jsca128's Profile

最近我去咗尖沙咀的韓式餐廳Outdark，真係令我非常滿意，呢間餐廳由韓國人經營，菜式全都係自製，而且係由韓國人親自煮，無論係味道定擺盤都好有水準，真係100分推薦。一入到餐廳，就被佈置吸引咗。牆上掛滿咗顏色繽紛的鎖，好似南山塔咁，好浪漫同溫馨嘅氛圍。店裏面生意好好，已經有幾台喺門口等緊。等緊嘅時候見到有個Photo box,幾得意喎，好似影貼紙相咁，不過影出嚟嘅係黑白嘅同埋係用普通嘅紙print出嚟，免費嘅，我覺得都可以玩吓Menu成本雜誌咁，每道菜都好吸引。我哋點咗辣炒豬肉。哇！真係望落都流口水，中間超大盤豬肉同芽菜，辣辣地，加埋芽菜口感爽脆，側邊有芝士粟米、泡菜、紫菜芝麻飯、腸仔😍超豐富！！側邊嘅每一道菜都好好食好新鮮，腸仔有少少似芝士腸嘅口感，泡菜新鮮，可以配埋嗰紫菜飯一齊食，真係食得停唔到口。😍我哋叫埋kimbap（牛肉），用左牛肉、蘿蔔、豆腐、青瓜、青瓜包成一卷，大大舊，都幾飽肚。叫埋香蒜蜜糖半份炸雞，原本諗住半份吾會好多，點知好大份，有埋薯條薯格，炸雞充滿蜜糖醬，肉質鮮嫩，但真係好大份，超飽。飲品我叫左七喜同strawberry makgeolli。而strawberry makgeolli就係一種韓國米酒，好飲😍甜得黎個米酒唔會話太濃，帶有淡淡嘅草莓香氣，口感柔和。整體而言，Outdark哩間餐廳真係食物無論係味道、擺盤、餐廳環境同食物水準都無得頂，正宗嘅韓國味道，一定會再幫襯！！…Read More

好耐冇食韓式BBQ，見到新都城有間好大個招牌嘅韓式BBQ店，後尾聽聞原來呢間嘢喺深圳好出名，見到有二人餐，份量都唔錯，所以就試試佢一開始有啲免費小食提供，沙律、薯蓉、酸菜、酸蘿蔔絲，我自己最鍾意就係個酸蘿蔔絲同埋沙律，個沙律醬好清新，唔係嗰啲好油膩嘅美乃滋。叫左個二人餐，包括好多款肉類同配菜，基本上order咗5分鐘後啲菜就上晒，2人民幣餐有：1. 老太太特色肥牛：牛肉肉質鮮嫩，脂肪分佈均勻，燒完一食落去入口即化，配埋佢哋嘅特製醬汁，佢哋嘅牛肉有個特別醬汁，大大Pat芝麻醬配蔥加芝麻落醬汁度，我試過牛肉配燒肉汁，但係都係配呢個特別醬汁比較襯，味道混合得好d2. 鳳梨牛肋條：呢道菜好有創意，令我諗起泰式菠蘿炒飯，牛肋條肉質結實，都幾厚，口感都幾韌，燒短時間啲會易咬啲，配埋燒鳳梨片，感覺上幾清新3. 厚切三筋肉：我最鍾意呢款，肉質厚切，口感非常有嚼勁，配埋佢哋比嘅特製醬汁，真係ichiban4. 秘製雞爽肉：有少少太幼，不過肉質鮮嫩，燒完我鍾意撈燒肉汁食小😄5. 烤杏鮑菇：都系第一次燒杏鮑菇，估唔到口感又幾唔錯，幾彈牙，我都係照樣撈燒肉汁食，我覺得佢哋嘅燒肉汁係好好味的6. 秘製豬頸肉：佢哋嘅豬頸肉好似生菜包飯咁，會比額外嘅生菜你，仲有個特別嘅醬汁，同埋青椒、蒜，將燒好嘅豬頸肉加汁放落生菜上，包埋一齊食，我覺得味道好清新唔會好油膩，同埋咁樣撈埋嚟食好似好味過就咁食肉7. 海帶湯：作為餐前嘅小湯，我個人覺得個湯有少少多油，同埋好多蒜蓉，我主要食海帶多8. 起沛多多：特別一讚呢個甜品，佢好得意，一開始諗究竟入邊係咩嚟，原來係糯米糍雪糕，入邊係雲呢拿雪糕配埋個沛皮一齊食，又得意又好味呢度包埋茶水，有免費茶飲，不過韓燒其實都好熱，最好自己嗌啲凍嘢飲，坐喺度對住個火一個鐘，成塊面都紅卜卜，好彩舖頭冷氣都大，同埋有個甜品最後幫我降火😇 環境舒適，燒烤嘅時候，肉類嘅香氣都彌漫整個餐廳。overall我都好滿意今次嘅用餐。…Read More

最近去荃灣行山，行山前過嚟買啲麵包當個簡單的lunch同行山snacks,經過商場見到有間幾靚同日系風嘅麵包店，麵包款式都幾精緻同多，有個位仲可以見到師父喺度整麵包，幾得意我哋五個人都買咗唔少嘅麵包1. 菠蘿包點少得叫菠蘿包，家人至愛，外皮鬆脆，入面柔軟香甜2. 開心果菠蘿包菠蘿包都未係特別，開心果菠蘿包真係第一次食。呢個菠蘿包好有驚喜，上面嘅脆皮配上開心果仁好脆，亦都充滿着滿滿嘅開心果味，最特別係入邊仲有開心果醬，口感好正，值得不斷encore3. 開心果可頌呢款又係另一款經典之選，我覺得舖頭嘅開心果全部都好唔錯，可頌正常，好鬆脆，上面有好多嘅開心果cream，超甜超好味。好match croissant鹹鹹地嘅味道。4. 士多啤梨忌廉可頌呢款賣相好靚，不過個人冇咁鍾意呢一款。個cream甜甜甜地咁，冇話太特別，我覺得都係開心果好食啲5. 抹茶紅豆包呢款都好唔錯呀，成個包咬落都好鬆軟，入邊有紅豆都真係食落幾surprise，不過抹茶味可以再重啲6. 開心果扭紋包（我嘅最愛！）呢款開心果扭紋包絕對係我嘅心頭好！外層嘅扭紋設計唔單止靚同特別，內裡更包住令人驚喜嘅開心果醬，上面亦有好多開心果粒，成個扭紋包都好大個，絕對夠飽，又好味又抵食7. 芝士箭豬包呢款包嘅造型好cute,佢個包真係整到好似箭豬一層一層咁😂😂😂芝士嘅鹹香與麵包嘅甜味match👍8. 焦糖忌廉可頌個人覺得呢個反而有啲太甜，但鍾意焦糖同埋甜嘅朋友呢個你應該會鍾意，其實口感唔錯，但係甜度我覺得太濃店嘅環境個氛圍同顏色都日系風，同埋有大大個牆上面嘅字寫住麵包嘅麵粉係用日本製造的，唔怪得咬落咁鬆軟。我問店員有咩推介，佢話佢哋呢度最受歡迎嘅係開心果嘅麵包，而最後試完自己都係最鍾意開心果嘅…Read More

最近先發現原來Donki後面有間喜牛蘭州麵😍鍾意食麵嘅我又點會錯過呢間呢？平時台灣牛肉麵就食得多，蘭州麵反而少食喎。喺上Donki條電梯後面，有間喜牛蘭州牛肉麵，仲可以免費續麵😍麵嘅選擇都幾多，除咗有湯麵仲可以食涼麵，嘢飲選擇自己睇圖😽叫咗兩個小菜，涼拌豬耳同埋青瓜！青瓜清脆爽口，加上香菜同埋微辣味，簡單但開胃。佢個豬耳都幾特別，鹹中帶少少甜，平時川菜嗰啲係好鹹，但係呢個甜甜地，出奇地同香菜嘅味又幾match，食落都爽脆叫咗個招牌喜牛牛肉麵，個麵係手工拉的，選擇咗寬面，麵條彈牙，湯滿滿的牛肉味。牛肉片鮮嫩，個湯望落雖然都幾辣，但係飲落只係少少辣的，本身都只係叫咗微辣，可以揀辣度。朋友話個麵同佢喺大陸蘭州食嘅味一模一樣😃😃夠地道我自己就嗌咗喜牛涼麵，首先，一望幅圖非常之吸引啦！色香味俱全！我將啲醬汁撈一撈先，麵條滑順，搭配牛肉和清脆的青瓜，口感層次豐富。值得一提嘅係啲牛肉用咗牛腱，我鍾意個口感，而且唔會太肥。本身以為自己一定食唔晒，但係個醬汁真係冇得頂呀，少少香辣，最後ko左😝呢間舖頭嘅茶都好出名，我都係第一次試，真係有驚喜！我覺得同出邊賣嘅手打檸檬茶店有得fight😇叫左鴨屎香檸檬茶和茉莉香檸檬茶，兩者的口感都十分清新。個人鍾意茉莉香檸檬茶多啲，飲落好fresh好醒神，兩杯都唔會太甜見到OpenRice食評有幾篇都話服務態度唔好，我又覺得OK喎，上菜速度都算快，店員都幾有禮貌，幫佢哋平反下！面嘅質素高，價錢經濟實惠！會再encore😆…Read More

好耐冇食正宗泰菜啦！今次肚餓搵嘢食俾我發現咗驚喜。原來位於尖東嗰啲有間泰菜，商場嘅話就喺馬會隔離.好耐冇食正宗泰菜啦！今次肚餓搵嘢食俾我發現咗驚喜無論係船麵定係冬陰功定係泰式小食呢度都應有盡有見完面都細細碗，所以嗌晒三款嘅黎試1️⃣ 招牌牛船麵牛肉滑嫩，好中意船麵個彈牙感，仲有幾粒魚丸，細細碗但係都幾足料2️⃣ 招牌豬肉河三款裏面得呢款全面係用河粉做個面底，好特別。個河粉唔會話太闊我幾鍾意呢隻比較幼身少少嘅河粉，而且好滑，朋友話呢碗同泰國嘅味道好似。3️⃣ 乾炒招牌牛腩船麵哩碗船麵都特別，因為佢係乾炒三碗裏便我最鍾意呢碗，炒得好香，啲牛腩有啲似港式嘅味道，但配埋真係好正，有一兩粒仲有啲似牛肉乾😆牛腩肉質鮮嫩可口，大推呢一碗😽啖啖蟹肉奄列睇相😎真係每一忽都充滿蟹肉，蟹肉量十足，口感柔滑，配埋醬汁更有味。蟹肉奄列呢個配搭我都見得唔多，個人覺得好俾心機，因為真係要挑晒啲蟹肉出嚟再去整個奄列，而且好足料，一啲都唔求其。💓牛奶烤豬肉小食識嗌一定要嗌呢個，連個職員都話自己最鍾意呢款！串燒肉質多汁，笑得有少少焦味，但係食落個肉質都仲好嫩，少少甜的，係同普通嘅豬肉串燒真係有唔同，唔知關唔關佢有加牛奶事🙌🏻馬拉盞炒通菜每次去泰國餐廳我一定會嗌炒通菜，因為真係好好味，佢哋嘅香料再加埋通菜嘅清脆口感簡直係冇得頂！鍾意食辣嘅朋友，不要錯過芒果糯米飯甜品又點少得芒果糯米飯，佢個飯上面仲有啲黑糯米😍好好味，芒果都好新鮮，如果想要Extra椰汁可以自己點😽drinks叫左龍眼冰與泰式紅茶，原本仲諗緊個泰式奶茶會唔會好甜，但個職員話做少甜俾我，服務好好！間唔中又會同我地分享下佢食過唔同泰國餐廳，好吹得😎見到哩度廚房既人全部部都係泰國人，唔怪之得食物咁有thai 重味，一入鋪頭就聞到好重魚露味😆好似去咗環境更好既泰國店，勿錯過哩間地道泰國菜 🇹🇭 …Read More

餃掂去到邊都見得多，之前食過太子嗰間，水準唔錯，今次食下上環呢間先佢哋最近有呢個酸蘿蔔賣，每一枱都可以免費食呢個酸蘿蔔，我個人覺得幾好味，比較開胃。入邊仲有啲青椒紅椒，啱做appetizer!我哋叫咗一份煎餃、一份湯餃一份香煎軟心芝士餃（煎餃x7隻）推薦俾鍾意食芝士嘅朋友，真係有驚喜㗎，你只要撳扁啲個餃子啲芝士醬係不斷咁咇出嚟，入邊仲有粟米同豬肉，有濃厚的奶香味，正！一份芫荽餃（湯餃）哩度既湯餃係用舖頭好出名嘅湯—壯元九鼎湯的，配方相當講究，包括粉葛、順德活鯪魚、香山活鯽魚等多種新鮮材料，湯都比較有稠感，少少結結地，其實味道都比較清淡，少少甜甜地咁。入邊嘅芫荽餃都好足料餃子，主要係豬肉同埋芫荽，我自己就鍾意呢個多啲！叫埋個回味手帕青瓜做小食，，清脆爽口，微辣，好開胃。叫左山楂雪梨水，凍熱各一杯，好解渴，而且山楂都幫助消化，好飲又健康呢度店員嘅姐姐都非常之好人，會主動叫我試食吓啲酸蘿蔔，又會細心喺我問嘅時候解答我個湯係咩嚟嘅環境都唔錯，不過最近好似樓上裝修緊，個位置有啲難搵.…Read More

原來銅鑼灣永光中心哩度有間寶藏日本餐廳—究極堂。細佬一向中意食魚生，今次帶佢黎試試佢。呢度選擇都好多，除咗有魚生海膽，亦都有正常嘅便當飯、串燒、壽司。我地叫左：1️⃣究極丼呢個好似係招牌嘅，好有啲似日本海鮮市場食嘅丼飯。一上菜呢道菜色彩豐富😍，好多新鮮嘅生魚片，包括三文魚、吞拿魚、拖羅魚同海膽，搭配埋鮮甜嘅魚子醬同一隻彈牙嘅蝦，蝦真係似岩岩係海水撈上嚟嗰隻，有海水味🤣🤣成個飯配合蛋漿一齊食，要撈起啲魚生先再倒入個蛋漿，口感層次分明。整體全部魚生都好新鮮好正好好味，只係個蝦真係有啲太過新鮮，太多海水味，但其他都好高質素！2️⃣ 迷你三色丼睇Menu覺得呢個好靚，而且又可以試唔同口味。份量比較少，不過好精緻。有三個未分別係：蛋漿拖羅魚丼、蟹肉丼、海膽魚子丼，全部都係日本signature既料理。個人最鍾意係海膽魚子，因為我本身都唔係好食得生，但係佢呢個唔會太腥，而且個海膽入口即溶，配埋彈口嘅魚子真係好正。3️⃣啤酒薯條配蜜糖芥末醬接住嚟係啤酒薯條，睇似簡單，但充滿驚喜。佢個薯條係用啤酒嘅酵母粉去整，所以特別脆，同平時食開薯條脆嘅口感係有少少唔同，薯條外脆內軟，搭配嘅蜜糖芥末醬真係食到停唔到落嚟4️⃣海膽右口魚邊蝦卷最上面嘅海膽同左口魚非常之新鮮，內餡炸蝦肉鮮嫩多汁，因為嗌咗丼飯已經幾飽，所以覺得呢個份量非常之適合5️⃣搽茶牛奶➕荔枝-檸檬酸酒飲品我地叫咗搽茶牛奶同荔枝-檸檬酸酒。抹茶呢杯真係睇得又飲得，好濃郁嘅抹茶味，個cream係甜甜地，試過飲過出邊啲cream係真係完全冇味。而荔枝-檸檬酸酒非常之fresh，個荔枝味竟然同asahi sour個味混合得好好, 如果飲唔到酒嘅朋友佢會換梳打水俾你Overall 呢度嘅食物，我比100分，因為真係好新鮮，環境係有啲日風配咗少少港式嘅style，覺得呢間樓上鋪真係寶藏，值得比更加多人知道！…Read More

今次再次去大小姐冰室到食早餐，印象中都有段時間冇嚟呢度食早餐，今次經過去北角順便食個靚早餐！我好鍾意食茶餐廳嘅經典，港式早餐，夠晒地道，而呢間嘅選擇都非常之多！menu如下：我每次都一定會叫嘅係：鮑絲火腿通粉本身已經好鍾意食通粉做早餐，呢碗仲多咗鮑絲，鹹香味十足。賣相亦都好好睇，碗湯唔係普通嘅滾水，係濃縮嘅雞湯，我真係飲晒成碗㗎🤣我哋亦都叫咗雪菜肉絲米粉，雪菜好新鮮，酸酸地同肉絲嘅味道好夾，比較特別適合鐘意清淡口味嘅人。不過嗰度都有辣油可以自己加，朋友都有加到，即刻有味好多早餐又點少得炒蛋同牛油多士，炒蛋好滑，好奇唔知道有冇加埋牛奶一齊炒呢！好奇想試吓呢度嘅雞扒同薯餅，雞扒新鮮炸起嚟又唔錯喎，個適量而且食落口感好脆，肉質都幾多汁。薯餅正常。叫埋杯熱奶茶同凍咖啡，真係一個好滿足嘅早餐。環境同之前一樣都好舒適，我好鍾意佢哋門口個牌，冰室嚟講都整得幾靚！食物質素同我上次一樣，我覺得一向都唔錯，下次再經過北角呢頭我都會揀返呢間😎…Read More

最近同屋企人黎左Mikiki哩間Plato Cafe Bistro食lunch, 見哩到西餐款式都多。我地叫左set lunch, 餐跟湯/沙律，個日既例湯係南瓜湯，質地滑順，濃稠感岩岩好，色澤金黃，飲到南瓜嘅自然甜味，岩哂冬天暖身。兩個set lunch既main叫左：👍蒜片欖油炒羊仔柳意大利粉呢道意粉嘅麵條煮得好好，羊仔柳比較細粒，但羊肉嘅鮮味夠濃配合埋菇同蒜片，口感豐富。👍BBQ烤汁烤豬仔骨意粉：呢道主菜嘅豬仔骨肉質軟嫩，配埋醬汁食好入味，有少少salad菜。小食叫左個日式天婦羅魷魚鬚，幾特別，天婦羅味唔重，外皮夠脆，魷魚鬚多汁，yum😋甜品開心果麻糬tiramisu簡直係完美，極力推薦！！哩道甜品層次感好足，脆既開心果係最上層，第二層係開心果cream，第三屠係tiramisu, 最入面仲mix埋麻糬，tiramisu 唔會太甜，最上面仲有餅，好滿足！而且只係盛惠$58，抵食飲品意大利即磨咖啡同榛子朱古力，咖啡香濃，而榛子朱古力都唔錯，不過個cream冇咩味Overall哩度環境幾舒服，好放鬆，食物性價比亦唔錯！有機會再嚟叫個tea先😇…Read More

最近係將軍澳嘅Chef’s Stage Kitchen同爸爸撐枱腳佢嘅lunch set menu 係每星期換一次的，有d好奇究竟有幾多款weekly menu🤔我哋今次叫咗雞肉、白菌、翠玉瓜同松露忌廉汁意大利飯，仲有燒烤汁雞胸菠蘿漢堡(配返薯條同酸椰菜)。餐前仲有南瓜湯、沙律同牛角包，飲品就選咗偽鴛鴦同凍檸茶。兩個餐都包南瓜湯、牛角包同salad，南瓜湯濃稠，好清甜，好岩冬天飲。沙律正常，如果有多d沙律dressing會更好！仲有細細個牛角包，幾酥脆，配住湯食好match.講下個main —雞肉、白菌、翠玉瓜同松露忌廉汁意大利飯 ，米飯煮得粒粒分明，口感滑順且柔軟，咬落有d 韌性,加上個飯吸收哂松露忌廉汁嘅香氣，味道好濃郁。而且唔會好creamy ，我好怕食好creamy既risotto，因為感覺好heavy同滯，但係哩個飯就算眼望湯汁豐富，口感唔會太creamy👍配埋菇同翠玉瓜一齊食，口感真係好好。我地仲叫左燒烤汁雞胸菠蘿漢堡。個burger超多層，好足料😝。燒雞胸肉多汁又入味，同菠蘿嘅酸甜味完美融合，中間仲有舊巨型酸瓜，好開胃，仲有tomato同生菜，口感crunchy. 薯條份量正常，本身burger已經幾飽，加埋薯條飽到上心口。飲品方面，見到個menu有偽鴛鴦，佢係扮鴛鴦做法，個底係朱古力底，on top有加 「咖啡冰磚」，令到個味似mocha . 佢有兩個味：chocolate/tiramisu, 我自己揀左tiramisu, 佢唔會太甜，個味似地道鴛鴦，好飲。第一次見哩個做法，特別加有創意，推薦！最後想讚下餐廳d水😆佢地免費水唔係就咁普通嘅水，而係用fresh 薄荷加埋既薄荷水！好清香，飲完好fresh同醒神。平時普遍都係檸檬水或者普通嘅水，但哩個小小既細節位—mint water 深得我心😇overall環境都好舒服，食物質素高，係將軍澳高質西餐廳之一！…Read More

觀塘嘅大城小廚一向出名，之前同一班朋友聚會都嚟食過，菜式性價比非常之高。呢間餐廳以主要食廣東菜，菜單亦有多種多樣嘅選擇。無論係小菜定係湯、定係煲，呢度都有叫左「豉椒炒蜆」。蜆幾新鮮，搭配青椒、紅椒同埋洋蔥，炒至入味。蜆肉鮮嫩，配合醬油嘅鹹香，真係一啖接一啖，根本停唔落嚟。重點係呢盤菜多蜆肉，有時出邊嗌炒蜆上到嚟只係得殼冇乜蜆肉，值得一讚第二道菜係懷舊菠蘿咕嚕肉，最typical嘅港式菜，佢個咕嚕肉做得都幾酥脆，每次食菠蘿咕嚕肉嘅酸甜味道都令人胃口大開。而佢個名都起得好貼地，真係令人諗返小學嘅時候午餐成日都會食呢度菜，夠晒懷舊！呢個超好味既係欖角蜜餞一字骨，一字骨經過精心烹調，外皮略帶焦香，食落去少少脆，甜甜地，肉質嫩滑，真係煮得好好，最主要係個汁同埋佢煮到少少燶，好有技巧，啱晒搭配白飯食廣東菜又點少得「豆腐火腩煲」—男人的浪漫😹😹呢道菜喺熱辣辣嘅砂鍋中上桌，啱晒冬天食。主要都係豆腐同腩肉，湯汁濃郁，個豆腐真係好滑，我不斷食，呢個配飯都好啱。我個人就最鍾意呢道菜，朋友就最鍾意一字骨嗌咗個時蔬，係清炒嘅菜心，色澤翠綠，口感爽脆，有埋蠔油就更好啦！呢度茶水免費提供大約係下午茶時間去食，個場都好旺啊啱晒一大班人嚟飲個下午茶撐枱腳，其實夜晚一家人聚會嚟呢度都好啱！Overall呢度幾經濟實惠！菜式真係非常之好味，廣東菜嚟講做得好好！份量亦都大大碟，抵食…Read More

朋友推介哩間有情調的fusion菜餐廳，菜式係日本mix意大利style的，一出lift就見到餐廳招牌, 牆上的招牌設計簡約而不失品味，個環境氛圍好靜謐同神秘，燈光柔和，令整個空間顯得好有質感。Menu有介紹到餐廳嘅故事呢度嘅菜式全部都係自己研發的，佢哋嘅Combination都好特別前菜叫左 shaved cauliflower, 呢道菜10分有創意，花椰菜切得薄薄的，口感清脆，非常爽口，配上核桃芝麻醬，仲有少少檸檬醋汁，帶來一種濃郁的香氣，加上 bonito 魚片，增添咗海鮮的鮮味，整體味道層次分明。本身道菜係for素食，不過有得加錢加兩隻鮑魚，我哋加咗兩隻鮑魚，味道非常之出色！第二道菜點少得tuna tartare. 喺OpenRice見到好多人叫，張相亦都好吸引。道菜有吞拿魚粒，牛油果，紫菜脆餅同米餅餅.,仲mix埋香港嘅辣椒醬.其實我平時真係唔會點樣食生嘢，尤其是嗰啲生魚片，但係佢咁樣絞碎咗吞拿魚MIX埋牛油果，再加埋個辣椒醬，放喺米餅度食真係好好食，好新鮮，Tuna入口即溶，如果牛油果加埋辣椒醬好開胃，完全冇諗過呢一個組合👍👍第三道菜係我嘅最愛-Nduja Cavatelli Pasta. Nduja 係辣肉腸嘅一種，呢度菜將意大利粉配上濃郁的 Nduja 香腸醬，每一啖食落都有少少香辣嘅味道，正！佢意大利粉嘅形狀都非常特別，細細粒好似貝殼咁。上面有粉紅蝦生魚片，勁新鮮，亦都有燒炙的比目魚鰭邊英川魚（engawa）為道菜帶來了獨特的煙熏風味，整體口感更加立體。鍾意食海鮮嘅你又點可以Miss呢道菜呢😜我哋仲嗌咗兩杯Asa hi，happy hour叫每一杯都只係$48😊整體嚟講環境非常之優雅，同埋舒服，食物擺盤都望到好高檔同花心思，最特別嘅係全部都係自家菜式，唔係出邊可以食到，有少少似Fine dining! 員工都非常之Nice，用心解釋每一道菜式同推薦！下次會再嚟…Read More

好耐冇去過台灣，亦都好耐冇食台灣嘢今次同朋友嚟咗呢間台灣嘢一入到嚟啲店員已經用普通話好熱情咁講「滿山歡迎你」，好似返咗台灣咁去嘅時候係下午茶時段，之後都越嚟越多人，幾旺場估唔到呢度連火鍋都有，下次掛住台式臭臭鍋可以嚟呢度食叫左：風味紅燒牛肉麵特別要讚吓嗰手工麵條，口感滑又有彈性。牛肉肉質嫩，入味得來又不膩，湯底牛肉味濃郁，少少辣，碗麵仲有蘿蔔同香菜，令到個湯都幾有鮮甜嘅味道，個人幾鍾意我哋亦都叫咗「三杯靈魂沙茶牛肉拌手工麵」，個人幾鍾意個沙茶醬，呢度嘅手工麵真係幾唔錯，係幾彈牙的。牛肉就正常，我鍾意牛肉麵個牛肉多啲，因為比較嫩滑。叫咗鹽酥雞同埋豬耳兩個小食，鹽酥雞好正宗，係台灣嘅味道，非常之酥脆，佢個味調得好好唔會太鹹，亦都令人好有食慾。仲有個豬耳，估唔到有幾嚿青瓜😝個醬可以再辣少少，口感亦都可以再爽啲。最後嗌埋個甜品-珍珠奶茶冰淇淋可頌窩夫鍾意食甜品嘅朋友一定要嗌呢個，本身係比menu張圖片吸引，嗌完完全冇後悔，雪糕係奶茶味，Mix埋珍珠一齊再加埋窩夫真係有一種好特別嘅珍珠奶茶感覺，你唔係飲緊但係又食緊嗰隻味道。入邊嘅杏仁片Mix埋雪糕，完全令個甜品再昇華咗，口感爽脆！正！飲品嗌咗生薑薑母茶同埋洛神花柚子茶薑母茶有餅乾配👍洛神花柚子茶好清新，完全好配個甜品同埋台式食物，好解渴Overall 個人覺得呢間台式餐廳都幾經濟實惠，如果唔嗌甜品嘅話下午茶人均大約50至60，或者淨係嚟食個甜品，兩個人share每個人都係20幾蚊. 另外店裏便有埋蛋糕可以食，有個開心果蛋糕非常之靚，不過唔記得影相。有機會可以試吓。…Read More

幾個月前黎食過 經過諾士佛台發現呢度有間好似機舖嘅餐廳入到去先發現原到係韓式餐廳，有好大隻藍色bear bear係門口同你say hello迎接你😆我地叫左：1️⃣招牌菜香辣橄欖油蒜蝦蝦肉非常新鮮，搭配著濃郁的橄欖油和香辣的調味，好香好味2️⃣炸雞配脆脆薯格炸雞配脆脆薯格有d韓式mix西式既感覺。炸雞外皮酥脆，內裡肉質鮮嫩多汁，薯格炸得非常酥脆，好match既搭配。除了美食，佢既環境係一大亮點。入到去就好似遊戲廳咁。牆上有遊戲的海報，又有遊戲主機和操縱器，忍唔住想去打機，問吓職員，佢哋話原來呢度前身係遊戲機舖。佢哋保留住前身嘅特色，加上燈光既顏色，令到呢度有少少bar嘅味道,好特別嘅體驗。環境都好適合朋友聚會同傾偈，會再次幫襯😊🙏🏻…Read More

Located in the vibrant district of Sheung Wan, Tiramisu's Lab is a hidden gem for dessert enthusiasts seeking a unique and indulgent experience. As a fan of tiramisu, I couldn't resist the temptation to visit this renowned establishment and sample their signature creations. I ordered the Oreo Misu and Tiramisu 1960classic, and I must say, my taste buds were in for a delightful treat.Firstly, the presentation of the desserts was impeccable. Each tiramisu showcased the layers of decadence within. The Oreo Misu, a modern twist on the classic, featured a rich cocoa-infused cream layered with crushed Oreo cookies. The contrasting colors of black and white created an enticing visual appeal that made my mouth water in anticipation.Taking my first bite of the Oreo Misu, I was immediately captivated by the harmonious blend of flavors. The velvety smooth texture of the cream melted in my mouth, while the bits of Oreo added a delightful crunch. The sweetness was perfectly balanced, allowing the distinct flavors to shine without overwhelming the palate. It was a symphony of chocolatey goodness that left me craving for more.Moving on to the Tiramisu 1960classic, you can see originally just in white color, the staff put the powder immediately once you order. The layers of espresso-soaked ladyfingers and mascarpone cream were expertly crafted, resulting in a heavenly combination of flavors. The aroma of coffee tantalized my senses, while the creamy mascarpone provided a luscious and indulgent experience. It was a nostalgic journey that exemplified the essence of a classic tiramisu.The ambiance of Tiramisu's Lab enhances the overall experience. The cozy and intimate setting provides a welcoming atmosphere, few chairs on the restaurant for dine in, perfect for enjoying a leisurely dessert. The staff is friendly and knowledgeable, readily offering recommendations and ensuring a seamless dining experience.…Read More