食神叔叔的個人專頁

今日同老婆同埋個女出深水埗食tea，睇咗幾間，最後決定食芝士啦。 坐低睇完menu,我點咗個下午茶芝士雞扒撈麵，跟凍奶茶，老婆就叫咗芝士煙肉蛋焗通粉，餐飲upgrade 咗杯粒“粒粒爆檸水”，再加咗個芝士蒜蓉包。凍奶茶第一個到，口質薄身，無乜茶味，奶味亦都無乜。老婆杯粒粒爆檸原來係加大咁解，味道正常。芝士雞扒撈麵到，汁係橙色嘅，上面再有少少芝士粉，唔係拉絲嗰種芝士汁。麵正常，唔太淋或太硬，撈埋晒食都ok,整體唔油膩，不過個人覺得芝士味唔夠。雞扒係薄切，味道亦正常。老婆個通粉到埋，夠晒熱，焗溶咗嘅芝士有少少拉絲，份量足，而煙肉同蛋味道正常。整體味道同我個麵無乜分別。最後個芝士蒜蓉包到埋，都係同一款汁，夠熱，有蒜蓉味。總結係可以一試，味道尚可。…查看更多

Food Panda 叫十次，總有三次以上中伏……由於有啲事,今晚冇煮飯,咁就叫外賣 ,睇完見到有間食四川辣嘢嘅餐廳，有discount同埋一蚊雞優惠，咁就叫啦 。食物係準時送嚟嘅，不過收咗之後發覺冇咗一蚊雞。call返去餐廳，佢同我講賣晒喎，下次再order foodpanda嘅時候再補番喎...... (我諗我呢世都唔會有呢個福份) 另外我分別仲叫咗1.錫紙花甲粉一開，X你個街，係沙蜆唔係花甲呢嘅，味道係正常嘅2.鰻魚炒飯 （呢個就怪自己蠢，點會喺呢d四川餐廳order呢d架，味道麻麻，但我唔會怪佢）3.重慶酸辣紅薯粉（三餸）雞翼雖然係好細隻， 但係有四隻，份量嚟講我覺得可接受嘅，不過味道又係麻麻；蘿蔔就好似求其落水煮一分鐘咁，完全係唔淋嘅，口感似醃蘿蔔； 魚腐就正常味；紅薯粉唔係煙靭嗰種,係口感似米線嗰種，味道正常。結論：無下次、希望餐廳會改善一下。…查看更多

其實味道係合格嘅，不過三佰幾一個頭就貴咗d,如果有返開大陸食潮汕牛肉火鍋嘅話，你會覺得呢間嘅牛肉（黃牛？）點都無嗰陣牛味！另外仲有d牛胸油唔多爽同無牛油香。如果唔駛300蚊一個人嘅話就可能仲會番食！**我哋一行12，3個人坐‘vip’房，部冷氣係無乜料到嘅，食到我哋流晒汗，希望佢哋會有所改善。…查看更多

呢碟嘢真係跪喺度求我都唔會食！煮呢碟麵嗰個人應該係唔識煮嘢嘅，簡直係浪費食材！一塊好細好薄嘅鵝肝（你哋睇manu見到兩大塊鵝肝係“圖片只供參考”），煎實晒，乾晒，唔juicy。撈麵無油，無錯，連煎鵝肝嘅油都無，最地獄係d麵，淥到淋滋滋，唔乾身，撈麵底有水，我同一位伙記講，佢幫我換過另一個麵底，換咗個麵係好咗，但都係淋，一樣唔合格！我老婆叫咗個蝴蝶腩撈粗，麵同我嗰個一樣都係淋嘅,蝴蝶腩嘅味道就普普通通。我夠胆講，你唔會再揾到比呢間仲難食嘅麵檔！結論：劣食！浪費金錢，浪費我哋個胃嘅空間！…查看更多