kiyu_honkon的個人專頁

今日去開紅磡嗰頭，由紅磡站🚇步行10分鐘左右，剛剛好12:00🕛前去到，唔駛排隊等位✌🏻。🪑第一輪座位好快已經full咗。地點好近大學宿舍，因此環顧四周都好多貌似大學生嘅客人。我一個人被安排坐吧枱，地方乾淨有自然光透入☀️，空間足夠坐得舒服。🍱定食基本上係由4個項目因應個人喜好組合而成，選擇非常豐富，有日式有西式、有素有肉，有濃有淡，套餐附有味噌湯及漬物。💰價錢按所選主菜而定。我第一次去又有選擇困難症🤣，所以首先鎖定主菜，再依照味道作配搭，由於我睇過食評已經一早想試牛肋條🐂，仲打算用啲紅酒汁🍷撈飯，所以今次冇揀到有topping 嘅飯。1. 🍚米（飯）4選1：日本國產米白飯2. 🐂🍷主（菜）8選1：L2紅酒汁煮牛肋條（分量比想像中多，牛肋條好入味煮到好腍，最欣賞係加咗滑子菇，滿意！）$781. 🥗冷（盤）8選1：S5芝麻味噌苦瓜拌炸豆皮（切成幼條嘅苦瓜味道好清爽甘而不苦，芝麻味噌之外有明顯嘅薑味，唔錯！）2. 🥤飲（品）4選1：Y2 烏龍茶+$6另外可追加冷盤、溫菜、甜品，今次我冇追加都夠飽，埋單唔駛$100，整體感覺幾好。…查看更多

🥢一向都好鍾意食😋越南生牛河，不過響香港好難搵返越南食過嘅味道，今日朋友帶我去咗油麻地呢間人氣長龍🐉餐廳。主打北越河內菜。🕛中午12:00開始營業，我哋12:07趕到去，好彩可以攞到最後一張檯唔駛排隊等位✌🏻🪑餐廳係小店，坐位不多，乾淨企理又冷氣充足，坐得舒服。🥢主食🐂河內牛柳粉(HK$83)好鍾意佢成個碗都充滿切細咗嘅香葉，湯頭熱度非常足夠，迅速影完相，第一件事係品嚐湯底嘅味道，牛味濃郁唔會過咸，加咗付上嘅青檸汁同辣椒之後更惹味，牛柳絲浸過熱湯熟度剛好鮮嫩可口，河粉係專程由越南河內運來香港，滑溜之餘又有少少彈牙，加上油條係河內正宗食法，吸收咗湯汁令成個河粉更加香口。🐖碳燒豬肉伴越南檬粉(HK$83)上菜時老闆細心介紹食法係類似日本嘅沾麵，而且檬粉已經細心分成一口份量，豬肉、肉丸係即叫即燒，將香葉搣細放入混合咗肉汁帶甜味嘅魚露湯底，酸酸甜甜好開胃，每一口都充滿滋味🤤另外仲叫咗兩個前菜，不過主食上咗先🤣🦐鮮蝦米紙卷(HK$63)材料新鮮，正常水準🥗🐔河內芽車快(HK$70)非常爽口，酸甜開胃充滿芝麻香，份量頗多幾抵食😆…查看更多

今日剛打完風又落雨🌧，所以「金子半之助」罕有地唔駛排隊等位，我哋叫咗兩款set：🍤🦑「江戶前天丼」(HK$138)包括穴子、海老、小柱魷魚天婦羅餅、溫泉蛋、海苔、莢碗豆。🍤🦀「車海老軟殻蟹天丼」(HK$168)包括車海老、軟殻蟹、小柱魷魚天婦羅餅、莢豌豆、海苔、溫泉蛋。📱用手機掃QR code落單，製作時間約20分鐘，全部都可以睇到師傅喺店面即叫即炸。🥢材料好豐富又新鮮，唔係用現成貨整出嚟嗰種，炸粉好輕身好脆充滿麻油香味配埋啲醬汁十分滋味，兩款都好正，連平時唔太鍾意食炸物嘅朋友都話好食。🤭💖原來佢哋連個碗都唔馬虎，係日本進口有獨特家徽嘅「佐賀有田燒」雙層保溫丼碗，精緻又有心思。🪑餐廳坐位不多，一半以上係吧枱位。格局類似日本傳統天丼專門店。…查看更多

相信好多人對於VIA TOKYO都唔陌生，佢係其中一間令我每隔一段時間，就會掛住佢哋嘅雪糕，今次食咗「蕨餅焙茶雪糕」HK$59， 配料有抹茶蕨餅、原粒栗子、紅荳蓉。🍦🥄雪糕係用京都百年老舖嘅焙茶粉及北海道牛奶製成，茶味夠濃唔會太甜，質地比一般坊間嘅厚實，不過塊蕨餅就唔係我杯茶。佢哋嘅雪糕有好多唔同配搭，又不時有新產品，定價合理，真係令人樣樣都想試！✏️原來VIA TOKYO係2013年由居港日本人開嘅，直至而家仍然保持一定人氣。🪑我鍾意non-peak時去堂食，亦時不時有人入去買外賣，舖面面積不大有少少舊，但勝在樓底高地方乾淨。…查看更多

💚CRUST ITALIAN💚位於和昌大押(香港二級歷史建築)地面嗰層，裝修佈置都好靚，樓底好高，一入去已經可以令人放鬆心情，好似置身意大利咁。🍽食物方面我哋叫咗三道菜午餐($228pp+10%)，包括前菜、主菜、甜品(响甜品櫃自選)。🍽前菜食材新鮮，正常水準。🍅Buffalo mozzarella, mixed tomatoes & fresh basil🥑Smoked salmon w/ avocado, cucumber, fennel & citrus dressing🍽主菜更出色。🍕Pizza tartufo provola cheese & porcini mushroom 可能你望落去覺得平平無奇冇乜特別，當侍應攞埋嚟，我第一個反應係「😱咁大個嘅？！」，原來係做得好薄，食落去係新鮮焗好、熱辣辣好香脆而且成個口充滿黑松露同埋牛肝菌嘅香味！🍋🐟另一款主菜係Seabass al cartoccio w/ carrot fennel, lemon & spring onion，用茴香、檸檬一齊包住焗好清新。🧁最後去甜品櫃揀咗IGable嘅蛋糕。💰呢間餐廳CP值高，環境氣氛一流。🥰不得不提，嗰日我哋訂咗枱不過早咗到要等一陣，個reception 小姐怕我哋熱，安排我哋坐喺吧枱位置等仲畀咗杯水我地，好貼心👍🏻😌溫馨提示：小部份近酒櫃坐位偏細，男仕可能坐得冇咁舒服。…查看更多

🐣日本嘅soufflé/fluffy pancake 雖然冇之前咁流行，但仍然有一定數量嘅支持者，最近試咗K11 Musea 內的A HAPPY PANCAKE，入座前問店員，有每人一個item嘅最低消費。🪑店內坐位不多，如果唔想坐店外嘅用餐區就可能要等一陣。叫咗兩款：🥞Pancake w/ Hot Chocolate & Homemade Granola熱朱古力班戟配自家製榖麥HK$92🥞Pancake w/ Milk Tea Sauce & Homemade Granola奶茶班㦸配自家製榖麥HK$102✏️班㦸夠fluffy厚身，凍咗都keep到型狀，但未至於令人驚艷，配料比較少亦都唔算特別出色，堂食用紙碟令儀式感大大減低，賣相扣分。感覺未能保留日本本店的presentation.✏️餐廳環境乾淨坐得舒服，有個self-serve嘅corner供應冷/熱水，而牆上壁畫亦好可愛，仲可以透過廚房大玻璃窗睇住班戟製作過程都幾治癒嘅。💰由於餐廳定價高作為顧客期望亦會提高，感覺有點質素與定價不成正比。…查看更多

⛩「順日本料理」位於天后住宅區，上星期日專程去咗食佢嘅名物「厚燒牛舌飯」$108+10%，因網上見到「限量架要早啲去」，所以為免白行一趟12:15就去到（午市12:00-14:30），唔駛等入去坐低觀察咗一陣，見其他客人幾乎全部都係叫「厚燒牛舌飯」，由於即叫即燒需時約15-20分鐘左右。🥢上菜時第一眼見到實物都幾震撼，剛剛烤好傳來陣陣燒烤香味，而且真係厚到呢，仲有五大片已經完全覆蓋咗成個碗！✏️原本都有啲懷疑咁厚係咪真係會夠淋架，第一舊咬落去係淋但未到鬆軟嘅level，跟住其他幾舊就真係超級鬆軟，簡直唔駛點出力咬，呢個分别應該係由於不同部位嘅輕微差異，味道方面亦佳，有肉汁有油香冇雪味，配埋紅薑片一齊食可以解膩。因為煮牛舌真係要好多心機先整得好食，但要搵到好食價錢又合理嘅真係唔容易，呢間直頭係抵食！好奇問過店員一個午市有幾多份牛舌，答案係差唔多百多份！所以想去食嘅朋友就算趕唔切12:00去到都唔駛放棄呀！…查看更多

🌸CAMELLIA位於尖沙咀K11人文購物藝術館，餐廳內有好多卡位、梳化位，可以坐得舒舒服服私隱度也較高，門口放咗好多花裝飾，成間都係粉紅色系又有大大幅山茶花牆及拱形門框好適合影相打卡。🗓我哋去嗰日剛剛打完風係星期三(12:30)，好彩可以直接walk in 唔駛等，用餐時間最長90分鐘。✏️叫咗平日午餐，包括一個沙律或湯，一個主菜8選1及一杯普通飲品，其他特式飲品可用半價加購，另有4款食品可用優惠價加購。💖前菜上得好快。🥄「椰菜花雞湯」：creamy 得嚟都有鮮味，有少少椰菜花碎及杏仁片，味道ok。不過冇麵包。🍽😋「慢煮牛臉頰肉配薯蓉」$208，呢個真係有驚喜，出乎我意料之外嘅好味！牛肉煮到好淋而且肉質鮮嫩多汁，份量都幾足，配菜係黑松露薯蓉及沙律菜，成個主菜都好滿意。🍽「和風沙律」：蔬菜水果拼盤配柚子沙律汁，色彩豐富食材新鮮，不過個汁唔係好合我口味，有啲偏咸。值得讚嘅係餐廳其實都細心將啲汁分開裝住。🍽😋「香烤法國春雞配薯菜」$188 烤得唔錯，外皮金黃啲肉冇雪味又唔會乾，少少鹽調咗味唔駛沾個汁都夠味，配菜係烤過嘅BB粟米、BB露筍及抱子甘籃，樣樣都好食。底下仲墊有黑松露薯蓉，就算男仕都夠飽。💰最後我哋即場買OpenRice coupons，可以立即減$40，人均$200左右可以係K11佗佗佻佻食餐飯相當唔錯，值得一試啊！…查看更多

由開張到而家一直都人氣高企嘅韓國過江龍海邊渡假feel cafe。星期六有啲雨一點前去到好彩唔駛等位，由門口、室內佈置、到餐具等都係好靚好清新嘅韓國風格。🍊醃漬紅菜頭(餐前小食)✏️顏色好靚，加咗蛋黃醬味道好夾。🍊蟹肉泡菜意粉(HK$182)✏️賣相好吸引，同menu嘅相片一模一樣，隻蟹雖然唔係好大但係蟹肉新鮮結實，意粉汁都混合咗蟹肉蟹羔，加上泡菜嘅微辣，濃厚鮮味。🍊濟州柑橘乳酪(HK$68)✏️外型十分之可愛討好，橙味都幾明顯而且好清新，如果杰啲同埋用返玻璃杯就仲好。去之前都有睇過韓國本店嘅社交平台, 知道佢哋係真係對住個海非常chill好正咁；香港店呢方面係有分别，不過勝在地點方便，隨時都可以去食啦。😆…查看更多