peterchan194的個人專頁

＄34一碗米線包一個＄5餸，＄6以上要另加差額，除左清湯，其餘湯底都要加＄1至＄2🍜叫左一碗牛肉清湯米線及中麻辣豬膶米線，牛肉大細不一，大概有8至9舊，韌口難咬，不過好過食啲有鬆肉粉醃到淋pat pat嘅牛肉；豬膶亦係大細不一，大概有7至8舊，粉淋及無腥味；中麻辣唔算太辣🤔，米線好爽口彈牙， 每碗米線都會附上腐皮、韭菜及芽菜，不過份量好似少過以前🤔， 但係米線嘅份量都keep到大大碗😄員工服務態度可以，環境光猛，清潔度都ok…查看更多

此鐵板燒已出名很多年了，開咗近20年，無論是食物，鐵板燒既師傅都是比較出色的，龍蝦，鮑魚，鵝肝，A5 和牛，焦糖多士等，都做得好出色。㕑師很細心，我們四人行兩男二女，其中兩個未嚟過，首度菜先上鮑魚，㕑師做好先上給兩位未嚟過先，我都奇怪點解（可能我見識小）？之後佢對同行的女士話：因為我地兩位新嚟所以給我們先，真係要比個讚佢，佢還會烹調之餘仲會攪氣氛，攪到我哋開心到失曬儀態。㕑師最尾還送了焦糖多士給我們，冇得頂。這是菜單上沒有的，這是亮點之一。佢哋話會再回來，因爲沒有機會嘗試菜單上的其他東西…查看更多

今次同阿媽星期五來食,巳訂2位7點半bar枱,來到其實已經差不多滿座了,侍應生有禮貌的招呼我地坐低,介紹了一個新二人秋季鐵板套餐,真是豐富。什錦刺身幾新鮮, 但擺設一般, 極力推介黃金老虎大蝦, 彈牙, 爽口, 味道鮮甜, 好似食緊龍蝦咁 。我地仲選了鯖魚, 幾香口, 法國鵝肝皮脆肉嫩, 不太膩。食了２小時,都差唔多,女師傅一有時間,還會帮我地換碟,問我地啲未道ok嗎？经理見我同女師傅好傾,還送了支小清酒給我地飲,多謝！總括這餐飯已很超值,又可以睇師傳即場表演, 阿媽都好興奮,睇到嘩嘩聲, 仲話要再來。…查看更多

颱風過後，雪櫃並無太多存貨，於是倆口子到了奧海城搵食。 太太先前已想試試這間鐵板燒，今次路過見只有幾個人等位，便去試試。 食品主要靠黑椒同食鹽，再加獨沽一味o既黑椒汁調味。廚師話冇其他汁可以揀。 叫o左肉眼同魷魚，牛肉肉質都可以，以 $150下計算係咁，而且切成細粒都易入口。 魷魚就另有蒜粒一齊，味道合格啦。 菜因為佢一次過炒，見到其他食客o既有o的變焦，火候唔算 100 分，而鹽亦落得唔夠平均，同時菜尾o既根冇切走，賣相方面要扣分。 總括而言，呢個價錢都過得去，但要再去幫趁，真係要諗個理由。…查看更多

牛肉鍋定食$39 鰻魚炒飯$38 燒魷魚$48 串燒拼盤$48 (好食指數:7/10) 抱住佢咁平應該麻麻，不過岀乎意外。 牛肉鍋味道同湯袋啱啱，包左一大碗飯，啱唒肚餓既你。 炒飯略嫌太濕，未炒得乾身，鰻魚份量好小，不過味道還好。 最意外既係魷魚，加上燒汁好惹味，又唔會燒得咁un，啱啱半生熟。 $48串燒拼盤亦有好多串，最欣賞係雞腎同雞肉串。 總括係又平質素又ok既日本餐廳!…查看更多

上野鐵板燒係好耐之前已經有朋友介紹過,今曰女朋友生曰來食鐵板燒,好快想起上野,訂了2位7點半吧位,,我們叫了一個二人前限定鐵板餐及單點包魚,套餐有雜錦刺身.沙律.鵝肝.大蝦.安格斯牛.海鮮炒飯.炒什菜.甜品共約10道菜,首先來個刺身及沙律好新鮮,之後隔了10分鍾師傅開始煮我們的野,大蝦很彈牙.鵝肝就不過不失,師傅還會問牛肉食幾成熟,我們要5成熱正.正.正.我女朋友最中意師傅煮火包魚.好味有好玩,很飽最後都食不下甜品了師傅很好人.下次帶阿媽來食…查看更多