Tweety_的個人專頁

平時經過the point都見到好多人排隊，今日早左過黎見到唔洗排隊就入左黎試下。- - - - - - <煙三文魚蘆筍刁草忌廉天使麵 Capellini With Smoke Salmon>意粉軟硬適中，忌廉好香好creamy可以掛意粉。除左上面既三文魚花，仲有好多三文魚碎撈左係意粉到，好足料。- - - - - -<Truffle Fries 黑松露芝士蛋黃薯條>薯條岩岩炸起熱辣辣，加埋黑松露同芝士醬好香口。- - - - - - <Iced Lychee Tea>…查看更多

之前都去過尖沙咀分店，覺得幾好食，見到旺角雅蘭新開咗分店，就入咗嚟食。- - - - - - <龍蝦汁鳳尾蝦意大利粉 Fantail Shrimp Spaghetti in Lobster Sauce>意粉好掛汁，食落有好濃既龍蝦汁味，好好食。- - - - - - <日式大阪燒風味煙三文魚薄餅 Salmon Pizza in Japanese Style>薄餅底好脆口，配埋上面既醬同木魚碎食落真係好似食緊大阪燒咁。- - - - - - <卡魯哇咖啡酒提拉米蘇 Kahlua Liqueur Tiramisu>Tiramisu就無乜特別，不過不失啦。…查看更多

最近朋友生日，就帶左佢黎hue dinning慶祝下。店舖入面既環境好大，有一排落地玻璃，可以對住個海景食飯。而且坐落好舒服，好岩同朋友坐底食飯傾下計。- - - - - - Starters 佢有5款starter，會按番人數去俾份量。其中Mushroom Croquettes 同Prawn Cocktail真係好好食。- - - - - - <Roast Hamachi><Pork Belly><Slow Cooked Lamb Shoulder>個慢煮羊肩好淋，幾好食。不過個油甘魚同豬腩肉就普普通通，無咩驚喜啦。…查看更多

之前上網見到啲人推介呢間係觀塘新開既餐廳，咁啱黎開觀塘就過左黎試下。因為唔知原來佢dinner要6點先入得，我地早左過黎，要係出面排隊，不過當時都已經有幾多人係門口等緊入去。餐廳裝修行峇里島度假風，門口既花花拱門、石春路同埋鳥巢吊椅都好岩打卡。- - - - - - <香煎北海道帶子巴馬火腿寬條麵>寬條麵好煙韌，好有咬口。而帶子嘅表面煎得幾香，都幾好食。- - - - - - <Papaya Mango Smoothie>呢杯野飲既木瓜味好重，幾好飲。- - - - - - < 法式焦糖卡士達梳乎厘班戟>一上枱已經聞到好香焦糖味。食落好有空氣感。…查看更多

今日嚟咗朗豪坊行街，行得晏咗少少，費時去咁遠食dinner，就上咗嚟樓上搵嘢食。見到呢間台灣野唔洗等位，就入咗嚟試吓。- - - - - -<招牌麻辣牛三寶>牛三寶係指牛頸脊肉、牛腱心同埋牛頰肉，份量都幾多。牛肉咬落都幾淋、幾好食。至於刀削麵都幾煙韌，幾有咬口。我哋嗌左小辣，黎到見到個湯底好紅，以為會好辣，食落都okay，唔係真係太辣。- - - - - - <涼拌手撕無骨鹽水雞>佢會配一碗蛋花湯，不過飲落就有啲鹹。至於雞肉就幾淋，幾好食，不過食到尾一樣有啲鹹。…查看更多

有野做黎左灣仔，唔知食咩好既時候見到呢間日式蛋包飯好似都幾吸引，就入左黎試下。- - - - - - <特製吉列豬扒蛋包飯 Pork Cutlet Omurice>睇緊menu既時間，見到呢個吉列豬扒蛋包飯係人氣no. 1就揀左呢個。醬汁可以揀咖喱汁或者蘑菇汁，我地揀左蘑菇汁。蛋皮都煮得幾滑。不過塊吉列豬扒就好薄，而且超級乾身，就有啲失望啦。- - - - - - <饅魚柳川丼 Unagi Tamagotoji Don> 呢個鰻魚飯就揀咗咖喱汁，咖喱汁同蘑菇汁比較，咖喱汁好食啲。至於鰻魚就普普通通，無咩特別。…查看更多

餐廳有分食泰國菜/西餐，我地兩邊都攞哂飛，結果西餐只係等左一張枱就有位。餐廳入面既裝修都好靚好少女風，而且好大好闊落，好啱同朋友慢慢坐底食下飯、傾下計。- - - - - - <松露芝士薯條 Truffle & Parmesan Fries>薯條都炸得幾好食。不過佢既松露醬好少，如果可以多番啲就好啦。- - - - - - <蟹肉長通粉 Rigatoni Crab Meat alla Vodka>呢個長通粉煮得岩岩好，好有口感。配埋上面既蟹肉同蟹籽好好食。- - - - - - <芒果乳酪特飲 Mango Marble Yogurt>呢杯野飲有雲石紋，好靚好啱打卡。飲落好重既乳酪味，如果芒果味再多番少少會更加好飲。…查看更多

前排見到啲ig page 推介麻辣風雲，見到啲相好似好得意，咁啱黎開呢頭就上左黎試下。平日夜晚都算多人，好彩預早左時間上黎就唔洗等位。不過店舖唔算好大間，staff安排左我地坐走廊位，都有啲逼，坐得唔係好舒服。- - - - - - <炸饅頭>相信炸饅頭係呢到既必食之一。炸饅頭放左係船既上面，面船入面仲放左乾冰，營造一個噴緊氣既效果，無諗過食川菜都可以打卡呀。炸饅頭既皮炸得好脆，而入面就keep住好軟熟，點埋煉奶真係好好食。…查看更多

今日同朋友去左葵廣行街，行到攰攰地就過番黎新都會食dinner。我地搭緊電梯落黎既時候聞到好香既拉麵味，覺得好吸引，就諗住試下。好彩我地都算早到，未係好多人，等左十零分鐘就有枱。我地食飽走既時候，見到已經大排長龍，好多人等緊枱。- - - - - -<俺流熟成濃湯拉麵><辛辣熟成濃湯拉麵>拉都既湯底都幾濃郁。而舊係厚切既，食落都幾淋又唔會太膩。不過可能搭電梯既時候聞到咁香，對啲拉麵太大期望啦，食完覺得其實都無乜特別…查看更多

今日同朋友黎左南豐紗廠行下，行到攰就入左黎食dinner。- - - - - - <Classic Linguine Carbonara>一見到碟carbonara既時候我同朋友都好好奇面果層係咩黎，食落發現係芝士。雖然幾得意，但我地完全整唔開塊芝士，唔可以同啲意粉撈埋一齊。至於下面既carbonara就不過不失，無咩特別啦。- - - - - -<黑松露雙色薯條>雙色但薯條係只平時食開既普通薯條同埋蕃薯條。平時出面好少食到蕃薯條，都幾好食。…查看更多

好耐都無食過片皮鴨，今日同屋企人黎左羲和雅苑食飯。好彩即日都book到位，不過打極電話都無人聽，要whatsapp先有人覆，所以想book位既可以試下whatsapp book餐廳入面都好闊落，坐得好舒服。staff安排左窗口位俾我地，可以望住個海景食飯。- - - - - - <羲和馳名烤鴨>烤鴨分成三個唔同既部位，包括鴨胸皮、鴨胸肉同埋鴨腿肉，staff會同你介紹唔同既部位會建議點邊隻醬、夾唔夾薄餅食。不過爆炸糖+藍莓醬呢個配搭我就嘛嘛啦，都係鐘意食番最普通既甜麵醬。…查看更多

上網搵緊餐廳既時候見到Poem既裝修好靚好吸引，就同朋友過左黎食飯。餐廳入面既裝修係以竹同木為主，充滿特色，加埋啲植物，好似去左旅行咁。店舖中間仲有個大型既吊燈，好靚好岩打卡。- - - - - - <Tuna Tartare>我地嗌左個tartare做前菜，好fresh好開胃。- - - - - -<Chicken Fried Rice>個飯都炒到粒粒分明，不過食落就無咩特別喇。- - - - - - <Wagyu Short Ribs>呢個ribs好有驚喜，食落好嫩，加埋佢個醬真係好好食。…查看更多

今日同朋友黎左Moreish&Malt呢到食飯。店舖入面都幾大幾闊落，坐落幾舒服，好啱同朋友坐底傾下計。- - - - - -<黑松露沙律醬薯條 Truffle Fries>黑松露愛好者必嗌！一上枱就見到滿滿既黑松露醬，好吸引！薯條都炸到好脆好好食。- - - - - - <蟹肉牛油果三文魚子脆餅 Crabmeat Avocado Tostada>呢個脆片個樣都好靚好吸睛。上面既蟹肉都幾好食。不過下面既脆餅就有啲油，食左一舊都有啲膩。…查看更多

每次行過厚福街都會見到呢到大排長龍，有次望下呢到究竟係食咩，見到係自己手動燒漢堡扒，覺得好似幾得意咁就排隊試下。因為當日係星期五，雖然已經早左去，但都要排6-7張枱先到我地。每個位都會有獨立既小型抽風機吸走啲油煙，食完都唔會太大陣味。不過坐位同坐位之間就有少少迫，坐得無咁舒服。- - - - - - <雞蛋和牛漢堡扒>漢堡扒搓成一個波波咁好得意。食既時候只要用剷剷適當既份量，放上石燒到煎到自己鐘意食既生熟程度就可以。個肉好juicy，都幾好食。而且仲會配埋飯、湯同埋沙律，份量都幾多。…查看更多

以前時不時都會去深圳食酸菜魚，已經好耐無食過咁岩朋友又想食，上網search到廚十三既評價所好高，所以我地就黎左試下。因為係weekend，我地怕要排好耐隊，6點幾就上左黎，即刻就有位坐唔洗等。店舖入面都好闊落，坐得好舒服。- - - - - - <老壇酸菜魚>酸菜魚可以安照人數嗌小份、大份或者土豪份。我地得兩個人就嗌左小份再另外加米線。佢既材料好豐富，有好多豆腐、蓮藕、酸菜。啲魚都煮到好滑，而且味道都唔錯。…查看更多