小肯肯的個人專頁

因為與朋友聚腳及喝酒，於是選擇了這裏，結果居然吃出一肚子氣。原本抵逹時，餐廳顧客頗多，還以為食品質素可以，當時剩下近門口一張枱，還是坐下，未幾，由於友人未到尚未點餐，剛好又有別枱結帳，餐廳還特意安排轉換坐位，對服務印象有加到分。點餐卻是惡夢的開始。由於自己帶酒，所以點餐時問待應要了三隻酒杯及冰桶，過了一會，居然只上了冰桶，小弟再次要求，才上了三隻酒杯，而同時，待應上了小弟一枱未有落單的鮮赤貝三隻。小弟表示三隻鮮赤貝不是小弟及友人所點，著其取走，一開始負責落單的一位嬸嬸居然走來堅持是小弟所點，說小弟一開始要了一個冰桶，三隻鮮赤貝。小弟當然表示一開始是要三隻酒杯及冰桶，嬸嬸居然變得揭撕底里，高嚷著一開始「你」是要一個冰桶及三隻鮮赤貝，三隻酒杯是「我」(她)放底冰桶後「你」才要的，「我」(她)無落錯單架！並強調了兩次。試問：1. 明明帶了一支酒，會不會只要冰桶不要酒杯2. 酒杯同赤貝音不近，同鮮赤貝更差了個音，怎麼可能弄錯如果對方承認有誤會或聽錯，小弟還比較易接受，但嬸嬸的態度卻是小弟無理取鬧一樣，都算，友人為息事寧人，都話照要(主要原因係其他野未黎……)。結果一睇餐牌，成50蚊一隻(最後的確係全張單最貴的)。食物如下：鮮　赤　貝：好鹹而無鮮味日式　燒餅：蛋同粉分開，蛋係底有未熟又有煎燶左，好似食緊蛋還蛋餅還餅，味道一般(普通野，咁都唔好就真係……)海膽　軍艦：海膽味淡，紫菜口感好膠，唔爽油甘魚壽司：油甘魚好腥，又乾身吉列海老卷：一般，合格，海老唔甜日式　太卷：一般，合格，紫菜口感好膠，唔爽串燒章魚丸：只係街市買的墨魚丸，唔係自家手打　　雞軟骨：唔熟、腥、唔脆　　豬頸肉：鹹而老　　雞　腎：韌、唔爽、無味　　牛　舌：韌、唔爽、無味如果鮮赤貝鮮甜都還算，結果是這樣！所以決定不會再光顧……(還叫了其他食物，不過都不後突出，味道亦差，不細列)…查看更多

因為某幾個原因，心情好差:(，於是約朋友落場吹水，朋友唔慣擘，難得兩脅插刀，於時揀呢間係The Mira既清吧。入到去己經覺得好有格調，卡座full晒，所以坐吧枱，兩條佬摸下酒杯底。一人叫一杯Champagne Cocktail, 我叫左Kir Royale，朋友叫杯The Classic。Kir Royale入口好香，有好清新既cassis(黑醋栗)果香，酸酸甜甜，朋友話The Classic都易入口。酒吧有佐酒物，有火腿併盤同芝士併盤，非我所好，最後叫左assorted chicken pork and beef in satai，沙茶味度好香，無花生醬味，香氣十足，雞牛豚都燒到好爽口，豚肉係6分肥，燒完得香5分，好甜，牛肉雖然全熟，但唔會霉，雞肉差少少，似係香葉雞賣唔晒拆番開再燒過，但係成個併盤都水準之上。男人摸酒杯底又點可以飲得一杯？朋友於是再叫Singapore Sling ，我就叫左杯Suzy Wong，先講Suzy Wong，呢到做法同一般唔同，係用左vanilla同vanilla extraction，未入口己經覺得好creamy，入到口先有一股雲呢拿味，到喉嚨先滲出香檳既果酸。朋友杯Singapore Sling 唔及係O豪坊某連鎖酒吧既咁重酒味，佢話淡口少少，都好飲。個nuts' served就失色少少，係鹽味花生+原味爆谷+炸雲吞皮，係好desent，但係全部唔好食，我零願要番蝦條或者wasabi豆。呢到班waiter同bartender都好禮貎，可能係酒店關係，而且服務好快，又唔會求其放底兩杯野算數，會問下邊個要邊杯。埋單，兩個人飲(同食)左780蚊，心情，叫做好番好多，好想再約人黎飲過。…查看更多

同五個朋友一齊去食，小弟係第一次去，環境唔錯，仲有波睇，班唔係咁睇波之朋友仲話世杯係到睇，不過一向落bar之小弟就接受唔到。食物方面，叫左幾個招牌菜，有咸朱手、肉腸什錦、燒鴨、意粉同意式雲吞。咸豬手真係chur咸，對於唔慣無個飯類佐餐既小弟真係幾辛苦，肉腸什錦就食黎食去都係香草味，口感好麵粉，個意式雲吞的包餡則更似係打碎了之肉腸，香草味同肉腸一樣咁濃，真係謝謝儂…意粉唔得attendee。個燒鴨幾okay，唔係話juicy，但係肉質幾嫩，唔會太干柴，係推薦之一。野飲方面，太部份人都係叫啤酒，三個女仔叫non-alcoholic特飲(好似係coke同lemon soda)，另有人叫麥酒，小弟好酒之人，不過一向對啤酒無愛，不過都叫左黑啤，食咸朱手飲黑啤，幾係指定動作啦。黑啤都okay的，唔太搶口，酒味同麥味算平衡，係推薦之二。環境同氣氛方面，現場裝修到幾似啤酒酒窖，現場有菲律賓人樂隊，氣氛熱鬥，同場好多人生日，成晚唱左好好好多次happy birthday。其實，可能四係個人喜好唔鐘意德國野食，咁岩第一次就畀左呢間餐廳，好能野食味道唔關佢事，同第二間比較或者可能佢算唔錯添，但係都畀個喊佢。…查看更多