lawkevin的個人專頁

今日天氣又熱又曬，上午同朋友係沙田打完波後好攰勁肚餓，就急急腳去新城市廣場嘆冷氣覓食。放假運動完想食好ｄ，本人鍾意日本料理，最後揀了「塚田農場」。首先見到menu，原來餐廳主打美人窩、新鮮嘅農作物同雞，見格離枱既美人窩set好大份量，不過打完波又唔想食咁多，就叫我既至愛燒豚肉餐，menu美人丼御膳既「灸燒豚肉丼set」。其實個set裡包括有前菜沙律、小食凍豆腐、炸雞、仲有蕎麥麵，份量十足！一個set食到好多嘢。　凍豆腐配上日式芝麻醬，美味健康。炸雞夠大件，加埋醬汁食好夾。灸燒豚肉丼有好多塊豚肉，連埋燒汁撈飯一齊食，好滿足！等我下次幫襯試下個美人窩先得！…查看更多

朋友請食生日飯，係旺角銀城廣場既Mini Friday。餐廳佔全層面積大，多客熱鬧得黎又唔會好似酒bar咁嘈。我地4個人叫1碟小食同3碟主菜夠哂飽。首先黎個咸蛋黃薯角，份量以小食黎講算大份，咸蛋黃味充足幾滋味。之後上左個主菜火焰脆燒德國咸豬手，waiter跟手向住碟豬手點水火，嚇到我Ｏ哂嘴，原來係依碟菜既特色。（唔怪得聞到有少少火羅味）經小火灼過既豬手香脆。本人最期待既威靈頓牛柳，係牛油酥皮底下包住豐富肉質牛柳同雜菌，加埋燒醬汁食好味。最後黎個千島海鮮薄餅，薄餅底薄脆口感，海鮮料充足，依餐食得好飽lu。…查看更多

係葵芳返工lunch咁多選擇，今次試下泰式小店“泰豐美食”。好多d泰式餐廳都有個泰字，咁我標題都用個泰字玩下食字啦，咁間舖嘢食係好味既我今次食“泰式炒金邊粉”配檸茶。依道菜係每間泰式店必有咁濟，依度碟金邊粉做到有種酸酸甜甜的泰式滋味，辣味亦由少許伴碟的辣椒散發出黎。作為泰式餸菜依碟金邊粉合格有餘。不得不提就是這裡的檸茶或咖啡都帶有泰式味，與平時茶餐廳飲開的不同。雖然店舖面積不大，侍應姐姐有禮食物水準不差，係值得幫襯既小店啦…查看更多

尖沙咀旅客多店舖多，星期六行完街想隨意早d食個dinner飽肚，一係有排等一係又貴。 身處海港城，簡單d食個KFC。接近傍晚6點到KFC，當時坐滿人，企係食客後邊扲電話等陣就預左。好彩又唔使等好耐，仲咁啱係對住個落地玻璃位，望住個海港景，應該食件雞都會開心d。我屋企樓下屋邨都有間KFC，放工或得閒落樓下就食到，次次求其啦雞餐加蘑菇飯唔使諗。依度得意d係加蕎麥麵，真係飯都無得我食。我諗係我大鄉里，但蕎麥麵份量適中，配埋沙律食清和番d雞味又唔錯。海港城裡面咁多名店，咁係海港城既KFC都要靚d啦，唔係點襯得起名店呀。樓底唔矮，加幾件霓虹燈Logo，環境乾淨d光猛d....睇相啦海港城買完嘢，無乜銀兩，食KFC啦…查看更多

同女朋友係沙田新城市睇戲，之前揀係商場內醫肚。我倆口子都鍾意日本菜式，固之然這間＂丼吉日式吉列豬排專門店＂很易吸引我們幫襯。舖位門面對開是樓層走廊落地玻璃，沒有太多牆身，感覺開揚。等位廚窗見到食物模型好大件，心諗唔知真的食物size係咪一樣咁大件呢？埋位後，先見到枱面已預備了西柚汁、紫菜汁連芝麻用來稍後沾吉列物及菠菜絲。我們叫了＂吉列神戶牛生蠔定食＂及＂吉列豬朳定食＂。大大件吉列豬朳、牛都炸得香脆鬆化可口，肉質肥瘦適中；菠菜絲更可以任加。另外小菜＂冷菠菜＂亦做得出色，配上醬汁及木魚食落醒神開胃。最後奉上甜品西瓜（意想不到有西瓜），今餐食得既豐富又滿足。（回應之前話係廚窗見到好大件食物模型，原來真的上枱食物都真係做到咁大size的）…查看更多

本人住東涌，區大有大型商場東薈城。通常遊客及本地人入東涌都會係商場來諗食乜，小店故之言唔會係考慮範圍之內。但我會介紹這間小店給東涌居民，可以放工或閒時幫襯。這間位於富東的小店「續杯」主打外賣珍珠奶茶、台式小食，多以學生及居民幫襯為主。有一晚夜放工經過就叫了套餐「肉燥雞朳蛋飯」，跟餐包一杯珍珠奶茶。我會用“滿足”形容這餐小店外賣，因為飯量夠大，粟米肉燥料多，雞朳大件及有鹹香鹽酥味。飲埋杯珍珠奶茶夠哂飽肚。雖比不上大型連鎖店餐廳的規模及豐富食品，但這間小店絕對附合有民生價錢、食物質素及人情味。所以我會介紹大家可幫襯作下午茶或正餐。…查看更多

閒日夜晚放工和女友在大角咀買嘢順便吃飯，區內都是茶餐廳等小店選擇。碰巧去到一間店面不錯的店舖於是揀了入去。店舖大約可容納廿幾人，樓底很高不致座位焗促。西餐廳裝修燈光柔和氣氛舒服。我點了set dinner「美國安格斯肉眼朳120oz」，跟餐先來了沙律、餐湯及蒜蓉包，為應付主菜前熱身😆主菜是我們要求5成熟的肉眼朳，肉質幼嫩，加埋伴碟配菜，整餐感覺滿意飽肚。最後奉上跟餐的凍朱古力及甜品奶凍，為今餐劃上完美句號（好飽）…查看更多

端午節想同屋企人食餐好，諗起打邊爐，係銅鑼灣區一於初試［海底撈］。當天早上先打去問訂枱情況，因端午節假期關係已訂滿，但可以walk-in，於是聽服務員建議5點幾上到去等位。一早聽聞［海底撈］賣點是服務，起登記等位時就可感受得到：迎門員先遞上一客茶及小菜，再講解介紹食品種類。另外女朋友亦先登記美甲服務，稍後會電話通知可到門口旁邊弄。等了幾個字時間服務員就帶位入座，可能時間較早所以有窗口位坐。一坐低服務員連忙遞上圍裙、濕手巾、電話膠套等，並講解介紹一連串服務及餸菜，服務夠哂貼心。入座後開始點火鍋湯底及餸菜，餐廳用平板電腦點餐。我點了平時其他餐廳較少供應的四宮鍋，可以一次過試4種口味。叫菜特色係每款餸都可以選半份，可以試多款餸大家一齊食，我們叫了幾款不同肉類及海鮮拼盤，十分滿足。另外，叫拉麵會有師父進行拉麵表演；大約晚上7時會有一輪勁歌及變臉大師進行變臉表演（大師的變臉專業技術真的快得過女朋友變臉呢）…查看更多

本人於葵芳區返工，其實lunch不用愁諗食乜，因為區內包括葵廣新都會都有不同的連鎖店餐廳及小店。今次lunch就同同事幫襯一間日式小店。這間「天松屋」位於葵芳屋苑恒景花園附近，附近亦有不少食店。店內不算很大，是濟滿了附近學校學生及上班族進食。我要了一個「燒黑豚伴蔥溫泉蛋丼」，餐包括一碗味噌湯。飯份量十足，黑豚肉亦有多塊及好大塊，連埋溫泉蛋撈飯一齊食好味；最重要是黑豚肉整得很有韓燒味，整個套餐食得很飽及滿意。喜歡日式飯丼既朋友可以一試🤗最後有一點想講，係幫襯小店會體驗到的人情味，這間「天松屋」我都感受得到。當日只見到一位姨姨很忙處理樓面，姨姨每次遞餐時都會講句小心借借（其實仲有講左幾句客氣說話，但內容不記得了），係咁忙既情況下都有出下聲同客傾計，現今已算很好了。😉…查看更多

今天上午係中環海濱玩完中西區康樂活動節後，又熱又曬消耗大量體力需要盡快食個午餐補充能量。星期日中環到處都咁多人，想搵個地方食餐便飯有d難度。諗起上星期食過一間日式可以再試下，於是就到依間［廿一堂］用饍。😊中環［廿一堂］地方寬大，卡位眾多，坐落覺得舒服不會逼狹，裝修是日式餐廳格局。在近門口counter買飛後等陣就到水bar拎餐了。今次我叫了個［日式咖喱燒牛金菇卷漢堡朳定食］,白飯份量適中，漢堡扒size大，連埋大福草餅夠哂飽肚。😎用餐後自己收拾餐盤可獲得$2 coupon，可7天內用餐使用，係翻食既推動力。😁…查看更多

本人首次寫食評，恰好揀了間值得寫的餐廳，因為真心覺得好味！同女朋友黎自細長大既地方-西環用饍。西環近幾年有新樓落成，亦帶動了附近新式店舖進駐。今次我地黎Latitude用饍-餐廳裝修清新，用了公仔圖案、綿花糖燈飾，樓底亦很高。這種裝修以前座落西環既餐廳很少見，感覺舒適的。我叫了“明太子炸軟殼蟹忌廉汁意大利麵”，麵底呈粉色，賣相吸引。炸蟹size適中，整碟份量滿意。最滿意係汁，食落有少少辣味刺激食欲，好好味。另外有特色飲品，配合現場環境適合影相打卡用。下次有機會我會再諗依間餐廳，亦推介朋友黎。…查看更多