FayeFaye BB的個人專頁

㩒演唱會飛㩒到差不多兩點都唔成功，好沮喪，就call阿媽去食個late lunch。阿媽話好肚餓，就帶佢去牛極食牛扒（半放題）。一共有六款唔同既牛扒選擇，每款有三種唔同重量揀！點餐係用自助點餐機，好方便好日式！店內唔算太大，簡單日式的裝修，令客人坐得舒適！自助區有米飯，湯，沙律，水，醬料，食幾多自己攞幾多！飯係用珍珠米，好軟綿綿；湯是牛肉湯，但有d似羅宋湯；沙律新鮮，加埋柚子沙律汁，好清新令人開胃。牛柳200g （$110）牛肉味好濃，肉質勁淋，自己又可以控制牛柳幾成熟。牛肩肉眼180g （$80）牛肉味濃郁，肉質比牛柳實一些，當然唔會韌。以呢個價錢食到呢種牛扒，絕對超值！…查看更多

同阿媽行金魚街既寵物店買野，大約12:30pm 阿媽肚餓，佢話想食咖哩飯，真係考起我！然後諗起之前食過民華有咖哩牛腩飯！咖哩牛腩飯：勁香咖哩味帶少辣，d汁又濃椰香味，薯仔&牛腩好淋，仲有牛筋，又淋又滑，配白飯一流，阿媽食又大半碟！常餐鮮茄牛肉通：勁濃郁既鮮茄湯底，牛肉好淋，份糧好多！配太陽蛋，腸仔&多士呢個常餐好抵食，好味而份糧多！西多士：見到隔離枱食，我又點了一份，麵包勁厚，外面香脆，裡面係軟淋淋，配牛油鍊奶，好香好甜，肥都抵！阿媽高估左我個食量，佢叫左燒賣，我真係食唔落，阿媽自己食，佢話蝦好爽口，好味！餐飲，我要凍檸茶，茶味香濃，檸檬好新鮮！阿媽要熱coffee, 佢話好香濃！…查看更多

約左個朋友食飯，朋友喜歡食火鍋，就佢係佢公司附近食呢間台式火鍋。店內雖然唔太大，但坐得都好舒適！宜蘭蕃茄豚肉鍋新鮮既蕃茄薯仔湯底，豚肉好淋，豆腐好滑，配菜又多，好抵食！魚片香脆，再叫左碗粉絲！台式小食拼盤小香腸-正宗台灣香腸，好香好味！花之丸-外面香脆，好彈牙！雞翼-個皮好脆，裡面仲係好juicy架！涼拌小青瓜勁爽口既青瓜，份糧多，食d青瓜可消消滯！麻辣臭豆腐係香港唔多地方食到呢款麻辣臭豆腐，勁香麻辣，好野味吖！呢間小店，除食物好味，台式飲品亦十分出色。左：百香果綠妍右：滿杯百香果其實兩杯既味道都好似，都好濃百香果味，茶味又香濃，只係滿杯百香果多左d檸檬味！兩杯都好味而解渴！…查看更多

約左舊同事食lunch，我勁想食烤魚，立即想起老川皇。呢間川菜館既味道，我覺得已經好近似在國內食到既麻辣味！二人餐：烤鯇魚半條，青菜一份，跟白飯麻辣烤鯇魚，小辣已經好勁，麻味好重，好川菜風味。鯇魚係烤過，所以魚肉比較實，但吸左d麻辣汁後，喜歡吃麻辣既我勁鍾意食！青菜可自行放入麻辣汁中煮黎食，不過真係好辣！套餐跟兩個白飯！泡椒鳯爪 - 鳳爪爽口，而且好夠辣，勁野味，送啤酒一流！尖椒皮蛋 - 唔係黑色既皮蛋係金黃色的，味道係徘徊在似皮蛋與雞蛋之間！唔洗返深圳就食到好味川菜，每人都$100左右一位，好抵食！…查看更多

個friend黎開黃大仙呢區，順便call我食個快餐，佢哋已經係呢間臨記食緊嘢。住係呢區但都係第一次食臨記！入到入肉地方好寬闊，坐得好舒服！上菜又快！點左牛腩併紫菜河，牛腩好淋唔會痴牙，紫菜份量多，湯底係夠味既腩汁，河粉滑滑的！而自家製鮮竹卷，好香脆，好夠料，我好喜歡呢款小食！加$10有一碟油菜，菜都係新鮮，食落沒有渣！食緊既時候，朋友話我知店鋪之前係做車仔麵，最近先換左做粉麵。價錢唔貴又好味，下次近近地可以再食！…查看更多

成間舖都只有雞翼賣，鐘意食雞翼嘅朋友千祈唔好錯過！餐廳裝修勁少女🥰文青風玫瑰雞翼，厚厚嘅蜜糖配上玫瑰花香，雞翼仲炸得啱啱好，好juicy,香甜多汁!推薦！玫瑰花瓣令到我地少女心爆焩！🥰港式避風塘蒜香雞翼，香辣十足，夠哂惹味！炸蒜超香超好味！鐘意香口嘅我勁like 👍🏻我係咸檸七雞翼，見到呢個咁特別嘅口味梗係要叫嚟試下！雞翼上枱有成粒咸檸，食落果種咸咸甜甜酸酸嘅感覺真係幾特別！亦出奇地夾！👏🏻👏🏻檸香山葵蟹籽雞翼，鐘意wasabi嘅朋友一定好鐘意，wasabi味好香，滿滿嘅蟹籽好正！🍗🍗🍖🍖🦀🦀…查看更多

食完泰式午餐，路過皇茶，見到個牌After lunch tea （12:00-15:00）$16 一杯，有三款選擇：珍珠奶茶、爆檸四季春、朱古力。食完辣野，梗係叫返杯爆檸四季春。呢杯的確係好多檸檬味，係有爆檸既感覺，好夠檸味但帶有少少澀；四季春味被檸味蓋過，茶味唔算香濃。整體我覺得一般，佢既茶底唔算太好，檸檬帶澀，飲落沒有特別清新既感覺。當然唔係難飲，可能只係飲過其他店舖比呢杯更要好，但做緊$16又係旺角區係好平！…查看更多

約左舊同事食lunch, 好耐無黎過呢間泰式餐廳，以前去開太子分店。呢間分店都算細間，坐得好逼夾！以前食開牛骨仔好好味，但原來已經沒有在餐牌上。只好點豬頸肉、粉絲配冬陰公湯底，豬頸肉較淋有肉味，粉絲比較爽口唔大淋，但份量比較少，冬陰公湯底一如以往既好味，酸酸辣辣，但唔會太辣。$42 唔洗加一，飮品要另外加錢，但食唔飽，覺得有少少貴。…查看更多

之前睇過有報導介紹呢間新店，聽聞之前話要等好耐，但我等左10分鐘多d就有得食。西洋菜鮮肉餃，好大隻又好重西洋菜味，餡料係新鮮，皮薄但包得唔算實，散散地既感覺。對個湯底有d失望，係有椰子味，可惜味道好淡，無乜鮮肉味。咁加d菜圃，係又唔咸又唔辣，真係加同唔加都無乜分別。芝士粟米鮮肉餃，好有芝士味，唔算太多粟米，皮可能太薄，有兩件個皮係爛左，同樣有散散地既感覺。今日試新店沒有驚喜，餃子味道尚可，湯底就好一般，深水埗某間餃子店好味d！…查看更多

去完荔枝角既潑水節，走左去西九龍中心行左陣，又唔係太餓，求其係food court度係少少野。太多選擇，結果揀左食泰式。泰式無骨鳳爪，唔夠味，唔酸又唔辣，唔算好食！泰式金邊粉，賣相同正宗既Pad Thai 真係唔多似，顏色係橙色，我見到都非常surprise😮. 至於，味道只係似普通炒粉，配料又唔多足夠，但有三隻大蝦，都新鮮既！生菜包，夠辣而重泰式既香料味，呢款比算似正宗既泰式食品！價錢算平，味道就一般，都可以接受！…查看更多

今日lunch 同個朋友食左碗勁辣既車仔麵，已經飮左一罐汽水，但仲係好口渴，經過小茶堂見到張poster介紹Freshly Cold Pressed Juice (Apple / Orange)，我地毫不猶豫＆一人一杯。冷壓橙高纖益力多：好清甜既鮮橙味，反而益力多味不太濃，一口氣飲左半杯，幾解渴喎！冷壓蘋果高纖益力多： 好清香而淡淡既蘋果味，但益力多味就比較濃！（朋友點左呢杯，我食左兩啖）兩杯都ok，我比較喜歡橙味多d，真係好橙甜！…查看更多

由10am至2pm 同個朋友一直坐係電腦前㩒Sammi演唱會飛，最後係失敗！之後，勁肚餓，走左去老街食返個下午茶補返。下午茶餐原來好抵食！小食可選三款：酥脆鹽酥雞 - 外皮酥脆雞肉嫩滑，唔會太咸！木魚炸豆腐 - 外皮勁香木魚味，豆腐熱乎乎又軟滑，好好味！夜晚小香腸 - 係正宗既台式香腸，咬落爽口！小碗麻辣乾麵 - 份量唔算多，但麻辣味偏辣，麵係彈牙！冬瓜茶 - 只係加$5，甜度適中，叫左少冰但都算多冰，不過味道係唔錯。$37 一個tea set, 真心抵食又好味！…查看更多

星期六入左去上水搵個朋友食下午茶吹下水，佢帶左我去食日本嘢。大漁船盛$88三文魚刺身3片 - 都算大件，亦好新鮮！三文魚壽司1件、帆立貝壽司1件、北寄貝壽司1件、油甘魚1件 - 整體ok, 油甘魚比較鮮味！稻荷蟹籽沙律 - 唔錯，沙律爽口！稻荷吞拿魚沙律 - 我本人唔太喜歡吞拿魚，比左個朋友食，佢話ok!加州卷3件 - 正常，冇驚喜。小食有中華沙律、螺肉 - 螺肉比較好味，少辣又爽口。中華沙律比較淋。迷你牛肉湯烏冬 - 勁咸，唔好味，冇食哂！凍檸茶 - 正常好飲！冇乜特別，自己唔會再來！…查看更多

之前朋友介紹我飲探客（旺角分店），係相當唔錯，今日行開元朗順便去埋探客（元朗分店）。今日點一杯旺角分店沒有既，旺角沒有乳酸又冇哈蜜瓜。最後，決定叫霸氣哈蜜瓜！整好既時候好靚，有三層唔同既顏色，而一啖飲落去，有少許失望，哈蜜瓜味比較淡，唔太飲得出鮮果味，但茶味係香而濃，整杯飲品被茶味蓋住哂。雖然唔係難飲，但絕對唔係想像中既霸氣哈蜜瓜！下次都係會返去旺角分店買，味道比較啱我口味。另外，旺角分店價錢好似仲要平少少！…查看更多

大約十點半去到上水揾朋友，兩個人走左去飲茶，其實我地都各自係屋企食左早餐，唔肚餓，只係想坐低飲下茶吹下水。鳳爪排骨飯 - 又好味！好香飯味，排骨軟淋淋又香肉味，鳳爪唔會過淋，偏辣好野味！只係$13.9 好平吖！煎堆仔 - 外面勁脆又香，裡面又熱又軟綿綿，仲有唔太甜但好香既蓮蓉，好味！價錢只係$8.8蘿蔔糕 - 一般既好味，沒有太特別！朋友係11:30am 之前已經去找數，原來11:30 前比錢先計早茶價錢，兩個食左$50 左右，好抵！…查看更多