eatwithkakahana的個人專頁

同朋友去到紅磡區搵食！家維邨附近嘅啟岸商場內的一間唔起眼嘅小店。喺商場外圍行咗一圈都搵唔到，聽街坊指引行入商場先見😂店內的位置唔多，驟眼望大約20個位左右得一個職員主理全舖，落單、煮食、上餐同收錢全程都係One man band. 不過由於我哋去到嘅時間尚早，唔洗等好耐就有得食😁 食物嘅選擇都幾多樣化，主菜有飯有麵，亦有小食同飲品🤣想樣樣都有少少，可以揀呢個滷水拼盤飯有雞翼、豆腐、牛肉、滷水蛋同菜$65 基本上台灣滷水必食嘅幾樣嘢都有齊！叫咗小飯份量啱啱好，女仔食得晒，又唔會太飽滷水好好味，啲汁配飯食落去更加正！叫咗杯嘢飲唔記得影，不過整體嚟講相當唔錯！…查看更多

通常嚟南昌V·Walk商場，間中都會嚟呢間餐廳食飯。基本上每次過嚟都會食喇沙！因為呢間嘅喇沙夠惹味又香而且湯底仲會有花生醬嘅味道！今日突發奇想，試吓個海南雞飯海南雞係去咗骨的，食落去啖啖肉雞嚟講算滑溜，亦都唔係10分肥整體嚟講海南雞係中上水平如果套餐配嘅係油飯，咁就更加Perfect 始終少昨雞油嘅香味帶動，飯係爭啲嘅而且飯嘅咬口偏硬，個人覺得唔太滿意！除餐附送嘅湯，反而有啲驚喜，飲落去味精唔多，所以都唔會口渴午市仲會送一杯凍嘅嘢飲。整體嚟講唔使$100 ，算係唔錯嘅選擇不過下次再嚟，應該都係會揀返喇沙！…查看更多

一個人想食日本嘢，但係又驚份量太多行行吓見到呢間喺悅來酒店地下嘅日本餐廳，價錢OK，所以就行入去試吓！滑蛋芝士豬扒定食 $52- 上枱嘅時候蛋已經全熟，左右兩邊嘅豬扒入面係完全冇芝士味道就不過不失啦，只可以話對得住價錢最中間嗰塊豬扒夾住嘅芝士份量都唔大:(口感都合格嘅，但絕對講唔上好食炸粉就唔算好厚，所以咬落去唔會好油膩但同時唔知係咪因為同蛋一齊煮，所以同蛋接觸嘅嗰一邊係冧哂的另外加錢要咗 三味三文魚壽司$20- 同埋期間限定嘅中拖羅壽司 $12- 埋單連埋加一 $100都唔使有湯、有前菜、有定食，仲有壽司價錢同味道係成正比，如果以抵食，或者食物種類去判斷，呢一餐合格！…查看更多

大角咀閒逛想搵嘢食1個人唔想去大連鎖店，驟眼見到呢間細細間嘅麵店就行入嚟舖頭細細得老細一人打理兩張圓枱都坐咗搭枱嘅食客入門口仲有一字排開嘅一人座位餐牌嘅選擇，掛咗喺牆由於冇待應在場，所以要自己行去向老細落單面嘅份量都幾足，一個人食啱啱好！河粉都算幾滑，唔會一夾落去就斷金錢肚爽口夠入味！膀同肺唔係厚切，不過都夠入味要推介！辣椒油！落咗好味好多😝😝$50有找一人晚餐，滿意！喺舊區行街不妨留意呢啲門面望落有歷史嘅小店分分鐘有驚喜！…查看更多

約咗朋友三人行食飯，其中一個話想食意大利菜尖沙咀山林道附近搵到呢間意大利菜，之前經過嘅時候見到門口寫住七點半前結帳離座燒牛柳晚餐有$108優惠，仲有餐湯同餐包！今次約咗7:00食飯， 享受唔到呢個優惠不過就體驗咗一次好好嘅用餐體驗因為提前book位，一去到職員已經安排位置三人可以坐一張四人枱，但職員話今日Booking唔多安排咗個坐得鬆動啲嘅位置俾我哋，點埋蠟燭之後成個氣氛感🔼🔼🔼三人share，我哋決定試三種唔同嘅主菜同行朋友話呢度嘅蒜蓉包真係好出色，所以我哋叫咗一份$38/6-7件，價錢好實惠！每個包都係外脆內軟，咬落去好香嘅蒜蓉味而且上枱嘅時候熱辣辣，作為前菜真係非常之適合唯一少少美中不足就係蒜蓉包唔係太夠燶不過已經非常之香口，同送嘅牛油餐包比較雖然都係同一種麵包，但係食落去感覺實在爭太遠強烈建議一定要試！👍🏻👍🏻👍🏻朋友叫咗個Pizza，餅底夠薄，但係脆口芝士嘅份量夠厚實，咬落去好滿足！蕃茄仔偏甜，可以中和返芝士意大利餐廳嘅薄餅來講算係不過不失，唔算10分有驚喜，不過都可以接受黑椒牛柳，好味！牛扒做到三成熟，咬落去好有牛味黑椒汁都OK，我最鍾意係薯仔配菜咬落去有一粒粒嘅薯仔口感，燒菠蘿亦都甜！整體配搭得幾好，成件事好match 蜆肉墨魚汁意粉一嚟到嘅時候好驚喜，意粉上面全部都係鋪滿蜆肉、蘑菇同三色椒呢道菜有少少失色，因為意粉嘅水有啲多唔夠乾身不過味道係唔錯嘅，對得住價位整體而言，人均$250有以上質素，真係唔錯侍應們亦都好helpful，環境相當浪漫而且對個蒜蓉包念念不忘，一定再去！…查看更多

一個人行緊葵廣心血來潮想食台灣菜發現原來新都會開咗燈籠滷味喺門口㩒票等咗幾分鐘就入得！平時食麻辣鴨血最常配嘅冬粉一定係不二之選！但其實之前喺銅鑼灣食過王子麵都好食😋今次揀咗- 水蓮(去台灣熱炒店必叫！) - 腣膀( 即係豬手，好大嚿有三四嚿，肥而不膩)- 鴨胗( 個人覺得滷水嚟講真係好夾!) - 甜不辣 ( 爭扎過米血糕但始終都係想食煙靭口感) 份量好足，冬粉掛湯真係好好味！ 唯一美中不足就係位與位之間嘅間距好少變咗講嘢大聲少少都影響到隔離枱除此之外都冇咩可挑剔了！…查看更多

喺深水埗一個人食飯，心思思醒起好耐之前試過琦興嘅咖喱好惹味咁啱喺附近就入去諗住再試下！ 睇緊Menu 嗰陣發現$60 有找就有個無骨海南雞 油飯 仲有油菜同老火湯 先講無影到嘅老火湯 上枱熱辣辣 而且飲過好順口 沒有味精係西洋菜煲豬骨 菜無渣 湯夠清甜再講最緊要的雞 雞味算濃 特別在個汁唔係傳統帶酸的味道而係酸中帶辣夠開胃 食完一嚿再一嚿油飯送上嚟時碗邊有啲油呢個係有少少要彈嘅 不過街坊生意要求不能太高至少食落粒粒飯都帶油香 有咬口 菜就中規中矩當係解膩總結係夠抵食 整體滿意可以符合一餐有湯有飯有肉有菜嘅要求！…查看更多

星期六返工，工作時間比較彈性同事提出可以嚟呢一間餐廳食飯！仲講保證有驚喜三人行，叫咗一份滷排骨便當，排骨份量好大，媲美一隻肥大手掌旁邊配菜每日唔同，今次係我最鍾意食嘅炒萵筍排骨先酥炸再裹滷汁咬落口唔會肥膩又夠Juicy! 配埋旁邊有少少微辣嘅豆芽，口感層次都好豐富除咗便當之外，仲有一個紅燒牛筋腩台灣麵不過肚餓得滯唔記得咗影相😂😂😂兩份主食三個女仔，再加埋個蛋餅真係啱啱好！彈餅煎得夠脆口，一咬落去芋泥爆哂出嚟鹹甜比例啱啱好，食完仲想再食多嚿🤣飲品方面，揀咗麥仔茶！最欣賞呢度可以冰同糖嘅比例都有得選擇揀咗微冰同微甜，比例好啱/本身想想試埋花雕醉雞，不過真係食唔落，唯有下次再嚟！/P.S 平時星期一至五會有午市套餐主食加嘢飲會有$10優惠星期六全部散叫，不過價錢都唔貴…查看更多

已經唔係第一次食Doraya! 但仍然係咁滿意！夜晚同朋友去演藝睇舞台劇，早咗到達港島就決定再會！可能因為晚市早段時間，去到幾乎唔洗等位，人齊就可以入座，入座計90分鐘交枱，用餐時間算合理！ #平目魚中腩刺身丼 /set 🔸平目魚輕輕火炙過，食落有啲脆口但又入口即融，一啖魚一啖壽司飯比例啱啱好！ 🔹中腩油脂好香又唔膩，素聞Doraya 嘅吞拿魚係非常高質，的確如此，亦算係必食推介咁濟！🔸 $10 升級蜆肉湯(掛住食唔記得影相)湯入面約有5隻蜆，個頭唔算大，飲到海鮮嘅鮮味，但可惜偏咸🔹 前菜的味淋粉絲有驚喜，細細碟但非常開胃，唔錯！🔸 茶碗蒸蛋夠滑，留到最尾當甜品食，簡直一流，完全係豐富咗成個餐單，好滿足！/ 心思思加多個小食，掙扎咗一陣要炸雞定牛舌最後都係果斷加咗牛舌！份量剛剛好，可惜牛舌係簿切，邊位有少少燶嘅焦香，如果厚切會更開心，但整體都係水準以上，可以一試/總括而言，胃口唔大嘅女仔建議選擇少飯但不得不說，喺香港食到質素唔錯嘅吞拿魚，Doraya係不二之選！…查看更多

星期六晏晝經過荃灣，心血來潮想食越南嘢咁啱抬頭見到又有位就試下！打開Menu，可供選擇嘅食物唔算好多但就有蟹膏檬粉😍檬粉入面除咗有大大嚿嘅蟹膏之外，仲有豬紅、豆卜、扎肉等等⋯🔸扎肉夠厚切，一啖咬落去好彈牙！🔹蟹膏份量多而且大嚿，食落香口之餘仲夾極都有！質地好似滑蛋，但係又有蟹味！🔸豆卜勁索湯，豬紅夠整齊唔易夾散一碗就份量都算中上，女士食會有啲飽，但男士們應該剛剛好。唯一美中不足係檬粉有啲碎，但如果加埋匙羹食用都ok! 食完個檬粉之後，忍唔住order多嚿榴蓮糕。入口有陣淡淡榴蓮嘅香味，但就食唔到果肉，但總括嚟講都夠挺身唔會一拮落去就碎哂！ 味道、環境都對得住價值，唔錯！…查看更多