laisuki1109的個人專頁

📍好吃吃光（大角咀）掛住台灣嘅味道同埋蚵仔煎嘅味道，所以今日去咗呢一間排隊名店🤣睇OpenRice平時閑閑地都要排個幾鐘頭 今日晏晝嚟到反而啱啱好有兩個位 就即刻衝入去！🩵大蝦滷肉飯套餐🩵大阪燒炸雞滷肉飯套餐蚵仔大蝦滷肉飯 🥘蚵仔成個碗都係～大蝦唔會煎得過老 滷肉偏向係瘦肉嗰啲 份量啱啱好可以撈完一碗飯😚佢中間仲有粒生蛋可以request轉熟蛋都得 個生蛋嘅質感可以還原返台灣蚵仔煎嘅質地，所以都幾fun😂😂蚵仔如果幾粒一齊食嘅話會有啲腥 但係逐粒撈飯食嘅話就冇呢個問題～大阪燒炸雞滷肉飯其實就係大阪燒醬配炸雞 🍗 炸雞保留到肉汁，所以都幾開心冇記錯嘅話印象有四大嚿跟餐會送一杯紅茶同埋一個小前菜…查看更多

今日山長水遠嚟到北角就係為咗食呢間連續九年米芝蓮推介嘅上海美食💛麥記美食一個餐再加一個擔擔麵再加多個小籠包就夠我哋兩個人食～ 埋單$200有找 港島區既性價比之王🤴🏻紅油抄手 非常濃烈 重口味的我勁鍾意❤️偏向係豆瓣醬口味～ 雲吞擔擔面都非常濃郁 花生醬味覆蓋成個口腔😆上面仲有啲辣肉碎 非常惹味啊！仲額外叫多咗個小籠包 粒粒都漲卜卜～皮薄多汁唔會有豉油味呀！皮餡嘅比例超王道但係跟餐生煎鍋貼就反而少啲肉汁🥲…查看更多

📍添記法式三文治（佐敦-柯士甸）係佐敦泰排檔附近 睇到舖頭入面有2008年報紙既推介 係開咗近20年既專賣越式法包嘅地方🔥🔥大法包 $92🔥細法包 $47🔥蒜蓉包 $12 舖頭細細只有一個八八打嚟，我哋叫咗一個大法包同男朋友💕share 老闆幫我哋即叫即焗 大約用咗5分鐘個包就出爐啦～包入邊有醃蘿蔔🥕青瓜🥒洋蔥🧅仲有四款唔同嘅肉 法國嚼肉 扎肉 豬手 仲有一個唔記得咗醃蘿蔔🥕酸酸Mimi咁 好開胃～青瓜🥒增加咗個口感各種肉類都好出色～係會食過返尋味嘅味道👅法包又脆但係入面所有嘅配料都融合得好好～的確係會有想食多幾次嘅感覺不愧係time out推介 係嚟到佐敦必食嘅名物啊！…查看更多

📍Jacomax （寶琳）睇馬田條片燒到既餐廳🍴一睇就好想試真。菠蘿pizza🩷真。菠蘿pizza🩷青醬蕃茄仔大蝦意大利粉🍝🩷蕃茄肉丸🌵柑皮薄荷梳打🌵日出梳打（？）🩷真。菠蘿pizza首先真係菠蘿 真係唔係一粒粒既罐頭菠蘿🍍所以唔會有無啦啦一啖好甜既感覺🤣新鮮菠蘿切片 焗完既水果會變淋 所以個菠蘿係有啲變咗做個醬咁～所以成個pizza酸酸地 仲有火腿好夾食個base 9吋兩個人好快食哂🤪🩷青醬蕃茄仔大蝦意大利粉🍝青醬勁好味 香草同忌廉好balance～ 蕃茄仔每個都勁爆水 蝦都大粒好食😋個意粉有啲特別 係通心既 所以口感好煙韌🩷🩷蕃茄肉丸肉丸係好扎實但又好彈🔥蕃茄汁好啲進取既酸 但作為一個starter又好開胃 抵抗唔到兩杯梳打都好飲🩷…查看更多

因為今日想食重口味既野 崇拜完咗就走左嚟食呢間✌🏻🩷牛肉麻辣香鍋配飯 （bb辣）因為男朋友食唔到辣，所以呢一個就叫BB辣😗雖然望落去好多辣椒，但係只要你唔揀啲辣椒食嘅話呢其實佢冇咩辣味🙌🏻反而有種大陸嘢會有嘅老乾媽味😗除咗牛肉之外仲有蓮藕同埋薯仔都幾大兜，分分鐘可以配兩碗飯都得🤣🩷酸菜魚配飯（小辣）我自己呢個就係做咗小辣，但係出到嚟個結果都唔算辣魚片多 無骨 嫩滑～入邊仲有好多萵筍🙌🏻不過就冇最經典嘅寬粉每個套餐都係包一個紙包飲品 + 細細碟前菜高性價比既午餐🥣…查看更多

📍廿一堂 （九龍灣）懷疑想同すき家打對台既日式丼飯～平均menu價錢大約～$70 包飲品🥤環境都幾乾淨企理🫥但味道方面就只差一點點🤏🩷燒牛舌丼飯 有大約五塊厚切牛舌鋪面～牛舌燒到有外脆內軟 口感同味道上滿足到對平價牛舌既要求😆@見到配飯既餐通常都有份草餅 都算係bonus🩷鐵板燒汁漢堡扒 配 蕃茄烏冬漢堡扒大大份 仲有少少薯角🍟蕃茄烏冬都有大大碗 $88仲配埋野飲呀～份量好滿足但味道有啲麻麻地 燒汁太甜 蕃茄湯無味過清湯咁…查看更多

因為想食米線而特登走入嚟食😚 叫咗肥牛 豆腐 微辣～～微辣係真微辣 唔會食到流汗 麻味酸味都幾夠平均😗湯底濃郁 湯底有酸菜 芽菜 腐皮 肉碎～但因為係幼米線 反而唔夠掛湯😩同唔係咁啱當刻既我不過肥牛好食 亦都好難得有一間米線店有滑豆腐做餸❤️不過落單要小心，因為呢度張紙仔 唔tick辣度default 係小辣 要tick埋清湯先冇辣😌仲有就係落單叫野飲啲走甜 少甜 我同隔離枱都落錯單～ 要double check 有冇落啱呀～…查看更多

📍榕基海南雞專門店（大圍）原來榕基除咗大埔滷水店 仲有大圍海南雞店🐥仲要係大圍名物手撕雞腸粉隔離～價錢唔算貴🐥招牌榕基海南雞飯🐷香烤焦糖滷豬頸肉 雞醬蔥油拌麵🐥招牌榕基海南雞飯 套餐跟一碗椰子雞湯 清甜不油膩 有椰子嘅香味👀 下雞骨嫩滑雞肉唔柴有油香雞油飯都唔會話太重口味，但係配嘅醬油有啲蜜糖味🤣🐷香烤焦糖滷豬頸肉 雞醬蔥油拌麵 蔥油拌麵惹味香口豬頸肉一上到嚟嘅時候仲係有焦糖邊邊會有卜卜脆嘅感覺😌唔知係咪因為滷水所以覺得特別Juicy😚😚但係調味都係勁重蜜糖味所以係甜嘅豬頸肉～食到中間會覺得太重口味需要飲多啲水環境舒服，而且好就腳租單車車嘅時候隔離就係啦❤️#suuuuki飲飲食食 #大圍美食 …查看更多

店內Deco全部都係小薯茄related 仲有hoodie t shirt啤牌👀 仲有部電視loop住小薯茄既片🤣❤️醉封門柳烏冬❤️夜市雞捲❤️開心蕃埋梨（鳳梨蕃茄特飲）🥲醉封門柳烏冬俾想像中細碗好多，唔好expect係正餐份量 牛味濃😳配菜有萵筍同埋半邊蛋 湯底夠濃郁 bb辣都夠哂惹味😚夜市雞捲超香熱辣辣既夜市雞捲 雞皮夠脆 雞肉啖啖肉汁 胡椒味偏重 超好食😋❤️開心蕃埋梨（鳳梨蕃茄特飲）飲落唔會有草腥味😌菠蘿味會多啲 個底有啲蕃茄蓉幾特別😚😚…查看更多

叫咗🩵當歸湯豬膶麵🩵薑湯蠔仔肉碎銀針粉當歸湯清甜好飲😗 配咗個油麵 超級掛湯～ 豬膶個口感爽脆 冇渣 同 冇過熟既問題～ 湯仲有少少杞子有補身感🤣豬膶都有5、6嚿左右 非常抵食😚同行朋友叫咗個薑湯銀針粉～ 薑湯聞落去好薑 但落唔覺 飲完當場行氣活血 因為真係飲到出汗呀～ 蠔仔新鮮冇沙 鮮甜海水味😛 但銀針粉有啲過腍～下次想試吓茄牛湯…查看更多

📍Terrace in seaside呢間經過成日見到侍應戴橙橙帽🍊勁可愛☺️之前係moko食過一次見到個menu幾豐富 但德福呢間就少咗好多野揀啲小食完全唔見哂😩不過節日有節日既好就係有限定menu🤫🩵泡菜章魚飯卷🩵超級肉醬千層麵泡菜章魚飯卷大約有7粒左右 粒粒都有大大嚿章魚上面仲有泡菜醬 超級惹味😳飯卷有蘿蔔絲🥕青瓜 🥒牛蒡🥔 口感極巨豐富超級肉醬千層麵 上面有流心蛋+芝士 肉醬好好食 麵質偏硬🤫💚朝露蘋果茶💚濟州柑橘乳酸蘋果茶層次好豐富 底仲有好多糖腌蘋果粒😗濟州柑橘乳酸就非常打卡able 都有果粒係入面！希望德福呢間遲啲有多啲小食食啦🙉…查看更多

📍手拉麵小廚（新蒲崗）新蒲崗既小店❤️本身想食cafe但呢間既豬頸肉太吸引所以就bookmark咗呢間🙉🩵豬頸肉擔擔麵🩵豬扒清湯拉麵🩵招牌小籠包豬頸肉同豬扒都係即炸 超級juicy 豬頸肉有焦香味 豬扒厚身 浸湯好食😆拉麵彈牙 索湯 睇得出係手工製作🤣小籠包一上到嚟就wow wow聲👍🏻$55 有5粒 粒粒拳頭咁大✊咬開爆汁 肉汁好正🙌🏻見到隔離左右都有叫羊肉湯拉麵 同 回鍋肉炒拉麵下次再嚟都想試吓～～…查看更多

📍FooDo食過幾次encore系列呢間係男朋友仔帶去食既餐廳 專食手工意粉～但其實一開始係為咗薯仔沙律而去😆😆🩵薯仔沙律🩵忌廉汁菠菜意粉🩵辣蕃茄豬肉意粉先講最愛既薯仔沙律 佢唔係西餐配牛扒嗰隻既薯蓉 而係口感勁豐富 調味出色既前菜❤️ 沙律入面有蘿蔔絲 洋蔥絲 青瓜等豐富口感同層次 會有少少黑椒做返辛辣感 配搭勁出色😗忌廉汁勁creamy 再加埋芝士愈食愈濃味 手工意粉係偏硬同闊身 非常適合掛濃味同厚身既汁 勁快清碟🤣食到最後幾啖先會覺得膩～蕃茄意粉叫咗有辣既 其實係加咗少少既tabasco🙉 但醬汁偏稀 搭呢種手工意粉會有啲唔夠味😩忌廉汁好食好多呢～每個意粉會配一杯嘢飲有得揀水果茶或者玄米茶不過都係凍🙉🙉見到佢menu又出新嘅甜品下次可以去試吓~…查看更多

📍Beef & Liberty 睇post都知今個星期入咗赤柱～ 除咗聖誕市集之外仲搵咗間西餐食～呢個menu單價比赤柱大街既平啲啲～🩷西冷牛扒🩷半隻黃油春雞🩷炸一口芝士通粉西冷牛扒一上到嚟就好開心😀因為上面有一Pat蒜蓉香草牛油，所以望落去令到個牛扒好吸引✨切開係好靚嘅三成熟～煎到嗰面有少少焦香味～入邊都算係嫩口唔會話好韌side嘅薯條好好食🩷呢間餐廳用嘅茄汁係偏向茄膏嘅感覺，所以個味道層次又再提升燒春雞個味道就有啲淡，所以配佢個燒汁都唔錯嘅🙉隔離有個燒檸檬好得意，然之後我貪得意用啲雞肉點咗檸檬汁，反而會令到雞肉嘅牛油味重咗😗成個體驗好有趣側邊有好多沙律菜fresh fresh🤪MVP係炸芝士通心粉✨✨佢係即炸熱辣辣咁上就已經好加分再加埋都係個炸皮好薄，然後入邊嘅芝士通粉好creamy配咗個香草醬 酸酸地同埋蒜蓉味，雖然會令到個通粉滯咗但層次上亦都升華咗🫶🏻…查看更多

呢個係之前係旺角食過一次好好食既咖喱齋 同 即炸豬大腸🩷今次encore再encore👍🏻今次有條龍仔 多咗游客嚟😛另外店員好靚女 靚女整既野食都賞心悅目啲❤️🩵即炸豬大腸 $25🩵燒豬頸肉 $25炸大腸外脆內軟，加上甜醬同芥辣，十分惹味！豬頸肉切到每一舊都可以拉開做一口size，食落都好方便，每一舊都好香嘅燒烤味，油香四溢，一試難忘!😝幾次試過嘅野都好好食，真係值得encore 再encore！🥰btw隔離就係龍津 真係唔洗為咗慳幾蚊走去食😗…查看更多