rachelrachelra的個人專頁

是日消費 $420一個2-3人pizza餐，加拿大人pizza完全係無味；肉醬意粉，乾到成劈野咁，食兩啖已經啃唔落去；小食炸物，焗到乾針針咁，啃頸⋯好難食呀；加$30，焗青口，好腥話說店內兩個服務員，一男一女；講野真係好細聲，舖頭明明貼住滿$200，免費抽獎一次，俾錢到拎食物，完全無提及過，呃人既野唔好貼出黎啦。成日行過都好少人，原來係有原因，d食物真係好難食呀⋯又貴又難食，買麥當勞大件兼抵食，起碼食物素質有保證呀！呢間野唔會再幫襯啦…查看更多

是日外賣早餐，點知個煎蛋入面有只小小強🪳，打去舖頭叫佢換個盒比我並要求送上門，接電話個阿姐竟然問我：你係咪打開先見到有小強🪳？唔打開點會見到隻小強🪳呀！阿姐話：依家好忙，我地唔會送過去，你自己過黎換啦！What！依家你舖頭d野有問題，新做一份並送過黎都唔過份吧！你以前pack漏野都會送過黎，個阿姐急急腳話佢唔知道，跟住搵左第二個阿姐黎聽電話。第二個阿姐叫我過去換過，或者下次個餐整多份比我。依家係你d野有問題呀，態度好d好唔好！一句唔好意思都冇！我食少個煎蛋唔緊要，我晏晝拎返去比你！晏晝拎返去敏華舖頭，收銀個阿姐竟然問我依家要換d咩比你？！請問依家幾點？！我仲要你換份新既煎蛋比我做咩？一句唔好意思都冇！仲話聽唔明咩有小強🪳，我好大聲話，你地既外賣入面有小強🪳呀！！！個阿姐最後退左份煎蛋錢$6比我。一句唔好意思都冇！！！有冇搞錯呀！你地廚房衛生真係好差呀，竟然有小強🪳係食物度！要打去食環署投訴你地食物不潔！…查看更多

今晚叫左個A餐北菇滑雞飯，返黎打開一睇真係吓L死，3舊北菇，其中兩舊係得層皮；5舊雞，其中兩舊有厚厚既雞皮及冇肉雞雞翼尖，盛為$51。除開呢d剩低係鼓油撈飯，呢間真係好伏，越做越貴，越做越差，千其唔好再幫襯！…查看更多

禮拜五收工7點左右到餐廳，冇乜人，可以即刻入去。呢間想食左好耐，所以一直都好期待。哎左個二人套餐，加多個招牌冬陰功湯。d餸講真味道同賣相真係麻麻地煲冬陰功湯成煲都係🍄，同埋小米椒，係有小小冬陰功味既，但真係飲左一碗後真係飲唔落；碟炒海鮮真係d海鮮少到咧，3個青口，2只🦐，2塊🦑咁就完啦，單哎都要$138架，真心唔抵，同埋唔好味；碟蝦膏炒飯，食左一半先發現塊青瓜上面痴住條小小條頭髮，真係要哎侍應換左佢，雖然唔咪係正d飯度，但都要比間鋪頭知道注意下先得架，新上過碟新既蝦膏炒飯，但都係食左一半就唔要咯，因為真係唔好味間鋪頭服務都好好既，冇話咩，不過張台真係好細，d餸上齊夾嘢真係要小心，成日要將飲品同餐具左移右擺先可以安全夾菜，食個飯姐，辛苦到連甜品都要食完先可以上。總體服務好，d餸就唔掂啦，食完真係對呢間鋪失望到極點，又貴又唔好食…查看更多

用左The gulu拎位12點拎位，二人排第五個，12點20去到都未開始哎位，問左先知道原來先放左係門口排隊個班人先入去😡😡😡咁唯有再等一個鐘。哎左$149個set，只係係門口餐牌度見有咩牛肉，咩豚肉共4款，入到去加肉就哎人落order，已經唔記得係有d咩肉，唯有三輪都係哎兩🐂兩🐷啦，d肉好薄，都ok既。蔬菜擺雪櫃，睇上去都新鮮，有雪櫃keep住好好多；飲品都好多選擇，可以飲到道地👍🏽；雪糕有4款哈根達斯，但其中兩桶都差唔多清底💔💔💔先午餐咋喔，都唔補充下。上肉都好快，落完order轉個頭就有。總體ok既，味道都唔錯，一人一鍋兩個人可以試下不同味道。不過新限聚令下入座率只可以有6成，所以要等好耐。同埋lunch得一個鐘時間，入座，拎下嘢食，講下嘢，食都食得好趕命…查看更多