mealmiu的個人專頁

真係谷住度氣，去齋舖食個便飯，唔係熟客姐，唔洗呼呼喝喝嘅！明明未夠6點可以叫客飯，隔離檯早我地幾分鐘入場都可以叫客飯，我哋就比收銀亞姐噴到一面屁，態度極差叫話冇得叫，坐唔夠半間舖嘅客，都唔算好忙，對住其他客就多謝前多謝後，就連買外賣齋鹵味嘅客都係多謝前多謝後！我哋呢，問飲乜野茶都要問兩次，我哋話冇客飯叫做乜又隊個例湯落黎，亞姐勁勞氣話送嘅，唔要就收走，我哋答好，佢就嬲爆爆咁收仲要係掉入廚房Pang一聲！若果佢對全場嘅食客都係咁嘅態度，我ok ar, 當佢更年期或者M到，但偏偏就係對我咁差囉:(:(:(:(…查看更多

踏入9中冇咁曬，可以帶埋亞狗去食下飯，今日黎到呢間餐廳，試下食印尼餐，食品種類唔算太多，但環境真係唔錯，周圍種滿哂樹，好舒服。叫左兩碟飯，燒雞同羊肉，雞肉佢哋用雪雞脾，煮得有d鞋，但勝在咖哩汁超好味，羊方面份量比教較少，但咖哩汁味道好出色，因為羊肉唔夠食，我叫多左個炸肉卷，呢個肉卷好好食，多香料又用腐皮包住黎炸，薄薄地，一啖一件啱啱好。同場加演有隻天竹鼠，佢好嗲人好可愛呀。…查看更多

上星期見有介紹可以供應🐶餐既餐廳，我哋兩個狗奴才點會唔去上見識下呀？一放工即刻返去帶個主子出去浦浦先，舖面裝修好正呀，少少懷舊feel,坐底一d都唔覺拘謹。果晚叫咗燒黑毛豬腩肉（原來每晚限定數量），水牛城雞翼，🦀肉意粉，啤酒。野食份量夠，超滿足，雞翼味道幾好，係大細唔夠平均，所以比較細隻果d就炸得比較燶⋯⋯豬腩肉唔會太咸，食完唔口乾，勁鍾意伴碟抽🍅🍅呀，好香甜😋，到意粉喇，🦀肉意粉原來都幾大碟，🦀腳用牛油燒過，意粉又撈入好多蟹肉，太正啦⋯⋯依？！我主子呢？原來同侍應姐姐玩緊，冇理到我哋🤣🤣🤣…查看更多

貓既野呢⋯⋯真係當一大堆響你面前真係好鬼high🤣🤣🤣,都唔知摸得邊隻🐱。點解我會話當餵食miu遇到餵食貓呢？因爲一向都知唔可以將我哋既野食分比貓食，不過佢哋實在身手敏捷啦，雞扒麵一到，佢竟然向台底跳咗上黎，仲極快速咁咬咗一啖邊邊位置🙈🙈🙈🙈⋯⋯好彩侍應哥哥咁啱經過，即刻秤起佢........佢係麥皮！大家認住呢個可愛小偷。食物質數中規中矩啦⋯⋯雞扒千層麵茄醬太多同比教酸，🍕味道幾好，只係我覺得焗得燶咗d,二人餐因爲有炸物籃，野食好油，所以食得一半已經覺有d飽，最後千層都食唔哂。…查看更多

聽講slow cook既野好好食，基於屋企架餐有限，好難自己整到出黎，睇住呢間舖由任食打邊爐，轉做雞煲再轉西餐，而且佢裝修咗好多日，希望可以做得住。今晚同Honey黎試下幫襯，款式連埋沙律都係廿幾樣野，粉麵飯全部都冇，佢叫咗🐑扒⋯⋯我就叫咗豬助骨，因為冇餐，樣樣都係散叫，加埋一份露筍，一份溫泉蛋🍄，一份沙律同一枝士多啤梨味既啤酒，全部野食都比較少鹽，香料調教得好好，食到肉既原味，不過份量比我預期中少，細食既人就啱。…查看更多

約咗朋友試新野，朋友鍾意食意粉，我鍾意食all day breakfast,呢度啱哂！裝修簡簡單單，唔嘈，傾計超好，點解會黎呢度食呢？因為我想試下佢跟餐果樽果jam囉，🌹味架，講返野食先，意粉$35起，好大碟，兩個女仔可以share 一碟都得，真才實料，老闆，你怕唔怕蝕錢呀？🤣🤣🤣⋯⋯輪到我份all day,又係份量夠，$68有交易，其實要搵隻大d既碟裝會好d,因為裝唔哂，一路食就跌出黎😬😬😬，味道呢⋯⋯可以既，如果加返少少鹽落🍄度就仲正，炸薯餅就乾咗d,希望下次再去食唔好炸咁耐。…查看更多

琴晚黎呢度試下,有一半客左右啦～心諗咁夜9點幾都仲冇客即係唔會差得去邊,我哋點咗一碗湯麵,一碟餃子,一個雞絲粉皮,一個酸辣湯,一個豆沙鍋貼,賣相.....先講個雞絲粉皮先,係我食過最差既,因為佢太好心機啦～將雞絲既肉都撕埋出黎,搞到望落去似一堆幼身橡根咁或者似豬肉鬆咁! 同埋撕得太碎食落去冇哂口感!到湯麵...淡到似清水烚麵咁，食咗幾啖我都放棄,餃子可以既，比個like佢，輪到酸辣湯啦........搞錯呀！乜鬼野黎架呢碗，得幾條老到pk既筍,少少蛋少少叉燒幾片冬菇，街邊碗狗仔粉都多料過佢呀(>﹏<) ,豆沙鍋貼就ok，唔太甜,個皮夠煙韌。不過短期內應該唔會再幫襯第2次。…查看更多

意粉好多地方都有得食,但有返咁上下水準既就難遇到,一般茶餐廳意粉賣點係份量,通常都會煮過時間淋哂😔，今日見有d時間一於黎試下呢間裝修得咁靚既甜品店先,你冇聽錯呀…佢而家有埋意粉同pizza,多d選擇,擴濶客路,good job👍👍,加上有張咖啡coupon,一於慢慢嘆😉。今次叫咗個帶子意粉,賣相幾好,而份量就.........比我想像中少,好彩我咁啱又減緊肥,意粉煮得時間啱啱好,亦食得出有用鹽烚過,帶子好細粒呀🙈🙈🙈,計計埋埋唔知有冇食到5粒,其實意粉個味道我欣賞呀～係配料差咗d囉,用咁細粒既帶子,至於杯咖啡呢.....唔知係咪因為免費,所以心理上覺得冇咁好飲,同埋佢哋話免費送冇比奶,只可以比糖。…查看更多

成日經過呢間餐廳夜晚都座滿,今次決定早d😁😁😁黃昏黎食,連埋我共3檯客,靜靜哋咁.....粉藍色同奶白色既裝修我超鍾意,半自助形式(自己拎餐具)都幾過癮呀,叫咗兩碟飯、雞翼同梳打,賣相好靚呀，仲有我勁鍾意既厚切午餐肉,其實室內環境好舒服,又冇乜油煙味👍👍👍。食物方面呢…有代少少改善呀～因為午餐肉可能用咗舊既油去炸,所以食落去有d怪,漢堡扒一時唔記得係牛肉整既,中伏😝😝😝😝,但基於唔好浪費,所以都清埋佢，吉列豬扒比我想像中好食,野飲就細杯咗少少,同埋唔見佢有清水供應,所以我哋食完就走去買水。…查看更多

激氣呀～外賣自取佢計錯數,我哋食完大家夾錢果陣先發現,但垃圾已經被清潔亞姐9秒9掉咗,冇咗証據,立即打去講返我哋叫咗乜野食,佢哋職員自己計出黎都係$139,但當時收咗我哋$189,因為太肚餓，冇即時去計張單就拎咗返公司,佢哋話事頭婆唔響度,咁我哋等咗1日先覆電話返黎,佢哋竟然話櫃桶啱數😡😡😡,仲有呀，果日燒賣同蝦餃都有d酸味ga,離哂譜，只係諗住大家街坊街里唔好下下都話換,點知換返黎竟然話櫃桶啱數,冇下次幫襯囉～太子又唔係得1間點心店。相我冇影,不過真係不吐不快囉,我copy定,如果再reject我都會繼續落post。…查看更多

今晚準備出門之際，家中小狗扭計要跟出去,但太子區實在冇乜露天地方食野,七喜有後巷位,咁就可以帶埋佢啦~粥真係好味,有埋蝦子好食到唔停口,但其餘小菜好似失準咗少少啊…腰果炒肉片,d肉片好“鞋”,西芹又冇鑊氣,得d腰果好少少,到乳鴿啦,都幾滑.但都係冇乜香味,同埋毛都未清得夠乾淨囉～…查看更多

見d朋友仔間中都post一d馬灣既相,好似幾靚咁，今次一於黎行下順便試下酒店美食，6點15分先開始食,所以周圍行下先,不過幾悶下,又凍唔會落水玩😂😂,入到去坐到窗邊位,望哂兩條大橋.好浪漫喔～我自己認為咋😀,野食種類都ok呀,有燒羊肉/燒羊架/羊腩煲,不過我就食海鮮lu,難得對住個海食野~食物新鮮程度其實麻麻,尤其係佢椒鹽蟹梅到夾硬食兩啖,凍蝦就ok好多,彈彈彈。凍藍青口好咸呀,似緊海水咁，蟹腳都ok。主題係龍蝦，當然樣樣都加落去,除咗咖哩炒龍蝦同椒鹽龍蝦之外,其他都係用龍蝦仔去做,個殼就靚喇，紅卜卜咁，不過拆肉食拆餐死先有得食,自助餐點少得甜品呢…？不過我一張相都冇影,因為已經好耐冇試過食咁難食既甜品囉,得個甜字,粟子蛋糕冇粟子味! 所有甜品冇樣合格,美心仲好食過佢！…查看更多

男友最鍾意食拉麵,所以帶佢黎試下呢間日本廚師主理既拉麵店,雖然舖頭細細,但都有幾多人黎,侍應姐姐一腳踢,差d都想幫下佢手。食品種類都算多,我哋點咗$258二人前,兩個麵加4款小食再有樽裝氣水。食哂真係飽到..........唔想郁,不過拉麵款式就好似差唔多咁~唔知係咪札幌既拉麵就係咁簡單…查看更多

今日行完山,搭970到深水埗，走咗去西九龍中心搵野食,一心諗住平平哋食下food court,點知實在太多人啦…唔想等,終於行去6樓試下未滿座既紅蔥頭試下,其實本住都唔太好食,因為食過始創中心果間真係麻麻,點知簡單點咗2人餐之後..............…查看更多