janizzz626's Profile

食左個蒸氣火鍋新鮮海鮮即叫即劏既打邊爐，$218 一位都幾抵！海鮮新鮮嫩口好味，真係即叫即劏，所以都等左一段時間。限時 2 個鐘，就有啲汶水！蒸海鮮時間清晰明確，跟住蒸既時間，就唔會太老又或者唔熟。餐具齊全，又有得洗碗，都叫乾淨。仲有汽水仼飲，自己開瓶。打邊爐食品選擇都算齊全，上菜快！好飽！不過侍應就得一個，所以佢比較忙，所以無 gas 都要自己搞掂。另外就係因為林洪記係街市內，總會有人食煙，呢個要扣分！因為好遠都聞到煙味！…Read More

叫左個酸菜魚湯麵，小籠包，菠蘿咕嚕肉，荷葉飯，豆腐。酸菜魚湯裡面有啲生菜扮下酸菜，麵很多但唔入酸菜味，湯有種家樂牌雞湯味多過酸菜湯味，魚就ok~ 但整體係車仔麵既水準。叫左小籠包，啲皮偏厚，有小小食麵團既感覺。菠蘿咕嚕肉就幾好味既，肉嫩又夠多，呢個推薦。荷葉飯既料同酸菜魚湯麵既料一模一樣，只係無左啲酸菜，飯很多。應該沒有下次了。叫左2枝豆漿，台灣製，味道不錯。由落order到送到家35分鐘左右，野食保持溫熱，整潔，包裝良好，給個讚~…Read More

食左個oppa 火山溶岩飯，鐘意辣既一定要試呀！有雞肉，泡菜，蛋，芝士，炒飯。有啲辣，怕辣既會覺得好辣。但好好味，芝士同蛋都好香！即場幫你燒溶啲芝士，同煮熟蛋，再炒埋。$178定$176蚊一個，一人份量黎，有啲貴，share 不錯。食左人蔘雞湯，好有蔘味，有夠多蔘！份糧多，兩人食好飽！一定要食人蔘雞湯呀！裡面全部要講英文，因為全是oppa😂我book jor 7pm, but late jor, 7.30pm 先到，佢都好快比返個位我，開心😬😬…Read More

地方寬敞，同隔離枱有一米多既距離！空間感大，坐得舒服！唔嘈。環境乾淨！裝潢簡單。waiters 服務態度好，有禮，approach 快，落單準確！全單有68折好抵！$78既生蠔海鮮拼盤同$98 5隻不同款既生蠔好可惜夜晚是沒有的。唯有叫$10一隻愛爾蘭生蠔，以為平野無好野，結果出奇的好。無肚屙無肚痛，生蠔大小適中，juicy, 拍得住康得思酒店既生蠔。$99隻芝士龍蝦都出奇大隻，原隻上。肉汁鮮味，烹調得幾好！肉眼扒 $328 有配菜。價錢大眾化，肉眼扒算大塊兼厚切。但不覺特別好，只是大眾水準啦…Read More

食左個招牌麻辣口水雞藥膳刀削麵湯。啲雞就老左啲，麻辣個醬係整得幾好味，但啲雞肉就唔入味。藥膳湯係幾香藥膳味，但食落就雞湯味，得個聞字。藥膳煲滾住上，係幾熱，但櫈矮，枱高，個煲身又高，幾乎每下食麵都灼傷個下巴。餸幾多，麵又夠大碗。不過轉刀削麵要加$, 野飲又要加$, 呢個價$食呢個質素既就有啲唔值。我坐最裡面，都聞到有浸煙味，唔知係米廚房既人一路食煙一路整食。環境就一般了。豆漿放係廁所隔離有啲唔衞生，不過都幾有豆味。…Read More

啲服務員全部都講英文，但佢地團埋一齊掛住傾計唔做野，人人張枱都有支水，問完佢拎水佢掉頭走，轉頭就忘記了。要狂催佢地！禮貌都ok gei, 不過真係米掛住傾計囉！啲野食完又無人執枱，下一碟野黎都唔執下，搞到張枱無晒位。我幫佢執埋台了！野食等好耐都未有。訂位係7點半，9點半都未上晒個餐，要3番4次去催。。。得幾張枱有人都咁慢。。。野食就愈來愈普通。。。食物質素下降。餐廳環境舒適，整潔，寬敞。位於地鐵站附近，方便。…Read More