Monk的個人專頁

星期六又去幫襯陳伯嘅大閘蟹，用嚟招呼我嘅朋友，睇嚟個個人只係識得搵陳伯，入到去永利，似乎人人都話要搵陳伯，所以都要等候。不過，等都唔緊要，想食好嘢一定要比D耐性，大家睇吓就知。我嘅朋友食完已經滿足到乜嘢都講唔到!!!每人食咗一隻，平均消費$280。抵！…查看更多

呢間做咗二十年有多嘅大閘蟹店舖，東主之一嘅陳伯相當有經驗，多年前亦曾經接受過幾本飲食雜誌、報紙同電視台嘅訪問。識貨嘅人都會識得搵陳伯，早兩日買咗幾隻7至8兩嘅大閘蟹同家人分享，果然高質數，肉鮮膏香。仲見到有D成十兩重嘅貨賣，非常吸引，等過兩天再去幫襯。…查看更多

一向都對陶源印象唔錯，雖然响中環返工，但食點心都會行遠少少選擇上環呢間酒樓。平時去開紅磡嗰間分店，都知道紅磡嗰間嘅服務態度同訂枱安排都比呢間好，但就冇想過分別咁大，仲會响中區出現。話說二月二號同公司同事一同去呢間酒樓食lunch，已經响一個星期前訂咗枱，仲响一日前收到酒樓嘅confirm同booking no.，當日比預訂時間還早到5分鐘到達，去到樓下有位小姐都比咗枱號我哋，叫我哋上一樓。上到去就有一位小姐叫我哋等一陣，因為張枱埋緊單，結果一等就等咗10分鐘，問第二次，嗰位小姐佢都係叫我哋等一陣，張枱埋緊單，再等又過10分鐘，大家都明白中環食lunch得一個鐘，所以confirm booking係好重要，當時走又唔係，唔走又唔係，兩頭唔到岸。結果再問之下仲離譜，原來係根本冇枱埋緊單，嗰位小姐話暫時答唔到我哋要等幾耐，呢下當然火都嚟，冇枱又話有枱，confirm booking又响樓下比埋枱號都可以咁，當然係有人私下比咗張枱自己嘅人。呢樣都算，最離譜嘅係嗰位小姐講大話，冇枱都叫我哋等，一次又一次講大話，其間我哋質問咗三位服務員，結果嗰位小姐比另外兩位服務員教訓咗一餐，我哋亦當面質問嗰位小姐話佢講大話，佢都無言以對。我哋最後一共等咗40分鐘先有枱，呢間酒樓嘅管理階層係唔係要好好檢討一下？…查看更多