gin.mk的個人專頁

大角咀係食野好地方，一搵台灣野既時候比佢出名既蠔仔肉燥飯吸引去。去到都算多人，不過早左唔洗排隊，而野食都黎得非常之快。-蠔仔肉燥飯，估唔到係有咁多蠔😂😂😂 係超多！而佢既肉燥飯黎講，唔知係未因為溫泉蛋，食到底我覺得d汁太水。肉方面，佢係瘦 肥肉 分明，瘦個d肉，係嚡嚡地既肉、而肥肉呢就真係脂肪～-我蛋餅必叫肉鬆～蛋餅皮係軟身既，而且見到有蛋係入面，佢隻肉鬆 係味道好濃個隻，而芝士算淡味、所以成舊食入口 我會食唔到芝士味，食到尾 一淡一淡咬 食到比較少肉鬆個時 芝士味就出哂黎😋…查看更多

平時cheese cake Factory不嬲都好多人排隊，仲要係冇得book只可Walk in，疫情之前去要等一個鐘，而家似乎少左人黎排隊食。咁啱今日好想食又想慶祝拍拖紀念、預早少少去1:00竟然冇人排隊直入～-一坐低就叫咗一杯啤，估唔到佢上面有香橙，令到個啤酒香味提高咗唔少😋叫咗佢哋最出名嘅buffalo雞翼-超級多碳水 🤣 因為得兩個人食，份量其實有啲多，比較啱一班朋友一齊share~ 雖然都好想試佢嘅red velvet 蛋糕，但係太飽食唔到期待下次再嚟試！…查看更多

同朋友聚舊，想坐得耐又唔想打邊爐，最好就係去食串燒😋-通常食串燒都係小店坐得唔舒服、所以今次搵間個vibe好d既居酒屋，但又唔係全日式既、入面有得簡 港式川西式日式既串燒。-野食都多款簡、不過就無大菇同韮菜，而我最鐘意就係黑松露雞肉，d醬好惹味，加埋個滑滑好有口感既雞肉😋忍唔住叫多條。另外燒汁牛橫里肌都好好食，個汁係甜甜的，不過就甜味會蓋過d牛味。-飲品方面可以加$6檸檬，Coke Zero with fresh lemon解下滯👍🏻 …查看更多

同男朋友慶祝生日，係buffet同靚餐廳之間唸左好耐，就比我搵到而間！🥹🫶🏻首先佢價錢唔係好貴，仲要有折-一入去就好似去左間高檔restaurant咁❤️環境好舒服-而最特別亦我最欣賞既，除左出面自助bar，係佢d菜式都係一碟一碟上，食buffet食到好似人地食fine dine咁🤣 而且我唸係唔想大家浪費之餘，想keep返食物既quality～-始終生日，都要有甜品，偷偷地係出面dessert bar 襯左4個甜品比店員寫happy birthday 等佢地一陣送過來😳雖然野食唔係出名貴個款，但係咁既價錢 咁既環境，我覺得性價比高 又留到一個好好既回憶👍❤️…查看更多

新都會多嘢食，但係台灣嘢就的確好少，有時好懷念台灣嘅味道，臨近中秋同個女仔朋友去食 俾佢個二人餐吃到飽吸引咗黎。-最後見到佢有茶餐，所以冇叫到佢個二人餐，再單點，叫到成枱都係嘢佢個魯肉飯係我想食既 係豬油淋個隻，唔係肉燥！可以滿足到我想食台灣嘢嘅心。另外肉鬆芋泥蛋餅 因為有芋泥有啲滯、而且佢個皮係好硬厚但唔脆，同想像中台灣嗰隻薄皮有啲出入。-不過如果下次再想食台灣嘢都係會再去試基本上台灣有嘅嘢食佢都有得叫…查看更多

平時成日食港女tea既我，同大家分享下我最近去嘅一間小咖啡店嘅食評！原來佢係戲院對面，去YOHO咁多次其實真係唔知有間咁既野，近近地 又見到佢有$98下午茶 咁就買黎帶母親大人試試佢。.佢哋嘅特價三層下午茶味道算係中規中矩，唔會太出眾，但又未至於好難食。另外我再加咗個蘋果肉桂牛角包(+$28)，佢個味同麥當勞蘋果批其實類似，我冇揀其他味係因為驚太過漏，只係我冇估到原來佢都會流心，牛角包外脆內軟，再配上流心嘅甜味，母親大人話好食！但我特別想推薦佢哋嘅真空慢煮焦糖燉蛋，入口好creamy，每一口都食得好滑，就好似食埋一口奶油咁濃郁。而佢哋嘅macaron就唔會太甜，甜度把控得好好，啱晒鍾意食啲唔咁甜嘅人。.除咗牛角包，要留意嘅係，如果你想飲杯好d既飲品，都要額外收錢，我就試左一杯特別嘅黑芝麻咖啡(+38)，佢叫黑墨咖啡，本身係諗住叫熱點知佢嚟咗凍，但係最驚喜嘅佢都好好飲唔會好似飲奶啡咁飽，但係又係好香濃嘅芝麻味！.咖啡店嘅座位冇咁多，但整體環境都算係好寧靜，母親大人都食得幾開心。.不過唯一就係佢最後要+1，而且係原價+1 ，即係$5x，我就覺得有啲貴，因為個牛角包同嘢飲基本都係要加錢，最後$98其實都要$160一個人左右，大家要預返數～…查看更多

夏天同男朋友一齊減肥，唸住出去食poke架啦 但點知係OpenRice搵到間隱世勁抵食勁高質既店！埋單先個$60有找原來係D2打機店入面。一向都知健康野食Pickabowl個d 少少貴又好多時食唔哂，但joystick份量啱啱好，仲要係有肉食唔係生冷野！！佢嗰啲慢煮牛超級有牛味，仲可以轉椰菜花飯底，我最鍾意就係佢會計埋卡路里俾你，等你可以計返數。仲要送埋飲品 個羅漢果茶幾特別 飲得出佢唔係加糖水。 除咗健康嘢其實都有啲邪惡嘢，例如炸薯條同burger，我覺得勁啱要減肥，但係又要同朋友一齊食飯嘅時候去佢地食邪惡嘢我就食健康餐 🤣 希望佢長做長有…查看更多

要做野又要開會，想搵間靜靜地既Café chill住做，又唔想去d好大聲音樂又好多人 又趕人走既地方，咁岩係紗廠入面搵到一間靜靜地既cafe，又動物friendly，都有d人girls talk但又唔會嘈到我，比我有d空間的確唔錯😎。試左佢地既ice Americano同龍蝦汁意大利粉，價錢真係算係咁，因為佢係好多海鮮係入面，唔似出面d cafe得兩舊蝦，加埋coffee都係$148又唔洗加一（圖入面因為我食左一半先記起影 🤣 太餓）…查看更多

最近試左好多間串燒店，由大角嘴、旺角食到大坑，估唔到終於係元朗搵到一間暫時我覺得最好食!!!🥹🥹🥹燒牛肉串、燒茄子、燒生蠔、雞泡魚干、芝士年糕 都令我好驚豔，其他樣樣都好好食、牛肉好有牛味、雞腎燒到好爽口、牛舌心外脆內軟、豬頸肉都燒到好彈牙!!其實唔係間間串燒都有咁多種類既野食🤔 但佢地唔止有牛雞豬肉、仲有海鮮、有魚、有菜、連麵呀薯粉 同牛骨髓都有😱😱岩哂同唔同朋友聚會傾計，實有野岩食睇得出廚師們燒得有heart又有禮貌🙇🏻‍♀️重點係！叫到成枱都係野都唔貴，最衰得兩個人食😂唔係可以試多d野絕對可以返兜😋😋…查看更多