朋友突發話想食中菜本身都約咗喺尖沙咀食飯就直接二話不說去呢度我哋總共嗌咗五樣嘢1.涼伴椒香飽魚2.豉油王野菌煎龍躉球3.黑椒茨仔安格斯牛柳粒4.鴻運乳豬件5.瑤柱蛋白蟹肉炒飯坐低大概10分鐘唔夠就嚟咗鮑魚啦鮑魚個賣相好靚，原本以為係原件上。但係好細心咁做咗切片，鮑魚夠凍。入口嘅味道好惹味，蒜蓉好香川椒味道都夠。雖然朋友同我都唔係好食辣，但係唔會太辣。鮑魚夠爽口彈牙，唔係鞋颯颯嗰啲質地。龍躉球就唔係真係好似球體，佢係好厚肉嘅一件件。食落去好有口感，完全冇魚嘅腥味。豉油汁啱啱好唔會太鹹，上色都唔錯。伴碟嘅野菌，比想像中多，可以中和番。安格斯牛柳粒大推👍🏻牛柳粒牛味夠重仲要好淋身但又唔會冇咬口，亦都係一啖過可以一口咁樣食。配上脆卜卜熱辣辣嘅薯仔粒送飯一流。作為一間中菜館最緊要嘢食有鑊氣，不得不說呢一味菜好有鑊氣！鴻運乳豬件除咗脆之外冇乜特別。瑤柱蛋白蟹肉炒飯，炒得好乾身。瑤柱都足料，雖然唔係每一啖都食到蟹肉，但係真係食得出有放落去。但係朋友就不太喜歡因為太多蔥，即使我同佢講食蔥聰明，但係對於唔鍾意食蔥嘅人就好一般。餐廳環境好乾淨企理，員工亦都好有禮貌。會主動服務你，周不時走過來添茶同碗碟，值得一讚👍🏻甜品嗌咗芝麻卷，係以前相機菲林卷嘅味道😎突然間好有兒時回憶，唔會太濕唔會太乾啱啱好…查看更多
