為食喪花的個人專頁

好耐無寫食評，但係不吐不快，呢間小王平時好少幫襯因爲食物好一般，但下午茶時間週圍都多人，係佢有位就是旦！我家姐原本想食吐司，但侍應無麵包，就叫左個［半筋半麵］，個麵上枱我地都登大左眼，成碗麵得三件筋一件同手指公咁大嘅牛肉，但我地都無諗住投訴反正唔太肚餓，直到有對情侶坐我响我地隔離，又係叫呢個麵，一上枱佢個反應又係疑惑點解個麵明明寫「半筋半肉」但上枱碗麵九成都係筋得一舊肉，佢於是乎投訴，但姐姐態度非常差：「你叫嘅係咪下午茶餐，下午茶係一舊肉，你要多啲肉就加$30會多一舊肉」，哇～加錢都係多一舊咁大把🤔咁個男人就好嬲話要投訴去消委會，因為咁樣有誤導成份，於是乎姐姐叫經理嚟，個經理都係講返同一說話，問佢咁你換過定係點，咁佢就換咗第二樣。事件去到呢度其實我哋都唔關事，但當我地食完飲緊嘢嘅時候，態度差個姐姐同我地講佢哋夠鐘食飯，要我地走佢哋要食飯，話我地想傾計就坐另外一到，我哋當然唔肯，因為佢態度真係很差，個姐姐係跟住大力將兩張枱拍埋大力將佢筒飯放喺我哋隔離! 今時今日咁樣服務態度，食物質素又唔係好，唔知仲可生存幾耐😡…查看更多

之前12月頭到先食完,個時有中菜又有日本菜,食物ok,裝修又靚,2月頭有朋友生心,咁念住再去食中菜啦,點知入到去先發現好似有d唔對勁,咁咪問吓個仕應啦,先知無左中菜,淨返日菜,但我地入去時從來無人話我地知,佢地門口個仕應都有責任話我地知,到我地坐低都無人招呼我地,係我發現好似得張紙又無menu,一問之下先知得返日菜或日式任點任叫自助餐$178一位,咁我個friend話是旦,咁咪試吓個任點任叫啦!咁講吓d食物,都有百幾款,有一般日式的炸物,燒物,魚生,壽司,有湯,有3款甜品,咁味道平均都係一般無驚喜,魚生都算新鮮,甜品有紅豆燉蛋,梅酒果凍,炸香蕉,本人就比較喜歡燉蛋,我的朋友就比較欣賞果凍味道比較特別!總括食物味道好一般,上菜比較慢,同埋你叫10只來7樣,叫3件,來一件,所以如果叫左一段時間都未上菜,咁你最好再叫過!…查看更多

尋日同5個朋友去美麗華商場4樓雪園,我都係睇左食評所以走去試吓,首先講吓環景,d裝修好似普通酒樓,無咩裝修可言,但都算乾正闊落!入到去得小貓三隻客人!咁講d野食,我地叫左一碟花彫醉鴿-好有酒味鴿皮爽口好好食,無鍚骨-d肉入口即化開好野味,上湯波菜-就普通左d,生煎包-都係普普通通,瑶柱蛋白炒飯-無咩味~跟住我地叫左d飯後點品,合桃糊-唔夠滑,酒讓丸子我之前未食過,我就覺得唔得,我朋友係上海人佢有食過,都話麻麻太希,因為佢媽媽煮得仲好過佢好多,雷沙湯丸-好普通,仲有高力豆沙我本人就最like啦,面頭d沙糖係粉紅色好靚好味架!呀,講返我地叫餸有個小插曲,原本我地想叫個清妙蝦仁,個待應話幫我地改為中,都無問我地好唔好,佢就係咁話例個size得好少我地人多唔夠,咁我朋友咪問佢幾錢啦,佢就只係話比個例多一半價錢,咁我地又問佢咁例要幾錢,佢話$140,咁再加一半咪$210,唔係話食唔起,只係覺得唔係太低,就同佢講唔要啦,點知到上菜時佢又送左碟蝦仁上黎,咁梗同佢講話佢送錯啦,點知佢好似失億咁話我地頭先叫,雖然最後佢都好有禮咁話會收番,但係佢d態度就好似我地屈佢咁!總括來講,食物都算不過不失,服務就d待應無咩笑容咁,到我地走個度都係得三,四張枱客,都係時侯要想一想改一吓,先會留多d客架!…查看更多

呢間食店係我公司附近,本身我和我的同事都係帶飯,但係自從開左呢間桶骨棧,我地都會成日去食,就算帶左飯都會心思思走去食!至於我地點解會心思思,就係為左去飲佢個豬煲,個煲都好好飲同好足料,味道香濃,用大大舊豬骨同白菜煲成,飲完湯d骨都好好味,因為可以食d骨髓,一煲$68,真係可以飲到10個人!咁午飯計起每人都只係$30-40其他餸都好味,午飯時間d妙粉麵飯特價都幾低食,我本人最like個金菇肥牛,洋蔥豬扒酸酸甜甜好醒胃!地方都幾好坐,有d位仲可以望到海,d服務都好好,好似有次因為佢上遲左碟餸,咁我地就cut左唔要,但我地無睇到單,到行行下先醒起佢咁埋個碟野,我地返到工司打返去同佢講,佢地d態度真係值得一讚,比返d錢我地,仲連加一都有計比我地!但夜晚我就無去過,所以唔知佢夜晚如何!…查看更多

都有4,5年無食過韓國燒烤,今日同同事共5個人去新高麗食韓烤($99一位另加一,如加火鍋另加$20),D味道不過不失啦,都係一般野,我本人覺得最好都係銀雪魚,D坐位都幾好坐,不會太油煙,但D碗碟都幾DIRTY,我係消消毒碗櫃攞隻碗,個碗仲貼住幾粒飯,D碟仲油滋滋,見到咁都打左個拆扣!另外有十幾款前菜,味道普通,還有幾款甜品,但都係麻麻地!食完今次,我想我都係唔會再去!…查看更多