xomcmug的個人專頁

有個光頭佬員工，唔知係咪老闆，態度非常唔好。點嘢飲好似俾人審犯咁。唔望你又冇笑容，都已經算。等攞嘢飲嘅時候，前面嗰個客唔小心揼咗收據。其實都剩係得我同佢嗌過嘢飲。叫佢個Number嘅時候，冇單。就俾光頭佬鬧。其實都係5分鐘之前同一個男人點嘢飲。咁都唔記得？咁都冇人情味？個客仲要主動同佢道歉，光頭佬無動於衷。大把手搖飲品嘅店舖，唔使幫襯你啦。嘢飲自己本身普通。叫外賣攞走，個蓋係會漏。行返公司10分鐘嘅路程10分狼狽。…查看更多

一行五人搵到呢間小店。老闆係正宗法國人，醉心推廣法國飲酒文化。唔好俾佢大隻同埋有show造型嚇親，老闆傾開計都好熱情同好細心介紹適合你嘅紅酒白酒啤酒。同場加映佢嘅小食都好出色。生蠔三隻都係$45 ！總共飲咗三支酒，食埋芝士同saucisson法國香腸都只係$1200 ！超值價錢！另外見到佢有時會有人Quiz Night同Game Night，下次都想Join。氣氛一定好好。一定會介紹俾朋友同埋再回購幫襯！…查看更多

第一次寫食評因為呢間野真係影衰曬台灣嘅翰林。TST個間我第一日去，手忙腳亂都好，D服務都OK。呢間旺角嘅，真係算罷啦。收錢個個塊面黑過包青天，好似得罪佢全家咁。買2杯珍珠奶茶好似好唔應該咁。真係冇下次。…查看更多