今次也不是第一次來這裡了，自已第一次食過之後我已經帶了不同的朋友和親友來品嘗，只因我認為這裡的出品绝對見得人，而朋友和親友們亦贊不絕口，點解可以樣樣都咁好味，認唔住要寫番小小嘢，第一次來既時候晤知叫乜好老板就介紹了華梅豬手和生炒糯米飯，豬手非常之淋糯米飯炒到粒粒香口，放到枱上你無可能忍得住，而今次叫佐個期間限定秘制豉油雞，雞肉好滑又入味餸飯無得頂，上次食咗個瑞士雞亦原來又係期間限定今次無得食，好彩有隻豉油雞頂住， 仲有碟椒鹽鮮魷佢哋整到好鬆脆，脆皮做得晶瑩通透，你可以重無數的洞看到鮮魷真身，食落一啲都無好粉的感覺，飽绝對不會食濟。點解個小炒皇好像晤同咗既？？老板話係睇當日的新鮮材料來配搭，所以會有啲分別，味道當然保持100分。唯一我個人有保留的就是炸蠔餅，因為炸得好金黄，而我自已就不太喜歡，不過朋友們就很怏地把他清理乾淨了，無他既.....因為特厚的餅身落足料囉！我食過咁多次巳經試了很多美味菜式，由於太賴的關係只寫了小小，但大家放心找老闆啦，佢好好傾架會很樂意推介啲菜式比你架:)
…查看更多
…查看更多
