smilelhy的個人專頁

囍宴今年有做大閘蟹餐，而我選擇咗散叫，因為其他小菜實在太好食啦！一家四口，叫咗六隻大閘蟹公，再加兩味小菜😋😋其中一個石鍋雞煲，極力推介，雞肉嫩滑夠入味，其他配料不容忽視！有豬膶、冬菇、乾蔥…… 豬膶煮得剛剛好，熟透而不過火😋正👍🏽首先，當然是主角出場啦！六隻蟹公😋每人三隻剛剛好👍🏽其中兩個人唔食。石鍋雞煲😋😋😋極力推介，雞肉嫩滑夠入味，配料十足！魚香茄子🍆係我每次嚟到必食嘅小菜😋當然唔少得呢個糯米飯啦！軟硬適中👍🏽👍🏽👍🏽…查看更多

肥波士入咗兩個牌子嘅雪糕蛋糕，唔知牌子叫咩，買咗綠茶同香蕉味試，仲有幾隻味，但冰格冇咁多位放，試住兩隻味先！好似仲有巨蜂提子味、朱古力味。好味😋😋😋食前宜解凍二十至三十分鐘。…查看更多

最近見肥波士入咗幾款味道嘅迷李芝士蛋糕，買咗紐約芝士餅同焦糖芝士餅試，芝士好滑好好味，不過餅位就唔夠脆。印象中好似仲有藍莓味、草莓味、唔記得仲有乜莓物莓，本人唔太中意莓，所以就冇買嚟食。細細件，大細就好似傳統月餅差唔多。份量一人食都唔錯。值得一試👍🏽…查看更多

終於有時間出去晚飯，二話不說就揀咗去囍宴。一行六人，一共叫咗六個餸。主角當然係羊腩煲啦！其他菜式都好好味，食到攬住個肚走😋鮑魚雞煲真係超入味！可以encore👍🏽呢味鮑魚雞煲，超正超入味👍🏽下次一定要再食😋😋梅菜扣肉煲😋又係好好味👍🏽兩碗飯系列酥炸鮮魷豆豉鯪魚油麥菜😋😋😋主角出場😋😋😋掛住食，差唔多食晒先記得影佢😆下次補影😂羊腩好林好入味😋😋最後嚟個炸饅頭😋正👍🏽…查看更多

今日一行四人揀咗呢個套餐，份量足夠五至六人食。首先，第一味係片皮鴨。皮夠煙韌，唔會薄到一包就爛。鴨皮片一半連肉，一半唔連肉，任你選擇。高湯浸翡翠，菜得新鮮，唔老。蒜子好甜。蒜蓉蒸扇貝，時間啱啱好，唔會過熟。上湯焗波龍伊麵，龍蝦夠新彈牙，伊麵亦好夠味，伊麵食唔晒，打包做另一餐😆蒸魚，蒸過火咗少少。魚新鮮嘅！呢個小炒王正😋微辣😋不過又係食唔晒，打包😆最後上埋個馬拉糕，已經飽到食唔落，原隻打包。…查看更多

娘親話想食生蠔，諗都唔使諗就決定嚟呢間，因為先前食過幾次都好新鮮，其他野食都好好食！頭盤緊係嚟一打生蠔先啦！隻隻都新鮮，雖然稱唔上肥美，但食生蠔最緊要新鮮！啤酒薯條係必食嘅！超脆口，每次都會食！中午時段，選擇飲特飲，今日唔飲酒啦。平時多數配白酒。一打生蠔兩母女唔夠分，再叫多一打😋😋一樣新鮮😋😋😋再嚟多個西冷，個西冷就一般啦，un咗少少！仲有個卡邦尼意粉唔記得影相，呢個意粉又係每次都必食嘅！…查看更多

是晚揀咗呢個餐呢七款小食任食任點任食火鍋配料點咗個芫茜皮蛋湯底首先每人半隻乳鴿皮脆肉嫩👍🏽👍🏽👍🏽安格斯不過不失呢盆海鮮無得頂👍🏽好新鮮😋😋呢盆係三人份量。呢個價錢食到咁多款海鮮真係好抵！仲要係好新鮮唔係比死海鮮你👍🏽👍🏽龍蝦同蝦都好彈牙！樣樣都好正😋蠔十分肥美😋😋😋食完呢盆海鮮同埋半隻乳鴿已經六七成飽，火鍋配料只點了少少，蝦滑同墨魚丸好食，魚皮餃太油，一咬就成口油...... 飲品方面，任飲多款鴻X堂涼茶，啱晒打邊爐！…查看更多

恢復晚市，終於有機會嚟到食晚飯啦，今晚叫咗兩個餸，一個魚香茄子煲，一個梅菜扣肉煲。魚香茄子怪嘅我，食過好多間都唔及囍宴咁香口，味道啱啱好，唔會過咸。梅菜扣肉煲用咗白菜仔打底，食落冇咁油，因為比菜吸晒😆扣肉十分林，冇牙都食到！正！重點係抵食！…查看更多

整體嚟講，成個餐係好飽好滿足，好食嘅！每個餐會跟一杯花雕。服務好好。上餐時間稍為快了一點，未食完第一道就上第二道，感覺有點急。提提大家，要提早預訂！我係兩星期前預訂嘅。…查看更多

香煎鯪魚餅，煎得夠脆！懷舊鵪鶉蛋燒賣，好味！罐湯餃，皮薄，夠味！虎皮尖椒，好好夠辣！流沙奶皇包，掛住食，唔記得影，夠晒流沙，好味好味！鳳瓜排骨煲仔飯，有飯蕉而又唔燶，正！服務好好👍🏾👍🏾重點抵食😋😋😋…查看更多

是次點了西多士同埋凍華田。西多士賣相很吸引，未食已令胃口大增，甜味適中，質感鬆軟。凍華田亦有別出面茶記，大部份茶，凍飲上枱永遠都係一大堆沖粉未溶，呢間完全溶解先放冰，讚！…查看更多