elvischeung626的個人專頁

呢次嚟到位於中環嘅一間刀削麵店，可以揀熱拌、冷撈或者配熱湯，夏天就梗係要食冷刀削麵消下暑啦叫咗一個手撕雞冷刀削麵同口水雞，我朋友就叫咗牛肉絲冷刀削麵食物一嚟就俾個份量多到嚇到多到都見唔到碗底，建議食量較少嘅朋友可以兩個人嗌一個麵加一個小食味道方面，擔擔醬配以千島醬嘅組合好開胃，食落好惹味麵質彈牙有口感，每條嘅大細都差唔多，手撕雞就正正常常冇特別，整體黎講係好食嘅…查看更多

平時素食俾我嘅感覺係比較簡單同清淡🙈但呢間素食餐廳俾我嘅感覺係完全唔同首先餐牌同平時去開的素食店有啲不同，唔係傳統的素雞素鴨，而係彷真度極高嘅西式和日式素食唔講以為自己入咗一間fusion菜餐廳呀呢次就叫咗泰式菠蘿串燒炒飯,  加多$10嘅鮮茄甘荀香芋濃湯首先濃湯有驚喜, 有好濃郁嘅蕃茄味, 口感順滑, 再加上細細粒甘荀香芋, 飲落有多種層次泰式菠蘿串燒炒飯嘅串燒係素雞再加咖哩味嘅炒飯, 切碎咗嘅菠蘿融入咗喺炒飯入面, 酸酸甜甜好惹味整體上黎講呢餐飯食得好滿足, 下次會介紹朋友嚟試下…查看更多

今次嚟到位於旺角通菜街嘅一間韓式雪花冰 Nun Dessert Cafe喺門口見到個埸口好爆就知咩料了同朋友叫咗一個芒果黃金雪奶, 另外仲有士多啤梨窩夫, 等咗太約15分鐘就到了就芒果黃金雪奶冰味道嚟講，就咁食冰就冇味道, 但加上了芒果同煉奶就啱啱好👍🏼煉奶甜度適中, 加上芒果令雪花冰唔會膩士多啤梨窩夫有驚喜, 一拎黎就有陣陣蛋香味, 質感外脆內軟, 若果加上士多啤梨食個層次感更高, 但芝士蛋糕就偏膩, 個人認為同窩夫味道唔夾, 但整體都係好味嘅!!! 下次會再嚟試其他甜品…查看更多

路經深水埗, 見到一間隱世台式料理, 裝修十分簡約明亮, 就想入去試下啲台式嘢叫咗一份鹽酥雞肉燥伴麵 (辣), 再另加一杯茉香奶茶鹽酥雞肉燥伴麵嘅辣度偏濃, 蓋過咗肉燥嘅味道, 而肉燥肥瘦適中, 麵質尚算彈牙, 如果可以更爽口就更佳反而鹽酥雞有驚喜, 炸得外脆內軟, 肉質水嫩, 咸度適中茉香奶茶奶味偏重, 反而冇咩茉香, 不太推薦…查看更多

呢次去到一間觀塘平民西餐廳, 叫咗個藍芝士醬炸雞配黑松露薯仔沙津另外有忌廉湯同蒜蓉包, 咁多嘢食真係超值!!!先講講忌廉湯, 湯味比較淡冇咩味, 而蒜蓉包入口爽脆, 重蒜蓉味, 係好食嘅而呢個藍芝士醬炸雞配黑松露薯仔沙津係有驚喜, 炸雞外表炸得金黃, 但入面肉質都保留到水份, 食落唔會好dry藍芝士醬嘅酸味伴以炸雞係十分開胃黑松露洋蔥薯仔沙津都唔錯, 洋蔥嘅爽脆同鬆軟嘅薯休食落好有層次感, 亦有黑松露增加風味總結黎講呢餐食得好滿足, 味道亦唔錯, 下次可以再幫襯!…查看更多

睇戲之前去太興食午餐, 叫咗北菇鴛鴦腸蒸雞配飯蒸飯最能夠食到食材原味, 然而味道適中, 唔會偏咸, 適合唔食得太濃味嘅朋友雞件嫩滑唔會過老, 鴛鴦腸選用瘦腸, 食落味道甘香, 送飯唔錯若可以改善等候時間, 用餐體驗會更加好…查看更多

呢次嚟到天園餃子試下, 叫咗一個單拼套餐, 有10隻韭黃冬菇豬肉餃, 半份麻辣雞卷 (共$58)湯底十分清甜, 唔重味精味, 加埋餃子一齊食個效果更佳餃子皮薄餡靚, 韭黃味較重, 但又唔會搶哂冬菇嘅味, 味道十分平衡麻辣雞卷嘅味道偏淡, 適合唔係好食得辣但又想過下癮嘅朋友, 雞肉嫩滑唔鞋口, 配料都十分充足總結黎講, 呢次食天園感覺好滿足, 下次會再黎試下其他餃子!…查看更多

呢次同朋友嚟到元朗試下其中一間廚師發辦, 名叫「寿司の神」嘅高級壽司店。店名嘅由來係嚟以小野二郎先生，店主十分欣賞「次郎精神」嘅認真、嚴謹以「寿司の神」作為目標, 時刻提醒自己, 做好每一件壽司。呢次就嚟感受一下呢份職人精神。前菜: - 醬油牛蒡 - 酸薑 - 冰頭漬 - 黑松露茶碗蒸我個人認為醬油牛蒡味十分入味但偏鹹, 入口爽脆, 偏好醬油味淡返少少會比較好 沙津菜有加入醋調味,  入口爽脆同時都幾開胃黑松露茶碗蒸入口細滑, 有好多材料例如細細粒既貝柱同菇增加鮮味, 味道有多啲層次------------------------------主菜1. 帆立貝壽司 首先黎嘅係一道帆立貝壽司, 肉質軟滑鮮甜,  味道有少少檸檬汁嘅酸味同淡淡嘅柚子香,十分開胃 2. 鯖魚壽司鯖魚魚味突出, 配以梅子醬同紫蘇葉獨特嘅香味,更能帶出鯖魚嘅新鮮3. 深海池魚壽司 深海池魚配以柚子胡椒以帶出鮮味4. 天使蝦壽司個人而言最鐘意嘅一道壽司, 天使蝦口感彈牙, 味道鮮甜佐以三文魚子食嘅時候, 魚子嘅咸香又提升天使蝦嘅鮮味,兩者配搭好夾5. 中拖羅壽司 6. 吞拿魚(赤身) 醬油漬菜式開始由淡轉濃, 兩道吞拿魚都係用醬油調味,中拖脂肪比例較高，魚香持而恰到好處的魚油脂，非常甘香赤身含脂量少、肉質實、有咬口7. 松葉蟹壽司 用松葉蟹肉做嘅壽司, 內外分別有粗幼大細唔同嘅蟹肉, 入口相當有層次味道方面蟹肉味十分出眾之外, 酸汁啫喱都起咗提鮮嘅作用, 兩者相得益彰8. 北海道灸燒銀鱈魚壽司用火槍略燒過嘅銀鱈魚, 魚油味十分突出, 同時略帶炭香味但又唔會蓋過魚油味, 配搭十分適中9. 馬糞海膽壽司估唔到會有海膽食 好簡單嘅一道海膽壽司, 口感鮮甜幼滑,  完全食到食材嘅新鮮10. 甜蝦壽司甜蝦口感軟滑, 鮮甜另外呢道菜嘅精髓就係個蝦膏醬, 蝦膏醬味道十分濃烈,配以甜蝦混合成獨特嘅蝦咸香味,令甜蝦更加香口, 增添風味11. 灸燒右口魚壽司用火槍略燒過嘅右口魚, 入口即融, 油脂味好突出, 鐘意油脂味重嘅你一定會鐘意呢道壽司------------------------------湯及甜品1. 味噌湯2. 抹茶豆腐布丁抹茶豆腐布丁配黑豆, 有淡淡抹茶香, 豆香, 入口舒服嘅一道甜品…查看更多