Invisible_foodblog的個人專頁

💭 入座時間：13:00💭 等位時間：0分鐘💭 需搭檯：✅ .蔥油雞扒三眼煎蛋飯+凍奶茶｜$62.記得幾年前係九龍灣食時代果陣好食到忍唔住即刻po上IG不過今次食感覺質素下降左少少.最好食既部分係三眼煎蛋🍳三隻雞蛋蓋係飯上面全部係流心荷包蛋一次切開一隻蛋黃流入白飯入面加埋少少豉油汁好銷魂呀😍.雞扒就煎得比較乾身肉汁唔多同埋可能雪左一段時間煎到熟既時候肉質已經有d柴既感覺同埋唔太有雞肉味比較失色少少🥲…查看更多

💭 入座時間：12:50💭 等位時間：0分鐘💭 需搭檯：❌｜芙蓉煎蛋飯+凍奶茶｜$61.芙蓉蛋有驚喜✨黎到熱辣辣有種以前係大排檔冬菇亭食到既鑊氣🔥而且有好濃既蛋香味覺得佢用既雞蛋本身質素已經唔錯廚師既手勢又好好👍🏻所以整出黎係好食既.入面既配料都落得好足叉燒，蝦仁🍤連芽菜都好入味😆細心位係佢係放塊芙蓉蛋上去之前已經係飯面淋左少少豉油成個飯食到最尾都好夠味又唔會太乾印象不錯👌🏻.最後一提佢地既奶茶飲得出係正宗手沖港式奶茶😍唔係就咁茶+奶撈埋係好滑同好好飲既💕區內已經越黎越少下次想飲靚奶茶都會再黎~…查看更多

💭 入座時間：13:00💭 等位時間：0分鐘💭 需搭檯：✅.芝士流心漢堡飯配XO醬海皇燒汁+凍奶茶｜$68.由呢間鋪一開張大排長龍開始都食過幾次印象唔算特別深刻今次都係一樣.本身白飯煮得偏稔去到飯底更加係變到好似糊仔咁既質地同埋唔係好食到飯香味都真係有d失望🥺.雖然唔係太食得慣個醬汁既味不過漢堡扒本人質素極高係超厚切版本！煎香左肉質依然juicy流心芝士幾乎有漢堡扒⅔既厚度😍芝士熱辣辣奶香味十足拎返不少分數👍🏻為左個芝士漢堡扒都可以黎試試～…查看更多

💭 入座時間：約19:35💭 等位時間：約15分鐘💭 需搭檯：❌.｜魯肉飯｜$38唔好睇佢細細碗食落就知佢係一個好有智慧既份量🤣因為佢既魯肉真係非常香濃！每一顆肉粒都係肥瘦相間既完美五花腩充滿香料味道的滷汁煮到入口即溶沾少少醬汁配埋白飯每一啖既感覺都非常濃厚呢個份量啱啱好✨.｜炸花枝丸｜$38好啦我認我口痕🙈係遲收工好肚餓既情況下說服自己可以食多個花枝丸🤣哇～ 點知有驚喜wor！花枝丸原來同墨魚丸唔一樣口感比較紮實仲有一粒粒大大粒既花枝粒係入面蘸一層薄薄粉漿炸到金黃色香口之餘依然食到花枝既鮮味仲輕輕灑左少少椒鹽粉係畫龍點睛既加分位✨.｜招牌珍珠奶茶 - 半糖少冰｜$27最後珍珠奶茶既部分認真不算太突出口味偏淡就算係半糖都唔係好飲到甜味加上我對珍珠真係一般般下次應該會試下其他飲品👀…查看更多

｜牛油果煙肉蛋窩夫｜.今日決定做半日文青行完誠品就上左去食Green Waffle💕.星期六、日有專屬既Brunch Menu呢個打卡非常靚既窩夫最驚喜既地方係佢可以選擇要Keto生酮飲食版既窩夫底生酮飲食成日都聽到但一塊無糖、無麩質、低碳水既窩夫究竟係點既味道未試過Keto Diet既我完全想像唔到所以更加驚喜加倍🤣因為比我想想像中好食💕佢比一般窩夫少左牛油既味道但依然非常鬆軟而且竟然有少少甜甜地係好食架😆.之後配上一隻完美既流心蛋黃焗得香脆既煙肉同埋新鮮creamy既牛油果🥑係營養balance又健康既靚靚午餐選擇❤️.*自費聲明：是次到訪所有支出均為自費，並未接受任何款待或邀約，特此聲明。…查看更多

.｜迷你三文魚親子丼 + 蔥花吞拿魚軍艦｜$70.如果自己一個係沙田想食日本野我多數即刻就諗起黎呢間食😋佢價錢未算係最平果一group但係勝在質素夠好所以值回票價👍🏻.新年期間晏晝客人唔多就坐低食左個三文魚親子丼再加多兩件吞拿魚軍艦 (係，係因為口痕😹)佢既三文魚非常新鮮無雪藏味而且有三文魚獨特既魚油香味而家好似係其他壽司店比較少食到呢個味道🙊同埋佢三文魚既份量比得好大方🫶🏻每一啖飯都可以配住大大塊刺身食最後食晒d飯仲有三文魚剩🤣.吞拿魚軍艦都好味黎到時塊紫菜仲係脆卜卜面頭既吞拿魚大大粒兩種口感加埋就非常豐富la~.唯一要注意既係如果係一個人入去食安排吧台位置會比較逼通常都要就住就住唔可以太大動作先可以同隔離位保持距離😛大家去食既話帶個細袋會方便少少~…查看更多

今日既主角就係經典印度菜式Chicken Masala🥘自從上網搜尋堅尼地城美食搵到呢間餐廳一直好想試下但唔知點解一路都搵唔到間鋪頭最後發現佢就係電車路街口既斜對面😅收工正值晚餐peak hour好幸運一入去就有得坐低👍🏻.呢個Chicken Masala一入口即刻顛覆左我對咖哩既印象第一啖係經典既咖哩口味有comfort food既感覺咖哩香濃，帶少少辣味口感非常順滑好易入口😋.然後再食一啖香料既味道同香氣爆發出黎😍番茄，洋蔥，芫茜，Dry Herbs迸發出充滿異國風情的味道有人話將香料運用得出神入化係印度菜既特色我覺得直情係印度菜既靈魂🇮🇳.雞肉同Naan作為主食完美地襯托著咖哩呢個主角雞肉煮得入味肉質依然非常嫩滑加上漲卜卜表面微微金黃既Naan幫手將碗底既咖哩汁都清晒🤣大～滿～足～呀～…查看更多

｜芝士燒牛肉丼｜$58｜.牛丼加芝士呢個組合可以話係夠晒邪惡😈而呢個飯都有驚喜.店面係連鎖日食丼飯店風格坐係吧檯對住個 Open Kitchen真係有身在日本既錯覺.除左自家特色燒汁之外個飯既靈魂一定係上面果層厚厚芝士🧀因為佢竟然有炭燒香味！🔥呢個真係有驚喜將個飯提升左去另一個層次.芝士系列仲有豚肉丼可以選擇下次一於試埋佢🤣…查看更多

.|牛三寶飯|.食過幾次洪記既雲吞水準不俗聽朋友講佢地既牛腩都做得唔錯今日一於黎試下👍🏻.由於自己貪心又想食牛筋又想食牛腩有呢款三拼牛三寶簡直係滿足左三個願望而每樣餸都係好食既所以係大滿足😁.牛腩真係要比大大個like👍🏻係咁多樣之中最正肥瘦均勻食同一啖入面有齊肉味同少少油脂既香味而且煮得非常之稔真係入口即刻散開果種☺️會一舊一舊想繼續食落去唔覺唔覺就食晒🙈.牛筋同牛肚都係水準之上煮得入味同埋處理得好好唔會有腥味吸收晒滷汁既味道送飯一流👍🏻👍🏻.睇黎馬鞍山真係慢慢退沙漠化希望多d好食既舖頭開幕之後會變成一個美食綠洲…查看更多

上次去たまご園食左TKG今次試下佢既甜品☺️雖然係下午茶時段但水準非常唔錯👍🏻.班戟未食已經聞到蛋香味果然係主打食日本雞蛋既舖頭😆食得出雞蛋既質素非常好夠晒新鮮蛋香味直情係口入面爆發出黎🤣.梳乎厘鬆軟有空氣感搖一搖隻碟識得動L震震下咁🤣食落入口即化蛋香味加上微微甜既白桃香幸福感滿滿❤️白桃梳乎厘班戟.唔好睇少周圍既白桃粒粒清甜又多汁一次過食左幾粒先發先唔係剩返好多🙈即刻忍忍口留返最後食😁.成個甜品由賣相到味道簡直好似去左日本咁🇯🇵推薦大家黎試下👍🏻…查看更多

呢間Cafe係以前讀既大學附近讀書果幾年日日返學都經過成日話中間有天地堂就要黎試下點知去到畢業果日都未食過🙈然後畢業後又過左幾年今日終於返左黎試下鋪頭走型格文青混合styleEgg Benedict用木盤同鋼碟呈現非常有風格🎩兩隻蛋做到完美流心三文魚既煙燻味非常夠加埋一齊食好match不過最好食原來係塊麵包😆本身麵包既質地有少少煙韌但個邊就烤都好脆!淨係食麵包都覺得好正😂當然配埋流心蛋就更上一層樓la~不過個醬汁就好似比較heavy食晒既話會有少少膩記得以前讀書果陣間唔中會見到柴犬店長係鋪頭坐鎮唔知而家仲有無機會會見到佢呢🥰…查看更多

身為一隻食肉獸去素食餐廳既機會真係少之又少呢間舖頭係公司附近行過幾次終於跟同事過黎試下佢餐牌睇落唔錯，都幾吸引！選擇多之餘，各種唔同類型既菜式都有想食中式或者西式style都無問題呢個南瓜忌廉意粉可謂非常有驚喜本身望落個汁唔係太厚身，仲以為會比較清淡但第一啖食落去已經有濃濃既南瓜香❤️加上彈牙既意粉，成件事好夾不知不覺已經食晒成碟好滿足！唔講真係唔會覺得佢係素食去呢間小店食野已經係前一排既事近日疫情少左出街食飯希望下次再去既時候可以有機會食返呢碟意粉…查看更多

難得放假，當然要約好姐妹出黎談下心，行完街，就黎到Pause It坐下，傾下計呢度環境非常舒服，設計簡約，大玻璃採納自然光，充滿時尚感。兩個人叫左兩個小食同飲品，份量啱啱好黑松露芝士薯條，個芝士醬真係超級好食，用左唔同種類既芝士混合而成，味道香濃，加埋黑松露既香氣，配薯條真係一流薯條重要係厚切版，新鮮炸出黎，上枱仲係熱辣辣，正另外仲叫左個Egg Banadict，加左煙肉做配料，做得好出色最有驚喜既係佢個醬汁，應該係獨家配方，味道清新，唔會搶左流心蛋既味道，再加上雞蛋本身整得啱啱好，蛋味香濃，成件事係大成功最後當然唔少得飲品，分別有鮮奶咖啡同抹茶鮮奶，質感算係濃厚派，夠晒creamy，仲好夠奶味添鮮奶咖啡兩位女生都好鐘意呢度既氣氛，見到店內都有好多年輕人、文青，打卡傾計都係唔錯既選擇，下次一於帶埋其他朋友黎試試…查看更多

Megabox食個lunch唔平，如果唔想食快餐店，原來十勝豚丼個價錢都算實惠，選擇豐富，除左午餐set之外，一般餐牌上既丼都可以配餐，仲可以將個飯升級做大盛，咁就唔驚會唔夠食十勝烤豬肩脥飯，連埋湯同小食都係四十幾蚊，碗飯幾大碗，仲有大大塊烤肉舖滿飯面，真係幾夠份量味道方面非常唔錯，豬肉本身偏瘦，食落都有少少韌，但上到檯係非常香既，佢輕輕烤到表面金黃色，已經好好食👌🏻不過個燒汁個人就覺得甜左少少，如果調味多返少少撈飯應該更加好食。整體黎講呢間都幾有質素，不過都有發生漏單既情況，同埋坐位安排有d混亂，希望下次可以有所改善💪🏻…查看更多

同朋友出開黎旺角，揼完骨一身鬆晒，係時候食埋個甜品甜牙牙聽人講得多，今次終於試到！去到鋪頭已經坐滿人，不過依然好快有位，仲坐到卡位，真係幾好彩👍🏻勁鐘意呢個朱古力心太軟，食得出真係用左有質素既材料黎整，無論係外層既蛋糕，定係入面既流心朱古力，都充滿住濃郁既可可香味，甜中帶一絲絲甘香，係難得食到有層次既味道朋友叫既蜂蜜肉桂窩夫都好好食，窩夫底好鬆軟，上到檯仲係暖笠笠☺️香蕉肉桂既配搭夠晒classic，最開心係加埋蜂蜜同埋一球雲呢拿雪糕，濃郁得黎又食到少少蜂蜜既香甜，真係大滿足❤️下次去到旺角又多個落腳點…查看更多