Manokkk的個人專頁

睇完會展，搵個地方食下午茶. 灣仔有好多本土茶記，睇左幾間㨂四季，因為佢嘅tea set 比較啱我好味，我之前比較多去中環四季（Sor, 唔係four seasons), 係中環四季常餐😂😂. 我2.15pm入去，我以為下午茶2pm開始，入左去先知2.30pm開始，咁我同staff講「唔好意思，我睇錯左時間，我洗唔洗出返去等？」 staff 答我「唔洗，我幫你落左嘢飲先，一陣你先再用QR code落單」 ，要俾個Like 👍🏻見廚房位大佬同佢‘有態度地’溝通左一陣，佢就過黎問我要食咩餐落單，個時係2.20pm.我點左魚柳+蛋多士蛋係四季 signature, 一如過往，滑+香.魚柳係炸得啱啱好，外脆，內多汁.多士烘過+少少牛油，特別香脆.大家要繼續支持本土有水準茶記！…查看更多

今晚chill 下係中環食飯，想食pizza, sour dough pizza雖然好味，但sour dough會食到好飽，又試唔到其他dishes, 所以㨂呢間pizza, 可以㨂 thin / thick crust.Order 左 Fini’s signature Bronx pizza ( thin crust) + fries + Caesar salad.• salad OK• Fries 好脆，好香，好食 我估佢係用鴨油炸，有一般fries 無嘅香味. • Bronx pizza 好薄，好好味. 有好多ingredients, meat balls, salami, tomatoes, cheese… 想唔好食都難. 價錢就略貴$318.Staff 額外問我地試唔試其他sauce, 俾左4款，good service. 整體食物+ service 我都覺得好好. 會下次試其他食物. …查看更多

想搵下午茶，細細份有杯奶茶坐一陣就ok.原本想試同區人氣‘渣X’，見佢成日排長龍，我企門口外面，睇下午茶menu就已經feel到待應個份‘態度’，我就係費時坐底先睇會俾佢‘拮’，點知我企門外未入都feel到，亦都好彩我望左先，佢地將普通輕量三文治都用白紙遮住左，其他都係飯，麵，炸雞髀，唔太啱食我就走左. 如果我坐低左睇完menu先話唔啱起身走，我唔想俾人問候所以我就轉去大小姐冰室，舖頭幾大，坐得ok, 待應ok, 無催趕.我order左魚柳飽+奶茶，有少少驚喜！個presentation都幾靚仔架，個飽有少少烘過，有蕃茄，沙律醬，炸魚柳. 魚肉唔會乾身，炸得唔錯，$38，我好滿意！…查看更多

一直mark 左favourite 呢間，終於有機會去試.初頭諗住佢舖頭細細怕Sat唔方便book位，打電話問一問，佢都歡迎訂位，佢就講明有機會萬一有客都要搭枱，ok嘅.有好多嘢都想試，但只記得影一部分食物.必點 1️⃣-滷水鵝片-，滷水個味係甜鹹香平衡得最好，有豆腐墊底，豆腐鵝片都好入味.必點 2️⃣-蠔餅-，出面好多都貪方便全個炸，同埋一大層生粉係入面，佢好少生粉，生蠔都好足料，半煎嘅煮法，超正.必點3️⃣-豬紅韭菜-，平時少食豬紅，呢間真係好似喚醒我對豬紅嘅味道（亦都可能係我自己少食大驚少怪），佢個汁入晒豬紅，好味.韭菜有啲痴牙. 最後太飽食唔晒，我連汁都打包，返屋企加白蘿蔔再煮，一流！其他推介 - 沙爹菜心河，我見好多人都推介，都好食嘅，不過就無乜特色，我個人對沙爹唔係太好，覺得太濃味，但我都覺得ok值得一試.因為舖頭細，唔好太介意前後會有人少少掂到，服務員似做街坊生意個啲，有時輕鬆下笑下都無乜所謂！中段佢要求加人搭枱，位置上係無可能，完全100%阻檔出入通道，最後都平靜友善咁解決左. 我會再試其他食物，㨂平日去會方便啲.…查看更多

中環其實好多茶記，但近排發覺香港多左好多連鎖集團式嘅‘貌似’港式茶記，但實際運作模式+食物味道就非港式. 今日想搵間‘真’港式下午茶，㨂左四季。以前食過佢嘅常餐，今日第一次食下午茶.佢枱面menu同QR code 手機上睇嘅有出入，online menu 多款啲，佢主打係出名嘅炒蛋，大部份light tea set 都係炒蛋配XX, 我叫左炒蛋配炒蛋配芝士魚柳飽$42（枱面menu無呢款）+熱奶茶.塊魚柳好大，炸得好鬆脆，啲肉唔會死實實，鬆軟。再有塊芝士+炒蛋，好好味，份量都幾飽.…查看更多

我6,7年前已經食巴依，因為個幾年佢嘅烤羊脾好好食. 但係… 可惜…. 我完成左最後一次巴依.我唔清楚老細/廚有冇易手，總括：食物質素差左，份量少左一半，服務差到一個點.食物質素+份量：烤羊脾，從塊皮食得出係先用水煮過再去略略烤焗一下. 份羊脾放左一陣，已經林晒，同長時間烤焗係唔一樣. $368份量比以前少左一半.另外清燉羊肉湯$50係好飲.服務：佢營業至9.30pm, 由8.50pm開始，員工問我5次可唔可以收碟，我碟烤羊脾都未食完，去到第5次，我話「你問左4次，你地係咪趕住收工？」佢話「要洗碗」.即係佢地要準備好晒係9.30pm係落閘收工走，所以之前就要收走所有碗碟，抹晒枱，再將櫈反放上張枱度. 見佢做到咁趕客（爭未用地拖掃落對腳），咁咪埋單走囉。呢啲服務態度=10%service charge, fine! 我俾埋最後今次，bye.…查看更多

因為我唔係住附近，見佢4pm先開門，而且舖頭細細，所以就4pm去食.睇落似係一家人經營，舖頭只有3張2人摺枱，因為我早去，所以無乜人，可能相對老闆娘心情輕鬆啲，有少少笑容，仲閒聊左一兩句. 試左最出名芝麻糊+湯圓 $38。芝麻糊：堅真材實料，好香黑芝麻，雖然係糊，但一啲都食唔到用粉溝出黎嘅感覺，好滑好入口.。湯圓：皮好薄，黑芝麻唔洗講，又係好香好滑.中式湯水，我唔係好識食，只係食過幾間，呢間算係我食過最好食，最唔‘粉’，最真材實料.（Sor, 有啲詞窮，形容詞有限）…查看更多

見佢好多like, 咁就去試下. 我無預期勁好食，因為見佢連酒樓點心都做埋，就知未必好正宗. 試左lunch set擔擔麵（$50）+生煎飽（$25）+豆漿 =$75酸辣麵（$54）+雞絲粉皮（$25）+豆漿=$79。擔擔麵：帶有少少四川辣，麵似壽X牌屋企煮個款，好淋，味道普通5/10分。酸辣麵：用醋帶出嘅酸，好死板嘅酸辣，麵同擔擔麵一樣，味道3/10分.。生煎飽：成份set最難食, 個飽白雪雪，明顯蒸完淨係煎下個底就算. 個皮係異常難食，一啲肉汁味都無，白麵包一樣，仲要係唔似食物嘅味，好怪，舊肉係粉紅色，應該係熟，但係無任何味道，我覺得食緊一舊‘假’生煎飽or 過期一萬年劣質生煎包，0/10分. 我見隔離台有鍋貼，又係蒸完煎下個底就算. 。雞絲粉皮：麻醬夠多，粉皮爽淋適中，算好食 7/10分。豆漿：加左糖嘅死甜豆漿，跟餐送，5/10分.總結：試一次就夠.…查看更多

而家市面有咁多千層酥蛋撻，價錢都係$12.呢間個酥皮蛋撻$11，以地點，質素黎講，係唔值. 咬開，我食唔到好多層，無BxxxHxxxx個種鬆化，就係一個普通再普通嘅酥皮蛋撻.奶茶$21，一般茶餐廳水準，以地點，質素黎講，同一個comment, 普通再普通嘅奶茶，唔值. …查看更多

雖然位置有啲唔就腳，但好食嘅行耐啲都係值！我2pm去到，唔多人，基本上佢地menu all day, 包括breakfast exclusives. 我好肚餓，想食burger, 見到menu有Jumbo Steak Sandwich, 肚餓嘅我見到‘Jumbo’就決定一試.Prep時間係耐左少少，當sandwich 到嘅時候，我就明等待嘅時間係值！麵包係用牛油煎過，加分，勁香脆！steak 係煎得啱啱好，medium, 重beef味！其他tomato, lettuce, dressing 全部都fresh, 啱啱好. 睇得出個chef係有心機煎每樣材料.呢份sandwich 都幾大份，太好味，必需食晒落肚先代表到我對chef 嘅appreciation. 我都有同manager 講 the best steak sandwich, thanks chef ! 最後佢地仲送左sweets俾我地，2 fudge + 1 sorbet, 其實我食完個sandwich已經好飽，佢地送嘅都要食以示多謝，一食又發覺係好好食，fudge 唔甜又好moist, sorbet係好清嘅vanilla. 食完已經去到‘飽到嘔’景界，再慢慢行返落去LKF.I will visit again for other signature dishes…查看更多

見佢有個kiosk係賣麵包，蛋撻… 咁就入去試下.叫左菠蘿油，蛋撻，奶茶.菠蘿油，蛋撻，兩樣都係涷… 係涷，連暖都無！咁叫做新鮮出爐咩？！同侍應反應，話希望可以有熱嘅麵包，個位專負責麵包櫃位，帶鄉音式廣東話侍應同我講：「菠蘿油從來都係涷食，個包係唔會熱，熱左就切唔開放牛油」. 呢個回覆令我思想衝擊，完全反轉一直以黎菠蘿油冰火交融嘅賣點！其實成間舖嘅侍應都係鄉音式廣東話，我以為自己北上左，咁我諗佢地其實係唔認識香港食物，對‘新鮮出爐’ 有另一番獨特見解. 蛋撻，我再三要求整返熱佢，佢就話「無得整熱架，換另一份俾你」，新一份係暖嘅.最後附上完整菠蘿油相，成份無食過就埋單.P.S 見到附近嘅食物都係大大碟，堆到山咁高，個飽有咁漲得咁漲… 成個營運模式好似北上咁，不了！…查看更多

聽到電台介紹呢間咖喱羊腩飯，於是就一試，因為我勁鐘意食羊，香港好味嘅唔多，以前翠X嘅咖喱羊腩都算我Top3, 今日嘅翠X只可以話「再見啦！」，所以我就去試下呢間. 我係平日lunch去，舊式大排檔，預左要搭枱，衞生，舒適度唔好太大期望，重點係咖喱羊. 個度人人都係食完就走，好快，我同落單阿姐講我第一次黎，要小小時間睇下再order, 阿姐就指俾我睇最多人叫咖喱羊&燒鴨飯，要搵返佢落單&收錢，態度好，仲問我夠唔夠位放袋！我就order 左咖喱羊+蝦子柚皮.咖哩羊飯 - 咖喱係東南亞個隻咖喱，好香，幾辛辣，係我鐘意嘅個款咖喱，味道更勝以前翠X，撈汁KO成碟飯 ! 我個人鐘意羊腩SO味，佢嘅羊腩就無乜SO味，變相我就覺得羊腩唔夠味，但$58呢個價錢都算超值. 佢個咖喱汁真係好正，可能下次我會試下配牛/雞. 蝦子柚皮- 我係好鐘意食柚皮，功夫錢，係私房菜/酒樓食，全部都好鬼貴。呢度一份細嘅柚皮$20，好好食，索晒味，抵到爆！…查看更多

我買左快閃lunch set 買一送一優惠$188/2ppl.初時唔大期望，諗住坐得舒服食個lunch就算. 個set lunch 質素都幾超出我期望，同埋唔會好多items要加錢先有，我基本上starter, main, dessert 都無加，只係杯drinks要加$20.Starter，我試左龍蝦湯牛角包，龍蝦湯係包入面，所以食得有啲狼狽，但好食嘅！Main, 原本想叫黑豚+三文魚，waiter好心提醒我地個豚肉會比較肥，似五花腩，所以改左叫冬陰功Risotto+三文魚. 冬陰功Risotto, 好香，都幾辣，幾開胃，我個人好鐘意！三文魚，煎得啱啱好，裏面有少少生，我個人比較怕太熟，所以啱我口味！兩個main都有幾多Vegi side dishes, 好滿意.dessert 就cream brûlée, 好味！今次嘅快閃優惠，好令我驚喜.服務態度+食物質素都高，會繼續支持本地飲食業！…查看更多

叫左3份set dinner, 食物質素好，main course燒西班牙乳豬，塊皮好薄好脆，肉好淋入味。另外ribeye 都算ok , 要medium ，雖然過左少少，都算可以。side dish嘅 薯仔有啲生。Risotto 就一般，我覺得太creamy，有啲笠口。待應嘅服務唔差亦唔好，一副唔想返工嘅樣，零表情，唔係要佢賣笑，可能諗下自己適唔適合做服務性行業。場內有3張枱係餐廳相熟朋友聚餐，佢地係場內食電子煙，係不停咁噴煙。:(支持留港消費，但要搵間值得消費。食煙，不了！ …查看更多

我黎過呢間食幾次lunch/tea, 啲伙記做開街坊生意，好隨意，就係香港味道.今日lunch我食左枝竹牛腩炒麵，係我第三次食，因為無得輸！一炒好，個廚就攞出黎，熱辣辣，味道加分牛腩好淋，入味，麵底炸得啱啱好… 一碟份量好大，自助出去攞老火湯入（食熟左先知有得攞，佢地無講） Set lunch 只收$49，酒樓收>$100 ，鑊氣一樣有. 初時我唔好意思2個人叫一碟share, 諗住叫多另一樣嘢，啲伙記反而叫我食左碟炒麵先再諗，我話我唔好意思嘛，佢就話「唔緊要，啱食夠食咪得囉！」之後我都另外叫多2杯drinks. 大家支持下呢啲好食小店！…查看更多