a54540556的個人專頁

超值套餐x2 （三餸麵 +小吃+菜 $81）三餸麵(咖哩湯小辣，響鈴，xx，xx）咖喱湯三餸麵咖喱湯底有大中小辣，我就叫左小辣，大概係譚仔三小嘅程度，對我黎講啱啱好，咖喱魚蛋口感彈牙，牛腩亦滷到好入味，唔會韌。麵就揀左河粉，河粉唔會好似坊間煮到過爛，擺左陣都仲係keep到爽口彈牙，更加上河粉容易掛湯，加埋濃郁惹味咖喱湯底，真係食到停唔到口泰國鱷魚湯三餸麵另一碗試左篤篤車嘅招牌湯底鱷魚湯，第一次聽到鱷魚湯都以為會有腥味，或者會比佢嚇怕左，點知我同朋友飲落都覺得好高質，佢好似更加順口嘅濃郁豬骨湯，又比豬骨湯多少少鮮味，值得一試，三餸揀左牛肚響鈴牛丸，發現呢間鋪食牛都唔會伏，牛肚真係超入味超軟，啊婆都食到。其他配菜不過不失。小食炸春捲（跟餐）春捲麵衣厚薄啱啱好，唔會硬，仲要新鮮炸起，外皮超級酥脆炸魚皮（跟餐）魚皮唔係擺耐左變硬個種，keep住都係超級脆，同埋厚薄啱啱好，無論沾湯食定係直接食都好jeng炸蝦餅（+$8 一件）加$8真係唔貴，仲要蝦餅仲食到蝦味，外層酥脆好吃馬拉盞介蘭介蘭抄得爽口惹味，跟超值套餐多一個菜超值腐乳唐生菜我同朋友都鐘意食唐生菜🥬，加埋腐乳炒冇得輸，接近大排檔水準…查看更多

之前都同朋友食過兩三次，今日好好彩可以安排我地坐窗邊位，可以望到出面車水馬龍的彌敦道，窗邊位會比較有feel。今次食物質素係咁多次以來最驚喜的一次，同朋友叫左一個二人dinner set（$428），有頭盤可以揀一個沙律/薯條/魷魚圈/洋蔥圈，仲有西湯，一個飯/意粉，一個main dish（牛/豬/羊），最後都仲有甜品，性價比幾高。美國安格斯西冷牛排呢個西冷牛排我揀左5成熟，唔會血淋淋，食落仲要一d筋都冇，真係又juicy又嫩，牛味好重，配合佢嘅紅酒燒汁，有少少酸酸地，超級開胃之餘仲可以增加牛味的濃郁，超高質，應該是我試過牛扒的三甲法國牛肝菌帆立貝忌廉汁意大利粉意粉份量超大，兩個人食都一d都唔誇張，牛肝菌忌廉汁超級濃郁，唔會食到一d覺得冇咩汁一d覺得太多，帆立貝都係大大粒，超級佛心。黑松露酸忌廉薯條薯條係我鍾意的粗薯條，比較感受到薯仔的原味，加埋酸忌廉比較開胃，份量都係好多，所以我地兩個人食真係飽到有突榛子朱古力咖啡飲品叫左榛子朱古力咖啡，咖啡唔會死甜，但感覺榛子味唔算太出，但整體不過不失，可以一試伯爵茶伯爵茶超級香，食咁多野配一杯英式茶會好解膩，朋友好鍾意…查看更多

同朋友係大圍行街，想食個下午茶，就入左呢間比較隱世的小店，店名叫風車都幾特別。裝修以黑色為主，多用鏡於牆身，另小店比較細小空間增加空間感。而確實另我地感覺坐落比想像中舒服。試左呢個日式照燒雞扒脆豬（$79），我自己幾鍾意佢用左脆豬而唔係普通麵包，比起普通麵包口感更佳，而雞扒超級juicy，鮮嫩多汁。配搭埋番茄等等蔬菜更加可以解膩。飲品叫左焦糖咖啡，咖啡唔會太甜，但咖啡香味比較欠奉，不過不失。朋友就叫左焗豬扒飯（$70），豬扒飯落左超多的芝士係面，比起某連鎖店真係大滿足，豬排都好捻，用左新鮮番茄🍅整體不錯。飲品就飲熱水果茶，係一個好香桃味的紅茶，真係超級香，全餐最有驚喜係呢個桃茶，佢都念念不忘。…查看更多

去嘅時候疫情仲未敢嚴重，仲可以堂食嘅時候，就感啱見到呢間越南菜，見價錢唔貴就入去試下，點知有大驚喜！店鋪裝修以越南風現代裝修，低調為主，檯與檯之間都還算有空間，環境企理，但就冇卡位，四人檯為主三餸自選湯河（$52）我揀左生牛肉,扎肉，豬軟骨河粉，生牛肉非常滑嫩，配埋是拉差辣椒醬真係絕配，而扎肉就不過不失啦，豬軟骨就略為有點乾。重點係佢嘅牛骨湯，女朋友飲完都話呢碗係佢係香港試過最接近越南當地食嘅河粉，真係超級好飲！清甜濃郁！但性價比超高，因為而家出門越南河粉動輒$70-80以上，但食落味道相差無幾自製手工春卷（$38）手工春捲都十分高質！皮薄蝦肉彈牙，仲係好夠熱，脆卜卜咖啡沙冰就算我女朋友平時唔飲咖啡，佢都覺得呢個咖啡沙冰好好飲，唔會死甜，有少少咖啡的苦味，高水準…查看更多

當日同一個朋友黎旺角廣華街呢間串燒店食串燒，因為我地係7:30前離座，都係$208一個人（平日），非常底食，滿足左我食燒烤又唔想去郊野公園燒的燒烤癮。餐廳環境唔大，但坐落都好舒服，每檯人都係一張卡位，唔會同附近的食客太近，同埋環境都企理。進食時間有120分鐘，每一樣嘢食都係大概燒7分鐘左右，兩個人食有突，如果係四個人食就可能要燒得勤力啲，但我地慢慢食吹下水，進食體驗唔錯食物選擇不過不失，甜品都有平時燒烤必備的棉花糖，竟然會有雞蛋仔，食落又真系唔錯，外脆內軟，超驚喜。食物都有水準以上，對得住價錢，亦都有M6和牛牛柳，肉味濃又唔會有筋。而最正嘅一定係脆玉瓜，加埋薑黃粉等等調味，真系超級惹味。最後食到未都有一人一個的haagen-dazs，滿足滿足。…查看更多

Hunky Dory位於科學園內，一間隱世的高質西餐。呢度環境真係好似世外桃源感，可以望到中大校園園區的building，一片綠草如茵草地係餐廳外面，有少少涼意的天氣加上半開放式的空間，媽啊，好chill！炸魚薯條($118）係感chill的環境當然要配埋fish $ chips 啦，原本唸住係啲咁嘅地方，都係細細份，點知黎到真係驚為天人，份量超大份，係我塊面嘅兩倍大，入面魚肉仲好多汁好juicy，炸衣可以再薄啲就perfect池啦美味拼盤($158）一開始覺得呢啲小食拼盤都係食少少，可能一兩個人份量，但點知呢個拼盤份量又係超大，3-4個人食完全冇問題，有肉丸，炸豆腐，炸魷魚同雞翼，全部都好好食😋Hazelnut Latte（$52）不過不失的hazelnut lattePeach Tea ($42）桃味超香，唔會搶晒啲茶味，呢杯peach tea好推薦，下次會再叫…查看更多

意式芝士焗肉醬闊條麵 $98分量超多！滿滿肉醬和芝士 CP值極高！即使係闊條麵但都好掛汁 同埋麵條唔會太軟爛 保持煙煙韌韌的口感 真係一啖接一啖黑松露帶子鮮菌燴意大利飯 $122黑松露味道濃郁 帶子都幾多下 雖然偏細 唔會話剩係得一兩粒 飯粒煙韌 同埋飯粒粒分明 唔會煮到一pat嘢 呢個超級推薦👍西班牙咖啡$52西班牙咖啡一黎到真係超級適合打卡 大大杯的咖啡 上面放左個雪糕真係好eye- catching 之後咖啡味都重 配埋雪糕 甜度啱啱好♥️藍莓乳酪$48原本期望係酸味會重啲 但味道偏甜 飲落好creamy 唔會太水 蜜糖芥末單骨雞翼$76顧名思義單骨雞翼就唔洗點去骨，所以啖啖肉，而且肉都炸到好外脆內軟，即叫即炸，我地掛著吹水，放左陣都係好juicy🤤洋蔥圈$52份量多！炸得好香脆 而且炸粉唔厚 配埋他他醬一流👍🏼👍🏼 他他醬酸酸地好開胃 又中和番炸物的油膩…查看更多

同朋友係聖本篤望完mass，就去左和氣食堂食野，之前見黃大仙果間超級多人排，今日6點準時開舖入去，坐左一陣已經有幾檯客，生意超好太盛刺身（$178）刺身好新鮮，唔會有魚腥味，同埋唔沾醬油會食到食材本身少少的甜味，尤其是帶子同油甘魚特別驚喜，我係壽司郎試過佢地嘅海膽，真係好腥，好難食，但和氣食堂的海膽完全冇呢個問題，好新鮮好creamy辛味三文魚小柱貝刺身丼（$88）三文魚好新鮮、小赤背都好鮮味，兩款壽司夾埋一齊其實都好夾，裏面配埋好多蟹子，呢個刺身丼比較濃味同惹味，唔洗加豉油三色花戀（$88）花之戀係最愛嘅壽司因為一食落口係超級大件同好厚身嘅三文魚配沙律醬，超級滿足火焰左口魚邊牛油果和風沙律（$72)呢個沙律超級高質，同埋佢嘅汁好開胃,我哋之後食咁多嘢都唔覺得飽，同埋佢哋嘅左口魚口感好好，好香鹽味燒牛舌($40)佢哋嘅串燒都好濃味，好似係最愛嘅串燒，口感彈牙唔韌，跟住調味都做得好好，好入味柚子芥末燒一口和牛($32)和牛牛味好濃，加埋芥末醬冇咁膩，柚子就令成件事更fresh鹽燒開邊雞翼($26)雞翼開邊燒，全部位置都可以燒得均勻，好入味明太子雞肉串($22)雞肉串不過不失牛油燒一口番薯($22)一口蕃薯好向牛油味，可以一試…查看更多

原來店主嘅老婆係一位日本人，因為係一位出色的賢內助，店長就用左閩南話嘅賢內助-即係「家後」作為店名，相當有意思，佢地食物水準全部都唔錯，最為之一亮係佢地招牌芝士蛋糕，原味同開心果都好好味，但我同朋友都比較鍾意開心果味，比較特別同埋開心果味真係好香好creamy好滑，其他嘅例如車仔麵兩送（$32）真係性價比好高…查看更多

呢間好多人都試過嘅台灣餐廳，裝修行簡潔路線，座位就有少少逼同近，食物水準不過不失，我見到呢個鹽酥雞嘅飯係台灣地圖嘅形狀，真係有啲小心思，之後佢哋嘅台灣奶茶幾香茶味，但我叫咗一個麻辣嘅湯麵就比較普通同埋肉嘅份量好少得3.4舊，之後如果食鹽酥雞嘅份量就比較唔錯同埋叫咗一個椒麻牛肚超級惹味，可以再試…查看更多

呢個號稱攞到米芝蓮嘅生煎包係咪真係包乎其名？我覺得都真係對得住佢嘅名氣，試左佢嘅招牌生煎包真係外脆內爆汁，所以店面教要咬一啖先，唔好爆汁爆到全檯都係，食落佢嗰湯汁真係幾好味，豬肉餡就普普通通，但真係幾推薦試下…查看更多

試左呢間川菜，最驚喜嘅係佢嘅胡椒豬肚雞同我係內地食嘅味一樣，相當地道，同埋佢好夠胡椒味有少少辣，雞件夠滑豬肚夠唸，所以我一個人已經飲左大半鍋湯，另外佢地嘅鐵板茄子都好入味，夠香夠唸，佢地嘅串燒就性價比一般…查看更多

呢間經過一直覺得裝修幾有feel但冇試過，感啱果日同幾個朋友一齊試，叫左一個四人嘅BBQ Feast，份量對四個男人黎講算係啱啱好，特別推介佢嘅豬仔脾，超級唸同入味…查看更多

雖然呢間餐廳門口見佢攞過好多獎，但又未去到感神級嘅海南雞，我自己覺得佢地嘅辣椒醬辣椒醬係唔錯嘅，當然有啲人會覺得佢地其他醬唔算正宗海南雞，不過呢間唔係我食過幾難食嘅海南雞，佢地嘅雞水準唔算穩定，一時幾滑一時比較柴，主要睇雞嘅部位，不過總括黎講唔錯嘅…查看更多

每次食渣哥都食佢嘅自由西餐，因為薯條係超級多，成個碟嘅底都鋪滿薯條，但就係普通冷藏嘅薯條，感都冇乜可以評論，但份量的確值得一讚，另外佢地嘅牛好有牛味，口感就不過不失，有次就真係好韌，頂唔緊還左塊，普遍水準唔錯…查看更多