yipwaifungleo的個人專頁

同事lunch time 黎食火鍋放題，啲牛丸一食落口即刻覺得好膉，跟住過左唔夠半個鐘即刻肚屙，然後仲嘔。叫佢地supervisor 出黎，佢話同廚房溝通，轉手就揼左啲牛丸。其他大媽侍應仲一路趕我地走。我地只好報警同call 白車。強烈建議食環黎掃場。This is an extremely dirty restaurant with poor service, colleague had food poisoning within 30 minutes of consuming their beef balls, with severe vomiting and diarrhoea. Cops and ambulance were called. …查看更多

好耐冇食buffet，同老婆一齊使左呢間最近update 左嘅餐廳，竟然俾都驚喜我地。佢啲嘢食唔會好似五星級咁多選擇，但係重點係佢貴精不貴多。星期日晚唔算太多人，西式嘢整得好好食，見到負責嘅主廚係度打點一切，做得好有心，需要個場入面啲嘢食分開好多個唔同station 要你周圍行，但係好處係唔駛大家逼。海鮮同扒類都係重點推介，點品如果中意外國重口味都會like.我地都會想番去再食，因為咁嘅價錢覺得係值得番兜。…查看更多

大熱天時入西貢，見到碼頭有個牌叫許姑娘茶粿，屋企老闆娘話想去試下到底有幾好食。地方唔難搵，因為跟住嗰牌行入去內街最多人嗰一檔就係。心諗有係做遊客生意，會有幾好食呀？求其買左個黎使下，聽到檔口老闆娘話係佢自己整，佢見到我地諗住即刻食，仲幫我地整熱剪開俾我地，服務態度一流。見到入面餡勁多，夠多花生，食落原來真係好足料。雖然唔會專登走入西貢，但係入到去嘅話會建議順便買黎食。…查看更多

食過咁多間泰國嘢，都係呢間啲咖哩炒蟹好食，汁夠多，配蒜蓉包一流。但係要order 正價個蟹，唔係平價set，質量差好遠。生蝦中上，汁唔夠辣，同埋唔大隻但都算新鮮。泰式木瓜沙律俾想像中好味，會再叫。烏頭普通，冇乜突別，同第二啲地方比較嘅話差唔多。…查看更多