hongyiu的個人專頁

成餐飯食到一肚氣好耐之前食過一次，印象唔差，今日黎開睇戲就再幫襯下，結論係，唔會再有下次！首先係門口㩒飛仔拎籌，但帶位既冇㩒過籌號，問我地幾多位就直接帶我地坐低，心諗都好呀，唔使等咁耐！睇完menu點餐，舉左手好耐都冇人應我哋，好啦，到有個後生仔應我哋，態度好差咁同我哋講用QR code叫，但又唔比個QR code我地！想叫人比杯水都冇，明既樓面得幾個人，有成20幾30枱客，一係放出黎比人自助斟，一係唔夠人手咪唔好開咁多張枱！隔離枱有幾個auntie唔係咁識用QR code落單，問個後生仔可唔可以人手落，個後生仔竟然答，得閒先幫你落🙄🙄🙄我諗如果係我，會即刻起身走人。野食好快黎到，個豬扒撈檬，d檬粉乾到硬，係硬到好似未熟咁！叫個阿姐換過佢，個阿姐話撈檬係咁架喎，係硬到食都食唔到！最後佢拎左入去，但我覺得係原碟拎返出黎！另外有碟馬拉盞通菜，成碟菜啖啖都係油，應該叫油浸通菜！軟殼蟹米紙卷，算係好少少，但個軟殼蟹係淋到放左好耐既感覺！隔離有枱，叫左喇沙同小食拼盤都話勁難食，仲有枱又係叫撈檬，剰係食餸冇食檬粉！埋單個陣同個收銀拎公司電話，佢問有咩幫到我，係咪服務唔好，又話忙起黎有d同事態度係冇咁好，其實，即係你地自己都知，點解唔改善！總括黎講，服務質素差，食物質素差！無下次！…查看更多

離晒大譜，打去book 枱book星期日，去到點知話冇我booking，再睇話留左星期一，Book 個陣明明我地兩個人4隻耳一齊confirm係book 左星期日，Book 左10位，你一句full晒，同我講冇留，咁係咪應該盡快安排張枱比我，一句唔好意思都冇，一d歉意都冇仲要好似發緊夢咁，要我十個人即刻搵過個地方食飯，你個staff mark 錯要我地10個人suffer，冇第一次，亦都唔會再黎幫襯，離晒大譜！！！！！…查看更多

一直見呢間野好多人好評,上星期終於同男朋友去試左,點知期望愈大失望愈大。星期六中午,人唔算太多,環境乾淨,侍應態度還可。見到餐牌,好多野都好attractive,好想試,結果叫左3樣加2杯$12drink bar.雞肉多利亞焗飯dislike,太多汁,太膩,而且唔太鐘意飯既質感,雞肉還可以接受。著角淡而無味,凍冰冰,寧願食kfc d脆著格。地中海海鮮pizza批邊唔太脆,4塊三文魚同蝦,蝦仲要有蝦殼,有d魷魚甘,尚可,但蝦殼真係接受唔到。total埋單$96,但同一價錢既寧願食eurogogo,不過仲未試意粉,焗田螺同腸,見到隔離食,個樣好似幾好,味就唔知,會再食多次,但再係好似今餐甘既quality就真係可以唔使再去!…查看更多

去到長州,一定要到允升食芒果糯米滋,平日既中午以為會冇咩人,但竟然要等位.芒果糯米滋大大舊芒果,夠晒薄既皮,可惜今次食有少少酸.平時皮都係用椰絲,但較鐘意佢呢個粉皮.外賣左半打,但過左夜出水,都係即食最好.$6 大大粒,抵食.彩珠一次過食晒涼粉,西米露,水晶涼粉,生果等等,但淡淡地,普普通通.芒果凍奶還可以,夠滑夠奶,但芒果都係酸左dd.西瓜西米露麻麻,西瓜食左幾次都係好淡,唔會再試西瓜.…查看更多