聞地的個人專頁

行過悅來坊見到有新野-日式放題，興起就試下，日式放題緊係試刺身先啦，我就覺得刺身麻麻地，雪都未溶就比客人食，刺身蝦就唔建議食，帶子就可以，反而燒烤串燒同天婦羅又不錯，羊架都不錯，可以試下，前菜冷盤都夠份量，如叫拉麵烏冬類別，就要唸清楚，堅係一大碗份量，唔好唸住放題比一小碗，叫左就飽晒唔洗食其他，但味道都ok.大致都不錯，惟刺身真係好失望，如改善下質量，就真係大件夾低食，就無乜漏單，三佰幾蚊一個人，都接受到…查看更多

同朋友去完觀塘海濱長廊，行返入去宏利大樓附近搵下野食，發現工廈之間有座新商廈，去睇睇有乜好野食，原來有間Cafe, 咪上去試下，地方環境不錯，簡約設計，感覺舒服及乾淨，試下食個吉列豬扒豬骨湯底既烏冬，加左杯ice mocha, 豬扒食落不錯，又嫩滑好脆口，Ice mocha 都不錯，我朋友就食左個吉列豬扒飯，佢都話，要讚一下服務不錯，朋友都問過可以包場攪派對，下次可以再試下食鰻魚飯或咖喱飯，真係要多d去支持一下小店!…查看更多

好想搵間大滿足既All Day Breakfast同朋友一聚，上網搵搵，見到相就覺得好味，不妨一試，有幾款選擇，唔記得影menu相，我仲加少少錢飲"痴x線mocha", 大滿足早餐真係好好味，仲有焦糖香蕉同乳酪，加上有貓咪多士，好靚吖!我要左無花果果醬，好味!真心推介…查看更多

朋友生日聚會，又啱啱秋風起凍凍地，就想起食餐酸菜魚，灣仔收工行去銅鑼灣就近近地去新開鋪頭試食，果然有驚喜，樣樣大大碟，唔太貴，酸菜魚有得揀大,中,小,或微辣，唔油，加薯粉都好正，值得推介!仲有海參雞煲，都好好味，海參就少左d。椒鹽魷魚大大件，又脆口，熱辣辣上枱，真係好味又一驚喜。另外叫左酸甜生炒骨同蒜蓉西蘭花，大碟夾低食，6個人散叫，5味餸，都係港幣仟一大圓，真低食地方環境大，有兩層，有卡位，好闊落，坐得舒服。…查看更多

有聚會即時想起火鍋啦!限聚令6人一枱餐廳真不多，只有養心殿，仲可以食到12點，又唔限時，食物高質，服務員態度好!而家仲要有加@$28啤酒2小時任飲，再加$1有麻辣小龍蝦(限時優惠)，真係抵到不得了…查看更多

食生日飯慶生，要試日式燒烤真不錯，食材夠新鮮，燒鮑魚剛剛好，好軟滑口感，大蜆厚肉仲有海水味，好清甜，燒和牛入口即溶，份量適中，超級令人口味，高層有景，座位闊落，服務一流!值得推介…查看更多

想BBQ 又想食煲仔飯，住港島區當然去雋園首選，BBQ套餐3款任選(包飲品)，仲有其他野選，我今次試海鮮餐，有龍蝦，扇貝，蟶子，細隻生蠔雞全翼超正，牛扒羊架都好正，另加燒大石蠔，燒菠蘿更加要試，超甜又香，加埋個臘味煲仔飯，食完後可以+$30整個泡飯，真係飽到不得了，如果想食菜，可以再叫2碟炒菜食，餐廳有打邊爐位置，有機會都會試下，侍應服務很好，老闆娘又有善，一家大細同朋友聚會既好地方，真係超舒服BBQ既地方!…查看更多

愛海鮮既我當然要一試任食燒蝦啦! 地方雖然不太大，但食物味道不錯，新鮮大頭蝦放在座位旁水槽任你揀，紮紮跳，唔洗驚仲有筒冰水比你浸暈佢先燒!侍應服務又一流，食7:15兩小時任燒雖然趕，但可能夜場乜人訂位，無追我地走，仲比另一個位置我地切蛋糕，超讚!記得要食雞翼，好入味!…查看更多

朋友生日共聚午餐，已不只一次，因環境格調一流，食物不錯，再試。但今次有點失禮，帶老闆去品嚐一下，怎知侍應一開始就講"是日精選"係乜野只講一次，成班同事有D嘩然，我即不敢作聲，希望食物不令人失望。幸好牛扒及意粉不錯，老闆讚不絕口，這裡食物確實一流，惟服務需要改善，做好前枱服務。…查看更多