mayau10的個人專頁

一行七人坐左張大枱，做緊promo 有8 折試下d 甜品得唔得先😆九點半全場坐滿人，叫左6 個甜品全部黎齊都等左十幾分鐘椰汁蘆薈桃膠西米露足料好食，可惜只有凍食紫薯西米露創新口味，但紫薯同椰汁 唔算好夾 大西米有口感 都唔錯紅棗燉雙雪中式甜品，味道唔錯，滋補滋補秋冬必選🫶🏻開心果露堅好食 好香開心果味有口感 又唔會太鞋 正可encore椰汁涼粉加自選配料可跟據自己口味選擇不同配料多達十款配料總括而言 都係一間幾好既甜品鋪…查看更多

北角丹拿道人氣韓式小店韓味屋。呢間舖頭我由佢一間開始食,食到佢有斜對面有另一間分店, 食物質素其實唔算話太高但係勝在抵食夾大件。 好耐未嚟過,冇為意今日出面氣溫30度,叫左個牛肋骨湯定食, 最後食到個人興合合出曬汗, 立定決心冬天先至再嚟食。環境方面其實後面好細成間餐廳望埋去應該淨係坐到廿個人左右所以門口成日都會有人排隊等入座尤其是一點打後排隊嘅情況經常發生如果你要唔想排隊就要做佢第一個客就係差唔多十二點鐘要嚟食, 位與位之間亦都好狹窄空間有限, 同埋食完佢會拿拿淋同你執曬啲嘢想講你走咁嘅樣所以如果你要食環境呢度就一定係唔啱你嘅。同一般韓式舖頭一樣,佢有前菜畀你揀,一個人呢可以揀三款小食,用一個碟仔上齊, 食完第一次可以refill第二次可以揀另外三樣小食所以真係好多選擇, 大部分前菜嘅味道都幾好例如薯仔,生菜,魚仔,都係我心水之選。至於今次個牛骨湯,我就真係冇乜心機寫食評,因為大熱天時個湯熱辣辣食到我出曬汗完全蓋過曬我啲味覺, 建議舖頭要改善下佢嘅冷氣。…查看更多

青年廣場4樓有幾間餐廳今次就試下iconic kitchen 呢度嘅午餐價錢已經包括咗自助沙律吧 生日快樂呀除咗有蔬菜選擇之外還有啫喱糖生果麵包餐湯咁最近就新推出咗一款熱食曾經試過有春捲有焗生蠔 日日唔同。前菜質素唔錯沙律蔬菜程新鮮程度十分好 仲有好多醬汁畀你揀除咗一般嘅沙律醬之外仲有意大利黑醋同橄欖油 仲有我最鍾意食嘅脆麵包碎 另外車厘茄亦都好新鮮好脆口。今日嘅餐湯係蘑菇湯 做法非常西式蘑菇打爛混和忌廉湯味道非常濃郁 很讚甜品亦有啫喱糖同西瓜 非常滿足 至於自主菜方面因為前幾次都係食漢堡咁今次就食咗個意粉咁呢個意粉就係豬腩肉燒汁意粉。 但係就非常失望,味道非常一般,燒汁嘅味道唔出,好淡,而肥膩程度完全接受唔到 , 同埋個碟底非常之油,令到啲意粉亦都好油膩 。隨帖附上食淨豬油膏一碟食完都覺得會爆血管, 救命呀!…查看更多

海南雞飯 相信呢度認第二真係冇人敢認第一 呢度就係北角城市花園酒店嘅沙嗲軒 雖然價錢屬於中高價位但係佢嘅門面同埋服務都做得十分足夠 食物質素亦都 合符水平呢間餐廳大推。 午飯時間人客疏落所以坐得好舒服,唔會太嘈。 海南雞飯一個木盤上,賣相好有風味 ,基本配置一碟海南雞三個醬一個油飯一碗湯。 首先,湯嘅味道唔會很濃味,用料都好夠,入面有蒜片同埋冬瓜粒,冬瓜亦都煮得好入味,個湯都係超乎水準之作。至於油飯調味啱啱好,唔會太鹹亦很有香氣, 係我食咁多海南雞飯嘅油飯最出色嘅。而主角海南雞 賣相都好好 雞嘅份量同質量亦都十分足夠,我冇特別request雞嘅位置, 雞既鮮嫩度我會比八分。 而鋪喺雞下面嘅生菜亦都有足夠嘅醬汁調味所以呢個亦係令我覺得比較驚喜嘅地方。成個package 體驗都好好,建議大家一試。…查看更多

呢一間手工啤稍有名氣,Friday night 7點黎到已經Full house,實在太西利啦,希望唔好名過其實啦。職員幫我地留左名同電話,有位call我地非常同貼心。到左大約7點半可以入座,我地叫左個黃金雞翼加一杯啤酒set 試一試,啤酒賣點係有柚子味道,都幾清新,而雞翼就烤得好脆全隻都有咸蛋黃,唔會偷工減料,唔錯唔錯。 另外我地就再叫左一堆小食同2 Jar 2 L 啤酒分別係1842 手工啤同手工黑啤。前者味道果香很重,入口順滑舒服,後者就冇傳統黑啤苦澀,味道偏似 bailey。 大部份食品水準都幾好,pub food 黎講係唔錯。其中有兩個比較驚豔同埋有特色 - 四川麻婆nacho同埋炸芫荽牛肉漢堡包。Nacho 味道很創新,有花椒麻麻既感覺,肉碎調味適中，辣度低，人人都食到，同啤酒一齊好夾。漢堡就比我既感覺係好似中式點心山竹牛肉球既味道,但佢係一個漢堡既prsentation. 好得意既配搭,但進食方法有啲麻煩， 因為芫茜 好多， 一咬切落去會散曬 所以好難同人share。我哋喺呢度飲飲食食差唔多兩個鐘 雖然出面有雖然出面有好多人等位但係都唔會比人有壓迫感,所謂同friend 吹水飲手工啤一流地方。…查看更多

金記開到成行成市,赤柱呢間亦部開左2 3 個月,早餐時段其實都有唔少人食,應該係附近居民多,星期日就可能會多 d 遊客。早餐有幾款,今次就叫左鮑片火腿通併煎雙多多士加凍奶茶 同埋 沙爹牛肉麵火腿奄列加熱奶茶 上菜速度都好快服務員都好有事 首先講下杯奶茶,奶茶味道很好,非常滑。 凍奶茶就味道比較淡唔知係咪因為天氣熱啲冰溶得比較快但味道都係唔錯嘅 。至於鮑魚火腿通粉,味道唔會有好重味精,會食得出係雞湯嘅味道,而火腿同鮑魚絲嘅份量亦都合理,煎蛋係技巧非常難嘅反蛋 唔會穿蛋黄都係流心 麵包方面就非常鬆脆 牛油既味道就係有啲特別,咸咸地口感有 d 鞋鞋地,唔似一般牛油,但味道係可以既。沙爹牛肉麵嘅質素亦都非常高 牛肉都有四五片 沙嗲味道同個面肉融合得很, 面身亦都唔會煮得好淋,唔錯唔錯。早餐黎講一個餐凍飲索價over 40..真係會貴 d但遊客區,地點算獨市就冇辦法啦 lol…查看更多

呢間餐廳成日經過想食好耐,今日終於有時間入去試一試 。 落咗order 等咗5mins 同我講個餐無而換餐再等10mins, 喺有限嘅lunch hour入面簡直係一個惡號。中午時間15 個人，得2個人有得食，廚房煮唔切，令服務質素大大下降。食物方面, 豬扒大小適中夠軟,飯夠薄熱焗得夠入，飯心夠熱,用炒飯底，乾身。有色的洋蔥及紅蘿蔔,在顏色配搭上有諗過,菠菜用料鮮，用芝士混在一齊係夾的。湯係凍的tomatoes ,夏天啱飲，但原來係有熱湯揀的，佢無同我講， 麵包熱的，但飲完半碗湯先到。紅蘿蔔係斜切,色澤會好d而且不會軟曬的。熱咖啡水準都中上,跟嘅鮮奶係熱嘅,有心。餐廳不光猛， 用深藍色做主色環境 環境陰陰沉沉。整體食物都ok但環境服務真的有待改善。…查看更多

中午十二點趕時間嚟到柴灣springtime 快食午餐, 自助落單 lunch set包餐湯主菜飲品 再另外加錢, 嗌咗個菠蘿手撕豬漢堡配黑松露薯條(+$10)。餐湯 意式雜菜湯 用料足夠有紅菜頭西芹蘿蔔 所以味道都很好。主菜漢堡登場賣相一般 手撕豬肉非常多汁很嫰但配做漢堡餡,就真係一個失敗, 用手輕輕攞起個包就已經搞到成手都係汁, 咬落去手撕豬肉已經跌咗大半出嚟仲要搞到碟上面嘅薯條濕曬 破壞咗原本係呢個餐比較出色嘅薯條。 撇除進食 嘅難度 豬肉嘅調味係唔錯嘅,菠蘿亦都好有心思輕輕炸過一下,但真係好難進食。紫薯條方面咋得啱啱好仲熱辣辣 用十蚊家嘅黑松露醬就略嫌少咗啲 但真係幾好食幾香, 凍咖啡味道亦都合格。強烈建議大家如果要食呢個包就一定要攞多隻碟。…查看更多

呢一間大戶屋可以話係康怡廣場人氣之最, 食飯時間撳飛起碼等半個鐘以上 。今日唔好彩一點先嚟到,一個人等咗十張枱, 差唔多用咗九個字先坐得低。 每一次呢到一定係會食 午餐之選麵豉醬吉列豬扒飯,因為實在太好食完全冇意欲去揀其他菜式。吉列豬扒炸得非常酥 炸漿亦都不會太厚 豬扒 亦都非常鬆軟 肥瘦亦都適中不會一口油膩的感覺 厚度起碼都有 吋半以上,有口感。麵豉醬嘅配搭亦都係好好 令到食落去唔會太過熱氣亦都為豬扒作一個好好嘅調味 白飯採用日本珍珠米粒粒分明非常彈口,但係 麵豉湯就找稍嫌味道不足。但整體我會比八至九分呢個餐,必食推介。…查看更多

好耐之前去過天后分店記得整體感覺不錯今次經過西營盤見到走入去試咗個午餐。午餐lunch set 有前菜 主菜小食 還有一個飯 在加個餐飲, 食完非常飽 份量十足。前菜係芥末雜菌, 夠濕潤又唔會好辣，淡淡wasabi清香, 但就冇做到開胃嘅效果。主菜鹽酥雞 就令到我太失望啦 色澤上已經係比較偏深黃色同一般夜市食到嘅鹽酥雞係唔一樣,當然見到咁嘅顏色就覺得入面嘅水份已經炸到乾曬, 一啲都唔酥脆,乾爭爭。好彩個滷肉飯救得返 滷肉份量都幾多,飯唔會太濕, 調味控制得幾好, 配菜亦都幾好食。…查看更多

下晝三四點 經過銅鑼灣 有啲肚餓 見到一間冰廳 即刻好想飲奶茶 就走咗入去呢一間敏華冰廳 入到去有啲肚餓就順便叫埋嘢食 買咗一個常餐 再加多個 自稱暗然銷魂飯 兩個人share。喺銅鑼灣呢啲冰廳定價都比較貴,一個常餐簡單一個叉燒湯意粉加腸仔炒蛋多士再加杯餐飲就要成六十蚊,其實真係有啲貴。不過喺銅鑼灣就冇辦法啦 ,但食物質素其實真係完全未到水平, 常餐都冇乜嘢好講正正常常冇乜特別,杯奶茶亦都唔係特別好飲,但係有咩導致我寫了一篇食評就係佢個叉燒蛋飯。用得黯然銷魂飯呢個名當然要一啖食落去就覺得好有感覺先可以用呢個名否則只會形成反效果。 而今次食到呢個飯簡直唔可以形容為叉燒蛋飯 更稱不上暗然銷魂飯。煎蛋 火候已過龍 完全冇滑嘅感覺, 叉燒 竟然係用豬頸肉去整 呢d所謂 著龍袍唔似太子 再加上 用嘅豉油亦都唔太靚 所以整個飯配合都好失敗, 建議佢唔好再用呢個名。…查看更多

北角快餐選擇其實並唔算好多 喺堡壘街呢間翠河餐廳可以算係其中之一。當日午餐就有梅菜扣肉飯好耐冇食有啲心癮想試下, 喺時下主張健康飲食風氣下呢個有名菜式已經買少見少 , 同朋友出去食中菜亦都好少會叫呢個餸,今日一支公就獨試一下。顏色望落去都算正路 老抽 落得 唔算太重手 梅菜分量就比較少,食落都唔係幾食到出梅菜味道, 有啲失望 不過唔緊要我哋將重點focus返喺扣肉嗰度,梅菜扣肉其實最緊要就係食佢啲肥膏唔會太林唔會太硬 ,如果有用冰糖落去炆就更加會脆脆地添,但係呢幾塊扣肉就純粹淨係食到鹹鹹哋嘅豬油膏味,食唔到梅菜扣肉應有嘅香味 ,所以我只會畀兩三分。…查看更多

西營盤其實有好多西餐廳 但係大部分水平都係麻麻地台呢間第二街餐廳亦都係其中之一 今日中午時間叫咗一個費城牛扒配黑松露汁跟餐有餐湯餐飲。呢個餐就冇得畀你跟薯菜飯或者意粉所以食完其實都唔係好飽肚。佢其實得一塊牛扒加少量雜菜, 睇落賣相就真係一般 食落去牛扒就有啲overcooked唔算話太嫩滑,牛味亦都冇乜,唯一好彩嘅係亦都食唔出有啲咩雪味。宜餐湯就係忌廉湯但係望落去橙橙地,我亦都飲唔出有啲咩其他嘅味道。有別於一般西餐廳嘅忌廉湯係白色嘅,所以味覺同視覺係會有一少少落差。我就應該唔會再幫襯…查看更多

柴灣區 街邊燒臘舖 一定會諗到呢一間 喺漁灣邨附近地鐵站行出去大概十分鐘就會搵到 新桂香。午飯時間非常多人買外賣因為 堂食只有數十個座位 同埋你要喺炎熱嘅天氣食燒臘飯都係幾有挑戰性。 無論叫咩飯都會有一個例湯 跟餐,但大家就唔好對呢個禮堂有太多expectation都係一般味精湯嚟嘅,但係燒味就非常出色。半肥瘦叉燒非常淋滑 味道亦都控制得好好唔會太鹹 ,肥膏嘅比例都恰到好處, 喺柴灣要搵一間好食嘅叉燒 非新桂香莫屬。白切雞配薑蔥 你都係另一個絕配 切雞唔會太肥雞肉都仍算嫩滑唔會太嚡口飯量更加冇得頂非常飽肚十分推薦。…查看更多

上次食完個pizza覺得 十分好食今次同埋返兄弟嚟再食多一次 但係就因為時間晏少少,撞正中午繁忙時段令到整個食飯的體驗跟上次比是有落差的。過了十二點半打後人流開始多,就算有三四個待應都應付唔到咁多客嘅流量, 我哋想落個order都揮咗三四次手先有人幫到手。今次叫了2個pizza 1 all day breakfast 1 明太子大蝦意粉。意式肉丸pizza同上次一樣質素十分好 即叫即整跌到很足夠餅底夠厚夠鬆軟 水準keep得十分好 另外一款就叫了double cheese pizza用料就淨係得啲辣肉腸餅底係薄身的有用墨魚汁撈過落啲麵粉度,所以餅底呈黑色,影相打卡一流。至於all day breakfast就略嫌肉量多咗少少 如果蔬菜可以再多番啲就平衡好多。 明太子大蝦意粉 醬汁味道不錯大蝦有兩隻 爽口彈牙 蟹子 份量亦都不吝嗇 整體賣相 十分好 味道亦都合格 所以 四個lunch set味道中上水平,但可惜服務一般,還有不知道是不是夏天太熱冷氣不足食到身水身汗!!…查看更多