九吐魚的個人專頁

平時去開隔離果間 釣魚翁，不過佢啲嘢越來越差，今次試下依間燉雞湯非常夠火候，啲骨都軟晒，好好飲😋酸菜魚都好正，桂花魚肉少少爽口，冇骨，配料都好足，有少少辣，剛剛好鮑魚都好夠味 (平時新鮮鮑魚都冇乜味)蟶子米粉底，蟶子都OK，最正係啲米粉底，外脆內軟，連埋蟶子汁超好食🤤花膠豬肚湯，食完上面果啲已經好飽，飲左幾啖，都正正常常的之前在 依度 試過搵依間食肆，大家個評論都好差，有時真係要自己試過，先知正唔正😜…查看更多

住左尖沙咀大半年，第一次來蘭芳園之前由於疫情，都有一段時間冇開而家開番，諗住試一下佢哋標榜的招牌食物1. 絲襪奶茶唔夠熱，同一般茶記冇分別2. 番茄薯仔湯雞蛋豬扒通粉湯唔夠熱係一大敗筆，番茄薯仔湯冇薯仔 (可能已經溶晒)，啲豬扒仲有啲凍，通粉係細粒，但厚；番茄湯落太多糖，有啲甜 . . .3. 豬扒包不過不失，但，豬扒唔夠熱，而且有啲甜. . . 另外，點解豬扒包冇洋蔥嘅 ？4. 服務態度澳牛伙記果隻，大家明白的 . . .依餐$82，抵唔抵見人見智，但，總括黎講，名過於實，做傻仔，一次就夠，冇回頭…查看更多

一個人出開黎食飯，知道金魚街附近好多食肆，落去按下 open rice, 睇下有乜好野(以前小弟養龜，成日落黎金魚街，但次次都食康年，有啲悶)，見到依間新野，入去幫襯支持一下小食肆 (香港食物選擇愈來愈少，都比大集團搶晒生意啦)坐低見到要寫飛仔，以為好似車仔麵咁，但又唔係，已經有晒 set . . .選擇唔多，只有幾款 set 面睇佢餐牌，有自己 comment, “xxx 是常識吧”應該係香港人後生仔女開的原本想叫胡椒豬肚雞面，但賣晒，是但叫個柳州面(見佢有花生)，手撕雞，一支茶柳州面湯底有啲辣，有肉碎花生荀，有兩塊類似炸腐皮的，幾脆，面條質地似米線，冇乜驚喜手撕雞入口即溶，但，油落得多左，好滯差唔多食飽，見到廚房，樓面都係八九十後，本來想比劣評，不過支持一下新口味，小本食肆，希望你哋可以改進一下…查看更多

本人一向鐘意食車仔麵，依間文記自舊年已經如雷灌耳，但次次出親黃金，見到條人龍，都已經唔想排隊，啱啱收工收夜左，見到佢收夜晚一點，早啲落車去試一試，點知，夜晚十點九都仲要排隊(排左五分鐘)，不過，鋪頭入面係有位的 (好多人都係買外賣)；叫左四個餸，幼面，四件三寶：豬腸幾淋，唔太咸，冇苦味(洗得好乾淨)蘿蔔夠淋，而且幾入味，當然係冇喳瑞士雞翼都夠味，又大隻牛磅 (依家出街食牛什都已經唔係檔檔有牛磅賣，佢哋仲可以有淨牛磅叫 ) 入口即溶幼面都啱啱好，少少爽口青椒，一寸厚，啲魚肉仲要到底，比足料豆腐，魚肉貼得實，唔會飛出豆腐湯底，都夠味，只係甜左少少整體黎講，無械可擊，依次米芝蓮完勝…查看更多

平時出旺角，下午肚餓果陣多數會去登打士街近花園街果邊掃街，但係實在太多人喇，天氣又熱，想搵間平平地嘅茶記食個tea，起花園街附件試過幾間，都係麻麻地，行過依間粥店，有港式茶餐，發覺原來係依間下午茶最底Manual 有好多款茶餐，試過佢哋嘅皮蛋粥，油炸鬼都唔錯，不過我都係鍾意港式茶餐，沙嗲牛面餐：油多：上黎熱喇喇的炒蛋：水準ok牛面：沙嗲味夠，粉唔太多，幾好連埋杯熱檸水都係$29，星期日下午係旺角真係好難搵到一間又夠冷氣，又平的下午茶…查看更多

今日要去馬料水返工，大學站基本上係一處絕地，唯一一間堂食 美心 裝修緊，局住起紅磡站食早餐，沙中線未起之前，紅磡站有老麥，美心，仲有啲中式食肆，仲算係多野簡，但自從開始裝修後，絕殺所有舊有食肆，判左比一間叫 ”食東西” 的公司攪 food court，啲食肆只係淨返 點心，燒味飯，Burger King，Pacific coffee，同埋依間 “北海道牧場餐廳”起紅磡車站食堂食早餐，基本上冇得簡，食點心？食漢堡包？局住依間“北海道牧場餐廳”行埋去餐牌，佢仲算有啲啲港式食物，但，最平一個通粉加一杯熱飲，$45，嘩。。。。由於局食 (大學站冇堂食)，又唔想行咁遠去到都會國際搵野食，ok 豪比佢，比多$10 要個早晨全餐。。。比完錢仲比個 wifi alarm 比我叫我等，諗住會即叫即做，但，30秒內出餐。。。。。蕃茄都算新鮮，啲多士淋嘅，腸仔滾水鹿嘅，啲豆凍嘅，一小片煙肉都算夠味，炒蛋不過不失，連熱啡都唔係太夠熱，收我$54。。。。港鐵咁嘅管理，有美心，老麥唔要，比依啲擺明 明昆大陸人錢嘅餐廳係度掠水，好大問題 !!!…查看更多

20-8-2014 已結業， 黃埔又少了一間價錢合理但味道及水準均可以的餐廳了。 他們的湯面很清，不太肥，平時都有很多人的，可能是Aeon加租加得太多，又或者是收鋪留為己用(Aeon 已被港鐵收了部份位置)…查看更多

小弟兩年前搬到黃埔住，那時並沒有留意這間食店，大約於半年前，收到他們寄來之餐單，諗住試下叫外買，佢地都多野食，好多款意粉，天使面，同埋台式特飲，而且唔貴，都係30-50蚊到，最正反而係跟餐送既羅宋湯，好夠味，又多渣。果d熱狗反而少食；同埋yoga 都多人叫…查看更多

昨晚因為牙痛, 去左依間粥店試試(小弟成日經過不過無試過)一坐低有張紙連價錢鋪"木台", 一睇, "賴"野! 最平碗粥廿幾, 最貴成舊水一碗粥(雖然佢寫兩人份量)叫左一碗肉丸粥, 一碟生菜全走, 一隻糭走色碗肉丸粥3分鐘內到, so fast? 一食, d 粥幾綿, 不過, 明火白粥味, 一d肉味都冇, 廿幾蚊食碗明火白粥?生菜全走, 唔知點解有咸味law ...隻糭ok淋埋單$52, 明火肉丸粥+菜+糭 ....冇下次~…查看更多

昨晚去了這間酒家打邊爐, 是寫紙仔任食果種, 食品種類不算好多, 不過質素幾好(尢其係滑牛及魚蛋), 而且啤酒汽水任飲--罐裝(正!), 無時間限制, 個爐佢地用電磁爐, 所以火力幾猛, 我地12個人夜晚6點9食到11點3都係$1162, 每人一百蚊唔洗可以起尖沙咀坐足四個半鐘任飲任食, 依間算係kam ka la ~ X)(ps 佢地成個場都幾多LCD-TV, 我地淨係追"楚漢驕雄"都坐左成個鐘...... XP )…查看更多

尋晚同左同事兩個人去食(果道如果8點前一定要Book位), 食左3round刺身, 1round壽司, 1round天婦羅, 1round熟食. d刺身好新鮮, 鮑魚好鮮味, 北寄貝同八爪魚都好正; d壽司都ok, d飯唔太硬, 最正係鰻魚卷, 我唔食鰻魚都覺得幾好味; 天婦羅一般啦, d粉都唔係太厚, 熟食水準不錯, "一口帶子"幾好味--不過肥左dd, 牛肉鍋伴鍋果d水晶粉幾好咬口總括lai講此食店比起好多日本食店d水準已經好好多, 佢仲要$150($138+10%)任食, 你食2, 3round刺身都係翻到la ~…查看更多