chongmaggie007的個人專頁

唔知幾耐冇外出用餐luu... 雖然疫情仍然不受控 但吊頸都要唞吓氣... 今日揀咗呢間cafe同同事一齊輕鬆吓 食吓好嘢 飲下靚咖啡 先再返工繼續搏殺...我哋12:45左右到... 當時無人 有D傷感... 畢竟餐廳都好難捱...我哋叫咗個日本明太子手羽全日早餐... 好豐富 個雞翼釀得幾好食... 另外都叫咗西冷牛扒... 無乜特別最想讚嘅係咖啡... 今日熱熱地 叫咗只有凍飲嘅 sea salt cream... 雖然而家只係用外賣杯 未能打個靚卡... 但我覺得好好飲... 未攪勻 齋飲底下嘅奶啡 已經feel到佢高質... 攪勻面頭嘅cream同honeycomb... 感覺好夾... 係會令我回頭嘅味道希望疫情快啲過去 可以嚟到試晚市嘅菜式... 大家加油💪🏻 撐住…查看更多

超期待黎呢間cafe 不過今次用餐經驗麻麻... 見到💛小店多人食都好開心... 不過感覺有D逼 唔係果種休閒舒服嘅Cafe (但其實裝修 Menu等等都似乎係想營造呢個感覺)點咗大家推介嘅 日式All Day Breakfast 同 慢煮封門牛柳定食... 再加個芝士釀大啡菇...味道... 正常 普普通通... 牛柳唔熱同無咩肉味...我唔覺得難食 但無咩值得推介嘅感覺...反而D咖啡... 真係... 都幾難飲mocha 無朱古力味 無咖啡味 無燕麥奶味... cappuccino 都一樣唔好飲... 幾失望我哋仲要唔知點解收咗正價 唔係套餐半價... 仲要無咗碗湯... so so so sad...…查看更多

選擇這兒 或多或少 都與良心有關...甫進入餐廳 面積少少 牆身油漆都以黃色調為主 很cozy... 還有各限量版可口可樂樽當裝飾呢...餐牌上有不少選擇... 湯河 撈檬 飯 米紙卷 小食 都有...選了招牌湯河 $70 和 香茅豬扒撈檬 $65河粉和檬粉口感不錯👍🏻湯底和牛肉牛丸算不過不失... 但食落感覺單調... 怎麼形容好呢... 就是沒有越南湯底那種豐富滿足感... 至於個小食...好好好好油除咗面頭D蒜外 其餘都無味... 呀！有！油味....其實主菜D粉都ok... 可以一試...…查看更多

其實這是一頓生日飯 可惜不能五人齊齊慶祝 就三人先食...朋友9點係海港城放工... 呢間算係較近嘅良心店... 去到大約9:30左右... 座位係強權下 多了一份悲哀的空間感... 但全場滿座 也安心了... 當然 這意味著 我們是要等位的... 幸好 用餐時間限在40分鐘內 (所以不適合各位促膝詳談喔)... 而不幸地 我們剛好就等了40分鐘左右...一人一張「點心紙」落單...我地叫咗最貴嘅 黑松露慢煮安格斯牛沾麵... 確實唔錯... 湯濃但唔覺好咸 有粒元貝... 拉麵軟硬度亦合我意 👍🏻另外多人推薦嘅海老帆立貝拉麵 個人就覺得麻麻... 普普通通咁... 不過隻蝦唔洗剝殻 幾好 😁整體來講 我幾鐘意~ 會去試埋其他味道... 大家都一齊懲罰啦…查看更多

用餐當晩應該係團年飯嘅熱門日子 但冰室都非常full... 和朋友二人到達嘅時候 剛好有食客結賬 所以唔使等位... 但我地之後嘅人客就要等luu... 不過翻枱都快...我地一人一個餐... 老火湯同熱飲二選一 我地揀咗湯... (小插曲：同枱嘅伯伯叫咗熱奶茶 見到我地有湯 就同侍應講佢未有湯... 侍應就俾咗一碗佢... 就係咁 伯伯又有湯 又有熱飲... 雖然我地無此待遇 但見到伯伯有湯飲都好嘅...)雞髀肉係滑嘅 雞胸就麻麻... 皮下脂肪唔算多 接受到... 三款醬汁都好食... 係碗飯有D硬... 塊豬扒好厚 感覺幾好... 不過食落唔夠淋... 三隻太陽蛋幾正... 不過都係略嫌飯粒有D硬... 太陽蛋D蛋汁撈埋就好少少...整體黎講 係正常嘅冰室食品... 可以多去醫肚…查看更多

今日來到呢間屬於香港人嘅Cafe 環境幾好 播住廣東歌 好有親切感....平日嘅lunch set... 啲名都起得幾靚 會好期待見到啲嘢食... 最吸引我嘅係F 不過賣晒 (我估可能係早一日已經賣晒 今日嗰啲未製作好？ 因為我12:30已經到咗 而當日又唔係話好多人🤔 Any肥...)我冇問到餐湯係咩 飲落似有薯仔蓉 都幾好~至於呢個紅酒牛小排呢... 食落好似中式嗰啲紅酒燴牛尾... 口感其實係似牛筋腩... 都淋嘅～ 不過冇乜驚喜囉...呢個脆魚意大利飯呢... 首先要讚下餐廳由於朋友唔想食意粉 佢哋好好咁容許我哋將意粉轉做意大利飯... 多謝佢哋有呢個flexibility~但係食落發覺 可能唔係好啱自己胃口 唔太鍾意黑松露薯條加$18就有啦... 不過略嫌薯條有啲幼咖啡都幾好嘅~ 正正常常咁啦朋友對今餐嘅comment係：好似第一次見到新識嘅女朋友落妝嘅感覺🤔 Well ~總括來講 我覺得可以去支持下~…查看更多

第一次嚟 當然係叫佢嘅招牌牛三寶河啦以我食粉麵多年嘅經驗 牛三寶入邊應該係 牛腩 牛筋 同埋牛肚 (錯咗唔好打面)... 三樣嘢都好淋 都算入味... 但個人覺得只屬不過不失 並冇好大驚喜... 可能有少少期望過高... 啲粉反而有啲少 食完成碗之後覺得自己連一半都未飽 (利申：我唔算好大食嗰啲嚟㗎)... 下次我可能要加底...同事另外叫咗 魚蛋米 同 鮮牛肉飯... 由於我冇偷食佢哋嗰啲... 我只可以引述佢哋講：魚蛋好煙韌 鮮牛肉飯至於有幾煙韌 同幾正... 有機會試咗再同大家分享…查看更多

由於佢營業時間比較早收 好多時候平日放工去到銅鑼灣 都已經收咗舖... 所以今日趁weekend午飯時間黎... 鋪頭細細 有空位做立食都唔錯... 好過拎住一盒盒外賣 喺銅鑼灣呢個缺乏公共空間嘅地方 都唔知去邊度食...我地點左大家都推介嘅爆汁肥牛丼 仲有四件腐皮壽司...因為睇相見到好多人都叫四件 我哋又跟風要四件... 點知每一件其實都幾大舊 幾足料... 食完兩件壽司都有啲飽... 係好食嘅而個爆汁肥牛丼呢... 比起某間橙色連鎖店好食得多... 價錢係貴啲 不過值得~ 會再去試埋其他便當~ 同其他味道嘅腐皮壽司…查看更多

朋友帶我來的她也說 是朋友帶她來的小店的位置不明顯 相比隔離嘅咖啡店同扒房 裝修亦不顯眼 甚至可以話係非常遜色.一坐低 姨姨就問 想食咩 隨即就介紹埋今日有咩 有咩咁我聽到一D想食嘅就話要😂 無睇menu.生蝦刺身新鮮 肉質彈牙紅咖哩雞 配 蒜蓉包 我無影相 但我嘗試用文字形容一下我係一個食嘢唔係好點汁嘅人 即係食魚生唔係好需要點豉油 食火鍋亦都唔需要整醬嗰啲... 點知... 我係要將啲蒜蓉包 好似沖涼咁 沖到佢吸晒所有咖喱汁咁食... 跟住忍唔住叫多咗碗白飯 繼續撈汁食... 仲有D D 剩 用匙羹「不」埋佢當湯飲...我冇誇大㗎而其實 個蒜蓉包唔使點汁 都好好食...蒜蓉炒雙拼(翡翠苗/翠玉瓜)你可以話炒菜好普通姐... 但係佢啲菜好新鮮 好嫩 完全冇喳... 好好食Blueberry Cheesecake 唔漏 又唔會太甜.真心覺得呢間泰國/上海fusion 但名係New York嘅餐廳 好掂！…查看更多

我自己就幾鐘意椰子嘅 鐘意佢夠清新嘛 🌴 所以見到呢間都好雀躍 拉埋朋友仔一齊黎試~我地叫咗 椰香雪絨四季春 同 招牌原味椰凍 ~ 其實都唔少選擇 不過朋友仔話 「第一次食梗係食招牌啦」所以今次無咩選擇困難症... 點知...1. 椰香雪絨四季春茶係香嘅 仲有成個茶包係個杯度添 ~ 呢個飲法 鍾唔鍾意 真係見仁見智... 你可以話 有個茶包 茶嘅香味會繼續慢慢滲出嚟 但我個人覺得 杯野有層奶蓋 再要用唇隔埋個茶包 有D哩hea... 重點係個奶蓋 有粒粒嘅 我expect雪絨係滑嘅 而D粒粒又唔係椰子 似係D未打混嘅芝士粒嘅口感... 下次? 不了 2. 招牌原味奶凍其實 同我係759買椰子果凍差唔多... $39為一個無椰子肉食嘅椰子碗 不了...所以 至少呢兩樣野可以不試…查看更多

晚上10:30... 有點餓 但又唔想食太飽 (麻煩的女人)... 壽司似乎係唔錯嘅選擇... 餐廳好細 企位都唔算多... 好彩我哋得兩個人 有位攝入去...打開Menu睇 第一個感覺係... 「都唔平喎」... 橫掂唔想食太飽 所以都冇叫好多嘢... 如果閣下好肚餓嘅話 可能就要叫魚生飯嗰啲 會飽肚啲 我諗...Any肥... 我地叫咗個柚子豆腐 味道幾清新 個豆腐嘅口感有啲實 唔似係百福...至於壽司 啲魚生片係好新鮮嘅尤其係我最愛嘅油甘魚另外 我哋有叫個吞拿魚手卷... 佢個卷法好得意... 係正正方方包住咁嘅 同圖畫或者平時食嗰啲圓筒形唔同... 不過唔影響味道嘅~ 啲壽司飯有啲醬汁係入邊 都幾惹味 唔洗點好多豉油都好好食...總括嚟講 我覺得少食多滋味就好... 始終覺得定價有啲偏貴...…查看更多

經OpenRice book左同朋友嚟呢度食晚飯... 佢哋並無打黎confirm booking... 所以自己臨食飯前兩個鐘到打咗去confirm... 無問題的嘢食方面有好多野揀 連茶我都唔識揀叫咗幾款前菜小食最令我驚喜嘅係個橙棍冬瓜 好開胃 好好食...個皮蛋豆腐反而冇乜特別 啲豆腐係滑嘅 但係啲糖心皮蛋對我來講有啲太碎 唔係太食得出...個沙薑蔥雞都唔錯 啲雞好有口感 啲沙薑蔥亦都好惹味...重點當然係佢地嘅點心啦...我哋叫咗最多人推介嘅 睇住流奶 即係流心奶黃包 同埋鴿吞鳳梨 即係鳳梨蘇...賣相真係冇得彈...味道? 正正常常 不過不失啦...我哋另外叫咗椒鹽鬍鬚 同埋 龍鬚芥蘭個椒鹽鬍鬚好香口 脆脆噤 食唔停口...個人覺得龍鬚芥蘭比起平時炒芥蘭需要花多一重功夫... 但係朋友話:未就淨係𠝹都幾都咁咋嘛 🤷🏻‍♀️Carbohydrates 有擔擔湯麵同埋野菌泡飯...擔擔湯麵個湯有啲太淡 剩係得辣油味...反而個泡飯有脆米 口感好好... 而且泡飯個湯都好好味~甜品我哋叫咗個蘋果花撻 一人一個...賣相都係好靚... 但味道就一般般啦... 用蘋果整成嘅嗰個花 淋淋地... 配上個撻 有D比下去嘅感覺... 即係 得個樣...總括黎講 我覺得野食係非常之唔錯...只係...真係偏貴 💸💸…查看更多

當初開業排長龍 光境不復返原來是有原因 (又或者只係時間上未到甜品時段)...一家四口一踏進去 Counter就話要先點餐 後就坐... 係counter點餐嘅cafe多不勝數 但唔俾坐低揀 再出去點 就真係要恕我孤陋寡聞... 我地唯有話「你俾兩老坐低先 我同呀妹會係度落單」... 雖然佢一臉難為 但都允許提提大家 每位最低消費$50我地叫咗3樣野 4個人share 啱啱好$204 (我地唔肚餓嘛)... 我拎咗2張$100紙 個coins bag倒曬出黎啱啱好有$4 (1個$2 1個$1 2個$0.5)... 跟住佢話唔收毫子 但係佢地又只收現金喎... 唔收電子貨幣 又唔收毫子 (亦無寫明唔收毫子) 確實讓人不快... 好彩老媽子有...點解不快都堅持要食? 因為我好鍾意食pancake/hotcake... 點知:一咬落去... 「黃金糕?」就係我腦海第一個出現嘅形容... 同我想像嘅有太大出入... 對於呢個出入 我並唔係覺得驚喜 而係超級失望... 我唔喜歡...抹茶味黃金糕 D黑豆唔錯嘅...反而... 蛋治最好食... 厚厚嘅玉子燒唔錯我呢... 就覺得呢間過江龍連試都唔洗試... 要排隊嘅話 我會寧願排另一間…查看更多

唔知算唔算係期望越大失望越大 作為港島人 山長水遠入到元朗 expectation 係會大d嘅 (應該係 除非唔係) 唔洗排隊買飛 係製作需時嘅等候 only... 叫咗杯No.1熱賣嘅... 賣相就好靚 ~BUT... d 珍珠硬嘅黑糖味有嘅 亦都濃... 奶都ok嘅 我會嫌有少少稀 但都接受到... 個敗筆真係d珍珠... 而且個靈魂都應該係d珍珠... 即使話可能噤啱我呢批珍珠差咗dd 但作為重中之重嘅靈魂 我唔expect會有差池... …查看更多

一間有噤多人收藏嘅餐廳 肯定有d好嘢嘅 ~ 地點就唔係幾就腳 離火車站有成10-15分鐘嘅路程... 去嘅人 應該都係有目標噤入黎... 絕對無咩可能 行過貪得意噤入黎...Anyway ~ 講番正題... 一入到去 空間感很大 d擺設同枱櫈都好vintage... 偽文青(如我)應該會有無比嘅親切感... 野食方面 我地叫咗個人人都推介嘅紅燒半筋半牛肉麵... 又真係幾好食boh... 尤其係d筋加上份量又足... 推介推介另外 我地叫咗個藥膳排骨... 得個餸架咋... 所以要另外加個白飯 ($10)... d 味道都濃郁... 唔錯唔錯有兩個肉嘅主食 噤為咗要食得健康d 就叫多碟菜... 叫咗水蓮... 我未食過呢款菜~ 第一次食 覺得好得意... 佢有d中華沙律嘅口感 爽爽的 會有sork sork聲... 清清地 幾好食... 如果香港菜檔有就好啦...我地坐咗好一段時間... 有表演... 聽下聽下就想啤一啤... 有四款手本地手工啤㨂架~聽下歌 心靈上都得到慰藉~ 身心都充滿力量…查看更多