力作的個人專頁

Openrice 有團購餐, 見 $99 就試0下咁啦. 見食評有好有壞, 俾0左錢都去試試咁啦.6:30pm 去到冇客喎, 不過好多枱留座.團購餐: $99 都 okay 0既, 炸豆腐 okay 啦, 雞翼幾好味. 焗蠔芝士味俾沙津醬搶0左味道好足. 鵝肝好薄, 果然有刀功! :( 羊扒比想像中厚, 味都幾好. $99 算抵食0既.不過只係食團餐又點得呢? 其他野就真係一般0勒.天婦羅手打烏冬: $53, 甜豉油湯底, 我覺得唔夠味, 要係咁落七味粉. 老婆就覺得 okay. 個烏冬 D 配料都幾足. 有兩隻蝦, 兩件青椒, 一件茄子, 一件好薄0既蕃薯. 有蘿蔔蓉同薑蓉落天婦羅汁, 算係幾認真. :)八吋長壽司: $11 玉子壽司, $15 牛油魚壽司. 壽司師傅功力有幾高就係睇玉子燒成點0勒. 點知又凍又散, 薄過放題咁. 師傅似乎要搵人補鐘喎. 牛油魚就 okay 0既. 不過咪以為八吋就多好多肉, 其實係切得更加薄咁0者. :(牛脷串燒: $42 兩串, 同 menu 張相差好遠. 比心目中細片好多! 同埋似串住燒多過用明火燒. 味道 okay 0既, 不過浸到咁就唔叫得係燒啦.服務: 熱水茶包, 加熱水唔夠主動.其他一般環境:張枱好細, D 碟又大, 好似趕你食完放第二隻碟咁.D 枱都幾迫, 聞到隔壁位汗臭.中間有一枱 15人大枱冷氣滴水添.加埋一兩個人... 差多 $50 夠去食唔錯0既放題 lu!食個團餐同烏冬當一餐都 okay 0既, 加埋其他野有少少搵笨.會唔會再去? 唔啦, 唔值, 有好多更好選擇…查看更多

最後一日免費燒鵝呀, 即叫齊人去食!2-4 個人得例牌, 5-7 個有半隻, 今次 6個人去食有半隻! :)全晚我地只係叫優惠菜式0既野, 可以叫做最抵食0既 8 菜0勒!菠蘿生炒骨: 味道0岩0岩好, 汁量0岩0岩好包得晒 D 肉, 唔會過酸過甜, 唯一彈0既係份量較小.腐皮素鵝: 我覺得 okay 啦, 食落唔會飽住飽住咁, 不過賣相唔係好得.咖喱中蝦煲: 滾住上枱, 有睇頭! 味道一流, 蝦都夠份量. 必食之算! 燒鵝半隻: 有個小插曲0既, 本來上錯0左例牌, 之後轉返真係差好遠, 超大碟好正! 老實冇呃人! 乳鴿: 冇乜投訴, 不過當晚唔算受歡迎, 因為咖喱太好食0勒!黑椒羊鞍: 味道都 okay 0既, 不過份量唔多呀, 六個人食每人一件咋, 仲要我0個件特細, 可能 standard 得五件添咋! 菜肉生煎包: 個面燶0左少少, 入面就好似生0左少少, 唔駛驚, 熟0左, 剛剛夠熟咁囉.肉碎貢菜: 呢個好一般, 肉粒幾乎見唔到. 賣相唔得冇影到相.Megabox 0個頭交通冇禁方便, 不過呢間富臨真係真淨好多, 環境衛生點都好過觀塘廣場0個間好多倍! 食飯時間都可以坐得幾滿, 做一水半左右啦. 整體我都俾高分0既, 因為真係幾抵食, 同埋有好食0既菜令人回味. 就算水準一般0既菜都唔會有致命一擊而扣分. 最好0既係食完唔覺口渴, 呢個抵讚呀! …查看更多

幾個三張野老友 reunion, 走去以前中學食過0既越南河粉舖懷緬一0下...天氣禁熱, 先黎四杯凍奶茶, 都叫做 okay 0既.本來叫香茅豬扒飯0既, 點知呀姐話豬肉好食 D, 咁就個個都要豬肉. 我就食沙爹豬肉飯.上到枱食落就知出事, 豬肉靭到爆! 唔滑又唔易咬開. 早知叫豬扒啦! 不過後來有個朋友遲黎, 叫香茅豬扒河, 原來豬扒一樣禁難食! 呢餐真係有 D 失望, 正如劉家昌所講 - 「往事只能回味」係真0既! :(…查看更多

同朋友0係太子食個 tea, 諗到金華冰廳個菠蘿油就想再 encore.不過今次我唔食菠蘿油, 試0下新野, 個朋友就食菠蘿油啦, 佢未試過有幾好味!兩個人 total 叫0左...A 餐: 2x雞翼 + 蛋 tart + 加 $2 凍奶茶 = $24菠蘿油 + 凍奶茶 = $19過程唔駛講, 都係冰室 style - 快! 但係好迫, 同個怪叔叔搭枱! :(野食就真係除0左菠蘿油0個類焗野好食之外, 雞翼真係有 D 失望, 好乾好油, 仲有 D 炸粉粒0係隻雞翼. 對比大家樂雞翼仲好食 D. 蛋 tart 都算 okay 咁啦. $24 一個茶餐可以好好食0架0勒. 今次自己冇食菠蘿油呢餐比較失望. :(…查看更多

七點幾食個飯, 一入到去... 哇... 一個客都冇0架?! 星期六都攪成咁0既?! 算啦, 唔到都到0左就坐低叫野食. 蝦醬牛肉通菜: 菜都算幾大碟, 算係夠食咁啦, 呢個冇乜問題, 唔突出咁.牛仔骨茄子煲: 勁滾住上枱, 呢個幾好食, 不過食到尾發現真係用0左好多油呀! 冇計, 煲係咁0架0勒. 味道拉返分啦! 如果辣0既話仲好食呀! :)黃金蝦: 個樣就幾靚, 不過咸蛋黃勁多咸0左少少. 最弊係唔夠乾身濕0左少少, 再乾身少少就好0勒.豉椒炒聖子: 個廚都幾得閒喎, 殼0係晒底, D 肉排晒上面! 佢真係幾得閒喎! 味道乜問題, 不過感覺聖子唔似係炒, D 汁留0係個殼 only!百花釀大腸: 百花即係蝦膠, 釀落攤平0既大腸大大舊, 件數唔算多. 食落幾好食0既, 不過早知揀同價0既京都骨拼大腸啦, 可能感覺抵食 D. 全場最正0既係啤酒, 一來冇變到味, 二來個碗夠晒凍, 飯落好舒服.叫蠔仔粥又冇蠔仔, 就咁叫三個飯一個粥又話冇粥, 最後跟0左四個飯! 之後仲聽到隔離枱話要河粉, 又係冇河粉! 叫乜都好似冇咁, 係咪真係生意做唔住呢? :(對比起以前係好多人, 野食好 okay 0既, 而家可能換0左個廚差好遠 lu!…查看更多

去到朗豪坊搵野食, 見到紅蔥頭個門面都 okay, 價錢都幾合理, 又唔駛排隊等位就試0下啦, 待應 A 見到就問我幾多位, 之後叫我等一等. 唔夠十秒, 待應 B 走黎問企得較遠0既人要兩位, 就即開張號碼抽俾佢. 我0係正正前面就當正我透明咁, 再重施故技再開多個號碼俾另外兩位! 之後呀待應 B 至問我幾位, 火都黎埋攤開五指問佢要個號碼, 佢就問都唔問就俾0左五位0既抽我... 之後我直接同佢講返件事, 因為佢呢個 mistake 要我等多十幾分鐘, 佢仲可以當唔明白咁一句 sorry 都冇. 乜做待應做到佢禁蠢0架! 怒火未下之際都入到去叫野食. 本來就叫一飯跟野飲, 再叫一個意粉同埋前菜0既. D 野黎0既次序剛剛好調轉晒.凍檸茶: 唔算好甜, 都可以勉強合格香腸磨菇茄汁意粉: 呢個算係唔錯, 個汁都幾好入口, 不過甜0左些少. 我諗炒意好食過焗意.香草忌廉龍利飯: 哇, 呢個好唔掂! 個樣就好睇, 不過個汁好甜, 好似奶醬撈飯咁! 個魚就幾夠熱, 不過冇味! :( 食完覺得好滯! 本來仲叫0左前菜: 半份 BBQ 豬仔骨, 不過等0左三十五分鐘, 乜野都食晒, 催0左兩次都未黎, 一個話得示咁0既樣0既女人講0左兩次之後, 好快就拎到黎, 心諗... 哇... $42 又幾大碟喎! 點知唔夠 10 秒個經理就走黎話唔好意思, 呢個係 full portion, 再叫我地等一等! 開心時刻就只係個意粉, 即時黑面 cancel 個 order 埋單走人!真係要話一話醒個經理, 遇到呢 D 情況, 明知焗野耐就講聲俾客知啦. 一係就 hold 住快黎0既單俾第二張台先, 要差唔多時間黎至得0架嘛! 食晒仲要等幾個字, 係客都 cancel 啦! 呢間野個舖面環境都幾好, 野食參差0左 D 都唔計, 最致命就係待應服務勁差! 態度差又唔算, 衰在錯0左唔認! …查看更多

又黎食個 late lunch, 今次去 Face 食, 初頭都唔知呢間係食乜野菜, 入面黑麻麻, 門口好似食泰國野咁有個佛像. 入到去都算係幾特別咁, 叫做舒服0既環境啦, D 位唔算迫. 可能係午市0既關係, D 野食比較平. menu 雖然係幾張 A4 彩色紙. 靚就幾靚, 不過花0左少少, 都唔知邊張打邊張. 唔揀禁耐0勒, 先試0下個 tea set 先啦.點都未點野就送0左個面豉湯黎, 下午茶冇寫有湯都照送.叫0左個烏冬 set: 包沙律, 一餸, 豬骨湯底烏冬, 汽水. 改凍飲加 $3, 熱飲加 $2 面豉湯: 好夠味, 唔算差0既, 合格 沙律: 一般啦, 個汁係日式黑醋汁, 現成野, 唔算好差, 送0既算係唔錯, 如果單叫係咁就咪0勒. 照燒雞扒烏冬: 個樣都幾 okay, 不過雞扒點解浸0係湯0既? 不過食落個皮仲好脆喎! 不過我見議分開上會好 D. 配料放得都幾似樣, 唔算好豐富, 不過都合格. 烏冬個口感都 okay, 唔酸, 只係唔係十分滑, 一般滑咁囉. 凍啡: 改凍飲加 $3, 幾大杯, 奶味唔夠, 不過都唔算好差.埋單 $31, tea 黎講唔平, lunch 黎計就 okay 0既.不過咁, 午市個價同下午茶唔係差好遠, 早知見到個午市 menu 就叫午市啦, 多好多款選擇呀! :(…查看更多

遲0左食 lunch, 去試0下台灣地道美食啦. 之前聽聞過西門町好食, 就去試試啦.一個人去食, 冇乜野好選擇, 就叫個廟口魯肉飯啦.D 魯肉真係好入味好濃, 配菜除0左高麗菜仲有少少酸菜, 同香港平時食開0既唔同. 台灣就係出名呢 D 味, 呢度搵得到.芋香奶茶就一般啦, 唔係禁突出. 下次再試第二 D 先!Late lunch 減 $2, 加返 $4 杯香芋奶茶... $31 埋單. 以 tea time 黎計算貴, 不過以食 lunch 黎講差唔多啦. 好食就要付出少少.…查看更多

潤發食過好幾次, 不過次次都冇影相, 今次就拎部手機影0下啦, 順便介紹俾各位.次次黎親都會叫條魚, 不過今次 D 魚貴冇叫到, 所以叫0左第二 D 海鮮.豉椒炒蟶子: 好新鮮肥美, 冇沙, D 殼冇炒到爛晒, 正! 金牌蒙古骨: 炸得好鬆脆, 個汁酸酸甜甜帶好少好少辣, 夠野味! 椒鹽瀨尿蝦皇: 大大隻瀨尿蝦皇, 一開二, 最貴係呢味0勒.椒絲腐乳通菜: 新鮮冇渣, 冇投訴清蒸鮑魚仔: 鮮味, 不過少D椒鹽雞翼尖: 同瀨尿蝦一樣野, 不過份量十足, 好似食極都有咁! 抵食! 呢度晚飯唔係好平, 不過勝在味道中庸, 唔會好咸. D 野都幾多殼, 最少黎換0左三次碟, 服務好好. 不過如果去食, 最好係坐樓下, 樓上試過服務就差 D.…查看更多

好一般0既一餐, 兩個人食兩個 set.我食羅宋湯+包, 安格斯鐵板牛, 凍檸茶. 冇問題, 一般扒王質素啦.所謂最抵0既係牛油焗田螺, 跟套餐叫海嘯價只係 $16. 兩個人食都抵0既, 不過就乾到唔夠有牛油. :(呢間扒王可能係最好 service 0既, 因為晚市冇乜客!咁樣一餐冇乜驚喜, 亦唔會對扒王有好高期望, 亦唔會0係扒王食貴野, 食貴野都係俾多少少去 D 真正0既 steakhouse 食好 D.…查看更多

諗0左好耐, 今晚最後去0左譚仔食. 都有一段時間冇去0勒, 因為覺得坐得都幾迫啦. 不過當我諗起佢個湯底又會亳不猶疑咁去食. 七點十五分走入去, 好好彩唔駛等位, 遲幾分鐘就一堆人黎要等0勒.兩個人孖份食0左個套餐加杯凍檸茶.嚴格黎講呢個唔係乜野套餐, 只係一大碗米線, 貪佢大到兩個人都勉強食得飽0既份量. 一男一女去食都夠0既. 第二個原因就係乜料都有, 唔駛諗禁多, 加埋個酸辣湯底就夠晒.呢間譚仔算係有效率, 可能因為座位比較少啦, D 單好快就處理晒.一段時間冇黎, 發覺佢所有米線都加0左價 lu, 加凍飲又加到 $5, 酸辣湯底加 $1 冇起跌. 個酸辣湯底辣度0岩0岩好, 同 D 酸菜配合得好好, 食禁多次都覺得好食. 偶然都聽到呢度 D 會員話譚仔 D 野差0左, 不過呢間分店算係 keep 得住水準, 個湯依然好好味. 兩個人食一個套餐加酸辣加一杯野飲, 總共 $45. 以前未加價 $42 有交易.…查看更多

公平少少啦, 冇睇過開飯咁去食呢間日本野. 見到半磅三文 $15, 雖然話要食滿每人 $50 至可以用, 不過都算 okay 咁啦, 始終都係要食少少野至食得落刺身架嘛.兩個人去食, 都叫做夾硬叫0左$100 正價野啦, 雜錦刺身飯+湯 ($68), 燒雞翼串 ($20), 燒豬頸肉串 ($15), 咁就再叫特價野, 包括雞軟骨 ($10兩串), 芝士焗金菇 ($19), 半磅三文 ($15), 甜蝦 ($20/20隻).刺身首先黎到, 哇, 夠唔夠半磅三文0架?! 不過公平 D 講句, 半磅三文即係 225g, 其實唔多得去邊0架咋, 所以唔好諗住半磅 $15 就叫做抵食. 不過少還少, 三文魚唔算差, 幾有魚油味.甜蝦就比較細隻, 係一隻握甜蝦壽司用兩隻蝦0既 size. 新鮮都算可以接受啦, 可能呢 D 係熱點野去貨比較快啦.雜錦刺身飯就差好遠勒, 所有刺身冇一樣係比較貴0既食材. 味道就只係一般, 如果咁0既價錢0係觀塘大盛食一定多好多刺身呀! 勸大家唔好叫呢個. 麵豉湯就好一般. 豬頸肉串燒個味都幾好, 算係好食, 不過有少少似香芧豬扒咁. 雞軟骨都算係 okay, 半價兩串叫做食得過, 如果正價就唔抵0勒.芝士焗金菇唔掂呀, 金菇唔夠多, 正價 $38 搵鬼食咩?! 燒雞翼串遲大到呀, 追0左兩次至施施然咁黎, 燒得比相象中乾. 諗住平平地, 要求唔高咁, 呢間舖有好有壞, 唔算有太大收獲, 但未致於食到喊晒口0既. 不過唔覺唔覺就會食0左好多, 計落同一般正價差唔遠架咋. 感覺衛生麻麻, 多人時坐得都幾迫…查看更多

成日經過貢茶都有好多人, 甚至多人到連條龍都唔知係邊度, 所以一直都冇打算去一試有幾好飲. 不過今次見到條龍0勒, 有少少時間咪去排0下試0下囉.珍珠奶茶我自己都學過知點整, 以前0係香港未試過飲過一個合格0既, 見到禁多人都話好飲就用一個行家0既水平去比較一下貢茶合唔合格先! :)今次飲珍珠奶茶加奶蓋, 等0左都有十分鐘至有, 生意真係好到做唔切咁. 奶蓋我係第一次試. 珍珠奶茶本身都算係合格, 茶味叫做 60 分合格多少少啦, 珍珠就幾 Q 一 D 都唔過硬, 有加糖水去開稀佢, 值 70 分. 我叫0既係少冰一份糖, 好多人都話要半糖, 老實講, 唔夠甜0既珍珠奶茶係唔好飲0既, 係唔夠健康0架0勒, 健康就唔好飲珍珠奶茶啦, D 奶都係用奶粉溝之嘛.相反如果飲綠茶, 冇奶0既話就可以少糖都 okay.奶蓋試過就算0勒, 飲得出係用奶粉同糖打成泡沬. 口感新鮮, 不過唔係我杯茶.整體黎講貢茶都算係好飲, 有台灣風味, 不過排隊真係排得耐0左少少. 呢度扣返少少分.…查看更多

為慶祝母親節搵個好食又唔失禮0既地方同未來外母食一餐, 就早一個星期去訂位。大時大節, 問清楚駛唔駛迫人食套餐 - 唔駛。再問有冇信用咭優惠 - 呢個時間冇, 唔緊要, 照去!到當日0勒, 準時俾到位入座, 今次三個人去坐卡位。比較清靜, 但係相反比較難要到服務。不過綠楊村算係咁, 除0左個位難叫人之外, 服務本身都好好, 仲好快黎沖茶添! :)講到食, 當日個 menu 雖然唔係迫人食 set, 但明顯係為母親節而定0既新價錢, 而午市所食0既種類比晚市係少一 D, 特別係粉麵飯類少0左好多.先講前菜小食啦, 例牌係蘿蔔涼伴同埋蒸花生, 兩隻我都鍾意食, 唔算好咸但味道剛剛好. 蒸花生真係好難整到入味, 不過唔係個個人都鍾意食軟淋淋0既上海花生。當日醉雞比平時貴十蚊呀, 不過酒味勁濃, 先試飲一口酒啦, 可以用攻鼻黎形容. 諗住一定好咸啦, 不過雞0既味道就0岩0岩好, D 酒就勁得滯唔0岩我口味0勒.叫0左個嫩雞煨麵打0下底啦, 初初一睇, 哇, 乜禁齋得幾粒雞呀?! 原來寶物尋歸底呀! D 雞粒好嫩滑, 沉0左0係湯底咋, 之後越食越有咁添! 最值得讚係個湯底, 真係用靚雞餚製而成, 好鮮味, 最後俾我飲晒 D 湯! 回鍋肉炒得好別緻, 夾埋皮一齊食好好食, 不過 D 汁就周圍漏, 食得幾狼狽! 味道就好好呀, 回鍋肉本身係比較肥0既腩肉, 所以都幾肥膩, 唔好獨食呀! 最後仲有梅菜蒸包, 當日母親節迫人一次 order 十隻呀! 平時可以叫五隻半份0既, 今次焗住叫十隻, 點解唔叫小龍包而叫梅菜蒸包呢? 因為小龍包好多地方都整得好食, 但係呢個梅菜蒸包好食程度就唔係度度都有0勒! 梅菜味道剛剛好, 只有少少肥肉, 食落唔會肥膩而且梅菜好滑, 真係誠意推薦呀!特別日子貴少少真係預0左0架0勒, 不過想長輩食得健康又開心, 呢餐好值得呢! …查看更多

冇睇過食評之下一個人上0左呢間樓上舖食晚餐啦. 只係本住平平地一試無妨0既心態去. 點知就咁出事0勒! 叫0左個雜菌西芹斑塊飯啦, 個餐跟埋湯同野飲. 個湯味就 okay, 不過粟米粒都唔多, 好似冇落野煲咁. D 斑塊炸得都幾香0既, 不過個汁好咸呀! 簡直令人覺得難食! 個餐飲冇乜選擇, 叫做試0下個提子梳打特飲, 叫做整個餐最平常0既野0勒.價錢係幾平0既, 晚餐做午市價錢. 不過咁0既味道都係食樓下 D 粉麵好食 D 0勒 .樓上 Cafe 始終都係安份守已, 做返個俾人坐得耐傾0下計0既地方比較舒適. 莫講話飲, 食0既野呢度兼顧唔到.…查看更多