Travel_JoyJoy的個人專頁

《東涌東薈城·L.D.K by Ufufu Cafe》L.D.K.係東薈城開咗冇耐，香港人就最鍾意排隊，一點幾去到，排隊人龍仲係好長。餐廳係食日式西餐，個人認為食物質素普通，以食物而言，性格比唔高，但如果想同朋友搵個地方食下甜品、傾下計，都係一個唔錯嘅選擇嘅。利申只係食咗幾樣嘢😀1. 牛肉壽喜燒烏冬$82: 正常發揮，壽喜燒湯汁鹹甜程度岩岩好2. 芝士明太子年糕$58: 好味但偏鹹，同埋$58得兩舊好Q貴🥲3. 香蕉朱古力pancake$98: 第一次食港女pancake，比較唔到，但感覺唔係好值4. 抹茶拿鐵$48: 好飲嘅，糖漿另外上，可以自己控制甜度，有抹茶味🍵💰人均$200蚊左右總括而言，食物同服務正正常常，價錢小貴，但地方乾淨企理，以下午茶而言都係一個好選擇。…查看更多

《香港美孚·Ben哥米線》試到好食嘅餐廳就想即刻寫低！如果食三哥同埋譚仔食到悶，可以試吓美孚嘅Ben個米線！琴日心血來潮去試食，去到排咗大約10至15分鐘。同其他米線餐廳一樣，先揀咗湯底，再揀配料。唔同嘅係Ben哥米線除咗普通嘅麻辣湯底，酸辣湯底外，仲有四款特別嘅湯底，包括：1. 藥膳麻辣湯底：真係有藥膳嘅味道，特別係湯入面嘅杞子，粒粒都有酒味，米線超入味😍2. 芫荽菠菜湯底：超清新，好岩夏天食，食完一啲負擔都冇！想食米線又唔想食辣，芫荽菠菜湯底係好好嘅選擇！3. 沙嗲豬骨湯底（未試）4. 酸辣蕃茄湯底（未試）除咗湯底外，Ben哥嘅配菜同埋米線都好出色！配菜推介大家食豬軟骨，麻辣腩肉，響鈴卷（索曬d湯好正）。我點咗白蘿蔔，但煮得唔夠淋，唔係好入味。另外我見大家都會點墨魚頭，但今次冇試，下次再試下先～米線都有兩款選擇，包括普通米線，同埋五穀米線。味道會差太遠，但五穀米線食落較軟身，中意食淋d既米線既朋友可以參考下～小食我哋點左糖心蛋同埋雞翼尖。糖心蛋係好食嘅但有啲貴，要$10蚊1隻。10分推介雞翼尖，每一隻都好入味，一碟先$18好抵食！*堂食送飲品一杯人均：～$60…查看更多

《香港黃埔/銅鑼灣·名館》平日lunch time都食過名館，知道佢地點心質素都唔錯。最近留意到佢有下午茶點心放題（14:00-17:00），所以放假即刻帶埋屋企人去試！名店有兩間分店，我就去開黃埔個間。我怕要等位所以早咗10分鐘到，但冇咩人等位所以我地2點正就入座。任食既點心紙款式冇正價點心紙多，但有重點會叫既點心又有小食同粉麵飯，我覺得都夠豐富！圖x為點心紙選項（咁抵既價錢有咁既質素仲要求咁多咩）點心推介：1. 黑金流沙包：必食！小心爆漿！係我食過最好食既流沙包2. 鵪鶉蛋燒賣：好足料，大大啖蝦肉豬肉同鵪鶉蛋3. 蝦餃皇：又係好足料，真係食幾籠都回咗本4. 鮮蝦春卷：即炸，好脆！5. 潮州蒸粉果：我本身唔係超好潮州粉果但都覺得好好食，而且賣相精緻，唔中意食都可以打個卡俾隔離個個食😘6. 生煎蓮藕餅：唔係間間酒樓有，而且食到粒粒蓮藕粒，叫啦！7. 京川滑餃子：叫啦！冇蝕抵8. 薑汁千層糕：每次去飲茶都會點，蒸得岩岩好，夠晒煙韌小食/粉麵飯推介：1. 泡椒魚皮絲：撈咗花椒油，有小小辣，超級爽口，同埋而家已經好少地方有得食，叫啦！2. 鎮江水晶餚肉：正常發揮但好食既3. 涼拌青瓜/淮山/貓耳朵：叫啦！食多d瓜菜啦後生仔！4. 香菇雞粒炒飯：即叫即炒，好有獲氣！而且每粒飯都炒得夠乾身，好食！5. 唯一唔推介係米線價錢又好抵，入座計90分鐘（14:00-17:00）星期一至五：$98星期六日：$138另外加$5茶位（我見推廣寫五月優惠，唔知六月仲有冇，想試就快手啦）全部點心即叫即蒸！新鮮滾熱辣！（利申，未食過銅鑼灣個間唔知咩環境）放假想睡到三點，除咗去排隊排到傻既深水埗cafe，不妨試下飲茶啦！後生仔同長輩去飲下茶食個包啦！…查看更多

《香港深水埗·醉藥雞》近期最推介的餐廳之一！一開始係比佢個名吸引，因為好鍾意飲藥材雞湯，所以決定去試吓！醉藥雞仲要主打雞湯米線，米線一定好入味，諗起都流口水🤤晚飯時間需要排隊，大概等咗15分鐘，等待時間可以接受，可以順便睇吓餐牌諗食乜。隔離飯香嘅關係，見到隔離枱叫砂鍋雞湯翅米線我都跟住order左，再叫多碗醉藥雞湯同埋溏心醉蛋。1. 砂鍋雞湯翅 $68: 內心都好掙扎叫唔叫 食魚翅好唔環保 但見到隔離枱果煲咁正受唔住引誘都係order咗 對唔住呀鯊魚🥲飲咗一啖湯，好味都嘩一聲！雞湯加埋魚翅煮到d湯白黃色 米線軟硬度啱啱好，夾埋雞湯真係冇得頂！2. 醉藥雞湯（煮雞酒）$45: 好香藥材味，但雞味冇雞湯翅咁濃郁，料都好多，唔係好肚餓嘅話叫個湯都夠飽3. 溏心醉蛋 $10: 隻蛋$10係有啲貴，但一定要叫！🤩睇蛋黃顏色就知道一定係靚雞蛋，煮到溏心加上藥材紹興酒，超級好食！醉藥雞仲有好多款小食，不過今次冇試，留返下次再試！環境就同普通茶餐廳差唔多啦，唔算特別好坐，不過食物取勝，會再幫襯！…查看更多

喺某平台預訂的超值staycation package，一晚住宿連同四餐，只需要$1330 。因為太抵嘅關係，我已經去過兩次😂Le 188個景真係冇得輸！🌟四餐包括：1. Le 188 西式午餐套餐：可以揀第一日中午或第二日中午享用，但我計算過，因為第二日要食自助早餐，中午應該都仲好飽，所以我揀咗第一日。入到餐廳我哋已經被維港景色震撼。好少食fine dining,都講唔出咩大道理，每道菜都好精緻又好食，服務態度超好，睇睇餐牌原來一位原價都要四百幾蚊，抵到要感嘆下😂2. 下午茶：食完午餐馬不停蹄又要過隔離食下午茶，主要以小食為主，鹹點同甜點都有，好surprise竟然仲有蒸扇貝！奶茶咖啡汽水啤酒任飲3. 黃昏雞尾酒：鍾意飲酒嘅朋友真係一定要嚟！餐牌上嘅酒任飲！冇錯係任飲！可惜我唔係好識飲酒淨係叫咗香檳同雞尾酒打下卡4. 自助早餐：會喺午餐個餐廳享用，食物種類唔算好多，但整體都唔錯（小tips: 叫咖啡可以叫latte)Le 188既服務亦都很好，員工有禮又有耐性，盡量安排你最想要嘅座位，亦會細心介紹餐單。咁嘅價錢真係10分值得嘗試！…查看更多

《香港深水埗·三拍子熱石牛扒》熱石牛扒俾我第一感覺係貴同埋食唔飽😂（個人比較大食）。但三拍子真係抵食又好食，扭轉左我對熱石牛扒嘅睇法！三拍子以自助方式落單，店舖只有三款牛肉選擇：三拍子牛、牛柳和西冷。選好牛肉款式後就只需選擇重量，方便有選擇困難症的人（我）。牛肉的價錢已包括自助沙律吧，飯、湯、沙律都是免費的，所以唔使驚食唔飽。點餐後，店員會安排入座，客人可以先吃沙律吧的食物。沙律有薯蓉、雜菜、沙律通粉等，沙律雖然唔算超好味，但不過不失。牛扒上枱時，店員會好細心，會將廚房紙巾先鋪喺牛扒上，以免肉汁但落客人身上。所有牛扒都會以一成熟為基本熟度，再由客人自己用熱石煎熟牛肉。今次三款牛肉都試過：❣️三拍子牛： 個人認為最平但最好食，最香牛肉味❣️牛柳：感覺同三拍子牛差唔多，嫩小小❣️西冷：個人認為最唔值，有少少韌，價錢亦最貴總括而言，三拍子的食物質素性價比高，服務態度亦10分好，感覺像置身日本小店，唯一缺點是店舖地方狹窄，坐得唔係好舒服，但優點完勝缺點，絕對會再幫襯！…查看更多

恢復堂食的Happy Friday 原本想去旺角覓食，但晚市時間人山人海，插針都插唔入。一路行一路搵餐廳行到去大角咀，竟然俾我哋發現新大陸！大角咀原來係一個好多餐廳，但因為地鐵去唔到所以一直比較少去。我哋隨便入咗一間專門食刀削麵嘅舖頭，本身諗住隨便食一餐但發現有驚喜。入到去未睇餐牌我已經比枱上面嘅酸蘿蔔吸引咗。呢一款酸蘿蔔喺市面上已經好難買到除非家中自己醃。我哋點左兩個套餐：1. 熱拌豬軟骨刀削麵 $49 ：預設唔辣但係可以加辣，特別嘅係佢有加特製嘅擔擔麵醬同埋芝麻醬，食落超香超惹味呀！2. 麻辣手撕雞刀削麵（湯）$43 ：一個套餐包嘢飲只係$43真係超值，湯好飲，手撕雞分量亦多！仲要係好食既！小辣已經夠晒辣！酸蘿蔔亦係另一個重點，未到醃得啱啱好唔會太酸唔會太甜，我食咗兩碟😂兩個人埋單先$100，可以食到呢一個質素，簡直超值！一定會再嚟！…查看更多

《香港上環 Barista Jam》今天工作關係，路過上環，嘆慣咖啡的同事帶我去一間cafe稍作休息。由於已經是下午所以我沒有點咖啡，點了一杯iced chocolate 加cream,大杯和中杯價錢只相差$6但因為要減肥，所以我點了中杯。這家的iced chocolate 真的很邪惡，底部是很濃的巧克力，加上濃厚的牛奶，再配上奶油cream! 攪拌後入口感覺10分香滑，很香濃的奶味！我喜歡喝咖啡但不太會評論咖啡的味道，就只會分喜歡或不喜歡😂試了同事的咖啡，反正我是喜歡的。上網看了看評價，大家都說Barista Jam的咖啡10分出色，下次一定要早點來喝咖啡！除了食物，環境氣氛亦是一間餐廳很重要的一環。Barista Jam處於繁忙的上環，但在店內卻沒有一點煩囂的感覺，可說是上環一個小小的休息站。另外餐廳設有室外座，吸煙/帶寵物的朋友都可以去啦！…查看更多

《香港深水埗VWalk牛涮鍋》我是個名乎其實的火鍋控，在台灣生活時一星期吃一次火鍋是基本活動。但香港火鍋店選擇沒有台灣多，（部分太貴所以也不算在我的選擇內）牛涮鍋是我在香港最愛的火鍋店了！牛涮鍋是放題形式的，是此我們在週末中午去用餐，有便宜的套餐也有貴的，最便宜的才成人$118一位，就可以任吃雞肉豬肉、丸子、蔬菜、沙律、麵類、飲品甜品，性格比極高！我們點了$128一位的套餐，除了豬、雞，還有牛肉選！湯底我們選了豬骨湯和甜醬油（壽喜燒），豬骨煮青菜🥬，甜醬油煮菇類和肉。不過$128套餐的牛肉是最低級的所以也沒有很多好，反而豬肉雞肉都嫩嫩的，很好吃！肉類一定要沾日本芝麻醬！除此之外，牛涮鍋現在還提供炸物放題，紫薯條意外的好吃！甜點也是在牛涮鍋必須吃的，有時候會有大福，超好吃我每次都吃二三個！雪糕也是必須吃的！還可以加自己要的配料！吃完整個超滿足！提醒大家，如果要吃比較好吃的牛肉，一定要選第三個等級或以上。…查看更多

《香港紅磡 上海真真豆漿大王》紅磡餐廳平靚正之選，喜歡吃酸辣湯，餈飯的朋友可以來試試。是日午市到來，等候入座大概要五分鐘，所以可以先看看餐牌。價錢很平民，一餸的酸辣湯麵或菜飯只需三四十元！而且份量偏多！男生也吃很飽！我和同事分別點了1. 酸辣糖醋排骨麵：酸辣湯很出色，料也豐富，湯裡有我喜歡的筍、木耳絲，還是豬紅！排骨也很好吃很入味！2. 香炸雞翼菜飯：看到雞翼我兩眼發亮！都是現叫現炸！炸得金黃金黃的！3. 酸辣上海燻魚麵：看到雞翼和排骨如此出色，讓我超期待我的燻魚，結果燻魚上桌時不禁流露出無奈的表情，燻魚長得很不討好，不過味道是不錯的4. 鍋貼：20元只有三隻，有點貴而且沒有什麼特別真真是我來第一次就想著什麼時候再來的餐廳，真的平靚正！…查看更多

《香港赤柱 Pickled Pelican》放假想遠離市區去放鬆一下，赤柱是一個好地方。赤柱餐廳選擇不算很多，除了大家都推介的德國餐廳，赤柱大街的海景餐廳亦值得一試。今次介紹的是Pickled Pelican, 餐點和一般西餐廳差不多，大概也是漢堡、意粉、排類、炸物，但質素不錯。但意料之外，有青口。以下是幾款推介餐點：1. 青口 $2xx: 附薯條和沙律，份量算多，重點是青口的醬汁超好吃，我都用來沾薯條吃2. 燒烤汁慢煮豬肋骨 $258: 朋友都說豬肋骨超好吃，但我把重點放在伴碟炸蕃薯條上！新鮮炸好，配上他們家的調味，很喜歡3. 牛排 $285: 肉很軟很juice 但牛味不算很重4. 爆漿和牛芝士漢堡 $158： 芝士很多，但個人覺得肉沒有想像中和牛的味道，但性價比很高環境方面，十分乾淨，如果天氣再涼一點，一定坐室外座，看著海，超浪漫超級chill人均消費大概三四百…查看更多

《香港馬灣 挪亞方舟豐盛閣》上網見到挪亞方舟渡假酒店的豐盛閣推出了一個下午茶套餐，沒有吃過港女下午茶的我看到只需要$258便可以享用二人下午茶套餐，便立刻網上預約！挪亞方舟渡假酒店名字是聽了很多次，但卻一次沒有去過。和友人三點便準時到達餐廳，意想不到的是餐廳人煙稀少，其實就算沒有預約，應該亦可以walk in入座，不過如果想坐窗邊位置，建議還是要提早預約。和其他酒店餐廳不一樣的是要先結帳才可以入座，先結帳感覺是來吃快餐而不是酒店的下午茶。餐廳的環境10分舒適，落地玻璃，對面便是青馬大橋，當天下午天氣晴朗，碧海藍天，風景怡人。相信夜晚的風景又是另一番感覺！環境10分適合情侶來約會。食物方面較為遜色，套餐包括一set點心和一人一杯飲品（可加$68轉白酒），有鹹點亦有甜點，但質素像卡拉OK自助餐吃到的點心。較為好吃的是三文魚撻，吞拿魚多士。食物就是不難吃也不好吃，份量也很少。所以大家千萬不要為滿足味蕾而來，但想週末到人較少的地方休閒的過一個下午，看風景聊聊天，豐盛閣下午茶會是一個不錯的選擇。…查看更多

《香港深水埗 合興旺》深水埗是平民美食天堂，選擇多，餐廳大多平靚正。已經吃過很多次合興旺，決定要介紹給大家。合興旺是一間傳統茶餐廳，看到餐廳的木面和環境已經知道是一間有歷史的茶餐廳。坐低看餐牌，意想不到的是，一間小小的茶餐廳，餐點項目卻多不勝數！牆壁上全是選擇，讓人眼花撩亂。因為如有人吃過數次，所以向大家真心推薦以下幾款食物。1. 椒鹽豬扒炒飯：到合興旺一定要是他的炒飯炒麵，鑊氣十足，在家中真的很難做到2. 馬來咖喱：咖喱大大碗，毫不吝嗇，而且肉類亦10分入味，可以選擇自己想要的肉類/海鮮/蔬茶3. 鐵板雜扒餐： $49的鐵板集扒餐，份量大得驚人，兩個人食都夠飽，超級抵食，還可以選擇自己想要的醬汁，而且味道不錯除了主食，餐湯和餐飲質素亦不錯。點菜後，老闆會先端上餐湯，可選擇羅宋湯或中湯。我每次都點羅宋湯，湯很濃郁，而且用料不吝嗇，啖啖都是蔬菜。餐飲方面，合興旺用黑白淡奶，沖的奶茶和咖啡都很香，很合我口味！雖然環境一般，但食物的質素，平民的價錢絕對會讓大家一直光顧！…查看更多

《香港尖沙咀 Avobar》牛油果控必到之店！本人是牛油果控，得知K11 Musea有一間專門吃牛油果料理的餐廳，便即刻約朋友試食！Avobar沒有預約服務，但在疫情期間，幾乎不用等候便可入座。由於是朋友請客，所以我沒有做任何資料蒐集，沒有看價格也沒有了解過室內環境，反正就是下班後直接去餐廳視察，哈哈哈（反正去白吃白喝的）。但正因沒有資料蒐集，去到現場反而有驚喜。K11 Musea是新起的甲級商場，商場超級豪華，內裏的餐廳環境果然也很舒適。讓我驚喜的是Avobar原來也是一間很適合拍網美照的餐廳！座位也很舒適！在甲級商店的餐廳而言，價格也算合理，一道菜介乎150-200左右，當然也有更貴的。食物方面我們點了兩道菜，1. Avobar Cobb Salad: 幾乎是每個客人都會點的一道菜，主要是他的賣相10分好，而且材料10分新鮮味道也10分好。2. Avo Bun Burger：burger以牛油果作外皮，光用看的已超級滿足！原本為了幫朋友省錢，所以只點了兩道菜，心想都是菜吃不飽便到別家餐廳再吃，誰知吃完兩道牛油果菜已很有飽足感！而且吃完都不會感到有負擔，是健康清新之選！歡迎到我IG😚： travel_joyjoy…查看更多

《香港灣仔 餃掂》從小吃餃子大，看到灣仔一間專賣餃子的店便忍不住想試試他們的質素。看到店門前一些老闆與明星食神的合照，對餃掂充滿心信，但希望越大失望越大...餃子價格不算便宜，但都進店就要試店員介紹的壽喜燒牛肉餃，一隻要八元，但沒有想像中好吃。皮厚到適中，但咬落較乾；肉的部份並沒有牛肉的香味，肉吃起來有點怪，口感也不像肉。只能說不難吃但也不想再吃...反而鮮肉雲吞和涼拌麵較優勝，雲吞40元便有12隻，份量適中味道不錯；四川涼皮與四川涼麵比較下，涼皮較為出色，爽口彈牙，惜醬汁不算十分出色。兩者都只係三十多元，可以一試。店舖最值得一提的是醬料的部分，四川辣椒醬和菜脯豆豉醬味道超好，與每一道菜都十分配合。如果想再來這店，醬料是最吸引我的原因！…查看更多