層，塊豬扒真係好大份，食嘅話要有心理準備，食落雖然有少少肥肉同埋根，不過咁先係豬扒，無謂批評。椰菜同飯係無限量供應㗎，一於淋少少柚子醬落椰菜度啦，臨尾甜品得嗰幾夠西瓜，令我大跌眼鏡。不過呢間餐廳我最唔滿意嘅就係服務態度，大佬你係食家蔡瀾指定介紹嘅 CWB 總店嚟㗎！由上咗碗芝麻開始嗰兩個侍應（尤其係著和服載手套嗰個）就一直用命運式嘅語氣叫我磨碎 d 芝麻，等 d 豬扒可以沾上去，跟住仲叫我點樣食嗰件豬扒，我心諗使唔使連呢 d 都要你教。我每一次望到佢都發現佢係黑口黑面咁款，我心諗你咁唔鍾意做咪唔好做啦。態度簡直令人髮指！…查看更多

就咁 41 蚊先得呢碗咁樣嘅朱古力奶凍，我都整到啦，完全係智商稅。望落咁大碗，頂到盡賣廿幾蚊就差唔多。我原本想哎出面白色一支支嘢，點知只係一支細細地反而賣 29 蚊嘅鮮奶，喺 7 仔賣嗰 d 維記鮮奶仲抵過佢啦，完全係搶錢，早執早著。…查看更多

試咗個薯仔忌廉咖喱烏冬，加埋燒腩肉片再加天婦羅紫菜同枝日本汽水，先覺得勉強值返呢個價錢（$138）。碗烏冬得個醬好食咖喱夠辣，剩番係烏冬，薯仔肉粒得一兩粒，煮嘅嘢尚算簡單不過算係份量多（單點 $78），至於燒腩片係抵食，不過唔好對味道有咁大期望，一個人食曬都覺飽，性價比高唔高見人見智，不過我覺得哎多 d 嘢先補返個性價比，裝潢 ok 感覺清新，不過坐張橙冇 i pan 焗你食完好快 d 走。講到用餐時間，大佬得嗰 45 分鐘，點餐等餐都用咗 10 分鐘有多，要預咗真係食嘢嘅時間連 35 分鐘都冇，應該預咗人地食一個鐘啦，雖然哎多 d 嘢先拉返高個性價比，不過建議食得快先好哎。都唔知點解咁多人喺度排隊，睇嚟下次唔會再去啦！…查看更多

我先後喺 nobis 買咗 mocha ($40) blueberry soda ($50) 同埋鎮店之寶 Earl Grey Milk Tea ($50)，杯咖啡成杯中藥咁款，有種不尋常嘅苦澀味。blueberry soda 好慳皮，梳打水加藍莓醬，連原粒藍莓都冇，我自己都整到啦！最後嗰支 Earl Grey Milk Tea，味淡都算，我飲飲吓飲到有少少清涼嘅感覺，我心諗漱口水咩，完全唔似杯奶茶，黑白淡奶奶茶都好過佢。呢 total 140 蚊簡直係智商稅，呢幾杯嘢送俾我都唔飲。…查看更多