judragon的個人專頁

朋友特登share左個instagram post俾我, 話上水有好西食, 好味到食客跨區幫襯。作為地頭蟲, 本身諗住叫個外賣試下先, 但咁岩嗰日鋪頭休息, 今日就擇日重賽。去到門口有一個人等緊, 我一個人, 攞完飛等左10分鐘左右就入得, 同另一位一支公既食客齊齊搭枱入座。唔知係咪我夾岩個時間, 平日12點55分左右到, 完美避開1點放飯既人潮。本身係諗緊食海南雞飯(or雞飯相都多)定船麵, 入到鋪見個個都船麵就叫左個牛肉金邊粉, 加個instagram post 推薦既泰式凍奶茶。店員nice, 食物上枱速度快既, 船麵都唔錯既, 成碗麵我覺得湯同麵係出式過餸, 如果係餸入面就牛丸出色d。 另外, 杯奶茶都唔錯, 我叫左少甜少冰, 奶味濃, 幾好飲。overall, 60幾蚊lunch, 係唔錯, 下次都會再encore, 試多d 唔同既野, 但唔錯還唔錯, 係未覺得好似instagram 個post咁講要誇區食…查看更多

🔥是日30度群記豬手🔥食群記係需要睇溫度大手一碗因為之前試過連續兩次食到極極極極極硬豬手所以都好耐都無再幫襯而今次本身係想食旁邊既海南雞飯但撞岩佢公休所以轉陣群記試多次30度...都仲可以ge🚬只係未食就已經抹緊汗☺️群記每次例牌叫大手(大碗淨豬手)事關覺得個米粉都唔係特別出色食豬手都夠飽好彩今次既豬手回復水準!唔硬已經開心左!啖啖厚厚既豬手皮!仲有幾舊啖啖肉(個人鍾意呢幾舊仲多D)!!!滿足!!!…查看更多

首試韓式pizza 🔥PIZZA MARU🔥是日3個大人叫左炸雞x12件Pizza x 1個意粉 x 1個炸泡菜波波 x 6粒(好似)落單既時候都有問店員意見3個人應該叫12件雞定6件佢話兩個選擇都有人揀聽完覺得應該唔細食都會食得哂12件但我地食淨, 拎左一半走☺️韓國烤肉芝加哥Pizza係厚身ge見到有d驚好港式食到尾幾塊要棄邊但食到邊邊好驚喜(大鄉里係麵包既質感, 中間有芝心炸雞本身係想叫半半兩隻味但蜜糖味賣哂, 所以揀左芝粉味🌝脾位幾好食, 雞有雞味, 肉有肉汁(廢話)但到胸既位置肉質係屬於乾ge下次會再試下睇下係咪正常水準其他野就正正常常無乜特別…查看更多

芝士撈丁暫時黎講只食新記人平時都係lunch time食第一次係下午茶時間叫左餐蛋撈丁佢個餐叫輕盈雙併芝士麵除左價錢之外真係唔知邊度輕盈😂不過一係唔食一食就食到盡la照舊芝士味重麵夠彈牙撈埋一齊黎食邪惡到盡頭40蚊跟埋熱飲…查看更多

最近去左喺聯和墟嘅雄泰泰國菜餐廳試下佢地既菜式。不過，呢間餐廳長期需要等位，要有心理準備。佢哋菜式種類好豐富，由小食、主食、飲品到甜品都有。晚餐本身想食海南雞飯，但通常賣哂，只有海南雞翼飯，好彩味道都唔錯。不過，最出色嘅係佢哋嘅燒豬飯。豬皮好脆，而肉質又唔老，令人意外地好食。題外話，因為真係太多人幫襯，場內侍應都係極忙，要落單要有耐性，人係得兩三個，催都係無用，同埋諗定多幾個後備選項，因為我見晚餐時間好多野都忽然賣哂要再揀過，早d諗定早d落到單。…查看更多

最近試荳子冰室，上水分店長期都要排隊。今次叫咗佢哋嘅焗豬扒飯。不過，當飯上菜既時候，成個飯都被茄汁淹沒咗，我淨係食到茄膏味，係有啲失望。#食完都仲有咁多汁剩低呢間餐廳嘅枱好細，好迫，連食物都放唔哂，令用餐嘅感覺唔係太好。因為想有位放野食，d野要清得好俾，成餐飯都好似有啲匆忙嘅感覺。總括而言，荳子冰室嘅焗豬扒飯唔係太出色，加上用餐嘅體驗唔係太好，所以如果你想搵一個舒服啲嘅餐廳食飯，呢度可能唔係太啱你，但係見佢仲有其他選擇，下次都要再試一試…查看更多

誠實地係因為個名太勁所以先叫黎試試極級霜降牛肉釜飯餐廳嘅環竟算舒適，今次我地兩人坐四人位，都好寬敞。菜單選擇好多，上枱既份量都係好大份。我叫咗一份極級霜降牛肉釜飯，真係食唔晒。呢道釜飯落單到上菜要等大約20分鐘，餐牌有寫明，有時間嘅可以等一等。呢份極級霜降牛肉釜飯嘅賣相一般般，牛味唔算太濃，油脂味比較重，都幾油膩。雖然佢係叫做釜飯飯又唔算特別好食，其實同普通飯都無乜分別。雖然呢個飯一般般，但佢餐牌入面仲有好多都想試下，所以應該會再做勇者黎試一試…查看更多

上水街市燒味飯有兩間但我只食新記新記質素係贏幾條街(不幸斬中頭頭尾尾另計🙈)新記鋪頭細細, 地方唔算好坐, 但食物我俾9分半。特別推介佢哋嘅叉燒飯同埋切雞脾飯！叉燒飯嘅叉燒肥瘦適中，加上岩岩好嘅叉燒醬汁，令人回味。切雞脾飯亦然，雞肉嫩滑多汁，脾味濃郁，加埋個薑蓉, 不得了！即使餐廳環境唔係好，但係唔影響食物嘅味道同評價，服務ok la，都係街市姐姐，唔會特別客氣，但都ok ga，價錢實惠，絕對值得去逼下。…查看更多

首試柚子味沾麵唔記得左影埋個汁🚬🥺落單係自助落單要揀既野都唔多個流程感覺上都幾岩毒毒(笑)麵底揀左暖既無附加其他配料麵底軟硬適中幾岩我味味柚子醬都幾岩初夏醒一醒胃(先5月, 已經好熱)幾舊肥肉食落又唔太肥夾係清新柚子味中間都幾夾整體黎講都唔錯…查看更多

同附近西餐相比, 價錢的確平少少, 但質素都係相對地一般般, 所以算唔算得上係性價比高呢? 應該都見仁見智。牛油果雞肉pizza配料都係散收收鋪係面頭食既時候都要就住就住pizza底屬於比較厚身, 有d硬條邊厚到無食到烤三文魚外面比較乾身切開中間有d驚喜係嫩滑有汁但都係調味唔入味, 三文魚香都係欠奉隔離既配菜係辣既但餐牌無提到雖然都係微辣我同屋企人都係食唔到辣變相係浪費左, 亦都食少左d野好彩可樂係無限refill辣得黎都可以飲返幾杯可樂解辣全場侍應忙到差在未跑應該係節日人手唔夠門口叫飛既時候仲嘈過酒樓母親節400蚊內埋單雖然只係叫左兩樣野都okla TMI餐廳燈光極黃不宜打卡…查看更多

行街行到咁上下攰攰地, 主要係想搵個地方坐下, 晏d食飯, 見附近食甜品可以hea陣既好似都係得呢間, 入座前問左無最低消費, 同屋企人兩人叫左一份朱古力梳乎厘。賣相ok la算係打卡able今次叫左朱古力味係疏乎厘側邊有啲朱古力碎, 有3塊類似brownie既小方塊, 仲有6格朱古力, 餐牌話係crossover Godiva, 但無乜特別梳乎里本身有d蛋香, 入面係半熟狀, 唔係食空氣既感覺, 食完都輕輕有d 飽肚感, 覺得口感唔錯價錢唔算平, 140兩個人…查看更多

假日晚餐都唔需要等位係有d意外。我同屋企人各自揀咗安格斯牛肉漢堡同燒鱸魚海鮮。漢堡份量好大，都係一口咬唔哂既份量，有時都唔知係大個d好定一口咬得哂好。但肉質唔特別，煎得太乾冇哂肉汁，$198嚟講有啲失色。薯條有加味粉，味道OK。至於燒鱸魚海鮮，鱸魚煮得算比較好，算做嫩滑帶汁，但同碟其他海鮮例如蝦同蜆就一般啦，蝦有三大隻，而蜆方面，同平日一樣總有啲蜆殼裏面冇肉。兩個餐嘅價錢都係$198，綜合環境同食物，算係可以接受嘅選擇。…查看更多

butlery 提供既選擇好多，但比較吸引我既係唔同種類嘅美式漢堡包，其中安格斯漢堡包配搭非常豐富，適合唔同口味嘅人食用。安格斯漢堡扒非常厚道，肉汁非常豐富，漢堡包嘅size比較細，非常適合女士輕鬆食用。漢堡包上菜時，溫度適中，配上粗薯條同埋茄汁，味道唔錯。餐廳的環境非常適合打卡影相，好似我咁隨手拎電話影個story, 都可以影出靚仔嘅食物相，非常適合鍾意打卡嘅人。每位$100以上嘅價錢算係新城市廣場嘅中等價位。總括而言，呢間餐廳嘅環境比食物質素都算可以。適合一班女仔、同事朋友一齊用餐。…查看更多

係沙田新城市廣場日本菜首選日本菜首先，係新城市食飯等位真係幾麻煩，但穴就可以用商場app或者係openrice app 拎定位或者訂座先，去到就直接入座。喺新城市廣場嘅餐廳，穴既價錢算係中等啦，午餐或者晚餐都係一個好坐好食既選擇。菜單好豐富，有各式各樣嘅冷熱菜、丼飯、串燒同壽司等等，應有盡有。我午餐就鍾意叫set，可以揀主食一個丼飯加兩串串燒，或者兩個丼飯，前菜有個細沙律配蕎麥麵或者烏冬，丼飯嘅魚生肉質新鮮，味道豐富，份量都幾足夠，lunch啱啱好飽！而佢哋嘅燒烤壽司同串燒，都做得唔錯。屋企人就叫左個鯖魚set，都燒得唔錯，唔會覺得乾，但性價比黎講我就覺得我個丼飯set高d。穴嘅環境岩食飯傾下野，服務就一般般啦…查看更多

呢間串燒舖頭係同事介紹嘅，我試咗過之後真係食得停唔到手！佢哋嘅燒安格斯牛肉串、雞肉串、雞皮串同埋各款蔬菜串都好出色，但係特別推介嘅就係串燒荔枝豬肉同月見雞肉啦！呢兩款串燒真係好好味，肉質鮮嫩，加埋啲調味料，味道更加鮮美。如果多人一齊食，就可以試下唔同種類嘅串燒啦！佢哋嘅性價比真係好高，整體來講，除返開人頭都唔使$300，真係非常抵食。如果係要搵一個缺點黎講，就係佢位置喺樓上鋪排隊搭lift上去都要少少時間。所以如果你想食串燒，呢間舖頭絕對係一個不容錯過嘅好去處！…查看更多